ykyying的個人專頁

今日同朋友收工去左一間之前同事介紹嘅新開邊爐，尋晚涼涼地打個邊爐正到飛起😋 有聽過呢間叫滾爺嘅邊爐係旺角都有分店，但尖沙咀呢間新開緊係黎呢間啦😆訂左枱6點，去到無咩人靜靜地坐卡位傾計一流，店內嘅環境同裝修都好新淨，好舒服，點野食就自己手機QR code落單，我聽朋友講一定要點招牌椰子雞煲，一於就點呢個，尋晚同朋友都唔太肚餓所以我哋無點肉類，淨係食個雞煲同埋點左手工韮菜餃，西洋菜，豆腐，冬瓜片，呢d蔬菜索哂個椰子雞湯真係唔使點豉油都夠哂味。同埋點左個即炸午餐肉，同一般嘅唔同就係佢即炸，超脆，索一索湯食又得，兩種食法，都係好出色👍🏼 到最後講下個湯底，係我食過數一數二好食嘅椰子雞湯，首先佢足料，一個椰青加兩個椰皇係客人面前倒入湯煲，份量十分，食雞前飲湯，我同朋友差唔多飲哂😂😂 所以鍾意食椰子雞煲嘅人一定唔好錯過呢間鋪😆😆…查看更多

香港地要搵地方打邊爐唔難，最難係有時人少少好似兩公婆想去食，你會因為兩個人好難預分量而卻步，上網睇到一間位於大角嘴嘅海鮮粥低邊爐，佢以人頭計食物分量，仲有三個餐選擇，分別係348（孖寶餐，龍蝦加肉蟹）、297（龍蝦餐）198（肉蟹餐），如果想改膏蟹就加40，每個餐都會另倍有7-8款時令海鮮及6款火煱配料，聽落都唔錯，即刻帶埋老婆Let’s go😋今日係閑日，所以無定枱，好彩仲有位，但係一路食睇住啲人入嚟，加定枱客都有八成入坐率，而家啲食市好少有呢啲場面😅雖然我都有上祖國搵（嘢）食，但係都要計埋車程同你交通費，仲要支持下本地食市💪🏻講番個餐先，除咗主角龍蝦/肉蟹外，仲有鮑魚、聖子、海蝦、脆鯇同貝類，樣樣都好新鮮，份量啱啱好，最後食埋個海鮮粥底，真係相當「滿足/粥」👍🏻…查看更多

尋晚好想打邊邊，又肚餓，係荃灣揀咗間放題邊爐食，叫做「牛摩」，見係連鎖店有信心保證😆地點係眾安街千色匯，交通都非常方便叫左牛肩胛放題，$189每人一個湯底，我試左蟲草花雞白湯底，老公試左蕃茄薯仔湯底，兩個湯底都幾入味，用嚟食菜一流🤣🤣套餐雖然只係百幾蚊，但店內都算多野選擇食，有好多菜類，啱晒我鍾意食多款菜又唔食得多嘅人🤭 除左菜類仲有好多丸，我最愛係芝士丸，食左十粒都有😂 連個飲品櫃都多選擇到暈，超過二十款野飲，飲左三款都夠皮，正👍🏼 牛方面，牛肩胛正常水準，想食靚d嘅牛當然有d貴d嘅套餐比你選擇啦，見隔離枱食果款牛都好靚，下次可以試試🤪 最後，食埋個雪糕甜品飽到捧住個肚走🤩🤩可以話性價比高👍🏻…查看更多

想食靚海鮮餐有好多地方選擇，其中鯉魚門三家村應該係最有特色同最多人贊同嘅地點，今次我帶老婆去呢度一間叫「蟹仙」海鮮蒸氣石碢，貪佢個粥低石碢夠正宗，海鮮夠新鮮，環境夠靚依家去鯉魚門已經超方便，除左坐港鐵去油塘外，仲有紅色小巴直達，揸車就可泊停車場步行5分鐘就到或者泊門口都非常方便。我揸車就泊係市政停車場，雖然有啲貴（頭兩小時24，第三小時開36）好在有得免費充電呢間鋪就係碼頭格離所以有超靚海境睇，如果想睇日落就啱晒，我地點左尊貴海鮮套餐$449，呢個餐有10款食物，9款海鮮及1個蔬菜籃，鮑魚、翡翠螺、大赤蝦、珍珠蠔、鮮青口、龍蝦、膏仔蟹、饅頭蟹、帶子，數都一排數一個字講「鮮」，多膏鮮甜仲有專人幫手蒸，介紹每款海鮮教你點食，真係無得挑剔。最後介紹下呢度有獨立套房可以坐兩圍，有厠所仲有海境露台...........邊有得頂呀…查看更多

啱啱忙完個大工程，經理話不如去飲酒消遣下，有人話去酒吧飲酒掟標，有人提議唱k，有人想打邊爐，我就諗起之前係網上都好多人推介過，一間位於荃灣享和街嘅「瀛燒」居酒屋，因為這間居酒屋除左食物吸引，環境好有日本feel，仲有清酒及啤酒放題，同免費掟標，當我講完之後全部人舉手贊成！嘻嘻，Go Go Go！內裡裝飾帶日本居酒屋feel，配合埋日文歌，感覺好放鬆。清酒、啤酒放題每位$199，飲3杯已經回本，確實係低。呢度有地下同閣樓，係閣樓玩可以自成一國，而標機就放在閣樓，一路玩一路飲飲食食。講下幾樣特式食品日本直送原條季節魚-刺身伊佐木鮮甜！油脂味好豐富！而且一啲都唔黏口！仲可以點酸酸地嘅醋，突顯伊佐木嘅天然甜味，仲可以加$38加工左啲魚骨，送酒無得頂呀。另有多款串炸物，鵪鵫蛋同沙錐魚。炸粉厚度適中，啖啖肉，一定要點上個燒物醬汁，令串炸物更惹味，加分不少。特色燒飯團（$58）係居酒屋飲酒點少得每間餐廳都各具特色嘅燒飯團，今次嘅飯團好有份量，搭配上特製的日式照燒醬，飯團表面燒得卜卜脆，飯粒分明，紫菜，芝麻增加香味，啱哂鍾意食飯焦嘅人令人回味無窮，買單時經理都有幾分醉意，佢話等佢買單：多謝老闆。…查看更多

今晚突然想打邊爐，都好耐冇搵佐敦尚鮮海鮮料理型仔負責人「史提芬」，探佢多諗頭成日有新野推介！😁（唔使自己記）呢間位於佐敦吳松街近西貢街嘅樓上火煱店，交通都好方便，近港鐵站仲有好多小巴選擇，一大班人嚟就啱晒。介紹下這間海鮮料理，除咗有海鮮火鍋、仲係中菜私房菜同串燒，你話係咪多諗頭😋。上到去第一時間捉住「史捉芬」叫佢留咗碟靚牛先，跟住要血池麻辣湯低同姬松茸冬瓜湯雙拼，雙拼餃子，木耳鮮蝦雲吞，西洋菜香菇餃，雲吞皮薄餡靚蝦肉新鮮彈牙，四寶手打丸都係必食無得傾，田園盛內有多款蔬菜，有蕃茄，粟米白蘿蔔，娃娃菜，油麥菜，蔬菜新鮮不在話下，二人份量啱啱好，唔會浪費，最重要係個色差響鈴，保持一貫水準，放落湯低你會聽到咋咋聲，食落口就鬆化可口😋呢期Citibank信用卡仲做緊85拆，低食到一個點呀…查看更多

今朝瞓醒老婆突然話，今晚要慶祝第N日記念叫我發辦，啊…..我又做錯啲乜嘢呀😳，其實都難我唔到嘅😅，係長沙灣青山道有間日本鐵板燒「鳥海山」，佢個廚師發辦都幾唔錯，咁咪等佢幫我發辦囉😉這間「鳥海山」位於青山道近昌華街，交通都相當方便，可以坐青山道小巴，揸車乎近又有停車場😁今次就試吓個鐵板燒二人餐，呢個餐分別有沙律、刺身、龍蝦、鮑魚、鵝肝多士、野菜同炒飯。雖然今年年頭先去完大板，已經有啲掛住，希望係呢度攞返小小安慰😋…查看更多

呢間大樹燒烤平時都要等位，今次我醒呀，一落風球即刻捉老婆去，真係唔多人，可以慢慢嘆。尖沙咀厚福街相信大家都知係出名嘅食街，交通又放便，附近又多商場店舖……😜差唔多所有燒烤舖有得食的食材呢度都有，包括牛肉🐮、羊肉🐏、豬腩肉🐷、雞肉🐔、丸類🍡、海鮮🦑🦐、蔬菜🌽🥒等等，價錢都相當合理，環境好有酒吧feel😁。兩公婆食10款食物都飽飽🐷，食燒烤啲食物一定係雪藏，有啲食店真係好大陣雪味🤮但係大樹燒烤就一啲雪味都無，先比個「叻」佢，第二，有兩款食物要表揚下佢，就係燒白鱔同雞翼，四個字講晒「皮脆肉嫩」，我真係想去偷師點燒，因為我老婆超鍾意🥰咁其他嘅燒牛舌、燒牛丸、燒芝士腸等等都好好味，重點係樣樣野食都熱辣辣，下次happy hour或者宵夜，大家都知點揀啦😉…查看更多

準備收工時，突然接到老婆大人👩🏻電話，佢話有間想試好耐嘅火鍋私房菜，依家有個超抵食嘅套餐。仲使諗，即刻飛車🏎️去接老婆啦。如果揸車最好泊「希爾頓大廈」停車場$27個鐘，行2分鐘就到。但係飲酒🍺就唔好揸車喇。講番呢間火鍋舖先，一入到去真係令人眼前一亮，大堂整到成個接機大堂咁，仲有四間唔同主題嘅房間，分別係日本🇯🇵、台灣、泰國🇨🇷，最特別係俄羅斯🇷🇺。咁嘅環境底下好似特別肚餓😆即刻睇睇個超抵套餐有乜食先，另外所有肥牛🐮都做緊半價。呢個套餐包湯底、3款牛肉、2款牛丸、黑柏葉、烏冬，最特別係香港好少有得食嘅牛胸爽，嘩😳$438，唔使咁益食家呀話🥹咁我唔客氣啦。食物質素真係唔錯👍🏻服務態度又好👍🏻環境更加無得彈👍🏻講真，兩個人食呢個套餐真係食唔晒囉！下次我實約多幾個朋友，或者同屋企人嚟打邊爐做節試吓坐房先😂…查看更多

老婆話想食大排檔小炒，我緊係第一時間搵資料啦。收工就帶佢嚟呢間位於青山道近永隆街嘅「葉公館」。貪佢交通方便、價錢相宜，最重要佢係一間入咗舖嘅大排檔！！！ 首先講吓交通，可以坐地鐵🚈去長沙灣站步行7-8分鐘就到，坐小巴🚌、巴士直情門口落，揸車都好方便，泊車喺元州邨$18個鐘。我就揸車🚗去接老婆放工，跟住就去元州邨泊低架車準備行過去，老婆問：「呢度有大排檔咩？」我懶有型咁講：「follow me」🤣上到去已經好多人，好彩唔使等位，坐低第一時間睇下有乜特價餐，呢度嘅双寶餐有好多款，價錢都係$208合理價錢，即刻叫個小炒皇加開邊蝦，諗住唔夠食，再蒸條石班先。上菜先知賴嘢，乜啲餸咁大碟架，唯有慳返唔使嗌白飯😜首先想講下小炒皇，度度都有得食有乜好講，就係咁先要講，韭菜花、蝦仁、蝦乾、帶子、菜譜、腰果，咁足料有鑊氣。蒸魚係人都識啦，我都蒸過三幾十條，但係要蒸到啲魚肉啱啱離骨，你故咁易呀，比個「叻」你。食完老婆無乍型仲話下次想試吓其他餸，我話：「no Problem」 …查看更多

抵食之選。焗飯即叫即整，等15分鐘左右，下午茶餐份量跟午餐份量一樣的，相當抵食，食品質素尚可，焗飯或焗意粉最推薦。餐廳環境都可以，坐得幾舒適，服務態度也很好，不錯的…查看更多

這間餐廳有好多款式的菜式選擇，今次因為帶著小朋友，點了肉醬意粉，這個適合小朋友食，單骨雞翼亦很香口，好食。最後還有一個串燒併盤，都是好食的。飲品我點了香茅特飲，都是好飲的，幾特別…查看更多

燒味滷師我已經幫襯過幾次，次次水準都可以，家人都讚好。每次我都會買豉油雞，入味，好食。燒肉都可以一試，叉燒水準就每次不一樣，普遍都好的，但有一兩次比較偏甜，半肥瘦好食的…查看更多

湯底無咩特別，不過不失。菜式方面，水餃皇大推，好大隻，好足料，皮又薄，相當唔錯。牛肉方面，無失望，點了安格斯牛肉，肥度剛好，很怕食太肥的牛肉，這個剛好，店內環境都不錯…查看更多

Five guys嘅burger好好食，成個漢堡都由你自己挑選，口味全部你自己選擇，啱晒我揀飲擇食嘅人。雖然快餐式，但漢堡味道好食，特別係熱辣辣咁食，薯條亦無令我失望，值得一試…查看更多