april_ckl的個人專頁

經過新都會見到新面孔餐廳，當然要試試啦🤭！排隊都唔算等好耐，所以等位時間還可以嘅！有實體menu加上係qr code落單，所以都幾清晰知道點嘅菜式，亦會睇到賣相再決左👍🏻今次同朋友兩個人，所以只係點咗韓海熱炒海陸空配馬格利酒，已經夠飽肚。但如果兩位男士食就可能要加多個炸雞或者小食會更飽肚！韓海炒海陸空中間有個雜錦海鮮湯鍋，旁邊再有熱炒小食。湯鍋材料有紅蟹、紅扇貝、蜆、蝦、鮑魚、藍花蟹同白蘿蔔。紅蟹：有蟹膏、鮮味夠、蟹腳有肉嘅紅扇貝：一鍋有7隻，十分足料，貝肉新鮮彈牙蜆：細細隻，不過鮮味都夠白蘿蔔：最後食吸咗湯味超濃蝦、鮑魚、藍花蟹：依三樣食材都係朋友食，復述佢感受係好食嘅。鐵板鍋邊有3款海陸空熱炒小食，我哋分別點咗海係小章魚，陸係豬皮，空係雞。小章魚雖然叫小章魚，但其實唔係的的骰骰個啲，都算大件，而且辣味十足(可能keep住加熱，所以會越食越辣），小章魚入口彈牙。炒豬皮，俾100分，入口有少少漿口，富有食緊骨膠元感覺，而且辣炒非常惹味，會引唔住一塊又一塊咁放入口炒雞肉，都係辣炒惹味，雞肉唔會炒到老身，入口都算juicy👍🏻馬格利酒加上韓式餐前小菜，味道一流，朋友特別點名芽菜惹味，自己就偏好醃蘿蔔👍🏻成個餐$498再加一，$550都唔使，有埋酒飲，十分抵食…查看更多

屋企附近新開，食第二次先寫食評。第一次食係開業一個星期左右，第二次就已經開業超過一個月。第一次食感覺已經覺得不差，環境舒服（利申坐房），上餐速度ok，食物質數不錯。第二次食坐吧枱睇住串燒燒嘅位❤️推薦食物：牛、拉麵、燒喜之次牛味香濃，肉質唔靭，牛舌超好味拉麵喜歡適中爽淋度會喜歡的質地，湯底香濃，又會唔會太油膩，食完無話想不停飲水嘅燒喜之次，無影到相（因為上枱好香，忍唔住食啦🫣）鮮味鹹香十足，魚質滑嫩👍🏻其他食物都ok …查看更多

端午節假期瞓醒搵食，就搵咗個有露天雅座嘅餐廳，享受下天朗氣清嘅日子！餐廳分左半露天式同有冷氣的室內，因為天氣太好，所以想享受下陽光，不過唔算太熱，因為半露天位有天花風扇，所以都幾涼快。點左一份沙津、小食、牛角包及飲品，份量都夠兩口子食！蜜糖雞翼，原本見餐牌話有d辣都卻步，但係staff話唔會好辣所以都一試！雞翼相當惹味，蜜糖味濃，雞翼外皮脆香肉嫩。食完有d唔夠喉添！三文魚牛油果沙律！牛油果份量都差不多有半個，沙律菜新鮮爽脆！三文魚味道剛好，不會太鹹👍🏻三文魚蛋沙律牛角包！牛角包新鮮鬆軟，蛋沙律味道夠😋薯條香脆可口另外order咗一杯花茶，味道不過不失。荔枝梳打，甜味剛好，夏日剛好可以消暑。另外用作環境用作打卡呃like都不錯，而且好適個兩小口relax/朋友傾計…查看更多

近日同一班朋友到旺角朗豪食野，因為太耐無食韓國野，所以見到炸雞店就忍不住啦！一行6人（全女班）竟然點了4人餐就已經夠食，可見份量不少。芝士炒年糕拼拉麵原本以為是芝士味濃，但原來係辣味重，對小妹而言有點辣，但都想一口接一口食。年糕煙韌加上外層濃濃辣汁，麵條吸了辣汁味香彈牙可口。芝士鍋麵包香脆配上芝士汁濃香，但如果芝士汁可以再熱一點更可口。這個暖暖的芝士汁要到最後時熱辣辣沾其他食物，那時就十分可口。初雪炸雞及蒜味炸雞（無骨）初雪炸雞無得輸，芝士迷必點，濃香芝士粉佈滿全塊炸雞，一入口超濃芝士味😋😋炸雞香口，但又唔會太乾，有微微肉汁👍🏻👍🏻小妹強烈推介。蒜味炸雞，雞肉滑夠juicy，蒜味不算太強烈。豬肋骨肉超腍，肉剛剛離骨，用叉一拉就拉出一絲絲肉條。餐內還有pizza，上面有炸雞再配上小小沙律汁，味道不錯。餐飲點了柚子梳打，味道還可。…查看更多

近日到元朗見到有間叫share le pain台式飲品及飽點舖開幕...😋😋小妹之前係台灣都已經好想試，但因為時間問題試唔到，今次竟然係係香港試到👏🏻👏🏻分別買咗台茶18號紅玉拿鐵同爆漿珍奶軟歐，合共$60，價錢還可接受。平日starbuck 飲杯野都$50啦！個軟歐飽好好味，飽軟腍腍加上好多吉士漿爆出。入口啖啖茶香，配上煙韌嘅珍珠，早上/下午茶食都飽肚的。台茶18號紅玉拿鐵珍珠口感煙韌，茶味濃滑，奶味香濃，仲見到係用小妹最愛嘅明治奶😍值得有下次試埋其他飽，最想試髒髒包，因為台灣次次都食唔到，但有d大個要同朋友share食先可以。…查看更多

小妹向來都喜歡同媽媽不定期咁一齊去D特式餐廳撑枱腳，傾下女人心事！ 今次小妹就近近地去左荃灣廣場Girl Boss by Master Kama一試！ 未入店內已經俾個馬蹄形包廂吸引，一班朋友一齊係包廂邊食邊傾，一定會好開心！ 但因為小妹今次只係同媽媽兩人，所以今次就坐普通雙人枱，下次同多幾個朋友時一定要Book個馬蹄包廂 (當日見到6個人都夠坐)~~ 餐廳用點餐紙方式落單，自己可以跟心水剔自己喜歡嘅食物！ 食物種類都算好多，單單沙律都有6款可以選擇~ 另外，飲品就有另一張Menu，沙冰、花茶、cocktail...凍熱都有選擇！ 小妹向來好喜歡花茶，見到有咁多款真係好開心，由於花多眼亂關係，職員好貼心問要唔要聞一聞D花茶。 原來店內提供樣本可以聞完再點，小妹聞完好幾款就已經揀到心水！ 最後揀咗草莓女孩約會茶... 茶杯及茶壺內有草莓及檸檬，令花茶不用加糖都有果甜味，同時帶有少少酸味，十分醒胃。 小妹好喜歡自己斟茶個感覺，好治癒呀！ 另一杯就係Yellow Submarine，以芒果及雜莓製成的沙冰！ 味道同樣是酸酸甜甜的，開胃同時食飽後可以消滯~ 今次小妹同媽媽就一於食佢地Bossy Royal Set，Set內可選2款沙律或湯，2款小食，1款主菜及2款Pasta類食品！同時點左2款不同飲品試一試！ 沙律系列分別揀咗三文魚柚子檸檬玻璃杯沙律及蟹肉牛油果蘋果青瓜沙律！ 三文魚柚子檸檬玻璃杯沙律 好多三文魚呀！店員同小妹講，依款沙律要搖勻先食，搖呀搖...搖完之後就可以將入面醬汁同材料拌勻。 三文魚肥美油香亦有口感，加上果肉及醬汁微酸，幫助醒胃。 蟹肉牛油果蘋果青瓜沙律 一絲絲蟹肉，入口陣陣蟹味，再配上新鮮沙律菜，味道清新但不失鮮味！ 加上牛油果肉，味道不算太濃，連媽媽平日不喜歡牛油果都可以接受~~ 食完沙律前菜就有afternoon tea嘅三層架set端上！原來就係小食加上其中一款Pasta！ 第一層就係香草白醬焗大蜆薯蓉 大蜆比想象中大隻，入口鮮味，完全沒有沙，Like！ 香草白醬味道剛剛好沒有搶走蜆味，配上薯蓉一同食令每啖帶有陣陣芝士香！ 第二層係芝士蟹肉釀蟹蓋，小妹最期待的！ 焗芝士形成拉絲，加上每一啖都是滿滿的蟹肉。入口芝士濃香味和蟹肉鮮味互相提鮮。小妹同媽媽都Like爆，差不多想用連蓋都食埋！ 仲有驚喜的是用小魚餅烘成的薄脆，烘得不會太乾，剛剛好，味道一流。 最後一層就係波爾多紅酒燉牛面肉燴意大利飯 牛肉肉腍香，意大利飯濃濃肉汁，令意大利飯不會太乾。 另一款Pasta就是巴馬火腿水牛芝士薄餅 每塊巴馬火腿下都有水牛芝士，加上一片片芝士on Top，芝士迷的小妹大愛！ 薄餅底香口，外脆內軟。 最後就是小妹最愛嘅燒一口安格斯西冷，焗薯粒，燴蔬菜，香草法式牛油... 真係牛控必食！ 一口牛肉有濃香牛味，再點溶化的牛油加倍濃香感覺，有口感但絕不是overcook的韌感覺！ 小妹一口接一口停不了！ 另外配菜的粟米及蔬菜吸了牛油味道，非常香口。 而焗薯粒，外脆內腍，帶有薯味！ 小妹另外要一讚係店員非常好態度，笑容超nice，成餐飯食得好開心！…查看更多

小妹因為近日冇返工，所以成日都周圍玩同食，今次就同另一半去到葵芳搵食，其實今次依間餐廳都係係男人的朋友大力推薦下，所以都忍唔住要一試呀！ 小店係葵芳小街市附近，門口唔算大，只有一副店名掛布掛在門邊玻璃，小妹都差行過唔留意，但因為都有小小人龍係門口，所以先冇Miss咗！ 店內有小小布置，都係用上店名及Logo，店內位不多，約10個位。 3張4-5人枱，再加上一排單邊長枱，所以如果太大班人就不建議一齊食。 牆身有兩款湯面介紹，一款是清湯、一款是濃湯。 店內仲有唔同梳打飲品，喜歡梳打飲品嘅朋友都可以試下！ 店內以日本真空低溫調理食材，真係好想即刻可以試到呀！ 店內更以真．叉燒拉麵為主打，不同叉燒拉麵，小妹見到已經食指大動。 店內有四款拉麵，半熟卵、叉燒、極上、豚骨醬油拉麵。 拉麵可以選擇清湯／濃湯，另外更可以追加粟米、紫菜、味荀、叉燒、半熟卵及麵。 當然亦有一項走配料，好似小妹唔食荀同蔥就可以剔走。 小妹今次就叫咗清湯叉燒拉麵，而男人就叫咗濃湯極上拉麵。 清湯叉燒拉麵($73)，熱辣辣的清湯上鋪上一片片叉燒，就好似一片叉燒海，未食都已經感到澎湃。 每片叉燒厚薄適中，而且唔會太肥，見到就已經流曬口水~~ 先嚐一口熱辣辣清湯，入口有陣陣醬油味，味香不膩。 揭開叉燒海就見到拉麵，拉麵浸係熱辣辣清湯內，條條分明。 麵條入口彈牙，香濃蛋味，加上清湯一同入口，味道豐富，多層次。 叉燒入口腍，真係冇無牙都可以食到，味道唔會太咸，小妹都忍不住，一口接一口！ 濃湯極上拉麵($83)，拉麵上鋪上一片片叉燒，配上一隻半熟蛋，視覺上已經十分豐富。 小妹嚐了一口湯，濃湯果然比清湯濃郁香口，而且比軟黏口，相對亦比較膩。 店內還有芝麻蒜油、辣油等醬供客人自己加。 小妹覺得可以自食一半麵及湯，然後先要加其他配醬，小妹重點推薦芝麻蒜油，真係好香！ 小Tips: 佢地只開到9點，但售罄的話就會關門。 上次小妹好彩剛剛最後一碗濃湯，之後客人就只可以選清湯。…查看更多

上星期看完街市遊樂團介紹荃灣時，見到介紹嘉樂冰廳，所以小妹都忍不住再光顧一下。 小妹今次去到時已經加價了，問心真的有點貴呀！ 但小妹不竟是奄列控，還是心思思想吃吧！ 大大杯熱檸茶 $18, 還可以接受吧！ 茶滑不澀口，檸檬新鮮味香~ 這份就是火腿小奄列 $31 ，其實一點都不少，而且加上一個餐包都十分足夠飽肚。 奄列厚滿多材料，火腿絲差不多有佔上一半份量呀！ 小妹覺得熱熱的奄列充滿蛋香，但就是有點兒油膩，火腿咸味足夠，而且厚切有口感。 喜歡火腿的朋友一定不可以錯過！ 嘉樂冰廳 地址: 荃灣新村街40B號地下…查看更多

今次小妹想再同大家分享韓食KOKIO，雖然小妹之前都有分享過相關食店( 小店韓食＠KOKIO韓國料理 )，但其實店內仲有好多美食。 小妹今次就點了醬油炸雞，炒粉絲同芝士排骨。 醬油炸雞，炸得香脆而且不油膩，雞肉嫩滑Juicy。 味道比原味炸雞更濃香，不好辣人士可以一試。 炒粉絲味道剛好不濃不淡，每條粉絲都散發陣陣麻油香味，令人想一口接一口。 而且份量不少，二至三人食再加其他一兩道小食就足夠。 最後就是小妹再期待的芝士排骨！ 熱盤上菜，芝士味濃濃散出。 上菜後，職員為我們將芝士捲到排骨，每塊都有濃濃芝士。 芝士味香不在話下，排骨入口少少甜，再細味就有香辣醬油味散出。 雖然有點辣，但真的不想停口。 但建議不好辣的朋友，再先點飲品，因為辣度真的有點濃。…查看更多

小妹向來都係食肉獸，每餐都無肉不歡，近日家附近竟然發現有間食肆專門食肉餅，小妹當然要試下啦！去到餐廳門口已經見到各式各樣肉餅選擇，當中部分選擇小妹都感到有d驚訝添！餐廳主是是肉餅套餐，套餐包括有一道煎或蒸肉餅，白飯一碗及老火湯一碗。套餐仲可以加錢轉或加其他食品，包括菜飯、果汁、罐裝飲品。而且亦都有幾款開胃小食可以選擇添！首先來老火湯，湯料算是足料，味道濃淡適宜，老火湯又飲唔出有味精！之後就到開胃小食，由於小妹一家都唔嚐辣，所以就點了蒜香青瓜。青瓜爽脆，而蒜香味濃，醬汁帶有醋香味，酸酸味味，非常開胃。肉餅出場啦！首先就係照機先食必選肉餅－蒸原隻龍蝦肉餅。原隻龍蝦上場，煎香肉餅金黃，賣相不錯。味道都不差，有龍蝦肉味，而且蝦鉗位置啖啖肉，小妹幾喜歡。第二道肉餅就是蒸蝦膏蟹蓋肉餅。切開肉餅就見到絲絲蟹肉，而入口蝦膏味不算太濃，但口感就幾彈牙。最後上場的就係小妹最愛蒸爆香京蔥羊肉肉餅！肉餅非常厚，而且入口羊味極濃，如果喜歡羊肉的朋友一定喜歡。而肉餅彈牙，有口感，和菜飯一濃一淡非常Match！…查看更多

小妹今次就去左一間幾好情調嘅餐廳食brunch開始Weekend Holiday...甫入餐廳就被安排到閣樓小桌就坐，如果喜歡靜靜地嘅朋友一定喜歡！睇下餐牌，佢地都有好多不同Brunch選擇...Brunch由一杯細橙汁＋主食＋餐飲組成，感覺好豐富呀！而且餐廳係唔同時段都有推出其他優惠，小妹下次都要試下其他時段黎試下先～而且餐廳內有Free Wi-Fi，落完單等野食時都唔怕悶啦！小妹點了炭燒牛扒焦糖洋蔥脆法包配法式薯條～好開心係粗薯條呀！脆法包烤得非常脆口，而牛肉非常Juicy，完全無「鞋」口感覺，想不到只要Brunch都可以食到這樣有質素的！粗薯條外脆內軟，熱辣辣非常好食～小妹朋友還點了煙三文魚熱溶芝士牛角包配法式薯條，但由於太餓了都忙了拍照！牛角包非常軟身，而且熱辣辣，非常好食，只是芝士熱溶好像差了一點，不太溶，有一點美中不足～另外小妹還外加了雞翼，這個是蜜糖芥末炸雞翼...炸雞翼炸得乾脆香口，再配上甜甜酸酸醬汁，一流呀！但要小心真的非常燙口，上菜後不要馬上食呀～…查看更多

荃灣士林食街附近覓食，覓到小妹最愛的烤卷！而令小妹食指大動嘅烤卷就係出自燃味棧～店內除了有各式各樣的烤卷外，還有芝士主打的不同食物。而且烤卷更可添加芝士或菠蘿，再有8款不同醬汁可以選擇，喜歡味道，自己選擇！而小妹分別點了幾款不同食品都感覺不錯～這烤卷就是豬肉烤卷配蛋黃醬另加芝士，單單外型已經感覺到好足料啦！入口蕃茄及生菜超新鮮而且爽脆，加上口感煙韌的芝士，非常可口～豬肉入口非常Juicy，而且味道剛剛，鹹淡適中，再配上蛋黃醬非常Match！另外小妹還點了雞肉烤卷配蛋黃醬！同樣地蕃茄及生菜新鮮爽脆，而雞肉滑嫩可口，肉汁剛好入口就流出，Yummy～最後小妹還點了芝士薯角！薯角微微帶鹹，外脆內軟，叫人一食再食，而芝士味濃淡適中，喜歡芝士朋友一定要一試～…查看更多

以上分別係什錦茗茶及果味曲奇禮盒、群芳盛放花味雜錦曲奇及經典什錦曲奇禮盒～每盒都以繽紛南非圖案鐵罐包裝，食完禮盒放係家中做裝飾都不錯，而且送禮都幾大方得體，以後送禮小妹又多一個選擇！首先小妹就係試經典什錦曲奇禮盒（黑色盒），禮盒由11款經典曲奇組成。打開禮盒就已經見到曲奇介紹小單章，列出禮盒內的曲奇，小她好易就可以揀到自己喜歡口味啦！11款經典曲奇包括花生醬、雙重朱古力、奧利奧餅碎腰果、杏仁朱古力、芝士、核桃咖啡、咖啡、英國伯爵茶、牛油果醬和兩款健康推介杏仁小麥胚芽和香蕉奇亞籽。每款味道都散發本來香濃味道，反之牛油味不濃，但入口鬆化可口。而最受小妹寵愛就係杏仁朱古力，除了因為朱古力味極為濃香外，而且杏仁有少少咬口，口感味覺都享受到。除此小妹覺得芝士味、花生醬、雙重朱古力這三樣都相得出色，因為每款都帶住濃香味道，就好似食嘅該食物本味一樣！而且食完唔覺得膩，多食咗都無滯膩感覺。另一盒就係什錦茗茶及果味曲奇禮盒（藍色盒），禮盒由6款曲奇組成，當中包括4款茶味及2款果味曲奇。茶味包括有日本抹茶、英國伯爵茶、玄米茶和桂花烏龍茶，而果味分別是加有檸檬果肉和士多啤梨果肉兩款。小妹這盒最寵愛的莫過於日本抹茶味，入口鬆化，一咬味蕾上已經散發出陣陣抹茶味，真的忍不住一口接一口。其他3款茶味雖然不致極濃香，但淡淡香味和曲奇非常配合。而果味由於加有果肉，所以口感帶有少少煙韌感覺，味道上亦更豐富，由於小妹是檸檬迷，所以加有檸檬果肉的都已經一掃而空了。最後一盒就是群芳盛放花味雜錦曲奇，雜錦曲奇由5款精選花味曲奇組成。5款精選花味曲奇包括洛神花醉、馥郁桂花、飄香苿莉、幽清香菊及芳華瑰麗。小妹這盒最寵愛的莫過是洛神花醉，洛神花濃香，而且有洛神花果肉係曲奇內，酸酸甜甜，口感十足。除此之外味濃的還有芳華瑰麗，入口已經有陣陣玫瑰香味，一試難忘。其餘3款茶香都是清香不膩，每款都口感鬆脆，令小妹食指大動呀！…查看更多

難得週末小妹最喜歡就係四週搵食！今次一於要試下去西環行行睇下有咩好食～今次小妹就向住第三街出發，原來以前俾小妹感覺舊區嘅西環都已經改變了不少，多咗好多又新又高嘅大廈！行到攰攰地小妹就入左一間叫soulmate小店休息下～店內有幾張桌，還有露天位置同朋友傾計都算係一個好地方～睇下menu先！店內有小食、甜品、咖啡和其他特式飲品～店內仲有小妹喜歡嘅花茶同果茶添！小妹點選食物後就可以安坐位上等候，當食物準備好就會有機器提示先去拎食物～由於小妹見到有個特別優惠，精明小妹當然唔可以錯過啦！只要＄50幾蚊就可以享受到店內甜美K爆雪糕米餅脆脆，另外加送一支正裝Faith in face 溫和柔滑潔膚乳，咁抵咁優惠又點可錯過呀！小妹另外仲點咗杯熱青梅果茶添！脆脆米餅香脆，完全唔會淋baba，而且完全不熱氣，就算食多咗都唔怕～另外配上酸酸甜甜柚子芒果漿係炎炎夏日相當醒胃...加上士多啤梨雪糕更加消暑！當然唔少得要Mix 埋一齊食啦！同分開食完全唔同，味道互相配合好Match又好有層次！因為真係好好食，所以不消一會兒就已經清碟啦！另外點上的有排毒功效嘅青梅果茶，入口酸酸地，唔算甜，細心品嚐青梅味就會慢慢滲出。…查看更多

小妹向來都喜歡食韓燒但同時又喜歡打邊爐，今次家人就帶咗小妹一次過滿足兩個願意嘅食店啦！今次家人就帶小妹到荃灣香車街街市嘅新廣發食火鍋同韓燒！雖然地方唔係光鮮，但係都算上係乾淨，如果有潔癖朋友就唔推薦～價錢就真係好抵好化算！每位都只係單火鍋只係＄80，如果火鍋＋韓燒都係＄88。佢地仲有知開爐費，每個只係＄85，所以越多人食就越抵啦！食物款式都算多，而且Refill得好快！小妹推薦韓燒可以試佢地個雞軟骨，真係醃得味道不錯～另外佢地仲齊備不同丸類可以選擇，連比較貴嘅丸，例如：芝士丸、龍蝦丸等都有！當然蔬菜都有，而且都幾新鮮！飲品就有三個雪櫃選擇，可樂、碧泉、沙士、蘋果汁...啤酒就要另外點啦！店員會分開二個爐，一面是火鍋另一邊就係韓燒，火鍋一般都係豬骨湯底！總結：食物都算係新鮮多款式，味道不差，好適合一大班朋友一齊食。但環境上就唔係好似酒家、韓燒店一咁，不竟都係街市樓上。…查看更多