fcly的個人專頁

A special flight themed restaurant. Thought that the meals will be served as "flight meal alike", but turned out it was presented just like other restaurants. The food is nice, albeit a bit overpriced. All in all, environment is excellent, good for a chat over drinks.…查看更多

This is my second visit to mother of pizzas. Although we had made a reservation, the staff told us that the table is not ready, and we waited 15-30minutes. Its all good when we got in there. The pizza dough is soft and tender, and its full of toppings. We all enjoyed a lot! …查看更多

位於旺角天台的一間餐廳，環境的確10分優美，但是枱與枱之間的距離很窄。食物方面可能我自己編號冇比食物，所以覺得餐廳的食物都偏淡。另外以這個價錢來說份量是少了一點。…查看更多

依度既環境超級chill, 有泰國/ Bali d cafe既感覺!! 不過食物就無大驚喜。招牌牛腩湯飯既湯偏淡，牛骨無乜肉/ 骨髓。牛腩大大舊，加分。另外個牛丸湯麵又係偏淡，份量偏細。小辣都有5小辣既程度，唔食得辣既朋友要注意。小食叫左雞翼同粟米墨魚餅。小食味道正常，份量有d細。總括黎講，係食氣氛~ 西貢想搵個cafe hea下，依間係唔錯既選擇。另外見到佢樓上個閣樓好似有搞啲電影播放會，一班friend去應該幾chill。…查看更多

平時行海港城經過寬巷子已經俾佢裝修吸引，今次就約埋班friend試試。餐廳外排左一張近窗既枱俾我地，可以望到維港夜景。另外枱同枱之間好闊落，私隱度足夠。有d店員係台灣總店個邊過黎，會用普通話溝通，好有旅行feel。首先要揀鍋底。因為我地都唔係好食得辣，所以揀左美人鍋併養生白鳳。其中大推養生白鳳! 佢湯底有花膠、烏雞、鮮人蔘，超級滋補。啖湯亦因為有烏雞而非常鮮甜!食品都同樣出色。我地點左杏香野菊 (彩虹盤$168)。佢係茄子包住d蝦膠，上面再有d杏仁片同紫玉米。小心d杏仁片會容易係個湯到滾下滾下甩晒。但溫柔d煮佢，應該可以keep到原狀! 原狀咁全個食最食到個層次，因為d杏仁片仲係好脆口，同d彈牙蝦膠一齊食特別有口感。旁邊個鮮蝦雲吞($88)同樣彈牙。玫瑰松板係必點既!! 師傅將豬頸肉砌到好似藝術品咁，靚到有d咁想破壞佢。煮之前記得要淋d蛋白係豬肉上面，咁豬肉就會更滑溜。依個好似牛軋糖既野，其實係墨丸條(彩虹盤$128)。不過特別之處係佢混合左d雞軟骨係入面，所以食落口會更爽脆有咬口。我既最愛應該係菠菠糖(彩虹盤$108)! 就咁睇外表，可能以為佢係肉丸，但原來係豆皮包住d芝麻，食落好香口。d豆皮仲要索晒d湯，好正!! 會食唔停。最吸睛既一道菜應該係個花團錦簇菜盤($238)。又係靚到唔想整亂佢。要自己拆個菜盤有d難道，因為佢插得幾實。不過餐廳既店員好好，會幫你拆埋，再靚靚放上火鍋上。另外要讚下d菜好甜，同個雞湯特別襯。就算好飽都忍唔住要食。總括黎講，寬巷子完全滿足到我同部電話既食慾。同埋食物精緻得黎係有質素，服務亦都非常貼心，所以餐廳定價都唔平，一分錢一分貨吧!…查看更多

返工咁辛苦，真係偶然要食好野獎勵下自己。依日去到一間私隱度好高既私房菜食法國野。餐廳唔做walk in客，想食一定要打電話book。位置方面位於尖沙咀同佐敦之間既小巷，一不留神就會錯過。餐廳門口冇特別既裝飾，但推開門先發現內有乾坤。入面既裝修簡潔舒服，係我鍾意既style。未正式食之前，待應送上麵包盤。麵包有翻焗過，做到外脆內軟。旁邊既牛油係餐廳自家製，分別係原味、黑松露、同蕃茄味。我最鍾意黑松露牛油，好香口。待應話只要like佢地餐廳既facebook page就有泰式生蝦送。雖然係免費但一d都唔頹，隻蝦有成隻手指咁長，蝦肉唔霉，證明佢新鮮。之後就上頭盤，我揀左阿拉斯加蟹肉沙律。佢賣相雖然麻麻地，但其實味道唔錯同埋好足料，食到一絲絲既蟹肉，配合埋d青森蘋果食更match。朋友叫左焦糖法國鵝肝terrine。佢既味道比就咁食一舊煎鵝肝更rich，一個人食一定覺得好漏，要加埋d無花果醬食中和返。而另一碟吞拿魚兩食頭盤都好精緻，一邊係火炙芝麻吞拿魚，另一邊係wasabi aioli 配魚子醬吞拿魚他他。試食左一口火炙三文魚，魚味幾濃，而且佢好厚切，所以有更加食到魚肉香味，推薦。主菜方面，我地揀左肉眼法國龍蝦、烤西班牙豬扒同慢煮和牛面頰黎share。肉眼龍蝦既肉眼我地揀左五成熟。因為係肉眼既關係，所以肉味濃郁。而龍蝦尾夠晒多肉，就算三個人share都仲分到一大啖。龍蝦用牛油煎過，特別香。西班牙豬扒煎得啱啱好，仲係非常粉嫩，肉質嫩滑。值得一提既係個青森蘋果醬汁酸酸甜甜好開胃，中和左豬扒既油膩感。我最鍾意既係慢煮和牛面頰! 用刀輕輕力已經可以切開牛肉，又唔會煮到太老，實在係慢煮之中既佳作，如果份量多d就好甜品方面有少少失望，可能因為頭盤同主菜太出色，所以甜品顯得有d普通失色。比較特別既係個青檸柚子水晶麵配楊枝甘露，唔會太甜又有多重口感。總括黎講，依餐係非常滿意。待應話佢地會定期轉menu，同埋佢地係免收切餅費同開瓶費! 下次同朋友慶生要再黎食過!…查看更多

今晚想食日本野，於是諗起之前bookmark左依間尖沙咀新開既丼飯餐廳，就去試試。雖然新開無耐，但都已經好多人排隊。原來因為依家做緊promotion，有兩款丼飯做緊半價! 等左大概30分鐘終於有位。極上吞拿魚腩丼($218)難得撞正有優惠，梗係要點黎試試。雖然做緊半價，但冇因而偷功減料，足足有五大片厚切吞拿魚腩，仲有吞拿魚蓉! 吞拿魚腩好高質，油花均衡，雖然有少少筋，但整體都有入口即溶既感覺，可以拍得住築地既質素，俾正價食都抵~ 三文魚親子丼($148)食三文魚最怕餐廳俾d無晒彈性光澤既魚生。但依間既三文魚新鮮合格之餘，三文魚仲夠油香，讚一個。三文魚子都新鮮脆口，最驚喜係佢仲有d炙燒三文魚肉，燒過既三文魚更香口，一魚三食，真係好抵玩。海之幸丼($238)依個真係好IG-able! 一上枱我地已經覺得好吸睛! 吞拿魚腩片，宂子，池魚舖滿飯面。朋友話海膽同蝦都好甜好新鮮! 下次再黎，我一定要點依個!除左丼飯，我地仲嗌左d小食 - 串揚同關東煮。關東煮正正常常，蘿蔔幾清甜。相反，串揚好出色! 我地點左豆腐串揚($20)同洋蔥串揚($20)。兩者都係出層炸到脆洛洛，但入面仍然好嫩。當中洋蔥仲keep到非常juicy! 非常推薦!!…查看更多

知道我最愛既百味堂開左去海港城，即刻約埋frd去朝聖! 地點唔算太難搵，喺lady m再入少少。每間分店都有限定既雪糕口味，海港城既限定味係芒果牛奶雪糕同抹茶Tiramisu牛奶雪糕。但其實除左雪糕，仲有好多其他野賣，例如麵包、咖啡，梳打。講返雪糕先~ 我地最期待就係鮮芒果牛奶雪糕($78)，因為店員話每杯芒果雪糕都係用足一個芒果整，足料得驚人! 百味堂特別選用呂宋芒，因為呂宋芒質素穩定，厚肉而且多汁清甜，配合埋creamy既牛奶雪糕特別夾! 好適合夏天食~另一杯海港城限定口味係抹茶Tiramisu牛奶雪糕($78)。牛奶雪糕混和左濟洲抹茶粉同埋黃豆粉，好有韓國風味。雪糕下面仲有淡淡既mascarpone cheese同索滿晒espresso既手指餅，令到成杯雪糕既層次提升，好似食緊凍涼既tiramisu咁。紅豆牛奶雪糕($68)係咁多杯雪糕入面，我既最愛! 紅豆用特別訂製既鍋慢煮3小時，粉腍香甜，同牛奶雪糕係絕配! 而紅豆雪糕佢會配埋一枝飲管俾你，當d雪糕食到溶晒既時候，可以當紅豆冰咁飲，好貼心。除左雪糕，其實其他食物都好高質。例如百味堂既多士全部都係手工製，由果醬到牛油到塊牛奶麵包，全部都係佢地自家工場整，單係依份誠意已經值回票價! 我地去到既時候淨係得無花果醬多士賣，但聽店員講遲d會有其他口味。無花果醬好足料，啖啖都係無花果肉。當中煮果醬時落既糖係用天然蔗糖，唔會用白砂糖，所以果醬唔會死甜。而多士整到外面香脆，入面保持軟熟，好好味!唯一比較失望係d野飲(左起五味子梳打，鮮橙檸檬梳打，鮮薑檸檬梳打@$45)。可能因為全部都係用天然材料製造，少落糖，所以對於飲開珍珠奶茶既我，有d唔夠甜唔夠味XD 但如果你係追求健康，百味堂既飲品其實好清新好解渴👍🏻最後我扡試埋佢地既手工曲奇(@$14)。曲奇面有杏仁片，所以特別香口。餡料方面有黑朱古力同白朱古力揀。我同d朋友一致認為白朱古力既味道襯牛奶曲奇多d!…查看更多

家賀係我最愛既灣仔日本餐廳之一，因為d魚生新鮮，食物總類又多，d位又坐得舒服。前排出完糧又黎再戰家賀，今次最主要黎食佢個特選海鮮丼! 其實之前睇到相已經好想試，一碗特選海鮮丼入面有鮑魚、吞拿魚腩、海膽、特大赤海蝦、立魚、油甘魚、三文魚腩等12款刺身。D刺身多到完全蓋住飯面，超級豐富! 我最愛佢既赤海蝦，好鮮甜又大隻，啖啖都係肉。吞拿魚腩雖然未至於入口既化，但都有好多油花。鮑魚非常彈牙，配合埋個磯煮汁，更加提鮮。接住再黎一碟油甘魚刺身，大甘蝦刺身同埋三文魚腩刺身。魚生都是厚切的，所以好有質感，食落口亦都特別香口。油甘魚肉新鮮唔腥，非常優質。三文魚腩就爽口重油香。大甘蝦有五隻份量十足，又係新鮮彈牙。家賀既刺身真係冇令我失望過，讚一個!然後再黎一客每次必點既彩虹卷。彩虹卷有我最愛既帶子，仲有三文魚、赤貝、吞拿魚等等，每片魚生都大大片，好足料。反卷入面卷住牛油果，唔會搶到魚生既味。帶子控既我再額外點左一件黑松露特大帆立貝壽司。話明特大，個size真係唔講得笑，帆立貝比豉油碟更大! 帆立貝上面有芝士同黑松露，再輕輕用火槍燒過，所以好香。帆立貝夠厚肉而且鮮甜，完全係味蕾既享受!除左魚生好味，家賀既熟食都好出色。首推佢既自家制低糖玉子燒。玉子燒煮得啱啱好，唔會過火太老。值得一讚係佢係低糖，所以食多左都唔會內疚。另外西京比貝魚都好味，魚肉又香又滑，不過如果個汁無咁鹹會更佳。總括黎講，家賀食物真係好高質，係灣仔諗唔到食咩，黎依度一定無錯!…查看更多

一早已經有聽過E Molto Buono既私房fine dining set質素高而且價錢合理，趁住閨蜜生日，即刻打去book位試一試。餐廳位於灣仔同銅鑼灣中間既內街，地點旺中帶靜。餐廳內部裝修非常精緻有情調而且燈光柔和，完全係酒店餐廳級氛圍，慶祝重要日子啱晒。再睇睇個menu，dinner set既價錢由$698-$768不等，以咁多個course既fine dining黎講算好抵!首先黎既係餐廳三款自家製既麵包(墨汁包、香草包、芝士片)同三款自家製醬汁(香草茄子、辣肉腸南瓜、意大利醋)。待應提醒我地要先食黑色嗰個墨汁包，因為係啱啱整好，仲係外脆內軟。 我最愛係芝士片，因為夠晒咸香~ 醬汁方面，我鍾意個辣肉腸南瓜醬，有少少似pizza既醬，好惹味，第二度食唔到!Starter 我地兩款都揀左黎試。Alaska King Crab Legs Salad with Cauliflower Mousse 個presentation超靚! 上層係啖啖肉而且非常鮮味既蟹肉，配埋藍色既橙酒魚子，好開胃。下層係好creamy既椰菜花慕絲，淡淡地唔會蓋過蟹既鮮味。另一個starter係Smoked Duck Breast, Avocado & Tomato Salad Puffy Pastry Tower. 鴨胸肉質嫩滑，配合埋牛油果醬一齊食好fresh!Soup方面揀左龍蝦湯。之前上過西餐烹飪班，知道龍蝦湯是極其花功夫的菜式，需要用大量海鮮來熬製，才能呈現出如此的鮮味。E Molto Buono的龍蝦湯果然無令我失望，非常鮮味香濃，齒頰留香!Entree揀左帶子同鵝肝各一。首先講帶子。帶子用咗刺身級北海道帶子，廚師將刻意煎到半生熟，保留帶子既鮮甜味。而帶子上面既鹹蛋黃醬，更係惹味非常!鵝肝嘅份量非常大份，上枱的時候差點以為是牛扒。鵝肝雖然厚身，但師傅的火候控制得非常好，鵝肝煎得粉嫩，配合埋底下的蘋果粒食，即時減低了油膩的感覺。上主菜之前，有酸酸的番石榴雪葩俾我地清清味蕾，順便消濟。其實食到依d已經有七分飽，因為主菜之前的食物都是份量十足的。主菜我地揀左焗法國鵪鶉釀忌廉燴野菌，同埋M8澳洲和牛。鵪鶉又係功夫菜，要將細細隻鵪鶉起骨，然後釀入材料，之後再保持個shape，其實唔容易，但大廚完全駕馭左依道菜。特別鍾意個忌廉野菌，好香濃。朋友既澳洲M8和牛我都有試食，完全係驚為天人既級數! 澳洲和牛等級的官方分法是從M1~M9。越高級數的牛肉，油花也就越綿密，M9級別牛肉油花最豐富，而且分佈最均勻，口感也最好。所以今次M8和牛都非常高級，有一股甜香的牛油味道，同時因為牛肉結構肥瘦相間均勻，所以入口嫩滑非常。咁滿足既一餐又點少得甜品呢。餐廳可以俾人預早落order係甜品寫字，非常貼心。除左依個yoghurt cheese mousse甜品之外，最後仲有花茶同自家製既茉莉花蝴蝶酥。蝴蝶酥又係驚喜之作，茉莉花味甜而不膩，好出色!最後值得一讚既係餐廳既女待應，由訂位到當晚，全程都非常friendly，好笑容。而且每上一道菜都會介紹菜式同食法，除左應有既專業仲多左一份暖暖既熱誠! 今時今日，係咩都要快既香港，好難再搵到依種服務態度，所以要特別俾個讚!…查看更多

朋友想食泰國菜，搵左中環依間位於LKF既Cafe Siam試一試。Cafe Siam既裝修好有情調，啱晒傾計談心。Menu菜式非常多，尤其小食同海鮮類，不過冇我最愛既生蝦同埋馬拉盞。每枱會附送蝦片。一如其他東南亞餐館，佢地既蝦片香料味好重，帶少少辣。因為太多小食選擇，我同朋友都好貪心，樣樣想試，所以最後揀左個泰式併盤($149)。併盤有4款小食：香葉雞，春卷，蝦餅，同埋肉串。炸蝦餅既蝦膠非常彈牙，再配埋個泰式甜酸醬好惹味。我最鐘意佢個香葉雞，雞肉燒得啱啱好，仍然keep到雞肉嫩滑、有肉汁。值得一提既係佢個串燒好厚肉，同埋沙茶醬份量好慷慨，可以畢一大羹醬舖落個串燒到，好幸福。黎到泰國餐館，點可以唔試下佢既pad thai($107)。我鐘意依度既pad thai唔會太重口味，帶適當既甜酸。同埋都幾多海鮮，幾足料!朋友想食海鮮，所以點左個粉絲蝦煲($232)。原本以為佢只係一個appetizer，但原來係一個主菜既份量! 首先要讚下大蝦既份量好多!! 同埋d蝦開邊完都仲係啖啖肉! 但最精華既當然係d粉絲，索晒大蝦既鮮味同埋蒜香。不過略嫌太過乾身，如果有多少少汁就更加正。招牌蒜香椰菜苗($85)炒得幾夠鑊氣，同埋除左有椰菜苗，仲有d菇，令到味道更豐富。:)最後甜品要左個芒果黑糯米($81)。芒果夠肉厚，而且夠甜，配埋d椰漿同黑糯米，為滿足既一餐作高質既完結!…查看更多

已經有一段時間無黎過灣仔築地, 今次再黎發現已經唔使「立食」, 因為餐廳已經安排左櫈, 等食客可以舒舒服服坐底食, 讚!難得再黎, 我地忍唔住點左好多野食!首先叫左個海鮮併盤。併盤有生蠔, 海膽, 鮑魚, 帶子, 蝦, 赤貝等等, 有個大碟冰陣上場, 好有氣勢! 帶子並唔係刺身, 有少少煮過, 帶出佢既鮮甜味。生蠔海水味濃, 蠔肉creamy。最好味係赤貝同鮑魚, 非常鮮甜爽口, 一d都唔腥。之後點左一個吞拿魚壽司併盤同Set D既雜錦壽司併盤。其實我麻麻地吞拿魚, 因為唔夠油香的話, 吞拿魚肉好容易落入梅爛既質感。但依個吞拿魚壽司真係好高質, 有入口即溶既感覺! 對上一次食到依種感覺既吞拿魚腩, 已經係過千元既師傅發板。今日竟然係依個$2xx既壽司併盤搵返依個享受, 抵!另外一個壽司併盤, $88黎講質素唔錯, 海膽尚算新鮮, 三文魚子粒粒飽滿。另外再點左兩款熱食, 燒茄子同串燒併盤。茄子夠油夠調味, 好惹味。串燒就淡味左少少。差d唔記得仲點左份三文魚腩刺身, 係全晚最高cp值! $56有五片超肥美!其實灣仔築地除左野食新鮮, 其實食個維港景都抵返晒…查看更多

My friend and I tried Scarlett's oyster the other day, and I must say this bar probably provides one of the best oysters in town!We tried 3 sizes of oysters namely Fine Selection no. 4, Wild Oyster no. 3 and Royale Oyster no. 2. The number indicates the oyster's size - from smallest to largest. The oysters are very fresh and possess oceanic salinity with a clean finish. I am truely satisfied with the quality and freshness of the oysters! Not to mention the price is very reasonable, which is starting from HKD$28.Alice, the beautiful manager of the bar, also offered us wonderful food pairing tips. She told us that there will be an Oyster festival coming up, from 25th September to 31st October 2017, where oyster farmers will be at the bar to give exclusive insight of oyster farming. I'm sure I would check out the restaurant again for the festival! All in all, Scarlett Cafe is heaven for oyster and wine lovers. Highly recommend.…查看更多

第一次食cheescake factory係星期六既lunch time, 我地11:30am攞位, 12pm到就有位。個陣叫左兩個lunch set - Louisa雞肉蝴蝶粉同埋fish n chips. 待應話lunch portion會細d, 但一d都唔覺!! 最後fish n chips食唔晒。蝴蝶粉個sauce好rich好好味, 配埋炸到脆卜卜既雞排, 好邪惡但好好味。Fish n chips就正正常常不過就算點飽, 一場黎到cheesecake factory, 點都要試下佢d cheesecake. 於是點左個red velvet cake($79)。一上枱, 我都都嚇親, 個蛋糕一隻手咁大。不過red velvet蛋糕完全無揀錯, 唔會太甜, 芝士淋滑有芝士味, 蛋糕濕濕地, 好夾好好味。之後第二次去, 同班friend一行五人食完正餐, 9:30pm去到攞位, 淨食蛋糕。又係好好彩, 等左廿分鐘就有位。第二次食, 除左encore red velvet之外, 仲點左牛奶焦糖芝士蛋糕($75), 同埋一個non-cheesecake - Linda's Fudge Cake($88).牛奶焦糖蛋糕好甜, 唔係好食到牛奶味, 不過係好味既。Linda's Fudge Cake超級巨型, 比牛奶焦糖更甜。Fudge底濕潤黏口, 有少少似成緊一舊朱古力, 好正, 不過真係要多d人share先好。總括黎講, 係高質既, 會再食佢既main.…查看更多

灣仔返工既好處就係多飯腳。最近又有兩個好朋友黎左灣仔返工，於是揀左大家公司附近既蠔吧聚聚舊，食好西。我地七半去到，坐位已經八成滿。好彩有book位，餐廳安排左個舒服既卡位俾我地。其實依間餐廳平時經過見佢咁靚裝，已經想試好耐，佢既枱面佈局的確用心有情調。首先黎d餐包。雖然餐包係免費，但質素都唔錯，香草味濃，不過略嫌有少少乾，點埋意大利醋食就啱啱好。跟著就黎starter。餐廳叫Oyster House, 當然要試試佢d蠔。侍應推介我地試法國既Gillardeau，我地另外再嗌左海膽紅蝦。Gillardeau No.2 生蠔($49/件)在法國享負盛名的石蠔Gillardeau，身份等同於頂級葡萄佳釀的生蠔。據說這種味道獨特而濃郁的蠔，產量極稀少，每次有貨，即被當地既著名餐廳預訂，在法國以外既地方，甚難品嘗得到，所以得知The Oyster House有Gillardeau真係好驚喜。而生蠔的確無令我地失望。Gillardeau蠔肉肥美有彈性，口感爽脆鮮甜。海水味柔和不濃烈，入口後的味道由鮮入甜，非常細膩有層次! 真係一試難忘!海膽紅蝦($88/件)我本身好怕食海膽, 因為多數餐廳既海膽都唔新鮮, 有朕怪味。不過依間d海膽幾鮮甜, 真係好驚喜。配合埋爽滑既刺身紅蝦, 真係鮮上加鮮, 好幸福既滋味!!Crab Cake(3pcs, $128)我地仲點左個hot appetizer, 餐廳自家製既蟹餅。 蟹餅入面全部都係一絲絲既蟹肉, 見得到既足料, 蟹肉亦都非常鮮甜! 除左蟹肉, 入面仲有buffalo mozzarella, 再配埋Kewpie Sauce, 味道香濃惹味。Seafood Fettuccine ($158)食海鮮食到意猶未盡, 主菜我地都揀左海鮮 - 海鮮寬條麵。依個寬條麵又係非常足料, 有蜆, 魷魚, 蝦, 青口等等, 而且份量都唔細。寬條麵個汁非常creamy, 每一條寬條麵都sok都d汁, 唔會乾, 再撈埋d芝士粉一齊食, 真係十個滿足!Grilled Canadian Natural Pork Chop ($198)依個烤豬鞍係我全晚最愛! 豬鞍外層烤到有少少燶味, 好香好香。切開豬鞍, 入面係粉嫩既顏色, 證明火喉控制得好好! 咬落去好淋身而且有肉汁。真係冇諗過佢可以烤完仲keep到咁juicy同埋淋身, 非常推薦! 配埋白酒絶對係五星級享受~心太軟($75)食到依度, 其實已經好飽, 但晚餐點可以無甜品呢。最後揀左心太軟黎完結豐盛既一餐。總括而言, 餐廳既食物質素非常高! 我地已經約定左下次lunch再戰…查看更多