foodfruit的個人專頁

普普通通的餐廳，雞髀即叫即炸，要香有香，應脆得脆，熱辣辣，大大件，好少地方有咁好食的雞髀，唯一唔好係薯條太少，少得可憐，一定唔夠喉，不過下午茶黎講都算不錯的，如果想食鮮炸雞髀可以考慮呢間…查看更多

間舖開係公司附近，年頭開到而家，開左咁耐熟晒手喇，真心期待，所以幫襯左個招牌手調黑糖珍珠鮮奶🧋點個出事，啲珍珠真係好似佢個名咁，比雀食的雀粟咁，唔可以講係煙韌，係硬到好似未煮熟咁，真係硬過人地條命個黑糖已經講左少糖，點知甜到涸喉，人地落得多都會掛下杯，有啲野可以睇下，你落咁多都唔掛杯，視覺享受都無埋好彩個鮮奶比大半杯冰夠稀左，如果唔係啜一啖就掉左佢，💰就飛走了，飲左面個啲奶，底的黑糖同珍珠就真係唔得喇我同事就飲左杯果汁茶，佢想返轉頭問用邊隻茶包，可以飲茶無茶味咁叻叻豬，果汁藥水味，唔洗嘥錢買錯。一杯出事就失手，接連出事就…..睇返啲推介，發現自己都有問題，間野係葵興，啲相去晒全港九咁，醒的話一睇就知咩料喇，去到尖沙咀啲冰都無融到，不能回頭…查看更多

好耐無食小籠包，仲keep到水準，個皮厚薄適中，夾落去唔穿，食落唔覺厚。黎親都會叫一客，真係想食多客，不過食多客就食唔到其他野。其他的出品就大路，唔會差又唔會最突出。…查看更多

👌味道還可以，飯後時間多人排隊，始終係日式甜點，香港人最掛住都係日本，但一張枱要等成15分鐘，真係誇張咗，到有位時個收錢亂點人坐，一時呢張枱，準備去的時候又話另一張，呢樣差。但佢都有好的，個熱茶會提我地2次要快啲飲，凍左就會唔好飲，食雪糕個2塊曲奇就得個甜字，送左比身邊個位食左佢，另外有2塊冧冧地的，好似包的物體就唔知係咩黎，唔知以為唔夠白玉或紅豆，唔夠腳加落去咁，我估佢初心唔係喇，掛住日本無法，唔食都要食，切切個焙茶雪糕真係有茶黎，會訓唔到覺。…查看更多

今日同朋友黎食，都要排隊，因為真係幾多人食，啲雞好正，但記得揀雞，因為有2種唔同的雞，三黃雞就肥啲，普通雞就瘦啲，但都好新鮮，好有雞味，不過叫少飯，佢地都唔會少，呢個係有改善的地方，整體來講係好好味的。仲有的係個湯有普通冬瓜湯同加錢改做肉骨茶，湯入面加左好多雞腎，係始料不及的，但又幾夾個味，個通菜就叫左少辣，但都辣到流汗，好彩叫左杯特飲薄荷茶，咁樣就解到辣，環境方面都係坐卡位，幾舒適，同埋侍應都好肯幫人，無帶筆都會借比客人用。…查看更多