foodcritic65的個人專頁

今晚book左呢間餐廳同老婆慶祝生日，叫左Odyssée Experience六道菜套餐，成個環境好浪漫，望住維港夜景，好岩慶祝特別日子餐包有四款俾你揀，再配兩款牛油，一款係提味嘅鹽香，另一款係微辣開胃餐前小食有三款，好精美！侍應話先食牛肉糭嘅牛肉撻撻，跟住再食春卷，仲有就食紅菜頭餅1. Burrata Cheese 芝士無花果榛子 (前菜) 🧀 個Burrata芝士係主角，切開超creamy，奶味好香濃又好Fresh。最驚喜係下面嗰層酸酸甜甜嘅無花果Marmalade，中和咗芝士嘅膩，加埋榛子碎同少少香草，食落口感豐富到不得了！清新得嚟又好有層次，好高汁嘅開胃菜2. Brittany Blue Lobster 龍蝦濃湯 (+HK$128)藍龍蝦肉煎得金黃，一咬落去勁彈牙，鮮甜到好似啱啱喺海入面撈上嚟咁！但係靈魂一定係個湯（Bisque），個龍蝦湯濃郁到好似飲緊成隻龍蝦嘅精華咁，係超濃、超醇厚嘅味道，加埋個Celery同埋檸檬味嘅泡泡，即刻解膩，好想再Encore一碗！French Onion Soup 法式洋蔥湯 (湯品) 🧅 好暖胃！洋蔥湯煮到好焦糖化，味道好有深度同層次，嗰種天然嘅焦甜香好治癒！上面塊Brioche吸晒湯汁，仲有鹹香嘅Bayonne Ham點綴，好Classic但做得好出色馬友魚魚皮煎到好脆，卜卜脆，但魚肉就keep到好嫩滑、好Juicy，一夾就散開。佢個靈魂係下面個法式海鮮湯，個汁底勁鮮甜濃郁，食得出有好多海鮮精華濃縮咗喺入面3. US Prime Tenderloin 牛柳伴Oxtail汁 (+HK$180) 🥩 我叫咗Medium Rare，師傅控制得超完美，一刀切開係粉嫩嘅Ruby Red色，肉汁鎖到實一實！肉質嫩滑到簡直入口即溶，完全冇筋。個牛尾汁濃郁醇厚，帶少少膠質，點埋個牛柳同埋好似雲朵咁滑嘅薯蓉/菜頭蓉Seafood Risotto 海鮮意大利飯飯粒煮得啱啱好，有咬口，唔會太腍。八爪魚腳煎得微焦，好Q彈好香口，配埋肥美嘅蜆肉同青豆，每一啖飯都充滿咗海鮮嘅鮮甜味Soufflé 梳乎厘 (甜品) 🍓 最後個甜品都冇失手！士多啤梨/Rhubarb口味嘅Soufflé，鬆軟輕盈到好似一團雲咁，配埋草莓味嘅雪葩，食完都唔會覺得有負擔，好Perfect！…查看更多

最近同朋友去咗試一間主打高級食材嘅日式放題，聽講佢哋係全港獨有做緊「波士頓龍蝦」同「魚子醬」任食，本身抱住試伏嘅心態去，點知食落又真係幾有驚喜，食材質素對得住個價錢，係值得Bookmark嘅一間👍🏻🦞 波士頓龍蝦（任食） 呢個絕對係回本位。龍蝦肉質係紮實爽口嘅，唔係嗰種死實嘅口感，咬落去仲有少少肉汁。部分仲見到有膏，簡單清蒸或者加少少味粉已經好夠鮮味，我哋成枱人Encore咗幾轉。🥫 鱘魚子醬 真係原罐上，視覺效果幾好。魚子醬粒粒分明，入口輕輕一壓就爆開，帶住濃郁嘅鹹鮮味。我自己幾推薦將佢鋪喺帶子或者甜蝦刺身上一齊食，鮮味會更有層次，當係自己DIY個高級前菜咁食，幾過癮😎🐟 金槍魚腩 刺身拼盤入面最出色係呢個。拖羅嘅油花分佈得幾靚，入口夠軟熟，魚油香氣喺口入面散發出嚟，完全冇筋。比起一般放題嘅質素，呢度嘅吞拿魚腩確實係高級啲🐚 蒜蓉粉絲蒸蟶子王 值得一讚嘅係餐廳標榜用新鮮蟶子,食落口感真係呃唔到人。新鮮貨係爽脆彈牙，唔會韌到咬唔開。蒜蓉份量啱啱好，吊出鮮味又唔會蓋過蟶子本身嘅甜味，粉絲吸晒汁，好惹味🍣 海膽軍艦 用咗日本海膽，色澤金黃靚仔。食落去口感Creamy，味道係鮮甜嘅，最緊要係冇嗰種令人卻步嘅明礬苦澀味🔥 燒榴槤 最後一定要留肚食埋呢個！燒過嘅榴槤味道會再濃縮啲，熱食口感好似食緊榴槤蓉咁，軟綿綿又香甜。如果你係榴槤控，食完海鮮再食幾個燒榴槤做結尾，真係幾圓滿。💛總括嚟講，呢間放題最大賣點係食材肯落本，尤其係龍蝦同魚子醬任食呢樣嘢真係比較少見…查看更多

最近同朋友去咗尖沙咀一間好出名、開咗好耐嘅印度餐廳 Gaylord 食飯。佢哋有埋戶外位，冬天食好舒適1. 焦點主菜：試勻海陸空特色咖哩 🍛🐔 黑松露牛油雞 (Truffle Butter Chicken) - $228 呢個係佢哋嘅招牌菜之一。一上枱就聞到一陣好香嘅黑松露味，係幾特別。個咖哩汁做得好濃郁，質地係比較杰身同滑口嘅，帶有番茄嘅微酸同牛油嘅甜味，香料味唔會太霸道，整體味道好平衡。雞肉都煮得幾嫩滑。撈烤餅食真係好夾，好有滿足感。🦞 Malabar 海鮮咖哩 (Malabar Seafood Curry) - $268 為咗打卡，點咗呢個有龍蝦尾嘅海鮮咖哩。個咖哩汁係偏橙紅色，望落好開胃。佢嘅味道同牛油雞好唔同，椰香味會重好多，有南印度菜嘅風味，帶少少香辣，味道清新啲。龍蝦肉好彈牙，食得出係新鮮嘅。份量兩個人分就差唔多，如果鍾意椰奶味咖哩嘅朋友可以試下2. 澱粉質拍檔：冇佢唔得！🥖🫓 芝士黑松露烤餅 (Cheese Truffle Naan) - $68/4塊 烤餅我哋都係揀咗黑松露口味，同個牛油雞咖哩好襯。個Naan烘得夠熱，外邊有少少脆，入面軟熟，芝士份量適中，配埋黑松露香，點咖哩汁食一流🍚 Mughlai 燉飯 (Mughlai Dum Biryani) - $188 個燉飯用個銅鍋上，上枱時個蓋仲用麵團封住，幾有儀式感。飯粒係長身嘅Basmati米，口感乾身分明，香料味好足。入面有羊肉同埋提子乾，食落有香料嘅鹹香同埋提子嘅甜味，口感豐富。呢個飯係幾有份量嘅，兩個人都食唔晒。3. 沙律同飲品：解膩必備 🥗🥗 阿拉伯沙律 (Arabic Salad) - $98 為咗清下味蕾，叫咗個沙律。材料好足，有大件嘅青瓜、番茄、紅洋蔥同黑橄欖，仲有Feta芝士。個汁酸度同油份都處理得幾好，食落幾爽口同fresh，的確係可以平衡返咖哩嘅濃味🥭 芒果乳酪飲品 (Mango Lassi) - $78 最後叫咗杯經典嘅Mango Lassi，甜度適中，質地好順滑，芒果味自然，用嚟收尾解膩係唔錯嘅選擇。…查看更多

上星期五晚同朋友去尖沙咀海港城行完街，決定食餐好嘅！佢嘅環境真係好舒服，窗邊位仲望到海景飲品揀咗熱桂圓雪梨茶同熱檸檬薏米水桂圓雪梨茶 * 呢杯茶好滋潤，有淡淡桂圓肉同雪梨嘅清甜，飲完即刻覺得暖笠笠，係一個舒服嘅開場檸檬薏米水 * 比較清爽，微酸帶有薏米香，食濃味菜式時飲，幾解膩。🌟必點滬式招牌菜推介！桂花黑醋小排骨 - $85 必試推介！💯呢個排骨真係做得好有水準！佢唔單止炸得酥脆，個黑醋汁調味非常平衡，甜酸度拿捏得好好，完全唔會死甜或過酸。最特別係有桂花嘅香味滲入去，食落帶有清幽嘅花香，將排骨嘅油膩感中和咗麻婆安格斯牛肉豆腐- $138 夠麻夠香！🌶️麻婆豆腐係我哋嘅心水菜式。佢用咗安格斯牛肉粒，令到豆腐唔只得鮮辣味，仲多咗份肉嘅香氣。個汁夠晒濃郁，麻香突出，辣度適中，豆腐非常滑溜，一夾就散，真係好適合配飯！將牛肉粒、豆腐同汁一齊撈飯食，真係好惹味！油淋淋子雞 (半隻) - $168 皮脆肉嫩！🐔賣相好吸引，雞皮炸到好乾身金黃。雞肉食得出肉質嫩滑，唔會嚡口，而且份量十足。佢嘅油淋汁係清鮮嗰種，配上蔥花香，食落唔會太重負擔，皮脆肉嫩做得好標準。黃金蟹粉撈飯 (每位) - $128 鮮味爆燈！👑蟹粉份量非常慷慨。蟹粉撈飯，食嘅就係佢嘅鮮甜濃郁！將蟹肉蟹黃同米飯徹底撈勻，每一粒米都沾滿晒蟹油精華，入口充滿海鮮嘅鮮味同蟹黃嘅甘香…查看更多

今晚同一個好耐無見嘅朋友約食飯，去咗中環嗰間AOAO食飯，試咗幾款菜式，味道唔錯。前菜：·赤貝：食落都算爽口彈牙，有淡淡海水味，幾新鮮，口感清甜。·萵筍沙律切成一條條，再配鰹魚汁，整體清淡唔膩，係好好嘅開胃菜。·焦糖南瓜南瓜表面微微焦糖化，帶出香甜味。主菜：·炭燒鰻魚：上菜好有儀式感，店員會攞舊炭再燒一鰻魚表面。燒鰻魚外皮燒得香脆，肉質保持到嫩滑，炭燒香味好突出，醬汁唔會太甜。·和牛三文治：和牛炸得外脆內軟，仲保留到肉汁，最正係和牛超柔軟，麵包亦都烘得香脆，最鐘意呢道菜。甜品：·迷你蜜瓜大福：外皮軟糯，入面係清甜嘅蜜瓜餡，口感煙韌。飲品：· G06：Ginger dry lemon rum加coke foam ，味道清新，帶檸檬果香，解膩效果唔錯。· Golden Harmony：Rum, papaya加cinnamon ，肉桂香mix木瓜清香，飲落好舒服。…查看更多

早排約咗一個好耐冇見嘅朋友夜晚食飯，我地哋去咗新都會廣場嗰間 The Pantry Cafe，試咗幾款嘢食，味道都唔錯。🍛 泰式海鮮冬蔭功Risotto個汁嘅酸辣度調得幾好，Risotto 煮得唔會太淋，保持到少少咬口，仲吸滿咗湯汁🥹 海鮮有青口、蝦同魷魚，整體嚟講係有驚喜嘅 fusion 菜。🍗 燒雞薄餅餅底係薄批款，咬落有啲煙韌😙 面頭嘅燒雞肉幾嫩滑，唔會韌，配上燒烤醬都幾惹味。芝士份量都算多，有做到拉絲效果，整體味道濃郁但又唔會太膩。🥗 柚子蝦沙律呢個沙律好清新！柚子肉清甜，同大隻爽口嘅蝦肉好夾😋 沙律汁係酸酸地嘅柚子汁，好開胃，食完濃味嘅 Risotto 同燒雞之後，用佢嚟平衡返就啱啱好。🍟 Mozzarella Gravy Chips薯條份量好多，上面淋滿融化咗嘅 Mozzarella 芝士。芝士嘅拉絲效果同薯條係絕配，好適合一班人share一齊食😍🍹 Very Berry Fruit Tea飲落好香雜莓味，酸甜度適中，唔會假甜，幾解渴。…查看更多

今晚同朋友慶祝生日😍 呢間好有氣氛· 西班牙烤乳豬外皮燒得香脆可口🤩，皮下嘅脂肪同肉層次分明，肉質保持到嫩滑同肉汁，配埋香甜既蘋果醬，無咁油膩· 紅蝦扁意粉用咗Carabinero紅蝦，超大隻，蝦頭嘅膏香非常突出，蝦味濃郁。意粉煮得軟硬適中，掛汁能力唔錯，每啖都食到濃濃嘅蝦鮮味😋· M5和牛牛腹肉叫咗五成熟，火候控制得幾好。Bavette呢個部位肉味較濃🥰，雖然唔算係最腍滑，但充滿嚼感同牛香，配埋旁邊嘅燒汁同炒菠菜，味道更加平衡飲品方面，朋友叫咗杯Lychee Green，飲到清甜嘅荔枝味，同淡淡嘅綠茶好夾，幾清新解膩👍🏻。我就要咗杯Virgin G & T，有齊Gin Tonic嘅香氣同清爽，適合想refresh一下嘅人😗…查看更多

今日同朋友嚟到東薈城shopping,見到呢間幾多人排隊叫咗「豪華2人套餐」，再加多個「九州產和牛壽喜燒鍋」😆🥗 前菜：・「溫泉蛋慢煮日本雞肉凱撒沙律」溫泉蛋有流心效果，雞肉都算嫩滑，沙律菜都好新鮮！・「精選刺身盛合 (5品)」有五款刺身，包括三文魚、油甘魚、帶子同埋三文魚卵，其中油甘魚同埋三文魚卵都幾鮮甜😋🍤 炸物與燒物：・「日本產雞肉 & 野菜天婦羅盛合」-天婦羅粉漿薄脆，茄子Juicy・「重量級火焰原隻雞腿」- 上枱時有店員幫手點火，視覺效果好吸睛，但記得要保持距離，雞肉燒得香口又保持到肉汁！🍣 創意壽司：・「火山熔岩鮭魚卷」- 賣相吸引，炙燒過嘅三文魚油香豐富，加埋微辣嘅醬汁幾唔錯🍲 主角登場：・「九州產和牛壽喜燒鍋」- 和牛雪花分布均勻，入口即化，冬天食暖笠笠，係必點之選總括嚟講性價比唔錯，環境同服務都幾好…查看更多

荃灣呢間極．大瀛喜真係高性價比！平日夜晚都幾多人佢有分A餐同B餐，入座前會問定你想要邊個餐。今次我揀咗貴少少嘅B餐，因為有幾款精選野食得B餐先叫到刺身係必叫😋😋！我極力推介金槍魚腩刺身，入口即化，魚油香超濃郁，食完成個口都係回甘！當然仲有三文魚、油甘魚、吞拿魚腩壽司同甜蝦，樣樣都咁鮮甜，肉質厚到呢～🤤上湯芝士焗龍蝦伊麵底🦐：龍蝦肉爽彈，個芝士汁夠香但唔會太膩，掛滿晒每條伊麵，份量夠細，食完唔會好飽，可以食得落其他野！時令大閘蟹🦀：食到蟹肉嘅鮮甜，蟹膏都算多，有鹹蛋黃味，值得一試！A5黑毛和牛薄燒🐮：一入口溶化咁滯，油脂分布均匀，質素拍得住燒肉店！仲有呢一個鱈魚乾海膽吞拿魚蓉TACO都好正！臻品鮮凍紅花蟹都係任食其他壽司嘅選擇都好多，仲有鮑魚任食， Häagen-Dazs雪糕味道都有新款，好易回到本,最正係自助區有nutella醬機同好多唔同既酒，原來餐廳有埋酒牌😳呢度真係好適合一大班人一齊嚟，個個都可以叫自己鍾意食嘅嘢，價錢又唔算好貴，真係好值得試下㗎😋…查看更多

近排同屋企人去咗京都薈食飯，佢晚市都幾多優惠，整體都好滿意😍羊腩煲冬天食羊腩煲真係人生一大享受！個煲熱辣辣上枱，香氣撲鼻！🍲 羊腩炆到非常軟腍入味，一啲都唔韌，而且完全冇羊羶味，同埋舊舊都好多肉，裏面仲有枝竹，索哂羊腩汁嘅精華，好鮮味！個湯底夠哂濃郁，充滿膠質，撈飯一流，食到成個人都暖笠笠！冬天必點啊！燒鵝脾（例牌） $68佢晚市有個四寶，可以4選1，燒鵝皮燒到脆卜卜，油光滿面，睇見都流哂口水！咬落去，鵝肉好嫩滑多汁，肉味濃郁，點埋佢個酸梅醬，酸酸甜甜，更加帶出鵝肉嘅鮮味，真係食到舔舔脷！份量都好足料，一個脾都幾大隻，夠哂兩個人開心share！😋白灼海生蝦啲蝦隻隻都好新鮮，蝦肉爽口彈牙，鮮甜味十足！雖然係簡單嘅白灼，但係就食得出蝦本身嘅鮮味，證明食材好有質素。點少少醬油，已經好好味脆皮燒乳鴿乳鴿燒到金黃色，外皮脆而不油，肉質好嫩滑，有少少肉汁滲出嚟，味道都好香濃，埋單$585，兩個人食到飽一飽，而且食物質素咁高，我覺得CP值都幾高！下次一定會再嚟！…查看更多

呢間Cafe叫 Subtle Island 🏝️，喺正旺角西洋菜南街，上到4樓一開𨋢門😍 佢哋嘅裝修好啱打卡，竟然有室內沙灘區 🏖️藤椅、帳篷，最誇張係有個土耳其風嘅水池位 ⛲成個feel勁似去咗摩洛哥1️⃣ 明太子卡邦尼意粉 🍝 ($98) 身為一個卡邦尼fans，呢個我俾pass！👍 佢個醬汁超creamy，配合煙肉嘅鹹香，味道好豐富！2️⃣ 紅咖哩荔枝窩大蝦 🦐 ($128) 一上枱個咖哩香已經撲鼻 ，啲大蝦爽口彈牙，唔係霉嘅。個紅咖哩汁好濃郁，有啲椰奶香，甜甜地又帶少少辣，超級送飯（雖然我哋冇叫飯😂）！我特別鍾意個醬汁入面落咗荔枝，仲要係超級甜，中和咗咖哩嘅霸道，幾有驚喜！3️⃣ 煙三文魚, 布利芝士伴貝果 🥯 ($108) 呢個bagel set好IG-able！🥯 煙三文魚份量一啲都唔孤寒，入面夾住布利芝士，芝士味好香醇，有啲creamy，同鹹香嘅三文魚勁夾！4️⃣ 自由選健康bowl ($118) 揀咗羅馬菜底，加咗翠玉瓜、雜菇、合桃、蟹子同埋黑椒牛柳粒，再配柑橘沙律醋。啲黑椒牛柳粒 🐄 煎得好香。好鍾意呢種選擇，可以自己決定食啲乜嘢，啱晒健身減肥嘅人…查看更多

話說最近同屋企人去咗呢間望住無敵海景嘅酒樓，環境真係冇得輸，夜晚維港景致一流！🥂 🦞 金銀蒜開邊蒸本灣龍蝦 (半隻)近排做緊優惠， $38半隻，啲金銀蒜鋪滿晒成隻龍蝦，濃郁蒜香，帶有海鮮嘅鮮甜味，肉質緊實彈牙，底部嘅汁用嚟撈飯真係食到舔舔脷！🥩 焦點推介：蜜汁叉燒皇 (碟)色澤紅潤亮麗，賣相滿分！夾起一舊，肥瘦均勻，望到中間嗰層半肥肉已經流晒口水！入口嗰下，外層蜜汁夠香甜，帶少少焦邊嘅脆口，肉質完全唔柴，軟腡帶有肉汁，帶有炭燒香氣🍍 開胃小炒：鮮菠蘿咕嚕肉 (例)鑊氣十足！咕嚕肉炸到外層酥脆，但裏面嘅肉仲係嫩滑嘅。最重要係個醬汁，酸甜度調得剛剛好，唔會過酸搶咗肉味，而且真係用咗新鮮菠蘿，令成碟菜清新咗好多…查看更多

最近同朋友去咗尖沙咀呢間 Royal Inn 慶祝生日！一入門口就俾佢嗰種歐洲皇室復古風吸引住，藍白瓷器擺設勁靚，黑白格仔地磚超有Feel，真係隨手影都係打卡位！🥩 牛肉他他 兩個迷你蒸包夾住牛肉他他。牛肉係剁到好細緻，口感好滑溜，醃料調得啱啱好，冰涼軟嫩，帶有黑椒和少許芥末油的微辛，口感細膩，非常開胃🥗 清新擔當：帶子西瓜沙律 呢個沙律係夏天嘅味道！ 佢竟然係將所有食材放喺半個挖空嘅西瓜入面，超有創意！帶子粒粒都好肥美，爽口甜美。西瓜球嘅清甜冰涼，配上Feta Cheese嘅微鹹同creamy，仲有青瓜同堅果碎，食落去口感又爽又脆，味道係鹹甜交織，超級解膩，食完即刻醒神晒！🍚 鵝肝燉飯 塊鵝肝煎得啱啱好，外層煎到少少焦脆，一切開，裏面係粉嫩嘅粉紅色！ 鵝肝油香豐滿，入口即融，燉飯底吸晒鵝肝同蘑菇嘅精華，飯粒煙韌有嚼勁🎂 巴斯克芝士蛋糕配雪糕蛋糕口感濕潤，芝士味濃郁，有少少焦香。碟上面仲有靚靚嘅 Happy Birthday 祝福同鮮果點綴，賣相一流！完美嘅生日作結！🥳…查看更多

今次同朋友去咗尖沙咀Harlan's食Set Dinner，除咗個維港夜景靚到冇得輸之外，最驚喜係啲嘢食！✨呢個6 Courses Set Dinner真係誠意十足，味道仲要層次分明！🤤🍽️ 前菜 Starter1. 北海道帶子他他配火龍果脆片紅石榴蓉碟邊舖滿玫瑰花蕾，超好打卡！🥰 帶子他他好新鮮，口感彈牙，仲有淡淡海鹽嘅鮮甜味。配埋酸酸甜甜嘅紅石榴蓉，個種果酸味將帶子嘅鮮味再推高一層2. 煙燻海鍪蝦，石榴巴馬火腿清湯蜆汁果凍呢個好特別！隻海鍪蝦已經煙燻過，帶有少少木香，肉質緊實彈牙。個清湯底好清澈，充滿咗巴馬火腿嘅鹹香同蜆汁嘅鮮甜，仲要撈埋個蜆汁果凍一齊食，好fancy！3. 日本帝王蟹蛋泡沫配24個月法國康帝芝士脆片及海膽 帝王蟹肉本身就夠晒甜，打成蛋泡沫之後，口感輕盈到好似雲朵咁！最正係塊芝士脆片，鹹香濃郁，撈埋新鮮海膽一齊食，個種海膽嘅甘甜creamy同芝士嘅鹹香撞埋，味道複雜得嚟好和諧，幾驚喜🍖 主菜 Main Course1. 黑松露北非小米配和牛牛舌及牛小排，鵝肝龍蝦汁 一大舊燉得超級軟腍嘅牛舌，肉汁鎖實晒，一切開啲肉汁就流出嚟！隻和牛牛舌都好出色，軟嫩得嚟有嚼勁。個鵝肝龍蝦汁真係靈魂所在，龍蝦嘅鮮味加上鵝肝嘅豐腴滑順，濃稠到痴線！墊底嘅北非小米吸晒所有精華，每一啖都好滿足。2. 慢煮伊比利豬肋眼上蓋肉配柚子沙律，日本柑橘及杏桃果蓉塊豬肋眼慢煮得外層帶焦香，內裡粉嫩多汁，入口完全唔嚡！豬肉嘅油潤被柚子沙律同柑橘嘅清爽酸甜平衡晒，完全唔覺得膩！甜甜哋嘅杏桃果蓉令成個口感更豐富，真係食得好舒服！🍰 甜品 Dessert香檸檬芝士蛋糕配酸柑、楓糖漿，糖漬檸檬皮，碧根果曲奇檸檬嘅清香好突出，芝士底做得夠實淨。上面粒雲呢嗱雪糕配埋楓糖漿，甜度啱啱好。最鍾意佢個碧根果曲奇碎，脆卜卜同埋有堅果嘅香味，令個芝士蛋糕多咗一份焦糖同果仁嘅層次感。呢個Set Dinner真係高質，份量足，味道又到位，無論係擺盤定係味道都有心思！加上喺高層望住維港夜景，真係約會或者慶祝嘅首選！…查看更多

600幾蚊食到鐵板燒，仲有180度嘅維景可以睇，唔怪得之平日都幾多人食😝 🥗三文魚親子沙律 三文魚肥美，魚油香氣自然。三文魚子提供咗明顯嘅鹹鮮味同爆汁口感，為清淡嘅沙律增加咗層次2. 刺身三點 刺身嘅色澤同紋理睇得出係新鮮。吞拿魚赤身味道比較清爽，肉質結實；油甘魚口感相對柔軟，帶有獨特嘅甘甜，仲有燒鰹魚，上面有一啲醃製嘅洋蔥，增加味道既層次🔥 鐵板燒帶子配醬汁 上碟時嘅煙燻效果幾有心思，令帶子帶有少少木香。帶子煎得外層薄脆，內裡保持到軟嫩。配搭嘅忌廉醬汁偏甜，令帶子味道更豐富，但鐵板燒大蝦配紅咖哩醬 大蝦肉質厚實，咬落爽口彈牙，個醬汁唔搶味，突出蝦肉既鮮甜鐵板燒白鱈魚配醬汁 (番茄底) 鱈魚嘅肉質相當嫩滑細緻，外皮煎到微微焦脆。鱈魚本身味道清淡，好依賴配醬。醬汁係以番茄為基礎，帶少少酸甜，有助於解膩鐵板燒美國薄燒 牛肉嘅熟度控制得幾好，肉質嫩滑，唔會太乾硬。作為薄燒，佢著重口感同肉汁嘅平衡。配埋炸蒜片一齊食，香口度更高煙肉炒飯 炒飯嘅油份同鹹度控制得唔錯，飯粒炒得乾身，有基本鑊氣。煙肉碎增加咗鹹香。湯品相對清淡，適合喺多肉多海鮮後中和一下味覺8. 甜點 (抹茶 & 黃豆粉日式甜點) 甜點是日式蕨餅類甜點，口感煙韌。分別沾上抹茶粉同黃豆粉。甜度適中，有淡淡嘅茶香同豆香，為晚餐作咗個簡約而清爽嘅結尾。…查看更多