yumiyiu619的個人專頁

呢度除咗主打甜品之外，鹹食都唔錯，有意粉同小菜，而且價錢又唔貴，值得一試！蒜蓉炒小魷魚 $78醬汁入味，一啲都唔乾柴。每一口都好滋味，令人唔覺唔覺就食晒一整盤。蒜片安格斯牛立方 $108牛肉嫩滑多汁，配上蒜片炒得岩岩好，唔會太辣，又唔會太膩。白酒花甲意粉 $108意粉彈牙，花甲新鮮又大隻，啲白酒味道唔會太濃，而且啲花甲都煮得啱啱好，一啲都冇硬身嘅感覺，粒粒都冇沙。芒果窩夫 $76窩夫外脆內軟，食落好鬆脆，再配上新鮮芒果，味道清新，甜中帶點酸。榴槤拿破崙 $88榴槤味道濃郁，酥皮鬆脆，一咬落去就可以感受到榴槤嘅香甜，而且呢款甜品唔會太甜膩，啲甜度啱啱好！而家透過WhatsApp前一日訂坐，仲有八五折。6024 9426…查看更多

湯底唔算多，有10款，但可以一人一鍋，揀自己鍾意嘅湯底。我哋叫咗椰子雞湯，昆布湯。澳洲和牛牛小排x和牛胸腹眼餐 $388 ，中位價，開心心。頭盤有一份澳洲和牛牛扒，一份海鮮拼盤，一份牛胸腹眼，食完之後再追加牛肉可以叫店員落單。出邊自助區有涼拌前菜，蔬菜，丸類，粉麵，熟食小食，同埋甜品區，好豐富，每樣都可以試少少。澳洲黑毛和牛牛小排肉質紮實，牛味濃，越嚼越香。安格斯牛小排有雪花紋，油花平均，口感嫩滑，入口溶化。和牛胸腹眼肉質厚實，肉味濃郁，口感滑溜。豬梅花肉片紅白分明，肥瘦相間，識落爽口，冇豬So味。雪糕同窩夫可以試玩窩夫機，幾得意，調好嘅粉漿倒入窩夫機，等1分鐘，脆脆窩夫完成。雪糕🍦加窩夫🧇，一凍一熱，好正。位於旺角TOP世界，地鐵站B落一層就見到，超方便。之前嚟過一次食，食都好唔錯。卡位空間感充足，店內環境整潔，日式木系風。…查看更多

Happy Friday，放工又來呢到食飯，上次同媽媽來食好開心。今次轉左新主題，星空造型食物，非常有創意。Tasty Treat套餐$560，主食2份+小食+甜品+2杯飲品，食到好飽好滿足。水星八爪魚腿蛋包飯 第一次見深藍色嘅蛋包飯，好特別，好夢幻嘅食物，打卡一流。藍色係來自螺旋藻，配上白色芝士汁，八爪魚爽口，鮮嫩。穀神星大蝦墨汁意粉 蝦仁同魚子新鮮，爽口，彈牙。意粉煮得啱啱好，唔會過淋，淡淡墨魚汁味。ps 如果第一次約會千祈唔好叫呢個，食一啖，成個口都黑晒🤣冥王星烤LA骨 LA骨=牛仔骨，牛肉煲有火暖住，Keep住溫度，慢慢食都唔驚凍左。大約有六嚿牛仔骨，牛肉煮得入味，豆瓣醬好香濃。伯爵茶布丁牛角包窩夫 第二次食，味道都係一樣咁好味，布丁好滑，口感綿密，滲出陣陣伯爵茶香，牛角包窩夫烤得好香脆，外酥內軟，帶牛油香味。好飽飽，好滿足。焦糖芝士生咖啡 （凍）好特別，表面鋪滿芝士碎，入口鹹香，芝士味非常濃郁，之後有淡淡晚既咖啡味，芝士味比較突出。濟州抹茶鮮奶（熱）暖笠笠，抹茶味好香，帶點回甘。…查看更多

一人燒肉，快食，套餐$49至$2xx，平有平食、貴有貴食。套餐包左味噌湯、配菜、飯/麵，QR code落單，10分鐘內上菜。餐廳新開無耐，位於屯門市中心，AEON超市個層。四重奏（250g) $122蔥燒牛胸花 汁燒肩胛片 味噌豬五花 柚子胡椒雞腿肉豬牛雞都有，滿足，咩都可以試吓。牛肉嫩嫩，肉質紮實，牛味濃。五花肉，肥肉比例較多，可以燒耐逼啲油出嚟，燒到有焦脆感。雞肉嫩滑Juicy，有清新柚子香味，胡椒辛辣。北海道十勝黑毛和牛肩胛肉套餐 （100g） $162雪花紋好平均，輕輕一燒，加少少粉紅岩鹽調味就食得。肉質軟腍，油脂好豐富，好香。超大黑虎蝦 🦐$52/2隻最鍾意食燒大蝦，好香。大大隻，蝦頭仲有少少膏，肉質彈牙，好惹味。…查看更多

屯門新開咗間新記，試吓先。茶餐廳環境光鮮，上菜都算快。枸杞豬潤湯 $56凍冰冰，整返碗熱辣辣既湯暖暖胃先，豬潤湯清肝明目。裹面有好多豬潤，好足料，有少少薑絲調味，唔錯幾好飲。椒鹽炸魷魚鬚 $61係我好鍾意嘅懷舊小食之一。好大碟，足夠三至四個人食，魷魚大大條，香脆彈牙，入邊唔會炸到好乾身。紅燒脆皮乳鴿 $76炸到熱辣辣，做到皮脆肉嫩Juicy，點少少華鹽食，正。燒味拼盤 $93燒味拼盤有貴妃雞、叉燒、海蜇、燻蹄。一次過可以試晒4款，貴妃雞好肥，肉質嫩滑，燻蹄彈牙，叉燒肥偏瘦，最好食係海蜇，爽口彈牙，入口仲帶有點辣勁，但四款都略嫌有點凍冰冰。椒絲腐乳炒通菜 $51比想像中大碟，即叫即炒，通菜爽口，腐乳同薑味都好足夠。薑汁紅棗糕 $24雖然食到好飽都要整返個甜品，淡淡薑汁味，唔太甜，口感煙靭，都OK。…查看更多

Banchan and Cook來過幾次，今次推出左新2人餐牌，小食 + 兩份主食 + 甜品 + 兩份飲品 $560好抵食。
裝潢文青少女風，粉色系花花，好靚適合打卡😎 醬油白切肉蛋包飯
來到呢度必食蛋包飯，擺盤好靚，界開蛋漿流出包住下面d飯。
五花肉肥瘦相間，煮得入味，醬油香濃。 橡果黑毛豬卡邦尼意粉
意粉上面放左一粒蛋黃，攪拌撈埋意粉食，醬汁濃郁，有淡淡蛋香味，意粉口感彈牙，黑毛豬肉質好嫩滑帶點鹹香，但就食唔出橡果香氣。 烤牛肉配雜菜包
牛肉煲有火暖住，Keep住溫度，慢慢食都唔驚凍左。
牛肉煮得入味，醬汁好香濃，生菜包住牛肉、紫蘇葉、蒜片、豆瓣醬一齊食，好清新，口感豐富。 伯爵茶布丁牛角包窩夫
我最喜歡的甜品環節。布丁好順，口感綿密，滲住一陣濃郁嘅茶香味，牛角包窩夫烤得好香脆，外酥內軟，帶牛油香味。 溶化朱古力
朱古力味道香濃，唔會太甜，唔錯。 焦糖蘋果紅豆沙冰沙冰上面加咗一層cream同焦糖脆脆，超級邪惡，紅豆好甜，食到粒粒紅豆果蓉。
…查看更多

好耐冇都同母親大人出街撐枱腳，今晚我哋食得好好開心。來炑八最開心係食到超豐富既前菜，有沙律、泡菜、芽菜、海帶、醃蘿蔔、爐邊蛋同芝士粟米，全部都係免費無限添加，超正！
兩個肥肥坐卡位就最舒服，慢慢嘆。 風味牛肉拼盤 $258
牛前胸肉2件、蔥蒜牛五花3件、汁燒牛小排2件、大蔥牛舌3件
份量好多，牛肉花紋好靚，脂分布都OK，輕輕一燒就食得，肉味香濃，一d都唔會韌，有少少嚼勁。 炑八厚切五花腩 $138
五花腩肥瘦的層次分明，燒到微微金黃焦脆，入口滿滿油香，但唔會感覺油膩，包生菜夾埋泡菜食又得，正！ 梨汁雞腿肉 $88
雞腿肉份量超級多，肉質滑嫰，但唔太食得出梨味。 韓式水冷麵 $88
食咁多燒肉，整返個水冷麵解解熱氣，加入芥末和醋，味道酸酸甜甜帶少少辣，水冷麵爽口有質感。 芝士泡菜煎餅 $90
一定要趁熱食，煎餅加入泡菜微辣，芝士半熔，餅邊帶微微焦脆好香口。 夾心棉花糖配朱古力威化餅 $68
呢個環節好開心。平時燒嘢食先可以食到燒棉花糖，而家呢到都食到。用竹簽慢慢燒到外皮金黃帶脆，夾上朱古力威化餅，外脆內軟，真係無得輸既組合。
柚子檸檬梳打 $38青檸梳打 $38大大杯冰涼梳打，爽…查看更多

位於海運大廈玩具反斗城隔離
裝修幾靚，白色木系、自然風。
空間感十足，坐得幾舒服，睇到海景，慢慢坐放空下。
價錢親民，而家餐廳仲有新張優惠，經OpenRice訂位，晚市套餐85折。 晚市套餐
奉送跟餐湯和飲品(揀咗熱檸茶水) 是日餐湯
南瓜湯，淡淡南瓜味，幾Creamy。 煙三文魚炒蛋全日早餐 $148
超級大份，好豐富，有煙三文魚、芝士腸、煙肉、炒蛋、粟米、迷你牛角包、沙律菜、茄汁豆、仲有好多薯條。
All Day Breakfast，樣樣都有少少，好滿足。炒蛋好嫩滑，薯條炸到好香脆。 蒜香牛油炒雜菜 (跟餐+$68)
炒得好香蒜蓉牛油味，椰菜、西蘭花、椰菜花、蘿蔔、豆角。蔬菜爽口新鮮。牛角包 $28
牛角包🥐一定要加熱，超級香脆，牛油味好香濃，夾埋炒蛋同煙肉一齊食好正。 朱古力脆酥 $28
朱古力香濃，唔會太甜，餐廳的包做得好出色。…查看更多

餐廳環境好有復古日系感，佈置精緻優雅，枱凳同傢具係深木色，仲有有格調既吊燈，打卡不錯。食物質素都好唔錯，可以同fd來chill下。 七味雞軟骨 $69雞軟骨炸到脆卜卜，炸粉唔多，加少少香辣七味粉調味，再點埋沙律醬帶點清新，更加好味。 特大海老蛋包飯 $122來呢度必點蛋包飯，賣相好靚，好豐盛。兩大隻炸蝦外脆內軟，而且彈牙。打完卡，店員幫你切開半熟蛋。半熟流心蛋好嫩滑，撈埋珍珠米飯好正。 芝士牛肉漢堡包 連薯條同沙律菜 $105典型日式漢堡包，個包烘到好香脆，夠挺身。牛肉有厚度，入面有半溶芝士、蕃茄、生菜，好味道。薯條香脆，放耐左都唔會淋，味道正正常常。 南瓜芝士提拉米蘇 $49香甜南瓜蓉，帶有淡淡嘅芝士味，口感軟滑綿密，甜度適中，另外配上香滑嘅忌廉同埋士多啤梨，味道豐富。 小倉紅豆牛乳 $38軟綿綿紅豆，香甜而不膩，牛乳味道濃郁，入口順滑，攪勻紅豆味道更濃厚，凍熱都好飲。 焙茶麻糬冰沙 $52焙茶味香濃，麻糬軟糯煙韌，帶一點冰感。 …查看更多

最近天氣涼左，最啱食燒肉可以圍爐暖烘烘例牌一入座配菜有泡菜、酸蘿蔔、酸青瓜、大豆芽菜、另加新鮮生菜，全部免費無限添加，解一解油膩感，真係抵讚。烤爐有三格，放微辣泡菜爐邊蛋、一格放拉絲芝士爐邊蛋、最後一格放蒜頭掃一掃QR 落單之後嘢食好快到。喜來烤肉 $158第一道就係食牛肉，因為最快熟。擺盤擺到花咁靚嘅牛肉，紋理好靚，薄切，沒有醃製過，所以牛味更突出，油脂分布好平均，牛肉厚薄適中，入口充滿牛肉嘅香味，而且脂肪較少，唔會覺得好肥膩。五花肉 $180韓燒必食五花腩，沒有醃製過，食得出豬本身原味，脂肪同肉嘅比例一半半，燒到兩邊金黃色，再用生菜包住爐邊蛋同配泡菜一齊食，調起肉味。豬肉湯$125熱辣辣既豬肉湯，出晒煙，小心食。附上豆瓣醬、鹽巴、魚仔，可以自行調味。裏面有好多塊豬肉，暖笠笠，感覺好補身。叫咗3大份嘢，2個人食到飽飽，total $500…查看更多

收工食串燒同朋友傾吓計，位置好方便，尖沙咀站P3出口，電梯一出行幾步就見到川味亭，環境裝修簡約，大約10零個位，地方唔大，價錢都合理。海大蜆(蒜蓉）$58蒜蓉蒸海蜆大約有8至10隻，份量都幾多，好入味。扇貝 2隻 $68大大隻，好鮮甜，撈埋蒜蓉一齊食，超正。深海大墨魚咀 $28大大粒，燒到啱啱好熟，彈牙爽口。魷魚鬚 $28加咗少少椒鹽調味，彈牙爽口，值得一試。雞中翼 $38 4只燒雞翼我鍾意食，燒到表皮好香脆，裏面雞肉好Juice，正。特燒牛仔肉 $28啖啖肉，燒到啱啱好，一啲都唔靭。金菇肥牛 $28肥牛卷包住金菇，冇得輸嘅組合。厚切牛舌心 $38有肉汁，外脆內軟，香牛味。燒豆卜 $15燒到脆卜卜，一啲都唔乾。燒韭菜 $15超鍾意食燒韭菜，燒到好香，好夠味，正，必點之一！蒜蓉原條茄子 $38燒茄子每次都必點，配上孜然粉同蒜蓉，超級嘢未，食唔停口。麵餐(3款配菜加粉 $68)雞肉 + 魷魚 + 魚腐 + 清湯土豆粉叫咗清湯，湯底唔會太濃味，清清哋，岩配串燒食。土豆粉煙靭，好特別好少地方有。材料份量都好多，大大碗。有機菠蘿(6粒）$18最後甜品燒菠蘿，表面佈滿焦糖脆脆，一口咬落爆汁，甜得來又好Flash。青檸梳打🍹 ($28)青檸好清新，唔甜，解渴解膩。越南咖啡 $48竟然有越南咖啡，第一次嘗試，炭烤味好濃郁，下面係煉奶，攪拌一齊飲，好特別。…查看更多

Happy Friday收工又嚟食burger，去呢間人氣外賣Burger，你返屋企慢慢嘆。太子站C2出口，過條馬路就見到啦，黃色玻璃。開放式廚房，乾淨企理，見到廚師整漢堡嘅過程，所有食物都係即叫即整，見到已經好肚餓。W B經典漢堡$62手打牛肉漢堡裏面有粒粒紫洋蔥和黑椒調味，咬落索索聲，增加咬口，牛肉都好Juice。半熟流心蛋超正，食到中間有蛋黃流出來，好正。配上生菜、蕃茄、芝士一齊食，好Flash。芝士菠蘿雞堡$68我好鍾意食呢間嘅菠蘿炸雞漢堡，每次嚟都必定叫，因為炸雞好厚大大塊，好酥脆，裏面雞肉勁Juice，調味唔會過喊，配上爽脆生菜和菠蘿酸酸甜甜，中和炸雞油膩感，食完好想再食。炸薯格加$22升級套餐轉薯格拎到返屋企仲係脆卜卜，暖暖地，點茄汁一齊食正。水牛城雞翼水牛城雞翼都幾辣下，調味有啲鹹。雞肉大大隻，裏面雞肉仲係Juice。…查看更多

今日收工又來啲木八燒烤啦，佢地既小菜全部都係可以refill，有泡菜、豆芽、海大、酸蘿蔔、生菜、泡菜鍋邊蛋、芝士粟米。🥰 啱晒我呢啲最鍾意食韓式小菜嘅人。特級牛肋骨$288牛肋骨好大條，手臂咁長，花紋好靚，燒完之後肉質鮮嫩，好有牛香，配上甜甜地嘅醬汁，醃得好入味味道好似叉燒。韓式紅蝦四隻$98之前試過已經念念不忘，今次再食😍。大蝦燒到香噴噴，超級鮮甜，蝦肉爽口彈牙。厚切五花腩$138店員會幫手燒五花腩，燒之前要換左個鐵板，五花腩每邊都燒到金黃色，迫晒啲豬油出嚟，豬皮微微脆邊，非常香口，配生菜、蒜片、芽菜一齊包住食，另一番風味。韓式豬皮配炒芝麻$78豬皮輕輕一燒就食得，口感軟囉煙靭，帶少少芝麻香，唔覺得油膩，女士們可以補充骨膠原，配埋海帶一齊食好，口感豐富，好特別嘅菜，值得一試。蒜蓉牛油金菇$48超級邪惡，裏面有大量芝士同牛油，蒜蓉和牛油味非常之香，燒完之後，每條金針菇都沾滿醬汁，非常惹味。甜辣味半隻炸雞（有骨）$118我比較鍾意食有骨嘅炸雞，原隻，太大件。即叫即炸，熱辣辣，脆卜卜，約有六大件，配埋甜辣醬，好惹味。順帶一提，佢地墊底嘅粗薯條都好出色，薯味濃郁，非常香脆。菠蘿梳打 $38柚子檸檬梳打 $38必要兩杯梳打，冰涼清新，唔會好甜，可以解油膩。…查看更多

呢度裝修環境好舒服，可以同朋友慢慢坐，傾吓計，食物擺盤好精緻，好岩打卡。慢煮牛面肉闊條麵 $98來到熱騰騰，牛面肉煮得好軟腍，好入味，比想像中多，蕃茄醬酸酸甜甜好開胃，旁邊有青草醬圍邊，闊條麵非常掛汁，唔錯。牛油果火腿牛角包 $85Burrata Cheese + $15擺盤好精美，牛油果好新鮮，火腿有鹹香鮮味，加埋布包芝士一齊食，好match！如果牛角包🥐熱d，香脆d就仲正啦！金蘋果梳乎里兔YOU $155 試一試新春限定蘋果口味。有3件震騰騰嘅疏乎厘，食落軟綿綿，空氣感十足，入口有少少即化嘅感覺，香濃蛋香味。旁邊佈滿金寶蘋果粒，但略嫌蜜糖有點甜。黑芝麻忌廉鮮奶兔YOU $48新春限定飲品，賣相好靚，黑白相間，拌勻之後變銀河灰，香濃黑芝麻同鮮奶配上忌廉更加Creamy。同樣係新春限定飲品🐰Godiva朱古力酒咖啡 $58入口先係朱古力味甜甜地，之後有咖啡嘅香氣，冬天飲小小酒好暖身，好飲，值得一試，朱古力酒同咖啡混合一齊，好match。…查看更多

值得介紹一下呢一間有心經營和製作的串燒店，常嚐食•深燒堂。又有得食串燒又有得食花甲粉。佢哋有個貼心位，張枱都有個有個爐仔Keep住串燒嘅溫度，唔會凍哂，等客人傾偈，慢慢食。深燒花甲粉 $58海帶夾 +$7， 轉稻庭烏冬 +3 叫咗唔辣，湯底好清新，飲到花甲既鮮甜味，有5大隻花甲，每隻都好大隻，蒜蓉味好香，裏面配料已經包咗金菇、豆卜、娃娃菜，大大碗，好足料，兩個人share食都得。稻庭烏冬煮得啱啱好，唔會淋，口感好滑。脆皮雞中翼$28真係做到皮脆肉嫩，孜然粉好香，裹面雞肉好Juice。安格斯一口和牛$38有牛脂夾雜，好香，一d都唔韌。牛肋肉$26都唔錯，可以一試。原條大茄子$48我自愛嘅燒茄子🍆，好大條，上面鋪滿芫荽、蔥花、蒜蓉、孜然粉，燒到好Juice，好入味，成條青晒，少少都唔放過。芝士合桃燒飯團 🍙極力推介呢一個燒飯團，入面有芝士拉絲，粒粒合桃脆脆同飯團好match，加上用左日式醬汁燒，甜甜地，好好味。甜甜酸酸燒菠蘿$25菠蘿擺設得好靚，燒到好Juice，一口爆汁，好甜好新鮮，見到老闆即開一隻菠蘿🍍燒。焦糖芝士年糕 $20非常香脆，放咗一陣都仲係咁脆，年糕煙煙韌韌，帶少少芝士鹹香味。…查看更多