chubby cat的個人專頁

趁老闆放大假，今天我和同事們到千鶴享受一下豐富的午餐。侍應帶我們到窗邊檯坐下，對面便是紅館。每隻餐碟上有１隻小紙鶴，配合餐廳的名字，每隻鶴用的紙都不同，很有心思。我選了忛立貝拼蔬菜天婦羅，落單後幾分鐘食物便送到。侍應首先送上沙律，有幾片桃，火箭菜和其他沙律菜，混了日式的芝麻沙律醬，味道不錯，份量也足。接着侍應送上味噌湯，凍豆腐，主菜，鐵板炒飯，漬物。味噌湯材料豐富，除了必有的海帶，豆腐外，還有少許本菇，冬菇和蜆，鹹味適中。凍豆腐上有少許木魚絲，蔥花和薑蓉，令味道和口感更豐富。主菜中的天婦羅有蘆筍和番薯各兩片，薄薄的粉漿讓人清楚看到食材，像披了一層薄紗。天婦羅很脆，而且絕不油膩，墊底紙一滴油也沒有。另一款主菜是帆立貝，用鐵鍋盛載，估不到是吉列的，因爲帆立貝浸在有洋蔥，蛋，冬菇的湯汁裏，吉列皮淋了，粉漿太厚，比帆立貝還厚。帆立貝很新鮮雪白，用炸的方式烹調浪費了食材。湯汁也太甜，味道很假，也掩蓋了食物原味。鐵板炒飯足足有一碗份量，很乾身，粒粒分明，可惜味道不夠香。吃完以上食物已經很飽，還有雪糕和餐茶。雪糕有３款選擇：紅豆，綠茶和黑芝麻。我選了黑芝麻。雪糕有濃濃的黑芝麻味，甜度適中。我的同事説紅豆雪糕太甜，其他同事説綠茶雪糕也好吃。這餐真的很滿足，我們一行４人今天享用３送１的午餐優惠。每人只需＄２１３，比正價便宜了約＄７０，如果原價便不值了。…查看更多

上星期六和老公身處中上環，正尋覓有特色的食肆吃午飯，在電車路抬頭一看發現yum cha這地方，名字簡單直接，吸引了我倆入內嘗試。食肆裝修簡約，以淺木色為主調，落地玻璃，光猛開揚。開放式廚房，食客可看見廚房內的情況。甫坐下菲裔女侍應指着點心紙問我們要哪款茶，這裡並沒有一般酒樓的普洱，夀眉等，紅茶只得紅棗。我點了紅棗茶，有淡淡的紅棗味，加了不知甚麼紅茶葉，味道不錯。餐具有點特別，碗內底部有一條小金魚突出，有些立體感，像一條小魚在游泳。看餐牌價錢走型格高檔路線，點心最少要$49一個，二人餐超過四百元，不包括加一茶芥，價錢媲美酒店中菜。我們點了一個小食套餐，包括橙棍冬瓜，寶石蘭度，豬手豬腳。另外點了一籠八戒，上湯菜苗，野箘泡飯。橙棍冬瓜賣相很特別，冬瓜切成條狀，像砌積木疊起，浸滿了橙汁，上面鋪了一些橙皮絲，味道很清新。寶石蘭度其實是紅石榴籽加刨芥蘭條，綠色的芥蘭條配紅色的石榴籽，顔色令人賞心悅目，是一道功夫菜。醬汁有些蒜蓉和豉油，味道適中。豬手豬腳加了一些香料，味道很特別。還有蒜蓉，豬皮很爽，充滿骨膠原，大小剛好一口咬下。食肆沒有提供骨碟，每枱也放了一個小金屬桶供食客掉骨。一籠八戒其實是叉燒包，賣相太可愛了，有三隻小豬，真捨不得咬下去。叉燒頗瘦，醬汁份量剛好，鹹味適中。幾乎每枱也點了這點心。上湯菜苗估不到是小棠菜，湯底很清，一滴油也沒有。上面有些鮮百合和杞子，令色彩和口感更豐富。野箘泡飯上菜時，侍應把一些炸米加進鐵鍋內拌勻。湯底也很清，有一些冬菇絲，本菇，很適合素食者。加入了炸米粒很香脆，半點也不覺油膩。…查看更多

連續兩個週末老公都要加班，上星期六晚決定慰勞一下他，加上樂意扒房下個月結業，兩口子到那裏懷舊一番，香港的扒房已買少見少了。初時以爲餐廳會很爆，我上星期二致電訂星期六的枱也成功。餐廳位於馬來西亞大廈１樓，走進大廈上一層樓梯才到。樓梯掛了一副以樂意開頭的對聯。到達一樓，餐廳外面有寬敞的大堂，掛了剪報，擺放了很多酒樽裝飾，餐廳大門是典型的老牌扒房用的木門。店內燈光昏暗，裝修像停留在數十年前，像Czarina。紅白格仔檯布，枱上點着一粒白臘燭。枱與枱之間距離很近，可以清楚聽到鄰桌的對話。甫坐下，侍應奉上餐牌，價錢絕不便宜，菜色選擇不多，難怪即使結業在即，亦只有７成滿。其中一位餐廳老闆主動問我們吃甚麼，是否需要介紹菜式。他的態度很親切，也不硬銷貴價菜色。我們共點了五道菜，凱撒牛油果沙律，細花膠扒，石斑扒，烤豬扒，橙酒班戟。由於我們不吃牛和蝦蟹，沒有一款湯適合我們。其他食評説餐廳會堂弄此沙律，但當晚這碟沙律是在廚房做好上菜的。每片菜葉也沾有沙律醤和芥辣，我並不喜歡芥辣攻鼻的感覺。整碟沙律也很鹹，加上多醬和牛油果，有點膩。麪包粒和煙肉碎不夠多，以價錢論整碟份量也少。這道是招牌菜，細花膠扒以鮑汁煮過，伴以一條蘆筍和一件菇。我點了一客白飯($12)撈汁。花膠份量意外地少，加一後$638確實不值。花膠厚身，入味，吃完有糊口的感覺，像吞下了很多骨膠原，很補身。主菜by default跟半個焗薯，侍應問我們是否要在焗薯上加忌廉，煙肉碎和生洋蔥碎。魚肉似是半煎炸，沒甚麼味道，質素比一般餐廳差。焗薯加了配料後味道還可以。有一些澆了沙律醋的沙律菜伴碟，一角蕃茄。加一後近$400，最多值百多元。豬扒有炭燒味，鹹味適中，肉帶點粉紅色，切至近骨位置切不開，似乎是未熟。煮豬肉必須全熟是常識吧，估不到這老牌扒房失手，實在教人有點失望。伴碟有一小器皿內有黃色的醬汁，似是用西柚做的。其他伴碟食物跟石斑扒一樣。看其他食評也以爲這是堂弄的，結果不是。$140有二人份量，每人有兩件班戟。橙味頗突出，太甜，沒有甚麼酒味。我先生還吃到橙皮連衣部份，很苦。結帳超過$1700，大部份價錢當作買回憶和人情味。以此價錢絕對可以光顧質素高的酒店食肆。…查看更多

我不是姆明的粉絲，只是這間餐廳比隔鄰食肆快點有位，便抱着姑且一試的心態光顧。門外放了一對大公仔，成爲拍照的景點。甫踏進店內坐下便看見一隻姆明公仔坐在我身旁。店員主動問我是否已為公仔拍了照，然後她把公仔搬到其他地方譲其他食客拍照。店內不同角落放了公仔，很fancy，是哄小孩和少女的勝地。店內人手不足，等了好久才有侍應為我們點菜。我點了一個三文魚套餐，加一前＄２４８，包括前菜，湯，主菜，焗薯蓉，生果，飲品。上菜之快簡直驚人，快過茶餐廳，５分鐘內所有食物上齊，餐廳沒有考慮到這樣令食物冷卻，影響味道。而且餐檯面積不大，要同時容納所有食物並不容易。份量不少，魚子頗腥和鹹，吃了一粒已放棄。焗薯蓉特別之處在於上面的麥皮餃，餡料是飯，不過味道不好。有三文魚粒和薯仔粒，湯很稀，丁點牛奶味也沒有，而且較鹹。三文魚柳似乎是低溫煮的，中間質地像刺身，很淋滑，亦偏鹹。有少量蔬菜，薯仔伴碟。忌廉汁味道不錯，把蔬菜薯仔點汁可口。整個套餐有三道菜有薯仔，太多澱粉質了。姆明樣的白飯太可愛了，眼睛是用橄欖砌成的，很有心思。飯後果沒有浸過糖水，味道自然，較吃甜品有益。此套餐取價絕不便宜，大堆頭和環境搭夠，以食物質素和服務評分，便不值此價(接近三百元)，果然店如其名，＂冇命＂。…查看更多

Sky Dining 101 只有４間食肆，高琚ICC 101樓。從ICC寫字樓大堂左面再上一層便到達Sky Dining 101專用的電梯大堂，金碧輝煌，別具氣派。電梯以極速到達Sky Dining樓層，四間食肆呈十字型各據一方。波士廳因應我的要求為我們二人安排了窗邊的４人檯，讓我們可欣賞夜景。當晚天色較朦朧，夜景不算很美，相信白天來觀景會較好。食肆樓下便是Sky 100，來波士廳可以品嚐美食同時飽覽美景，一舉兩得。室内的燈光較暗，配合食肆走的高格調路線。我們兩夫妻點了兩個一人套餐，用某銀行信用卡有買一送一優惠，總共有８道菜。上菜前侍應奉茶，花生及XO醬一碟，每壺茶均有蠟爥保溫，餐具以黑白金爲主。三式拼盤為酸辣雲耳，麻醬茄子，皮蛋。三款都是辣的，其中雲耳太酸太辣了，幾款食物辣味掩蓋了食物的原味，浪費了新鮮的食材。松茸榆耳黃耳燉雪蓮子，落足料，夠熱，份量頗多，味道很清，一滴油也沒有。西蘭花很硬，扔到對面海都不會爛。刺參較短，很彈牙，獻汁好味。吃完這道菜，等了十數分鐘才上下一道菜。望穿秋水的柚子焗肉排，一碟只有兩粒炸排骨，骨多肉少，肉有點韌，獻汁有少許柚子碎，有點辣。荷葉飯賣相骨子，以小蒸籠盛載。材料包括碎蝦仁，雞肉，少少蛋絲，份量少於一碗，鹹味適中。這道菜只有３條迷你小棠菜，幾塊腐竹，一粒杞子，認真矜貴。魚湯奶白色，夠味。菜很翠綠，整體味道不錯。三式美點為笑口棗，久違了的芝麻巻及合桃酥。笑口棗有淡淡的南乳味，很香口。芝麻巻的芝麻味夠濃，甜味剛好，夠結實。合桃酥很香脆。海帶綠豆沙的海帶切得非常幼細，可見廚師的刀功。糖水有點臭草味，是綠豆沙的精髓。綠豆算多，夠杰，不太甜。份量也多。吃完這碗糖水剛飽，為這頓飯畫上完滿的句號。…查看更多

因爲我有一張＄５０現金券兼一張免費咖啡同迷你蛋糕券，於是同老公嚟呢間cafe試吓。我哋大約１：４０到達，餐廳約７，８成滿。窗邊有落地玻璃，鍾意望街嘅人就啱，但噚日中午超過２０度，有啲熱，於是我揀冇陽光嘅梳化位坐。主食選擇只有３款，得菴列或意粉，反而三文治，蛋糕，飲品款式較多。我哋叫咗２個菠菜煙三文魚意粉，２杯冇咖啡因花果茶，１件cheese cake，１個凱撒沙律。凱撒沙律都算大兜，連麵包碎都好味，面頭有芝士薄片增加香味。主菜菠菜煙三文魚意粉，啲三文魚好新鮮，個白汁幾多菠菜茸，幾creamy，鹹味同份量適中。蛋糕係憑券送嘅，原價＄３６。賣相幾靚，面頭有一片白朱古力，中間有一點銀色裝飾，不過真係好迷你，兩三啖食完，＄３６就唔值啦。件蛋糕中心有淡淡咖啡味，唔太甜，唔膩。呢杯無咖啡因花果茶用嘅係法國茶包，茶包係布做嘅，似乎係貴嘢。初初入口覺得怪味，飲飲吓習慣。我老公話似提子味咳藥水。紙巾都幾靚牆上嘅字，有外國feel今次用咗＄５０現金券，１張咖啡兼迷你蛋糕券，盛惠＄２３７。如果唔係有優惠券我就覺得唔值。…查看更多

因爲上星期六午飯冇乜食菜，加上嗰日係觀音誕，晚飯去食齊。自在素食門面唔係好起眼，裝修亦較舊。食肆有兩層，地下有外賣部，有點心俾堂食嘅食客自取，但裝點心嘅麵包箱打開晒，又近門口，唔多衞生。地下有少量座位，有卡位同幾張枱。大部份座位喺一樓，要行一條梯級好窄嘅樓梯，要行得好小心，尤其是落樓梯。我同老公兩個人叫咗兩碗例湯（節瓜紅蘿蔔蜜棗湯），薑汁炒豆苗，西芹百合腰果炒雜菌，１碗粟米粥。上菜超快，快餐速度。例湯夠熱，有幾嚿節瓜，紅蘿蔔，１粒蜜棗，個湯好清幾好飲。豆苗成＄８０，份量唔多，幾好食。西芹百合腰果炒雜菌份量適中鹹味剛好，材料算多，雜菌有草菇，秀珍菇，雞骳菇。呢兩味餸較油。粟米粥除咗有粟米外，仲有啲冬菇碎，紅蘿蔔碎，好味。成餐飯唔使一個埋鐘食完。，埋單＄２０２，價錢合理喇。…查看更多

因爲睇過電視節目介紹呢間食肆，決定去試吓。今日下晝近２點去到，地點唔算旺都坐滿８，９成人，估計唔係太差。呢度裝修係小店格局，簡簡單單，有卡位，有電視睇。睇餐牌啲食物，飲品都經濟實惠。我叫咗個午餐＄３３，滷肉飯拼鹽酥雞，包飲品，我揀咗熱茉香奶茶。如果係學生仲平＄３。未上菜之前以爲鹽酥雞最多得兩三嚿，點知上菜後有驚喜，有成５件鹽酥雞。上菜速度快，唔使５分鐘，啱晒唔使急最緊要快嘅香港人。滷肉並非其他台式食店慣用嘅免治豬肉，而係切碎嘅豬肉(似係豬腩肉)，雖然略鹹，但好送飯，有誠意之作。有半隻溏心蛋，凍嘅。仲有少量椰菜。鹽酥雞好脆，好好食。杯奶茶初時飲覺得好甜，但飲飲吓可能適應咗，覺得甜度適中。好香茉莉味。佢嘅顔色同出門嘅台式奶茶唔同，青黃色，如果淨係睇顔色唔知呢杯係乜。呢個餐真係超值，以呢個價錢，唔俾碟鹽酥雞都夠份量。我老公散叫咗一碟台式炒米粉＄４５，面頭淋咗滷肉。啲米粉比一般新竹米粉幼。呢道菜都幾好食，係油咗啲。呢餐都幾滿意，食物夠地道，又抵食夾大件，會再幫襯。…查看更多

上星期五同老公去天虹食晚飯，叫咗椒鹽鮮魷，2隻清蒸南非鮑魚($60/隻），2隻蒜蓉粉絲蒸扇貝，西蘭花炒斑球。醬油逐位計。呢度都幾均真，枱面有牌寫明如果唔要醬油，餐前小食可以同侍應講唔要。可能見我哋係本地人，冇俾餐前小食我哋。椒鹽鮮魷好食，但以$90計唔算大碟。蒸鮑魚比較韌，冇乜鮑魚味。西蘭花斑球嘅斑球老咗啲。幫襯天虹嘅最大好處係可以搭佢哋嘅免費船。但碼頭冇指示，靠職員講。食過西貢，鯉魚門同南丫島嘅海鮮，都係覺得鯉魚門最好食…查看更多

噚日同老公去呢度食晏。我食套餐時菜魚片米粉，奶油豬，熱奶茶共＄50。米粉"巷"味，奶油豬夠脆，奶茶一啲都唔滑，仲有啲澀，喳過大家樂。老公食蕃茄薯仔通粉餐轉出前一丁加＄3，即＄50。但碗麵嚟到時一睇啲麵咁幼都覺得唔係出前一丁，食落都證實並非一丁。我老公冇出聲照食，不過覺得呢間嘢蠱惑，俾你呃得一次唔會有第二次。個麵嘅湯底甜得好假。食物質素同環境絕對不值呢個價錢。唔會再嚟…查看更多

早幾日打去訂噚晚嘅8人枱，訂枱時侍應話只可選擇6點或8點。我訂咗6點，佢話8點交枱，我覺得有兩個鐘食都夠嘅。噚晚其中4人準時到達坐低，第5-6個人喺6:10到，坐低一睇餐牌唔夠1分鐘，即刻有貌似經理嘅物體問我哋食乜，我哋話睇睇先。跟住陸續有侍應輪流埋嚟睇我哋叫得餸未，當時只係6:15。後來叫餸時，經理建議我哋叫蒸魚，蟹（總之sell貴價嘢），佢見我哋叫埋啲家常小菜，即刻面色唔多好睇。我哋有叫例湯，雖然冇講明１煲，不過都understood係1煲喇。個例湯嚟咗之後，侍應分湯之際，居然有傳菜員上第二煲例湯，仲話見我哋8個人自動幫我哋叫兩煲湯。我哋冇出聲，諗住當飲多啖湯囉，不過心諗落單時經理應該講明。後來經理主動過嚟話厨房搞錯咗，話1煲（有8碗）都夠嘅，攞返第二煲湯走。到7:10食到七七八八，有兩個餸只食剩少少，有侍應埋嚟話上埋糖水俾我哋。當時已經覺得想我哋快啲走。食完糖水即刻有侍應收碗。有另一位侍應又問我哋啲餸嚟齊未，食咗糖水未，其實佢一睇張單都知，根本想催我哋走。當時都未夠7:25，不斷有侍應埋嚟望我哋。總之成餐飯令我哋食得好有壓力。有排都未夠8:00，根本唔應該催我哋走，我明白站在食肆立場梗係想快啲番枱，但你都要有啲口齒，要個客8點搞枱就唔好7點幾催人走，趕客咁嘅姿態，今時今日咁嘅服務態度。訂8點枱嘅客都冇咁早到喇，同埋接待處冇人等位，我亦見到有超過1張吉枱。呢啲咁嘅食肆我唔會再去。食物方面，某啲餸例如生炒骨係好食過生記，亦有特色啲，但某啲餸鹹到爆，例如蒸水蛋，鹹蛋蒸肉餅，例湯。冷氣超凍，令人坐得唔舒服。唔知食肆係咪想用呢招令啲客唔坐得耐。呢間嘢抄生記，但生記啲伙記好過佢哋好多。…查看更多

星期日1時許到達，都預了要等，門外已企滿人，lift口位置非常窄，於是我們一行3人到店內貼近門口位置站立。不到一會便有侍應叫我們到店外等。過了一會兒，店外有空凳，我和另外一位在等位的客人便坐下，不夠3分鐘又有侍應叫我們起身，讓他取去椅子到店內set位，難道店內一張空凳也沒有嗎？那些放在門口的椅子是給等位客人坐的。無論是叫我們出店外等或者是叫我起身的侍應也不太有禮貌。這次除了叫了幾個飯麵之外，還點了一客杏仁條。落單時侍應沒有說這食物需時多久，餐牌也沒註明，我們吃完飯麵幾個字，杏仁條還未到，等到發霉，於是問侍應，她才說需時30分鐘，要等這麼久的食物，侍應不是應該於落單時聲明嗎？杏仁條很脆，但有點硬。食物味道還可以，但較油膩和濃味，找侍應要很久才有人應。這次是我們第二次光顧，2次都到櫃面以現金結帳，2次都找少錢（數目不少），每次立即當面提出找少錢後，收銀員毫不猶豫地立刻補錢，完全沒有問一句，這是巧合還是另有原因？如閣下一定要到茶木光顧，建議簽咭，並且要查清楚帳單。…查看更多

噚日中午時分去呢度食晏，坐低好耐都冇人執檯同問我食乜，如是我行埋去櫃檯同個肥女人（唔知係伙記定老闆）講我食乜，點知俾佢用極度晦氣既態度對待，佢皺住眉鬧我：你坐低先喇。我覺得佢好過份，我已經要自己走去櫃面叫野食都算，仲要俾你鬧，於是我忍唔住駁返佢：我坐左好耐都冇人埋黎。佢用凌厲既眼神啤住我，後尾埋黎我張檯好大力咁放低碗粥同腸份俾第二個客（碗粥爭D倒瀉咁滯），又啤住我。我食完埋去櫃檯埋單佢又啤住我。我有乜野得罪佢？我黎食野唔係黎受氣。做得咁唔老黎咪做囉。…查看更多