walamhaha的個人專頁

朋友準備結婚，簡左黎呢到派炸彈。今次都係第一次黎Lion Rock 到食飯，原本見到佢有個爐端燒放題好吸引（包刺身，任飲啤酒，同埋日式火鍋），最緊要價錢係唔貴！！點知一叫個陣就己經話無曬quota , 下次一定會黎食！今次試左個冬日進補套餐，先黎幾個前菜之後有羊腩煲同埋蛇羹,係呢個開始凍既日子就真係暖笠笠。開心share 埋俾大家個爐端燒放題俾有緣人睇啦：…查看更多

因為等極都等唔到樓上個間火鍋，所以轉陣黎左呢間台灣野食。今次點左個臭臭鍋，雞排同串燒。佢個臭臭鍋d豆腐真係好臭，食完第一淡係到諗如果呢d 臭豆腐拎左去炸會係點☺️雞排juicy 而且唔會炸到成塊都係粉而串燒我覺得淺嘗就好了，始終又唔係真係話性價比好高。希望下次可以食到樓上個間網紅火鍋店啦！…查看更多

岩岩去完威爾斯到探親戚，所以就搭一個站去沙角村諗住有多d 餐廳選擇。記得以前黎沙角村既時候，東菇亭既大排檔仲仍然人來人往，口水橫飛，當年呢到都係讀U個陣成日黎Re-U 既地方。可惜而家都已經拆曬，變做左一條美食街food court。今次叫左個烤魚套餐配麻辣湯底，侍應呀姐提我地小辣已經夠辣點知一食就知道仲弱過譚仔既二小辣🤡。條魚係夠大條同埋肉夠滑，配料方面就基本野啦，不過不失。反而我覺得佢既小食係幾唔錯，今次個餐有包蒜泥白肉然後我自己就追加個粉皮（麻醬夠曬濃）😋。如果同烤魚餐廳比味道當然能分得出高下啦但係勝在食完唔會個口渴到想死。…查看更多

呢一間相信係銅鑼灣返工既都會知道，黎呢到其實都係為左可以飲碗湯。出面雖然都有唔少專係飲湯既鋪到，但係性價比就無呢間咁好。全部加埋50幾蚊其實係今時今日既香港已經係難搵。不過呢到都算係術坊飯堂黎，所以如果人太多就要俾下耐性等下位啦。上菜速度都好快手，而且唔會好飲出面餐廳咁食飽就吹你走。記得上一次黎都係好多年前，雖然當年就當得味道唔太好，但係當人大左再黎返飲淡湯就會覺得心頭有返種溫暖既感覺，可能係因為已經好少再有機會成日飲湯水，掛住媽咪既味道。…查看更多

今日黎左呢到食中秋飯，咁岩屋企人有新成員加入，所以地方就腳同埋BB friendly 變左搵餐廳聚會既一個考慮因素。呢到比起同另一間國寶動物酒店位置近西鐵站好多，而且步行距離都係10分鐘內，所以就成為左今年既食飯地方。今次片皮鴨既第二食- 抄鴨菘入味有驚喜，平時食片皮鴨佢個2食都係一般般，今次佢就抄得幾入味，最後食曬😋 我比較鐘意係個環境，雖然你會同好大機會同同胞一齊食飯，但係環境舒適，大家一齊唔洗迫，又唔洗俾人趕食完就走己經好好。畢竟一家人聚會既時間其實好少亦都唔易就時間，所以係食得舒服的。我會推薦片皮鴨同埋個脆茄子，大家可以考慮試下！…查看更多

牛一大概係以前中學既時候先會去食就真既，出左黎做野後好多時既選擇都會多好多（其實洗曬d 錢係食到)。但係隨著人愈大愈會開始著重養生，當你收工已經係7點幾8點既時候如果屋企無飯食都唔會有咩餐廳有多菜小肉既選擇。所以今次黎呢到既主打係食菜，佢呢到有得食Kale 羽衣甘藍同唔其他款既菜。如果你google 都會知Kale 係一樣有豐富營養同抗癌功效既食材，出面買都要幾十蚊先得細細包。所以除左focus 係肉之外，呢到既菜款都有好多選擇，食得肉太多黎食個蔬菜buffet 清潔一下自己個胃都好緊要（為左可以繼續周圍食）。重點就係，第二日個肚入面乾淨曬 ！（你懂的）（好評就真係俾落個羽衣甘藍到既）…查看更多