candicewong725的個人專頁

朋友帶我地去佢平時去開嘅「飯堂」食晚飯，仲預訂咗幾款菜式，食到我哋舔舔脷，個個超級滿足杏汁豬肺湯（冇影到相），杏香超出我味蕾有限記憶，好想飲多碗，可恨我個胃唔夠廣闊，要留返啲位食以下菜式：身為花螺愛好者，大愛呢煲鹽焗花螺，粒粒都係啱啱好熟，鮮味無比，太正啦碌鵝汁香濃，鵝夠淋入味，吸盡精華嘅芋頭，隻鵝有幾正，芋頭就有幾正上湯大蝦伊麵上枱又係一陣嘩嘩嘩，我哋個個手機食先成隻手掌大嘅新鮮大蝦，剝殼連條尾都完整無缺，伊麵彈牙～椒鹽九肚魚薄薄脆漿，包住豆腐般脆弱嘅九肚魚，食落口冇油膩感，心心眼😍金銀蛋白菜仔（掛住食，冇影到相）細節到皮蛋嘅蛋白似蒟蒻般啫喱彈彈最後甜品有香滑核桃露，又一驚喜有心之作P.S.呢度嘅奶茶香滑唔澀，我哋成棚人一齊飲，老闆特登即煲，真係寧舍不同，太幸福啦…查看更多

早排食過dinner印象深刻，見到lunch有三文治推介，未食過米蘭風三文治，今日過黎食下睇下有幾特別，加埋朋友啱啱好三個人，盡興叫晒Menu三款麵包出色，金黃色外脆內軟又帶點chewy內餡：三款無論係Ham Salami或者沙律用料上盛，五星酒店形容三款之中最愛Il Duomodressing 味道清新，有啲橙味，出奇好味，出面我未食過嘅味道😛Blood orange soda drink: 冇影到相，好飲咁高質嘅五星三文治，估唔到價錢咁親民，驚喜～…查看更多

喺正中環心臟地帶 放工去放空嚟過幾次食lunch ，睇到網上唔少人recommend dinner 好吸引，今晚encore 埋dinner我幾鍾意呢度唔止嘢食好味，而且同隔籬枱有啲Privacy, +連roof top 空間寬闊服務+環境+食物=爽皮, 對得住價格坐低冇耐已經上咗牛蒡蒜仔漬物佐汽泡酒，舒暢開胃，屋企人點咗杯A R E Sour mocktail,酸甜帶點花香，好飲仲點咗幾款前菜：Juicy嘅蕃茄配cream、新鮮sashimi配水蘿蔔、仲有日式反沙芋咁款嘅焦糖南瓜每上一道菜餐廳都會介紹返你眼前嘅食物，好有儀式感：主菜叫咗兩款：炸伊比利亞豬扒估唔到配黃梅酸奶醬又幾夾，成功去除油膩感蟹黃蛋黃撈烏冬，好鮮味，烏冬Q彈Homemade 抹茶cheescake鐘意迷你蜜瓜大福，QQ軟糯太貪心，食得太多好飽飽…查看更多

喺中環7號碼頭Rooftop，坐得舒服，特登揀咗窗邊位曬吓太陽，望住咁開陽嘅景色，心情都靚啲第一次去，見到個lunch salad bar buffet menu 每日有唔同嘅主菜，今日係燒豬腩肉，豬皮燒得好脆下，有幾款醬配搭，其中一樣係少有嘅洋蔥醬，甜甜地，如果有埋酸菜解豬腩肉嘅油膩感就very perfect～另外有煙三文魚，好幾款德國香腸, 沙律，生果拼盤，意粉類，西式湯，唔算好多種類，但係樣樣都有啲，而且食物質素唔錯，沙律鮮果新鮮，今日有長通粉，蘑菇汁同埋長通粉係分開放嘅，諗得好周到，keep住長通粉嘅質感仲有要盛讚👍🏻👍🏻餐廳服務，貼心細緻, 好圓滿嘅一餐Lunch 冇甜品，我唔好甜品對我嚟講冇乜所謂，同店員傾開，以前有甜品就冇生果，咁我會鍾意生果多啲😏😏weekend可能會人多，如果想坐得舒適啲，揀平日非牛主菜日（好似我今次咁）～ …查看更多

嚟過幾次，星期日嘅中午恬靜，人不太多，1條友獨食唔尷尬，坐得舒適，假期就是慢慢吃。之前食過全家福，每粒雲吞不同味道好過癮，見水準唔錯又穩定，耐唔耐去尖沙咀都會幫襯吓。今次點了薺菜大餛飩，再加杯熱豆漿薺菜雲吞平時少有食店提供，每次有得食都有行運嘅感覺🤣皮薄餡飽滿，雲吞皮滑捋捋，清湯有芫荽蔥油嘅清香，最愛齊菜獨有淡淡的香味，兩口一粒，好滿足。看似簡單嘅地道美食，屋企人有整過，要包得好食，其實好似都幾繁複。…查看更多

呢度提高咗我對小籠包、生煎包、鍋貼、牛肉餅世界嘅標準，呢啲聽落平平無奇，全部都係包點，但一旦食過，返唔到轉頭，唔單止肉汁飽滿，肉餡鮮嫩，師傅手藝高超喺一粒點心晒出黎，諗起都肚餓。今集唔講呢啲，好想同大家分享下最近食過嘅心頭好：香煎小黃魚有意境、有擺盤，呢個價位一啲唔意外，印喺我味蕾嘅係一啲都唔油膩，外脆之餘入面魚肉非常嫩滑鮮美，頓時期待下一碟餸菜點樣繼續令我嘩嘩聲宋嫂魚羹一絲絲魚肉、薑絲冬菇絲等等，鮮味無腥味，諗起以前食魚翅嗰種湯底嘅美味煲仔百頁東坡肉一定要趁熱食，粒粒五花肉吸收晒醬料嘅香味，燉到好嫩好腍，呢種鹹香嫩加埋百頁叫埋白飯perfect match妃子笑炸湯圓張相影得唔靚，將就吓…紅色火龍果汁製作嘅紅卜卜嘅湯圓，經理推介師傅又一心機之作，內裏有流心蛋黃，仲有一小片豈止裝飾嘅薄荷葉拎走蛋黃本身嘅膩口感覺。個人鐘意浸入酒釀小丸子，一次過脆嚐軟糯、流心、芝麻香、酒香晚餐大約$500每位左右去過幾次總結：鍾意食又有水準餐廳經理唔止細心，有嗰句講嗰句，對餐廳出品熟悉程度世間少見，要俾個Like 佢👍🏻👍🏻👍🏻…查看更多

2個人食咗呢堆嘢😎😎炭燒和牛串：唔油膩口嘅前菜，陣間食多啲蝦餅配bb蝦香草青瓜沙律：鐘意外面脆口對比嫩滑的內餡，蝦餅爽滑彈牙，點埋酸甜泰式辣醬好惹味蟹肉奄列：印象中好似未試過泰式做法，有驚喜。味道有啲似潮州炒蛋，脆邊、嫩蛋和青蔥，裡面有爆滿蟹肉，香泰式蝦仁炒金邊粉：有各式各樣嘅味道味道— 碎堅果、乾辣椒、青檸汁、蝦仁、韭菜和炒蛋粒。金邊粉炒得乾爽，唔錯泰式芒果糯米飯：暖粒粒出煙嘅糯米上淋上椰子汁，同芒果永遠係絕配。芒果一啲都唔酸，好清甜。今日好熱下，點咗兩杯野飲，正：- 高質椰子- 熱情果、芒果冰沙（鮮果嚟㗎～）…查看更多

開咗咁多年，食過都知一遊高質眼闊肚窄，樣樣都想食，飽到捧住個肚走。呢度刺身唔單止新鮮，刀工一流，白身魚薄切胡麻風俘虜咗我嘅心，胡麻汁加埋爽脆鮮海藻，色香味齊晒，霎時心花怒放開埋個胃海膽吞拿魚壽司，繼續鮮落去，唔好俾佢停😋全家食到情緒高漲，好澎湃海鮮天婦羅，一啲都唔油膩，脆漿薄身，一個字正，掛住食都唔得閒再講意想不到滑捋捋嘅玉子燒內裏收埋心太軟芝士，芝士厚玉子燒真的太出色了香噴噴嘅明太子燒魷魚，掛住食食食牛肉石頭燒飯，牛肉軟腍，太過心急撈勻搞到冇咗飯焦添有咗頭先嘅經驗，即刻認真對待生薑豚肉石頭燒飯，上枱後俾啲時間醞釀吓啲飯焦，日本米飯焦脆脆又有啲軟糯嘅質感仲有串燒：雞中翼，車厘茄牛肉，豚肉一粒一口嘅車厘茄牛肉，入口爆蕃茄汁好Juicy豚肉豆腐煮，食食吓嘢有湯飲吓，幸福飽肚感炒雜菜一遊幾多清酒嘅選擇，成本Menu超過20款，心大心細，想揀呢排做緊試飲價$45嘅柚子酒，又想試吓清酒，但係屋企人冇人同我share飲唔晒，最後都係揀咗comfort zone 梅酒鬆一鬆…查看更多

淘大呢排開咗好幾間食肆，金牌喺其中一間。元旦日瞓醒差唔多食晏晝嘅時間，今日好想去鋸扒，就揀咗呢間食下。一點左右，唔算太多人，攞飛等咗5分鐘好快有位，座位舒適，高級茶記格局。午市點咗個煎豬扒套餐，冇諗過$62嘅套餐咁高質，有西湯（可以揀紅湯或者白湯）、兩款沙律（今次揀咗田園沙律同埋日式蟹籽沙律）及熱飲。沙律菜幾新鮮，唔係好多汁，啱晒我啲口味。係個羅宋湯略嫌鹹咗啲。豬扒冇雪味，醃得入味，豬扒幾厚身肉嫩，肥瘦適中，唔鞋口，喜出望外。熱奶茶，港式style，正正常常～希望餐廳keep住呢個質素下次想食吓個金牌牛扒餐～除咗扒餐之外，都有其他茶餐廳有嘅嘢食，例如常餐、豬扒焗飯等等。…查看更多

呢度又係一間尋幽探秘嘅私房菜。整體來講，感受到大廚對每一碟菜式都好用心，好耐冇食過平實見心思嘅菜品。雖然叫私房菜，但係價錢幾親民，三百幾蚊一位，菜式精緻美味，份量多到捧住個肚走，服務貼心，連食肉獸嘅我都覺得滿意今日食嘅餐單唔多講，見下圖餐牌影得唔靚，只想說清新得黎，芝麻醬香，蕃茄甜魚皮花生酥脆，點下後來其他菜式嘅醬汁（其中有碟菜式跟莓醬），點來點去咁食，好過癮杏汁豆腐南瓜（扮海膽）個湯幾鮮甜黃金繡球係我全餐最欣賞嘅菜式，炸得一啲都唔油膩，仲好鬆脆唔硬，味道唔寡，讚嘆大廚嘅心思、功力深厚。炒飯正正常常，份量幾大菠菜冇我想像中咁澀果凍好彈彈。覺得呢個啱夏天多啲，冬天都係想食返暖粒粒嘅甜品…查看更多

晚飯見唔使排隊，好肚餓，就行咗入去啦上菜速度快，初時諗住快餐都係咁㗎啦，估唔到質素唔錯海鮮當新鮮，份量都幾滿足，麵豉湯熬製得好鮮味，唔係普通沖粉。甜品唔Hea，有黑糖冰粉。初時太肚餓，仲叫多個小食（豬扒天婦羅包），最後飽到呢。。。想讚嗰個包都好好味，唔單止天婦羅啱啱炸，連塊菜都好新鮮好脆嫩，飽都想食呢間好似出名食天婦羅，食咗今次，對下次有啲期待。是次晚餐百幾蚊連埋+1。食完之後先知道點解唔使排隊啦，因為返台速度都幾快，一枱接一枱…查看更多

聽過朋友話呢間餐廳好靚，食物唔錯，今晚dinner 2個人，帶著期待，唔知好睇好唔好食呢？Grilled Beef Rib Eye Steak 16 oz $458 + $88 Mini Spinach Quiche 。牛扒叫左7成熟，肉質唔太韌，原汁原味，配左個酸忌廉，清新絕配。菠菜酥熱辣辣，切開出曬煙，酥皮香口，伴碟蔬菜幾新鮮Sweet Potato Risotto (Vegetarian) 流心布袋芝士紫薯意大利飯 $158。 以前未食過呢個配搭，有我最愛嘅芝士、紫薯，唔知擺喺意大利返會變成點？布袋芝士拉絲㗎😍😍😍紫薯自然融入粒粒意大利飯，紫色既飯好靚服務員態度好，今晚二人食飯俾4人圓卡位我地座，靚打卡位，好開心。Wine list 都幾得意：…查看更多

好多年前黎食過，喺星期日嘅觀塘唔知食乜好，諗起觀塘廣場一品香，就行咗入去啦。記憶中，一品香是屹立多年的傳統上海小店，一人食飯又得，一家人食又得。呢度唔係追求精緻，而係追求傳統上海的家味道。一個人，又唔想食客飯套餐，點咗散叫排骨湯麵，有粗麵幼麵揀，小妹揀咗粗麵，麵條係上海粗炒嗰款，有少少似似哋烏冬，配上上海醬油湯，仲有小白菜，正宗上海家常味道。炸排骨薄薄的一層粉漿，唔嚡口。$52，仲有茶水，真心抵食。…查看更多

餐廳有兩層，舊式小店，難得搵到出面少有嘅菜式，有啲驚喜，今晚6人，食到捧住個肚走，人均消費都只係$200有找，雖然整體味道偏濃、鹹，但真心抵食。本身想叫脆皮雞，當晚冇貨，原來啲雞係要自然風乾，天氣潮濕就冇得食啦。於是叫咗京都骨，有啲驚喜，洋蔥好食，個豬骨醃得好入味，醃料嘅味道同出面唔同，都好大嚿吓，仲以為一碟細細，份量係估唔到嘅大炸九肚魚，魚肉好滑。粉漿好脆口，不過都幾鹹吓，忍唔住要飲可樂沖下口呢個蝴蝶腩煲，中size, 咁大煲都係二百幾蚊！出面好少有豬腩食，呢個豬腩又腍身，筋位有咬口，唔肥膩，煲底有蘿蔔片，再加埋個胡椒湯底，係牛腩煲嘅豬版本，咁大個女第一次食，蝴蝶腩原來是咁的。芥末牛柳粒，青瓜吸晒啲肉味，幾脆幾好食。牛柳係夠嫩，大排檔風味。見到差唔多台台都叫嘅蠔爽，我哋都有叫返碟。啲蠔一粒粒，好多蠔呀，係不惜工本嘅好多，蠔迷大滿足系列。鍾意食清淡嘅我都係嗰句，幾鹹吓呢個堅係雜菜粉絲煲，清一色青菜加粉絲，絕無其他蝦米冬菇嘅配料。估唔到出奇地好食，啲青菜好似有豬油炒過嘅香氣，但又唔會有油，清清地。青菜真係好夠嫩，冇渣菜。雜菜煲上嘅時候全台人已經飽咁滯，最後都清晒。係我食過最好味嘅雜菜煲，估唔到清心寡欲嘅雜菜煲咁好食，係今晚我最鍾意嘅第一名。豉油王炒麵，估唔到係用粗嘅雲吞麵底炒嘅豬油渣炒麵，好香噴噴，完全搶晒豉油味。但係都幾油膩下。其實叫佢做豬油渣炒麵更貼切今晚帶返個胃空間有限，希望下次再嚟食潮陽來不及、涼拌花甲、鵝腸。…查看更多

新裝修後，成間餐廳感覺升格咗，餐牌嘅菜式都玩新派風。來忘掉過去，整體菜式係幾好的。杏汁燉白肺湯（位上）記憶要跑出黎，阻都阻唔到，一啖喚醒，揮之不去，忘不了忘不了。有比較有失落，肉粒多過豬肺，僅有的兩粒豬肺沒有滑溜溜，卻成為湯渣的一份子。杏汁是香濃的，卻有微苦餘韻，不是不好，只是回憶太美好蝦多士配黑松露沙律醬精緻美味，唔會一口油，睇得出造型上嘅工夫鯧魚（黃立䱽）魚骨恐懼症嘅朋友唔使驚，師傅已起晒魚肉，安心食用。魚骨炸得香脆，吞得落肚招牌松露脆皮雞半隻脆皮雞幾好食，肉質嫩滑，皮薄香脆。碟邊嘅黑松露醬似乎有點畫蛇添足，不加也罷。紅燒豆腐煲正常地好味炸芒果牛奶卷呢個有啲似炸鮮奶，換上芒果牛奶，創意度滿分。…查看更多