johnsungle的個人專頁

又是lunch來這里食，因為今日要去海富中銀入票，順道過來。上次食公治，今日試肉醬意大利麵，係我一向對任何餐廳最冇要求嘅選擇，很少會難食。如果難食，幾可肯定是衞生問題。肉醬意大利麵肉醬: 稍少一點，也不夠調，蕃茄醬也調教得不好，冇茄蓉。👎麵: OK。正常。👌蝦:品三隻確實太少，四隻看上去比較美觀。口感在我沒有期望下，竟然爽口，處理雪蝦不錯。👍擺盤: 可加香草作裝飾，但沒有。👎咖啡: 一如已往，飛機餐口味。👌後記: 坐喺度飲咖啡時,waiter突然伸手過來收嘢，事前完全，不像大家樂，說聲，幫你收嘢。👎…查看更多

星期日lunch，一心去這間金記食海南雞飯，這分店已開了2個多月，一直都排長龍，今日用App攞飛先食到。我之前喺APM返工，間中會到嗰間金記食海雞。因為75蚊，相對比茶記貴一些，所以同事很少去食。除非開會遲咗放lunch，或者好攰唔想行，貪佢就腳先去。這間太古分店，海南雞飯啲雞過熟，時間火喉控制得唔好，變咗冇咁滑，亦冇咗啲啫喱形態嘅雞油，這亦是我評論海雞嘅指標之一。總括一般。但比越品比，仍然比較好食。星期日lunch,79蚊海南雞飯無料到品越越式料理https://s.openrice.com/QrbT0PyGO00中湯，我冇飲，我轉咗羅宋湯，湯唔夠濃亦冇牛肉味，一般。加啡，一般，得個苦字，冇香味。…查看更多

星期五，lunch，大概1點鐘嚟到，重有張大枱。午餐牌，冇嘜選擇，就揀carbonara。呢個好似係蘑菇湯嚟，我覺得太浠，似洋蔥湯嗰種。味道冇印象，應該係一般料嚟。主菜，上碟時麵有啲乾，好似一早整定，放喺蒸籠暖住嗰種。所以一撈啲麵就出煙。冇嘜汁，冇嘜香味，煙用正常。實屬快餐貨式。咖啡一般我一路食，一路install佢隻App，問個高侍應，有冇得儲分之類，完全唔知，可能manager，冇briefing。埋單時問多一次，最尾叫manager過嚟。佢隻app原來係要入錢去佢個wallet，再扣wallet先有分，你個wallet都唔知係咪secure，重要我比埋credit card資料，唔好玩啦。…查看更多

先講塊雞皮，薄，不太乾，夠脆。雞肉的調味很好，有些許似大家樂炸雞脾的雞肉，但比他更鮮嫩，有肉汁。比KFC更好味，更出色。如果同一些廉價百元多的炸雞薯條餐比，這類餐廳在灣仔很常見，我敢講Jolibee一定好吃一些。你可以全部要哂雞下腿，我覺得drumstick更好食，但可能唔夠飽。這個餐有一碟類似磨菇醬嘅嘢，我最初以為是撈飯食用。我見附近菲傭，他們是用來點雞食，不過我覺得有點咸，對身體也不好。這個餐，重有杯熱飲，杯咖啡就認真一般。50蚊，喺中環唔使食美心，大快活，我覺得簡直係人間綠洲!…查看更多

入內看看餐牌，才知這里的廚師是米芝蓮。怪不得，之前在門口，看看餐牌的價錢有點貴。這個鹽燒銀杏，我覺得很好，有香味，而且，銀杏不乾，有少許汁。值得一讚。燒鰻魚，我們叫了鹽燒，也有汁燒。鹽燒是正常的選擇，不過，想試一下這里有沒有秘醬。結果，鹽燒是很好，他有難得的Q彈，有汁，有少少魚味，火喉控制得很好。汁燒可以不理。這個煙肉蠔，完全是普通料，可以不叫。雞皮，沒有味，不太乾，我反而覺得可以再燒一會，燒得脆一些更好，感覺就像食雞翼上的皮一樣，可以不叫。雞肝，很軟，我覺得似小時候，燒臘舖那種，中規中矩。牛吞，普通，不值一題。一夜干，普通。整體一般，但服務態度不太友善。今晚，我們食了兩間元朗食肆，兩間都不怎麼有禮貌。不像銅鑼灣的餐廳般有禮貌。…查看更多

煙火雞早餐，這個餐，我剛在日本mos burger揾過，好似日本冇呢個餐，無論如何，比30蚊，可以喺舒適環境用餐，已經超值。30蚊有埋多士簡直係超值，重比Anchor牛油。蛋，賣相令我有一種熟悉嘅感覺，似大學canteen，或者大快活，厨師喺一塊平鉄板上gin出嚟，成塊薄餅嗰種。落咗好少鹽，但有可能喺啱啱食完牛油嘅關係。咖啡基本上同飛機餐嘅咖啡係一樣味，如果你去去旅行，又冇假，呢杯嘢，啱哂你嚟頂隱。整體，當然唔能夠同日本比，但環境舒服，佢就跟足日本。題外話，日本Mos Burger係有Net Order嘅。…查看更多

今日放工約了三個friend聚舊，由天后出發入元朗食嘢，點解去咁遠食，原因只係我哋住港島，好少去元朗有新鮮感。呢間嘢嗰第二次嚟，上似喺半年前。去到都成9點。大Toro與中Toro嘅價錢好似淨10蚊，當然叫大嚟食。味道有鮮味，有油份，但冇入口即溶，可能唔係大條嘅吞拿魚嚟，冇根，我想信同我之前食過嘅唔同部位，小弟對此未有study過唔知。牡丹蝦有鮮味，但唔甜。三文魚麵豉湯有濃厚麵豉味，唔咸，適中。但，啲三文魚，唔知佢想整免治魚肉定點，唔掂。炙燒左口有燒香油味，火喉啱啱好，有肉汁，好食。鰻魚冇特別。法國皇室蠔我比較喜歡，有鮮味，有creamy。法國蠔種九成來自日本三陸，所以味道也差不多，各有長短。點解法國蠔係日本種，因為幾10年前，法國蠔有傳染病，好多蠔種都死哂。佢哋嚟到日本攞啲蠔返去，點知日本豪好強冇事，所以就用日本蠔。至於今次海嘯，法國佬有嚟幫手，這令我對法國佬嘅睇法改觀。愛爾蘭蠔冇料到今日我哋四條友食咗1千蚊，喺銅鑼灣，食二三百蚊嘢，啲侍應都好有禮貌。今次我整體覺得元朗嘅侍應禮貌度，都交港島差。因為我跟著會超三品食串燒。…查看更多

小弟太嫲生日宴，去大埔近佢老人家嘅酒樓，基本上每年都係食呢間，我覺得每年都唔錯。今年呢隻雪場蟹重有半價，$1200，1.5kg。聽落非我吸引。我今次只是參加宴會者，不是落order之人，所以不知詳情，據說是活蟹，若如是，非常底食👏小弟剛去完北海道，但沒有食鱈場蟹，只食花咲蟹。講開鱈場蟹，如果你唔知佢點解叫做鱈場蟹，等我話你知。鱈場嘅意思唔係好凍嘅地方，係鱈魚住嘅地方，呢種蟹好鐘意食鱈魚，用鱈魚做餌。喺北海道當地食嗰啲，9成都係Russia出產，基本上只有去相熟嘅餐廳，你先會食到日本嘢。我今餐喺香港食，算係一個補嘗。講返隻蟹，有肉汁，致於味道，我覺得唔錯，有甜味。其他小菜，我覺得都好味道，可以再來。整體滿意。…查看更多

本人一向偏愛日本飲食，今日本來去灣仔Muji食lunch, 行過見到開咗間一幻，即刻比佢吸引。之前知道佢喺尖沙咀開分店，但網上啲人話唔掂，所以冇專登去試，念住遲吓去北海道時食，點知去到北海道，喺千歲空港，掛住買蟹冇時間食。今日經過一於入去。我對日本飲食，從來唔會Compromise。一幻，我之前已經喺tabelog睇過，佢喺日本屬於中級，好食過一蘭少少，唔知點解啲人當一蘭係神咁，尤其係兩岸人士。侍應整體表現有禮貌，當我問佢sapporo beer是不是日本白底黑圈黃星嗰隻，我覺得係好飲啲。佢話唔係，更叫佢下屬拎枝beer出嚟比我睇，點知佢下屬開埋出嚟。雖然我唔要，因為唔係日本嚟，只係香港入口嗰款，佢喺我面前都冇黑面又冇鬧佢下屬。碗麵其實太油，不知是否因為濃湯關係，因為冇喺日本食過，冇得比較。味道OK, 但冇鮮蝦味，又冇鮮鹽味。反而我覺得佢盒裝外賣即食嗰款，啲湯重好味，因為我剛剛喺日本買過miso味返嚟煮，好鮮味，但都好油，所以，我相信喺日本現場食都係咁油。所以今日我買咗盒看門口，但鹽味冇貨，唯有再買miso。星期五再嚟買鹽味。拉麵店，其實啲清水都好緊要，最梗要夠凍，我飲嗰壺就係唔夠凍，扣分。佢收得我差唔多一百蚊，我就有要求。只於點解要凍，你自己上網揾吓點解啦。…查看更多

去supersandwish食嘢已經係幾年前嘅時，如果唔係週圍排哂長龍，今日都唔會嚟。一望之下，見有公治亦係小弟最愛之物，當然要叫嚟食，放且價錢亦係最excellent之選。之前見其他食評話supersandwish唔掂，都打定底。心念是但啦，食飽就算。叫咗唔記得係Oliver Club定嘜嘜Club Sandwish. 咬落先知有料到，有少少𤎖底，因為外賣已經冧冧哋，即場食，可能更好。料多，肉菜比例適中。完全unexpected，食完放工都未肚餓，味道ok，唔會太多蛋黃醬，好似食過麥記魚飽，得啲醬汁味。如果只食三文治，Supersandwish仍然喺名單有一席位。如果呢間同Shake Shack唔知有冇寫錯名，我揀Super，最少健康啲。…查看更多

話說小弟喺金鐘返工後，公司條team(其實係嗰一個下蜀咁大把)已經有固定飯友，小弟唯有自己食。就係咁，週圍行，pick up by random咁去揀嘢食。不過金鐘實在太多人，完全唔想等，唯有買外賣。據友人講金鐘開咗間出名嘅Burger舖，上網查過，係嘜嘜美國number one。我個人從來唔食貴個50蚊嘅burger，嘜嘢和牛，龍蝦burger(官塘有)。完全冇興趣，食得最多嘅係mos burger。最愛日本食物。講返呢間嘢，去到見到條queue，冇嘜人，念住啱哂，點知佢同香港某啲拉麵店一樣，原來重有條，後半隊排梗。排嘅人全部唔係鬼佬或婆，就係PP啲金融佬。排排吓有個鬼佬waiter，比張餐牌我，睇佢個樣我相信係經理嚟。我望吓餐牌，都ok。之前冇特別上網查過，就叫個Double Shack。我問個cashier，有冇coffee，佢話Tea 都唔錯，當然佢用英文同我講。係南亞人事，佢樣有啲似小弟之前某印度女同事。比錢時佢問我叫咩名，重比咗個food ready嘅接收器我，唔知點呢舊嘅official name係咩。我企埋一面等。親有時間入去餐廳內部望吓，已經坐滿哂人，重有幾個人企喺度等位。我心念食burger都等位，求奇企喺度食啦，其實我隔離就企咗個靚女。等等吓部機係咁震就攞嘢走人。佢由頭到尾都冇叫過我個名，我以為會好似Starbuck咁叫我個名提我攞嘢，都唔知問我個名啲做嘜。…查看更多

今日要去紅磡火車站接屋企人，weekday，早咗成半個鐘到，正正下午茶時段，想飲杯奶茶。念住去火車站food court食啲嘢，上到去睇，完全唔掂，得間burger king可以接受，正想買嘅時候，聽到前面條友問有冇奶茶，個counter職員話呢間嘢，咖啡奶茶欠逢，得汽水之類，即刻要走頭。行行吓醒起過隔離個唔記得叫嘜Q商場裡面有個food court。去到行咗一個圈，得呢間可以接受，又平又有奶茶。叫兩餸平平哋，有奶茶fit哂。叫咗猪皮，牛肚，油麵。第一時間飲吓嗰湯先，嘩有料到，有細個嗰時嗰種味。話說小弟，讀書時期，經常幫襯附近車仔麵。大個之後，食暈哂出門嗰幾間，一間近time squares嗰間話雞翼尖好食，另一間近NewwayCEO嗰間話湯底好。我成日食都覺得不外如是，反而，呢間嘢流流哋，都啱我口味。…查看更多

話說小弟轉咗去金鐘返工，食lunch勁Q多人，唯有買外賣，今日試呢間喺正Canteen隔離嘅HAWK。佢入面好似Seven咁，一個個架放啲飯盒，但係飯就得三款飯，其他唔記得係三文治有定係一啲卷狀食物。基本上係冇嘢好揀。好多人喺度望下望下，我心念是Q但，呢個價錢，金鐘度度都差唔多，快啲買完返去食算，基本上係冇人排隊比錢，已知未必好食。去到office一打開，咁少餸，食菜先，都幾OK。咖哩有香味，有少少期望，一咬落去，孩口孩舌，橫掂都係雪藏雞，好心用雞脾肉啦。份量又少，唯有用咖哩撈飯，總結嚟講，有少少揾笨!…查看更多

星期日lunnch，今日想轉吓口味，嚟呢間。等1分鐘，就可以入坐。坐底見有海南雞飯，即叫。小弟對海南雞飯，情有獨鍾，食過很多(只是很多，不是全部)港九新界出名嘅海南雞飯。君悅酒店嘅都食過，到美心mx都會食。唔理平貴。見到餐牌有，多數叫。一上碟，好似ok。飯有味，但太油。雞ok，但只有極少雞油溶後再結精嘅jelly喺雞皮下面。雞肉一般。一句講哂，唔值，遲吓金記喺佢留下開門，同樣價錢有湯有嘢飲，重好食過佢，包佢玩完。…查看更多

因為喺官塘返工，所以已經食雲哂附近嘅茶記，lunch大家有個norm就係唔實貴嘢，最緊要快。今日去到呢間餐廳，上個星期已經入過嚟過，個侍應話今日有冇位，要我哋三條友迫落去二人枱。我哋即時話下次，跟著侍應提議叫我哋book位，咁好啦，就book口咗今日，今日就咁啱係地鐵冧當，三線信號有問題。講返間餐廳，環境算舒服，入到去有三張枱比我哋揀，我揀近門口，比較㷧光猛。侍應好快上餐牌。介紹餐湯。態度滿意。食物質數整體ok。…查看更多