happytummy.hk的個人專頁

眾所周知旺中2樓已經變咗掃街嘅好地方😋 最近經過見到新開咗間以和牛日式大阪燒做主打嘅小食檔🐮和牛波士🐮 以和牛日式大阪燒 做主打 仲有鐵板燒 炒拉面 小食炸物 串燒等等🇯🇵🥩 和牛關西燒（櫻花明太子醬)呢個和牛關西燒可以自己揀醬汁 今次我就揀咗櫻花明太子味道幾特別 帶少少鹹香又有啲 creamy 同和牛一齊食幾夾 下次想試埋海膽嗰個應該會更加香濃💛🧄 蒜片牛柳粒牛柳粒煎得啱啱好 外面有少少焦香 裏面仲保持嫩滑 每粒都吸晒蒜香超惹味 食到停唔到口嗰隻 一齊夾埋脆蒜片真係完美配搭!🦪 吉列炸蠔炸蠔一份有三隻 外層炸得金黃脆卜卜 入面啲蠔仲係好 juicy 一咬爆汁嗰下超滿足😍🍞 香蔥和牛薄燒多士呢個真係出奇地好食 多士烘得香脆 上面鋪咗薄切和牛加香蔥 食落有油香又唔膩 一啖一件啱晒做小食🐄…查看更多

呢晚去咗係ifc對面嘅紅館RaRe Restaurant 同朋友一齊試吓新餐廳🍽️ 餐廳由法國藍帶主理 我哋叫咗六道菜晚市二人套餐 而家做緊限時推廣 原價$1398 而家$699 呢個價錢喺中環食到咁多道菜 都真係好抵！頭盤一開始係香草薯蓉薯仔沙律配檸檬醬🥗睇落簡單但食落好清新 薯仔煮得啱啱好唔會粉🥔 檸檬醬帶微酸 開胃一流🍋澳洲M8和牛他他 真係一食就停唔到口！牛味濃郁 質地幼滑 配料又唔會搶味🐮野菌忌廉湯好creamy 飲落去好暖胃好舒服🍄🍝有低溫慢煮雞胸配扁意粉 重點係佢個冬陰功醬汁 酸酸辣辣帶少少椰香 幾有層次💯 雞胸煮得夠嫩 唔會柴 配冬陰功汁夠晒惹味🐓紅館姜母鴨 聽落好似係台菜 其實係一隻油封鴨髀 肉質結實但唔乾 醬汁甜甜哋幾夾 🦆法式香草焗田螺配薯蓉 田螺煮得嫩滑啖啖肉 配埋香草牛油一齊焗 加埋綿滑薯蓉 完美配搭🐌最後到甜品環節 士多啤梨拿破崙絕對係打卡之選 外層酥皮脆卜卜 中間士多啤梨酸酸甜甜好醒神🍓鮮果芝士撻濃郁得嚟唔會漏 配埋啲新鮮水果 好有層次感 完美收尾🫐…查看更多

移居左外國嘅朋友返嚟放假 飯聚首選就梗係要揀local food 🇭🇰 旺角呢間有齊點心同大排檔美食就最適合不過啦😍 地點就腳 係正金雞廣場隔離👍好快眼球就被熱情百香果蒸鮑魚吸引到 陳皮蒸就見得多 用上百香果真係好少見 外型夠晒特別 酸酸甜甜嘅百香果汁同鮑魚到出奇地幾夾🤝 鑊氣小炒王有齊韭菜 蝦仁 蝦乾 魷魚 腰果 用XO醬爆香嚟炒 惹味又足料 辣辣地送飯一流🥢黑椒牛柳絲炒意粉係我細個茶餐廳最愛 黑椒味恰到好處 牛柳絲肉質嫩滑 意粉份量多 配上青椒🫑洋蔥🧅芽菜一齊炒 非常豐富惹味🍝 黑金流沙包係我最愛嘅點心😍 口感鬆軟 噴漿金黃流沙內餡 鹹甜味道沖擊味蕾🤩…查看更多

Happy new year! 祝大家2025年一切順利 食極唔肥😆經過連日嚟嘅party 元旦表示只想喺屋企附近活動😂 紅土之友又發現咗一間喺土瓜灣新開嘅台灣餐廳 對住大馬路 光猛企理 地點就腳🚶‍♂️餐牌上都有好多菜式選擇 除咗大路嘅台灣菜 仲有一人火鍋等等 今次我哋就叫咗啲平時最愛嘅台灣食物🥳古早起司芋泥肉鬆蛋餅 佢個餅皮同平時啲蛋餅有啲唔同 餅皮夠薄口感帶脆 餡料份量十足 每一啖都充滿芋泥 肉鬆 芝士 🧀 嘉義手工蛋餃 平時好似唔多見到就試吓係咩嚟嘅😛 有六小件 外皮邊煎得香脆 入邊係軟腍肉餡🥟 淡水滷肉刈包 刈包多數都係肥豬肉 用滷肉感覺上好似比較健康😂 包身鬆軟 滷肉軟硬適中 配上酸菜好夾紅燒牛肉麵有三大嚿牛肉 筋肉比例很好 Q彈又有肉香🐮 紅燒湯底濃郁 有兩條小棠菜菜肉均衡 酸菜可以再另加🥢台灣奶茶少甜剛剛好 茶底香濃 暖暖地冬天飲好舒服🧋 愛文芒果起司奶蓋 🥭充滿本身水果嘅香甜 同絲滑鹹香🧀奶蓋 鹹甜鹹甜 相輔相成🤝 …查看更多

天氣開始凍 大家都要小心保暖 亦都代表可以瘋狂打邊爐☃️ 朋友介紹呢間無限時火鍋 咁就可以慢慢食 食到暖笠笠 🥘大量養生火鍋湯底選擇 我地要左滋補嘅藥膳養生花膠雞湯底🤭 有大大件雞件 我哋再額外追加左醉雞件 雞肉都好嫩滑🐓 吃到飽養生火鍋套餐 有分幾款肉類 我哋揀咗第一級可以任食Prime Grade 牛肩胛肉🐮 西班牙無激素豬肉片🐖 肉質都唔錯除咗肉類 套餐仲可以任食海鮮 手工丸 蔬菜 麵 餃子等等大量火鍋配料😍 特別推介佢啲手工配料好有特色 例如自家製手工香菇雞軟骨餃 芋泥貢丸 爆漿濃芝牛丸 冬陰功炸蝦丸 有特色又好食 極流心 食嘅時候要小心❗️ 有各式各樣嘅飲品選擇 最正係貼心地有個暖相暖住啲飲品 推介對女人好好嘅暖黑糖薑母茶 同埋自家製嘅各種冷泡茶🍵 最後每人仲有一杯雪糕 我身為開心果控 見到有得揀開心果甜筒 雙眼發光🤩7:30pm前離座仲有八折 一人$300都唔使抵到爛！…查看更多

搵緊有咩靚景餐廳同朋友慶祝生日嘅時候 無意中發現呢間銅鑼灣世貿中心新開嘅fine dining 見佢評價都好高 一於就試吓佢🍽️餐廳以圖書館做主題 充滿書卷味 設計典雅大方📚Executive lunch 可以揀3/4/5 course 我哋就揀咗4-course 包含前菜 湯 主菜同甜品 餐前麵包佛卡夏已經好出色 外脆內軟 厚實柔軟 帶有橄欖油香味🫒 兩款牛油味道 海鹽同蕃茄香草 特別得嚟同麵包都好夾 🍅 前菜 French foie gras terrine 鵝肝mousse 整體配搭好好 清新嘅蜜瓜🍈 梅酒同柚子醬汁中和左鵝肝嘅肥膩 木薯片香脆同軟滑嘅鵝肝相得益彰🦆Japanese sea urchin tofu with crab meat 個base 係墨魚汁同昆布整成嘅魚膠 好有驚喜 真係有淡淡墨魚味🦑 三件配上唔同toppings - 海膽· 三文魚子·蟹肉 可以加上oyster cream sauce凸顯出海鮮嘅鮮甜 加上啲食用花又靚又好食🌸 龍蝦湯 酥皮酥脆 濃郁龍蝦湯濃郁入邊仲有龍蝦肉🦞Brandy whipped cream 另上 可以自行加入令口感更有層次🥣Pan-seared 55 degrees French duck breast 鴨胸55度慢煮 鴨肉十分嫩滑 鮮嫩多汁 配搭香甜紫薯蓉 哈里薩辣醬 鴨肉醬 波特酒濃縮汁🍷Red wood Charcoal grilled USD prime beef tenderloin🥩 medium rare 剛好 唔會太靱 木炭烤過嘅牛里脊肉牛味濃郁 羊肚菌同伴菜都好食 特別係🥔用鴨油煎香是日甜品有芒果慕絲蛋糕 酸酸甜甜加入清香香茅🥭 士多啤梨慕絲入口香甜細滑 同新鮮士多啤梨嘅清新係完美搭配🍓 兩個甜品擺盤都好有心思總結餐廳氛圍感滿滿 嘢食又好食 服務亦都好好 面臨維港靚海景 座位闊落 坐得舒適 位置方便 無論係約會/慶祝/見客都係好選擇 💯 …查看更多

呢間喺蘭桂坊斜路嘅串燒 相信有去過飲嘢嘅朋友都唔會覺得陌生😏 之前同朋友飲完嘢去食宵夜 真係覺得好好食 我哋話要係一個清醒嘅狀態下試吓佢係咪真係咁好味😂要咗兩個套餐 泰式豬髀飯 泰式雜錦串燒菠蘿炒飯 跟餐包嘢飲 叫咗凍檸茶同奶茶泰式豬髀滷得都幾入味 無骨豬脾肉腍滑 啖啖骨膠原嘅感覺！最抵讚嘅係佢入邊有好多榨菜同芥蘭 即刻感覺健康啲✌🏻 雜錦串燒套餐有齊豬牛雞串燒各一 燒得香口又唔會太老 可以點沙嗲醬/泰式酸辣醬 炒飯炒得都香口 粒粒分明 私心想佢加啲肉鬆🍚 另外點少得必嗌嘅串燒 牛仔骨燒至焦香 有酸辣嘅醬汁同香茅味道🐮 豬頸肉厚切啖啖肉 烤完唔會乾哂 爽口有肉汁🐷 魷魚鬚好彈牙 燒得好香 鍾意食辣嘅一定要加辣🌶️…查看更多

搵緊上環有咩食嘅時候 正正就係比呢張燒牛骨髓配蒜蓉法包嘅相吸引到🥖 牛骨髓屬於高營養物質 烤到香香嘅油脂抹上香脆蒜蓉麵包 perfect match🦴去到越南餐廳點可以唔食pho 生牛肉牛展牛肉丸湯粉 生牛肉放入熱pho湯底淥一淥 半生熟牛肉肉質嫩滑 牛展腍身有牛肉香 牛肉丸爽口彈牙有肉汁🐮tea set套餐可以加飲品同小食 滴漏咖啡夠哂正宗 ☕️ 透過滴漏壺滴到已加入煉奶嘅杯 中學咗咖啡嘅苦同酸味 之後再倒落冰杯🧊剛剛好牛油果沙冰唔會過甜 飲落順滑 仲有兩塊牛油果肉🥑蟹肉春卷炸得香脆 好足料 咬起真係啖啖紮實蟹肉 🦀 可以配上酸蘿蔔絲同生菜一齊食 減輕油膩感整體食物質素不錯 下午茶時間都多過一半滿座 係有啲料到😏…查看更多

適逢朋友生日想搵間居酒屋舒舒服服 揀咗呢間太子居酒屋 坐低吹水慶祝🏮 海膽帆立貝海苔包 鮮甜海鮮x脆卜卜紫菜x鹹香蟹籽 我最愛嘅海鮮組合🥰邪惡玉子燒煎得恰到好處 蛋香味濃郁又有拉絲芝士 滿滿嘅芝士真係好邪惡🧀 鹽燒吞拿魚下顎 吞拿魚刁鑽部位 識食梗係食油脂成份高嘅下巴 最適合燒😎鹽燒白鰻串亦都係每次食串燒必嗌 白鰻肉質爽口彈牙 魚皮鹽燒至皮脆金黃🤌🐓 串燒方面叫咗月見雞肉棒 明太子雞肉棒 雞頸肉 特別係第一次試汁燒雞心頂 雞心頂其實係雞心上方血管部分 汁燒做法去羶肉質亦軟嫩 有驚喜！明太子燒飯團表面煎到香脆 鹹香明太子增添鮮味🍙最後點少得甜品 叫咗個北海道千層蛋糕 每層都抹上忌廉分隔 口感綿密 仲可以插上 happy birthday 牌同朋友慶生🍰想小酌兩杯都有好多選擇 我哋就揀咗高知柚子同青森蘋果兩款日本果酒 甜甜地好啱女士 💃🏻…查看更多

終於感受到涼涼嘅秋意 代表又係食羊腩煲嘅時候😍 之前去過雪山冰廳長沙灣店已經覺得唔錯 今次就去到佢深水埗分店迷你秘製雙冬羊腩煲 份量一啲都唔迷你🐑 好多舊鮮嫩羊肉 無羊羶味 配搭羊腩煲必備冬菇 枝竹 生菜 腐乳 食完即刻暖粒粒😚天氣凍繼續食啲煲仔菜 拿手生啫滑雞煲 雞件嫩滑 仲有索滿醬汁紅椒 菇菇 送飯一流 🍚 蜜椒野菌薯角牛仔骨煲 牛仔骨啖啖肉 薯角外脆內軟沾滿蜜糖好甜好好味 加上紅椒青椒 均衡營養🫑+$15 就可享有是日滋補靚湯 蟲草花瘦肉湯可以增強免疫力同抗氧化 真材實料 飲完一啲都唔口渴🥣最後去到冰室點都要飲番杯紅豆冰 呢度就有茶走紅豆冰 港式茶走同香甜紅豆 口感豐富有層次🫘…查看更多

雞蛋仔同格仔餅絕對係我最愛嘅香港街頭小食🇭🇰 去到充滿各式各樣街頭小食嘅旺角 身為開心果控嘅我俾呢間開心果醬格仔餅吸引到💚 100%純開心果醬味道濃郁 加上開心果碎充滿口感🧇 我仲加咗雪糕 冷熱口感夠晒過癮😙章魚燒雞蛋仔呢個配搭真係第一次見！估唔到可以將受歡迎嘅街頭小食融合😆 每個雞蛋仔入邊都有🐙紫菜 加上燒汁 真係好似食緊章魚燒咁🤩凡購買任何食物可以加購飲品減$5 我揀咗益力多冰沙 建議可以走甜 本身益力多甜味已足夠👌 一邊食熱辣辣雞蛋仔格仔餅 一邊飲冰凍沙冰 人生樂事🧇🥤…查看更多

呢排香港真係好熱好熱好熱 係室外唔飲住凍飲真係會中暑🥵 經過灣仔囍帖街附近見到呢間外型摩登 全港首間以果凍作主題嘅茶飲店 就飲佢嚟消消暑💦咁熱嚟講 我隨即就被望落好凍嘅限定冰沙系列吸引咗😂 楊枝甘露椰奶沙冰 濃郁芒果搭配酸甜柚子 底層鋪上香濃椰奶 口感多層豐富 mix埋一齊超消暑🥭另外點少得試吓佢哋獨有嘅果凍 我就揀咗蕎麥燕麥拿鐵加豆腐凍 豆腐凍勁滑 好似食緊豆腐花咁🤍 蕎麥燕麥拿鐵飲落感覺健康舒暢 底下有藜麥同燕麥粒粒好有口感😬原來店內材料都係由台灣直送 招牌珍珠奶茶使用真材實料 每日新鮮製造 下次去開灣仔可以再試吓🧋…查看更多

台灣養生涮涮鍋湯底有多達19款選擇 睇到心大心細👀 最後我哋就揀咗鴛鴦湯底 藥膳花膠雞 湯底濃郁滋補 仲有幾嚿花膠 雞件 紅棗黑木耳等等 感覺好養生🤗 藥膳椰子雞 椰子味好濃郁🌴 基本上啲餸唔洗點醬都沾有淡淡椰子香 鍾意🥥嘅朋友一定要叫餐廳用QR code落單夠晒方便 而且一落單啲食物都好快就到💨 飲品櫃由大路嘅飲品汽水 熱飲 到自家製冷泡茶都有 私心推冷泡桂花烏龍🍵 另外一坐低佢哋都即時送上黃金地瓜條(台灣回憶get!) 除咗大路嘅甘梅粉 仲有海苔蕃茄麻辣俾你shakeshake🍟台灣養生涮涮鍋吃到飽套餐有幾款靚牛靚豬套餐 我哋就揀咗 🐮方面有Prime Grade 安格斯牛肩脊 Prime Grade安格斯牛 極上Prime Grade霜降牛小排 牛味濃郁 油花分布平均🥩 打邊爐最鍾意就係食牛㗎喇 所以係咁encore 🐷方面就有西班牙無激素豬肉片同伊比利亞黑毛豬 大理石紋嘅脂肪分佈 油潤甘香 肉嫩多汁😋平時大路嘅邊爐配料就當然有齊 仲有啲我未見過亦都無諗過可以用嚟打邊爐嘅新奇食物😆 例如芫荽燒賣 梅菜豬肉丸 黑松露墨魚丸 蟲草花餃子 米血糕等等 而且全部細細粒細細件 可以試多幾款都唔怕🍲食到咁上下個人暖返 就係時候要食甜品😆 有超多款哈根大師 movenpick dreyer‘s 等等雪糕選擇 超滿足嘅一餐🤰🏻…查看更多

音樂同咖啡對我嚟講都係不能或缺 灣仔呢間Cafe就集齊晒呢兩個元素🎵☕️🍸 餐廳樓底好高 有空間感 牆身放上一系列黑膠唱片 俾人一種休閒舒適嘅感覺🎵Homemade beef lasagna with house salad 係呢度嘅招牌 千層麵鋪上厚厚芝士 夾雜香甜嘅肉醬 同多層面皮堆疊 口感豐富濃郁 有新鮮🥗中和返 食落無咁膩Smoked salmon & buffalo cheese omelette煙三文魚芝士奄列大大份 有蛋香又夠滑 滿滿🧀流出 煙三文魚又多 配搭附送嘅酸種麵包好滿足Spaghetti bolognese 聽落簡單但要整得好食就一啲都唔簡單 呢度嘅肉醬由新鮮牛肉洋蔥蕃茄加上兩種芝士混合 用鐵鑊上枱仲出緊煙 加上彈牙意粉深得我哋❤️Tonic espresso bomb 有多款玩法 有砂糖沾邊tonic water 有espresso 有🍊任你炮製 充滿層次Espresso martini 使用新鮮濃縮咖啡 利口酒 vodka 完美地平衡甜味同咖啡嘅苦澀味 亦呈現出咖啡嘅苦味同香氣🍸除咗精品咖啡同Cocktail 餐廳亦都提供手工啤 我哋都嗌咗杯Heroes Si ‘L’ Dan IPA 個名夠晒盞鬼 聽講係利用最新隨心落酒花技術 香氣味道係取自隨機啤酒花 充滿驚喜🍻…查看更多

𝑾𝒊𝒔𝒉 𝒚𝒐𝒖 𝒂𝒍𝒍 𝒂 𝒗𝒆𝒓𝒚 𝑴𝒆𝒓𝒓𝒚 𝑪𝒉𝒓𝒊𝒔𝒕𝒎𝒂𝒔!🎄❤大家聖誕過成點呢？對我嚟講聖誕有個必備節目 — 西九聖誕樹🎄 睇完靚靚聖誕樹要食埋聖誕大餐先圓滿 今次去返圓方食充滿聖誕特色嘅甜品 好有聖誕氣氛hohoho🧑‍🎄 見係聖誕食豪啲 叫咗個龍蝦炒年糕🦞 年糕比平時的長身 口感煙韌 沾滿龍蝦汁 略嫌龍蝦肉可以再多啲😗節日點可以少咗甜品！叫咗幾款聖誕甜品全部都又靚又好食 嚟到呢度一定要食甜品！！！薑餅人過聖誕牛角包窩夫好鬆軟好好食！雲呢拿雪糕灑上綠茶粉🎄造型賞心悅目 四大件croffle外脆內軟 加上大量忌廉 棉花糖 香甜士多啤梨🍓 同埋薑餅人餅乾 可愛吸睛又好味🫶🏻冬天都無阻我食🍧嘅決心 坦白講我本身對🍧完全無期望 (因為仲過太多次伏 同埋我心目中只有一間係最好食😛) 但呢個香濃伯爵茶刨冰顛覆我想像！首先佢個冰係好綿 已經加晒分！被厚厚嘅伯爵茶忌廉覆蓋 入邊仲有伯爵茶奶凍 焦糖薄脆 多種口感交互 真係好好食！飲品都有好多選擇 當然亦有應節的選擇🎄 薑餅人溶入奶昔 薑餅人聖誕樹餅乾唔只可愛 本身以為佢浸咗落飲品度會淋左 點知仲係脆脆的 出乎意料地好食🍪 朋友嘅玉桂意式泡沫咖啡亦都好香玉桂味 充滿聖誕感覺 玉桂迷必愛🤎 每杯甜品附送傳統韓國花煎 煙韌煎年糕上面有朵食用花十分美麗 最緊要係唔甜👍呢度啲甜品真係好有驚喜 同朋友不約而同話每一次去西九都要過嚟食埋個甜品❤️…查看更多