crimsonking1977的個人專頁

一入去，有個後生啲嘅男人，態度冇乜嘢嘅，但我叫嘢食嗰陣，有個四眼阿婆走出嚟落單，我問佢有冇A+C嘅餐，佢一開始就好唔耐煩咁叫我睇清楚先，得A+B或者C+D，咁我問佢A+C正價呢，佢死死地氣計俾我，然後我要A+B，佢都仲好寸咁問我：「諗清楚啦嘛？」然後我嫌個位有啲逼，推出少少張枱，佢即刻話我：「你唔好推張枱呀，set好咗距離㗎，唔係話你覺得逼就可以推㗎，唔係犯法㗎！」我即刻起身：「犯法呀？犯法咁我唔食喇。」我以後都唔會再入去。…查看更多

以前細個住沙田，已經很喜歡來這裏食魚旦粉，之後搬了家，已很少去沙田，而這間店又易了手做車仔麵...怎知一次經過見到汕頭魚旦粉重開，就二話不說入去，叫了碗魚旦粉，食到了兒時的味道，真的很高興！之後有一次，見到一個客人叫了碗清湯腩河，正當他想落辣椒油時，老板大喝叫他住手，老板說這樣會令到湯不好喝，叫他要另外用碟放辣椒油...那次之後我就叫了一碗清湯腩河試試，那碗牛骨湯真的非常美味，一試難忘！現在我差不多每星期都要來一次，食一碗清湯腩河才滿足，誠意推薦給喜歡吃牛腩的朋友！*另一款推介食品：苟菜豬紅蘿白，可惜現正已經冇再賣了...…查看更多

D嘢真係好難食，叫咗蚵仔紫菜豆腐湯，$39，碗嘢嚟到竟然係冇蚵仔，同服務員講，個廚房佬竟然話d蚵仔未爆開，所以同餐牌張相唔同色，跟著個服務員大大聲同個廚房佬講：「冇蚵仔喎～～」，態度好差，最後都加番蚵仔落碗湯度俾我，飲咗幾啖，D豆腐餿嘅，另外叫咗碗牛肉麵，D麵黐埋一舊舊，呢間嘢真係好難食！以後唔會再去！呢間嘢係金鳳個老細開嘅，但食物水準極差，用料唔靚之餘，廚房手藝仲衰過茶餐廳，希望個老細諗下，自己唔識整台灣嘢食就唔好開，只會做臭自己個名...…查看更多