已經係第二次，落單時寫30分鐘可取餐，30分鐘後去到話未有，都唔緊要啦你多外賣單，再等咗十分鐘都未有，問啲阿姐，十問九唔應，再問至去搵我份外賣，結果係兩個餐得一個餐有，又叫我等，等多十分鐘，其他遲過我嘅號碼都有我都未有，再問，阿姐，跟住話廚房無煮，即係點呀？追咗咁多次都唔去問廚房，結果等咗成個鐘！其實之前都試過，啲阿姐又係十問九唔應，追到勁嬲，上次仲離譜，叫三個餐出咗兩個，個廚房堅持話有煮第三個餐出嚟，係啲阿姐俾錯人，咁大佬呀，關我咩事先，你都要再整架，但廚房唔想去整同啲阿姐喺度拗，咁我點呀，又再要等多十幾分鐘至齊餐囉！呢間真係好差，如果唔係長康一期太少餐廳，真係唔會去幫襯！但一而再再而三發生，真係要black list！
…Read More
…Read More
