Cherry_Chan10的個人專頁

本身打幾次電話去訂枱，完全無人聽，無論係午市前後還是晚市前後。上網搵佢社交媒體網站PM又唔覆，WhatsApp又唔睇，都好奇怪餐廳仲有冇營運，直到親自去餐廳見到有人，先可以順利訂枱。問清楚職員當日有冇位，佢話有，先去食。一去到餐廳，好似比人包場咁，成間餐廳大約二十個位，有兩張大枱係同一Group人。由於我有訂枱，所以可以入餐廳坐低，但莫名奇妙被嗰Group食客講說話我地聽。不過見佢哋有時會進出廚房附近，可能同老闆認識掛點菜餐牌係中文，但侍應表示唔識中文，點菜要用英文，發生咩事？明明我唔係去印度餐廳，亦唔係去法國餐廳。我地配合同事嘅語言，只好就佢用英文點菜。第一道菜，上餐湯，普通；沙律，普通；黑松露醬薯條，普通；明太子海鮮Pizza，無明太子味；T骨扒，職員問幾成熟，我地表達medium ，最後拎出黎，切都切唔到，大約3成左右。同侍應表達要熟番d，拎番入去再處理，勉強切到但咬落去無哂肉汁，乾哂。旁邊兩枱又係叫扒類，又係生到切唔到，又要職員拎番入去再煮過。。。最後，我地都明白餐飲市道唔好，大家都喺到捱緊中，但係食物質素都係好緊要。仲有，既然你地有大客佔用4分3嘅餐廳，不如你提供包場而不開放其他客訂枱啦。邊食邊有人講說話你聽，真係難忘。…查看更多

落樓下醫肚，亂入左去Jollibee食炸雞。平時真係唔多食炸嘢，所以無抱有期望去食，誰不知有驚喜啵！首先點左個炸雞餐配蘑菇飯，雞叫少辣，好快就有得拎埋位。拎上手，咦。。。熱辣辣嘅！好耐無喺快餐店食到新鮮出爐嘅炸雞喎！！咬上口，咦。。。有汁啵！難得佢完全唔會炸得乾身，d肉都仲嫩滑喎，不得了！其他食物例如蘑菇飯、批等都平均水準，徹底對快餐店炸雞改觀。唔肯定其他品牌炸雞會唔會都咁正，但今次嘅驚喜係令我好改觀！…查看更多

上菜速度超慢，味道一般，以後都唔會幫襯！叫左5款食物，除左冬陰公湯係少少暖之外，其他全部都係凍。最後上嗰個甜品要趨3次先拎出黎。樓面服務更加不想提，就係差。兩個只識英文嘅你舉哂手叫點餐都唔應你，直到你要行出去搵佢點菜。…查看更多

尋日早收工，就去左大角嘴依間小店食嘢飲杯嘢。朋友好耐之前介紹過，話依到非常適合聊天小酌幾杯。酒嘅價錢唔貴，如果唔識揀都唔怕，因為老闆會喺陳列架前逐枝同你介紹，直至你揀到心頭好為止。餐牌上既食品十分合適配酒，咁岩想食飽d取代晚餐，就問老闆有無更飽肚嘅菜式介紹，誰不知佢話岩岩番左款加拿大急凍龍蝦問有無興趣試。就係咁，成功點左款餐牌上無既菜式。菜式一上碟，真係充滿驚喜，急凍龍蝦一咬落去竟然仲有陣海水鮮味噴出黎！意粉口感極好，蕃茄味之餘仲有少少辣辣地，好食！最後飲到紅酒時，再點多款佢地既招牌fusion小菜 皮蛋，估唔到皮蛋+紅酒味道係咁夾！…查看更多