今日打算去餐廳慶祝同事生日飯因為知道用餐人數10人都比較多，所以透過WhatsApp就向餐廳訂位。溝通上都有來有往，我哋每人都各自揀埋自己食咩餐同幾多成熟，同咗餐廳講，請佢哋預備。點知今日去到餐廳，佢竟然黑面又寸嘴話我地邊有訂枱，好彩有文字記錄，原來佢睇錯咗我哋訂枱日期冇預備到。冇都唔緊要，但係當要求返佢準備10人座位嘅時候，女服務員態度極差，對睇錯訂枱日期一事完全冇道歉，一句「唔好意思」都冇，亦冇打算調動餐椅，淨係黑面叫我哋「坐入去啦」，問題係餐廳座位不足，我哋又點樣點坐入去食飯慶祝呢？其實如果就過錯道歉嘅話，都唔會咁嬲，頂多等多一陣，又或者搵第二間餐廳，但係女服務員真係完全毫無歉意，唔會再去呢間餐廳食飯，冇下次！
…查看更多
…查看更多
