jonathanwhf的個人專頁

成日喺女人街嘅餐廳食飯，今次就嚟試一試呢間夢想號。幫襯嗰時雖然係星期日，但我十二點半左右入去，竟然一個客都冇。覺得奇怪，但都想試下。坐低聞到一陣消毒水味，但唔係香嘅，而係有少少攻鼻嘅臭味。都算啦。叫咗蒜香牛肉飯，加兩蚊有杯凍飲。飯用個鐵煲仔裝住個飯，作用唔知係乜，不過食落就唔多方便。個飯好普通，米乾磳磳，上面嘅牛肉只係用洋蔥炒，冇蒜味，普通到極致。講唔出有咩好，食物平庸至極。睇下以前嘅comment，見佢做韓國野嗰時搞得唔錯。睇怕依家換咗手，食物質素大不如前，有啲可惜。…查看更多