Tea time的個人專頁

青檸梳打= 濃縮青檸汁加水, 完全冇吓要加番D氣.... 樓下寫得好啱聽。茄牛腩河好一般沙爹牛河好一般我落單唔駛一分鐘, 就有碗茄牛腩河送到, 我追問店員, 佢話廚房聽到我 order , 所以咁快。我再送問咁另一碗呢, 店員即當聽唔到。其實我根本就到碗野係佢地早前落錯單, 另一張枱既客人唔要, 咁岩我係要這款的, 佢未比我囉。講真我唔敢唔要, 我驚佢拿返入廚房後加料又比返我。食到好似好受氣, 唔會有下次。…查看更多

昨天睇到蘋果日報的介紹, 又去試一試啦。咸水角 ---- 好味又新鮮炸起, 但實在油多了點。焗叉燒包 ---- 絶對推介, 去到唔可能唔食的, 但要等一等, 等個包涼點, 表皮會更脆。馬拉糕 ---- 新新鮮鮮, 味道幾好。牛肉 ---- ok 啦茶錢兩蚊位, 不收加一…查看更多

叫左個二人 198 套餐兩個人得以下的食物 : 紅湯或白湯, 加片飽一隻乳鴿, 加幾片豬頸肉一碟炒菜一 " 小 " 碟炒飯兩件班 cake加兩杯餐飲。即係每人 110 蚊, 食左個連快餐店套餐的套都不如的餐。雖然物價漲得勁, 都唔好咁呀, 110 蚊食半隻乳鴿、豬頸肉加炒菜加炒飯。…查看更多

今日到這餐廳叫了兩個set lunch, 一是香蒜鴨胸炒意粉, 一是阿根廷牛仔骨拼。炒意粉的鴨胸全是鴨胸皮加肥肉痴住少許鴨肉, 不知所為; 牛仔骨, 包保大家未見過咁大舊骨, 再加埋肥肉, 可以入口的十分一都無囉。仕應姐姐過來收碟, 仲要問碟牛仔骨要唔要, 大佬呀! 得肥肉同骨, 點食呀。本來一早想換, 但算吧, 決定以後不再來就算。十分懷念之前在廣華街的I Love You 西餐廳, 食物真的好得多, 是一間有心的餐廳,可借地點人流關係, 摺了。…查看更多

今日食tea set , 叫了杯熱飲, 杯邊明明有咖啡積, 問仕應, 佢竟夠膽話係剛才落糖時整到的, 這杯是熱檸茶, 他還給我一包糖, 何解廚房會幫我落埋糖。最後佢又唔肯換, 我未成杯無郁過囉。以後做人都係努力些搵錢, 去些較高檔的食市吧! 或者, 鬼叫你窮呀, 頂硬上。究竟食市餐具的衛生問題, 可否去食環署投訴的???…查看更多

好多時在旺角食午餐時,都會選擇這一間,需面積細少,但座得幾舒服的,雖價錢比較貴少許,但味道及質責不差的。…查看更多

上星期五晚來吃晚餐, 之前要專登走去奧海城, 宜家旺角有間, 本來開開心心去食。但事實上質素比奧城的差好多囉。叫了兩碗石頭飯, 兩碗都over cook, over 到攪拌時d 煙超勁, over 到飯焦多過乜, 唔可能發生的事囉, 好彩佢分量都算多, 就算有很多不能吃的飯焦, 仲叫有飯食(下次再order 要指明少飯焦) 囉。好彩, 仲可以叫佢比醬來撈, d 醬仲叫好味。總括來講, 間店的食物係唔掂囉。…查看更多

其中一個男仔的員工好dirty, 一手拿一碗粉, 一手由杯頂拿起兩杯飲品, 飲品加冰後高過杯身, 佢隻手掌就和冰磈全接觸。這個男仔真的需要再培訓啦, 又不是多客, 其實無需咁做囉。…查看更多

致: 大漠東主(現任)如果你是十一月才接手, 相信我的不快經驗並不關你事的, 我約在十月或之前到過大漠食午餐。當時好奸的是位女仕應。我只講出事實, 我亦不是批評貴餐廳, 而是對這位女仕應的處事方法感到不快, 而在這個平台發表一下。我亦無理由憎對貴餐廳講大話囉, 其實這件事根本無得查, 你問你的僱工, 係人都唔認啦(唔通我幫你識人咩), 或者她根本忘記了。算吧啦! 唯有身為老闆的, 多些時間在舖頭打點吧。…查看更多

兩個人叫了兩個set lunch, 其中一個係麻辣xx羊湯麵。等待時, 聽到隔離台有位小姐想吃xx羊湯麵, 但想走辣, 仕應很免強、很免強答應。當朋友食完畢後, 我問他是否很辣, 他話乜原來係辣架咩??? 我們追問仕應, 佢好驚咁答我地(加埋d 笑容), 剛才有位小姐想走辣, 應該是廚房調轉了。我們都吃完, 他轉過一碗乜吃不落, 況宜佢亦無咁的打算。但我親眼、親耳聽到佢話會安排走辣的麵給那位小姐, 如果調轉了, 那位小姐實出聲。我好相信是廚房費鬼事煩, 又開多了味精湯, 咁隨便比埋我朋友囉。咁的食店, 講大話的食店, 仲要扮親切咁講大話, 我唔會再光顧。…查看更多

兩個人叫了兩個set lunch, 其中一個係麻辣xx羊湯麵。等待時, 聽到隔離台有位小姐想吃xx羊湯麵, 但想走辣, 仕應很免強、很免強答應。當朋友食完畢後, 我問他是否很辣, 他話乜原來係辣架咩??? 我們追問仕應, 佢好驚咁答我地(加埋d 笑容), 剛才有位小姐想走辣, 應該是廚房調轉了。我們都吃完, 他轉過一碗乜吃不落, 況宜佢亦無咁的打算。但我親眼、親耳聽到佢話會安排走辣的麵給那位小姐, 如果調轉了, 那位小姐實出聲。我好相信是廚房費鬼事煩, 又開多了味精湯, 咁隨便比埋我朋友囉。咁的食店, 講大話的食店, 仲要扮親切咁講大話, 我唔會再光顧。…查看更多

星期六晚食晚飯, 5 個人食完後問是否有糖水送, 因為之前睇到隔離兩台都有, 姐姐仔話幫我地問o下, 跟住返來話無得送, 仲要話"過往都無得送", 如是一直是無糖水送, 何解之前要幫我地問, 直接話無得送無算囉。最後同佢講, 剛才隔離台都有得送喎, 姐姐仔又話幫我地check check 喎, 跟住有人送上糖水。真係當d 客傻…查看更多

兩個人食晚餐,叫了二人套餐B $148,加一個海鮮冬蔭功湯$48。蒜茸牛油焗青口----幾香,可以的。扎肉炒時菜---- 可以的。春卷---- 超咸。泰式炒河---- 不合格。海鮮冬蔭功湯---- 垃圾, 48蚊買返來的垃圾。餐飲---- 全餐最可口的。兩年前食過一次, 今日又去, 因唔駛等位, 不過一定無下次, 餓死都唔會再去。…查看更多

一間又禁煙, 服務又好的店做唔住真可惜。雖然d 食品味道一般。可能根本間店搵唔到錢, 坐位太小, 坐滿都未必回本。…查看更多

昨晚九點一入座, 有打冷五折,小菜七折的特價, 又免加一, 所以好低食兩隻大閘蟹----- 60 蚊,味道ok鹵水拼盤----- 半價35蚊, 一般白粥----- 10 蚊, 差魚蛋粉----- 20 蚊,好味水晶飽----- 半價13蚊, 好味由於得兩個人食, 分量都好夠, 我眼見d 侍應個個都好禮貌, 就算隔離台客好煩氣, 但佢地都好禮貌。…查看更多