餓底菇的個人專頁

香港搵食艱難，個個都話忙、晚晚都要O.T😏 湊得埋呢班人坐埋一齊真係唔易！呢晚終於夾到大家嘅時間🤗 為咗大家可以準時啲到，我特登約喺尖沙咀食飯，咁近佢哋Office... 再無藉口no show啦😝朋友話生日期間食得西餐太多，要求食中菜🥢 咁啱早兩日行過加拿芬廣場接到「樂天皇朝」嘅廣告，見裡面都裝飾得幾精緻，就試吓新嘢啦！聽講呢度最出名係「八色小籠包」、「松子桂花魚」，當然要試吓啦😋 小籠包上枱嘅時候熱辣辣，加埋八個唔同嘅顏色，非常搶眼👀 而且咬落去勁多肉汁，果然唔錯👍🏻 條桂花魚亦煮得非常好，廚師將魚起肉再炸，外皮脆卜卜，魚肉仲保持鮮味，再撈埋啲果肉伴酸甜汁，送飯一流... 連服員都特登走嚟話🐟正嘢，認真窩心！之後我哋又加咗「紅燒肉」、「醉雞」、「夫妻肺片」，樣樣都好入味👍🏻👍🏻 最後大家仲加埋個「桃膠桂圓糖水」嚟清吓個味蕾... 呢餐真係飽到無呢😉…查看更多

落咗成個星期雨，周圍都濕立立，我嘅偏頭痛又發作🥵 本來諗住休息吓就無事，點知都係無好轉🤨 咁啱呢日約咗朋友去銅鑼灣打邊爐，唯有打俾朋友cancel個飯局🙄 點知朋友一聽到我話偏頭痛，就話我更加要出嚟... 唯有就範！原來我朋友好細心，安排左今晚去養心殿，仲特登幫我叫咗個寧神養心鍋補一補，湯底都係用一啲專治頭痛嘅材料嚟煮成，既有川芎、白芷、天麻、當歸，仲有烏雞同大魚頭，我朋友話食咗包我冇事😅 飲咗碗湯暖暖地，似乎真係好咗啲🙏🏻 胃口都返哂嚟😉 又可以食到我最愛嘅竹笙同千層豆腐👍🏻 可惜今日個爐火唔多得，煲湯煮極都唔滾咁🤨 想煮片羊肉都有排先熟... 不過慢有慢嘅好，大家又多啲時間傾吓計🍻 呢個先係我哋出嚟打邊爐嘅精粹呀嘛🤩…查看更多

近排天氣成日都霉霉濕濕咁, 搞到個人冇精神之餘又冇胃口, 朋友見我好似呆呆滯滯就book左#翠林辣蟹莊幫我濕氣去去走, 去到見到好多選擇, 除左必食既辣蟹, 原來仲有好多野食架!必食避風塘炒蟹, 一上檯個賣相已經好吸引, 蟹肉肥美juicy, 辣度岩岩好, 食到手指都lam埋。酸菜龍躉魚湯, 十分足料, 大大舊魚片, 食落好有鮮味, D魚皮仲好Q彈, 魚片厚身得黎爽, 酸辣味好正宗, 仲有少少麻, 勁醒胃。粒粒炒粉絲, 粒粒我估係指肉碎同粉成一粒粒咁既蛋, 真係好大碟, 4個人食都仲得, 抵食度滿分。其實除左大碟夾抵食之餘, 炒粉絲本身都做得好好, 炒得好乾身,一D都唔膩, 而且極多料。飛天芥蘭, 好夠火喉, 熱辣辣好香口, 餸飯一流, 如果唔係叫左個炒粉絲, 真係可以食得落兩碗飯。最後, 我地叫左個蛋散做甜品, 鬆脆有蛋香, 是日大滿足!…查看更多

無無聊聊行咗成日，成個下晝又無野落過肚， 簡直係挑戰人類極限😏 好彩有人提議呢晚落灣仔食雞煲，我先有返啲寄望😄#新南苑 位於灣仔酒吧區，我哋喺人群之中左穿右插，終於搵到大廈入口。入座時間大概七點鬆啲，無諗過星期日晚都有咁多人，睇嚟味道應該唔錯🧐 我哋呢日叫咗海鮮火鍋放題餐，先嚟嘅有雞煲，辣辣地幾開胃😉 之後再嚟嘅係椒鹽鮑魚，肉質都幾鬆化，唔會死實實咁，好香口👍🏻 食到呢度，已經有半成飽，不過原來主角先出現，一大盆各式各樣嘅海鮮，生蠔同聖角都好肥美😍 新鮮手切肥牛、魚球、小籠包陸續上台枱❤ 我哋仲趁未加火鍋料落湯之前，每人先嚟一碗☘花膠海底椰湯，感覺好滋潤呀！大食嘅朋友，食哂咁多野都仲未夠皮，後加咗啲冰豆腐、魚皮餃... 好在呢度係任飲任食嘅啫，又一次肚滿腸肥之旅完成🙃…查看更多

朋友就黎要走啦，所以今日搵咗間好D嘅餐廳同佢食lunch。係耀華街有好多上樓餐廳，今日book咗Barg 食西餐。呢度地方唔算大，但都幾骨子，lunch 分兩類，主廚招牌同午餐。我就試咗個帶子南瓜意大利飯加配咗個炒露荀，而朋友就叫咗個慢煮西班牙黑毛豬鞍。先黎餐飽同自製蒜茸牛油，蒜茸牛油非常香配以熱辣辣餐飽，唔錯。我叫嘅帶子南瓜意大利飯，大大隻香煎帶子配以什菌混入南瓜茸煮成，意大利飯粒粒分明，帶子肉厚多汁😋朋友份黑毛豬鞍亦唔差，佢話入味又juicy。埋單唔使$300 算唔錯啦。下次有朋友生日可以再試。…查看更多

朋友知我鍾意飲老火湯，呢日特登帶我去上環一間上樓私房火鍋試新嘢。見佢誠意拳拳，一於捨命陪君子，食埋呢餐先算啦😅🤣唔係有佢帶路，我真係唔知呢頭有啲咁特別嘅嘢食。呢晚我朋友叫咗個冬瓜陳皮水鴨煲做湯底，佢話呢排成日咳，要搵啲湯水滋補吓。服務員先幫我哋預熱個湯，提議我哋食火鍋之前，一定要先試吓佢特別餚製嘅湯底，而喺服務員裝緊湯比我哋嘅時候，我已經聞到陣陣陳皮加水鴨嘅香味，真係口水流🤤 飲得出啖湯無落味精嘅，好味到唔覺唔覺我哋每人都飲咗四碗落肚，先捨得開始打邊爐😉因為我已經戒咗牛肉一段時間，所以呢餐我都以羊肉片為主食，搞到本來唔食羊嘅朋友，都陪埋我一份。不過佢話估唔到食落啲羊肉片又唔覺得太羶，仲開始對啲羊肉幾有好感😅 因為之前飲得太多湯，又食埋啲湯料，再加埋食咗大半碟羊，已經飽咗七成😃 不過點飽都好，我都要K.O埋前面呢碟即炸嘅響鈴，入口鬆化，唔使浸湯都已經係一道好好味嘅小食😚 仲有我想話都係第一次知道「奶皇水晶包」可以做火鍋料😱 好味呀！埋單之前，我哋都忍唔住飲多幾啖湯先走🤣 唔怪得老闆會幫間餐廳改名做 #湯煲 啦！👍🏻…查看更多

香港華商銀行公會，聽個名都知唔係人人都可以以book，但我朋友真係相識滿天下，搵朋友訂咗張檯同我食飯。但近排食得好多所以今日食清D，經理介紹我地試皮蛋芫荽龍骨湯，個湯奶白色味道非常鮮甜、而且個魚肉厚皮又彈呀，芫荽帶出特別味道。另一經理推介 - 金蘭回味豬手煲，肉炆得好淋而且入味，豬皮充滿骨膠原，入口即溶，直頭feel 到D皮膚即時有彈性😆，我同個friend 都爭住食，而煲內另一好味嘅係個薯仔，配角黎講佢真係好出色。之後加多半隻炸子雞同蒜子蘿白煮春菜，雞皮脆肉厚，菜夠清而個湯底亦幾甜，可能因為加咗蘿白。最後食埋芋蓉西米焗布甸，芋蓉夠香唔太甜👍…查看更多

三五知己想食飯之餘又可以傾下計，打邊爐一向都係我首選。為咗唔想朋友放工後撲黎撲去，今日book 咗西灣河養心殿開餐。酸菜白肉不嬲都係必選湯底，今次試下養生鍋先，個鍋有幾補？人參、龍眼、紅棗... 湯味清甜👍羊肉丶梅花肉丶松露蝦丸丶梅菜豬肉丸丶水蓮餃丶韭菜餃、鵝肝墨魚丸...放滿全張檯。總的來說，羊肉唔太羶，梅花肉夠薄。丸類方面，夠彈牙，配搭新鮮，完全突出丸子本身嘅味道。至於菜，秋葵同冰菜我都係第一次用黎打邊爐, 感覺食咗太多肉類可以平衡番，夠健康。叫到成擡食物食到飽每人都係夾$350 ，算ok…查看更多

今日約咗朋友去咗香港老飯店, 食我最鐘意嘅中餐😋。一行四人先點個核桃燻蛋同醉鴿子食住先，再慢慢睇下叫咩食。合桃燻蛋 - 中間流出金黃色蛋黃，將合桃放入蛋中間夾住食，一次過食到蛋味同合桃甜味，yummy 😋。烤雙方 - 將蜜汁火腿跟炸腐皮夾在軟軟的包內，一食已經停唔到口，鍾意火腿無乜肥肉，但入口都冇話乾到咬唔到，而蜜汁唔係個超甜，而腐皮夠脆，整體滿分🤩干煎小黃魚 - 平時只愛魚肉唔愛骨嘅我，今日都夾完再夾，只因又香又脆，D骨仲好易起出。回鍋肉 - 夠惹味，肉同菜比例四比六，啱啱好😋其餘嘅菜式夠鑊氣又正宗，睇黎好快會再黎多次😁…查看更多

多得好朋友呢日帶我嚟到觀塘駱駝漆大廈，我終於可以見識到工廈餐廳。呢日朋友建議去食日本嘢，仲話試過一間幾好招呼，最終佢帶我嚟到五樓掌壽司🍣 無諗過工廈餐廳都裝飾得咁別緻，而且樓底高，空間感比較大。呢日我哋就由師傅為我哋安排食物，前菜係大大舊嘅玉子配上海膽同蟹肉，而沙律就以白蝦做topping，野味得嚟好清新🌱 之後仲有壽司同魚生，其中嘅赤貝、帶子嘅口感同鮮味就最出色，當然其他食物都唔錯啦🤩 不得不提嘅仲有師傅特製嘅炸鵪鶉蛋，加埋啲沙律醬一齊食... 好味呀！最後仲有飯團配以黑松露元貝😉當然唔少得用雪糕做甜品啦🥄整體我覺得呢餐用料認真唔錯，工廈餐廳以往比我嘅印象一定唔慌好嘢... 原來我一直錯過好多美食呀😝…查看更多

今日朋友請食飯，請我去試呢間日式居酒屋，外表睇落有D似西餐廳，呢度除咗有日式食物之外，都有好多唔同嘅特飲。首先我地點左兩杯特飲Mango bar de mocktail 同Lava flow。兩杯特飲各有不同，芒果mocktail 味道似將個芒果煮溶咁，而杯邊仲有條芒果雪條，口感十分芒果味重😋 另一杯以鮮士多啤梨同菠蘿混有焦糖奶，菠蘿味較特出。手握壽司盛合 - 至愛超大三文魚丶鰻魚壽司、甜蝦同海膽壽司，夠鮮甜。明太子半玉子燒 - 大量明太子鋪面配合厚燒玉子，口感十足。雞肉串燒盛合 - 一次過試到不同雞肉部分，嫩滑肥瘦適中。火山熔岩鮭魚卷 - 將鮭魚卷先炸，後加上溶芝士同埋炸洋蔥，🤤味道有少許辣，未試過食炸壽司，非常惹味。雞肉伴明太子濃汁烏冬 - 湯帶微甜，明太子混入後味道好夾。多謝朋友帶我食好嘢☺️…查看更多

Siam 28之前我都黎過，我同朋友再黎唔止因為佢地嘅泰國的菜好味，而係幾欣賞呢度嘅服務，呢度嘅服務員會主動加水丶換碟同佢地嘅親切笑容令我加咗佢地唔少分👍所以今日黎食晚飯。好彩有book 枱，估唔到8點都幾爆下，由於太餓，所以一黎兩人已叫咗五道菜😅。諗諗下驚食唔曬，唯有取消一道炒粉，經理好好人話廚房未煮，可以幫我地取消👏🏻香辣燒鴨鬆沙律 - 鴨鬆混入少許辣椒丶紅蔥丶魚露炒成，配生菜食健康又唔濟👍香葉炒花甲 - 大大隻花甲配上三色椒丶草菇炒成，個汁非常惹味😋蝦醬炒飯 - 一上檯已經忍唔住先食一啖，個飯香又帶有少許甜，可能係因為加咗泰式臘腸啦，而我最鐘意撈埋碟邊嘅肉鬆同腰果一齊食，正🤤至於蒜香椰菜苗，又新鮮又爽口。四個餸菜兩個人黎講已經非常滿足👍…查看更多

今日朋友帶我黎到呢間好有氣氛嘅意大利加法國餐廳食Farewell飯, 呢位朋友仔真係唔話得👍坐低Waitress 就遞上Menu, 呢度有8同行9個course 可選,。因為今餐係朋友請, 所以由朋友發板，但我發覺餐牌上面冇價錢，經朋友解釋原來預請客個位主人家嘅餐牌先會出現價錢, 而客人個餐牌就只會列出每道食物, 真係幾細心。先來一杯酸酸甜甜嘅蜜瓜青併青蘋果汁，同自家製麵包，有三款不同麵包及麵包條，非常新鮮。之後送上既係牛至華淹漬八爪魚，出場非常特別，食物蓋上透明蓋隱煙霧瀰漫，一打開個蓋食物好似由第二個仙境出現，非常有gimmick。八爪魚配上側面嘅醬汁甜甜酸酸好開胃。完先餐牌上兔鞍因為缺貨，所以改成帶子，而伴住帶子有特別調製嘅芥末汁，另外再配上一粒粒脆脆既蟹子粒，兩者都好配合。呢度每道菜都做到好精緻，同好有驚喜，到法式龍蝦湯，上檯時我見個碗只有一D 白色既湯，再加上法式雲吞同兩片黑松露，之後服務員手提著一個壺，原來壺裡面係龍蝦湯，再滲入碗內，湯味非常濃郁。香煎鵝肝，入口即溶，黑松露溫泉蛋，上面鋪上芝士乾菌同磨菇汁，三者混合一齊味道出現不同層次，好得意。當上雪葩時我以為咁快上甜品，原來雪葩係比我可以清一清味雷，再試主菜，今日主菜係西班牙豬柳，無論賣相同味道都好高分👍。食到主菜我已經好飽好飽啦，但服務員再送上朱古力小點，五款唔同味道同濃度既朱古力。太飽了要一杯菊花茶消滯😅。最後試埋我最鐘意既甜品，橙味蛋糕配HONEYCOMB同雪糕，好味到不得了，今日呢旅飯我都非常滿意，好多謝我呢位好朋友。…查看更多

朋友聚會最好就係打邊爐啦, 今日又黎我近期至愛嘅養心殿開餐, 真係比佢地嘅湯底迷住咗😌酸菜白肉拼美人鍋係我首選👍D湯一滾起, 先每人飲返碗美人雞湯先, 有烏雞丶桃膠丶紅棗等多種滋補材料，毎位美人飲完一碗又一碗, 湯好入味, 超正😍再黎急不及待跳去夾隔離個邊嘅酸菜同寬粉條, 呢鍋有幾好味, 寬粉入曬甜甜地嘅酸菜味, 又係未開始落其他食物淨食寬粉同酸菜已經停唔到口😋其實好味嘅又點只咁少呀, 老油條即係油炸鬼，佢已經取代咗嚮鈴，外表好似好硬只要浸湯幾秒, 脆度適中。黑松露蝦丸, 夠彈牙。冰菜我都係第一次食, 因為兩個湯都夠濃所以放乜入去出黎嘅食物都沾上湯味，雙重味覺☺️今次呢班朋友好欣賞呢度嘅酸菜, 免費加食完仲唔夠, 要再encore 😂最後我地清曬所有食物🙌🏻…查看更多

真係有D唔捨得, 記得以前係怡東酒店謝師宴, 估唔到呢會結業😭可惜。今日晚飯後都專誠過黎飲杯野，懷緬一下, 順便farewell, 呢度係舊咗D但有個種八九十年代懷舊感, 坐低飲杯熱熱嘅薄荷茶同朋友傾下計, 開心同怡東say goodbye 👋 …查看更多