lavender5566的個人專頁

天氣開始凍諗住試下煲仔飯，同同事去試下呢間。等位唔算好耐，但要齊人至俾入。大家都係用手機點單，除左煲仔飯以外，都有碟頭飯的。一場黎到，我地當然會叫個煲仔飯啦，我就叫左個鱔，我fd 叫左個滑雞。每位佢都有個湯送，有埋d 渣，都ok 好飲的，但加左廿幾蚊試黎一碟一顆娃娃菜開四的份量，我就真係覺得唔抵囉。講番個主角煲仔飯，佢係冇甜豉油俾你淋落去，最期待的飯焦，係唔見有，佢d 飯太濕了，如果唔鍾意飯焦，唔鍾意濃味，咁會好啱口味…查看更多

喺香港，我係第二次去食有活海鮮自己夾嘅邊爐。因為呢間係新開張的餐廳，又適逢是長者日，我喺早兩日去book枱，俾我book到晚上七點場。原本中午飲茶食得好飽，想取消改期，點知發現佢未來預約期已經很飽，所以決定繼續去一試。我7:00去到，發現有很多人在現場等位，我以為是Walk in客，原來是OpenRice已經預約枱，但未有枱入的客人。我等咗半個鐘先至可以入到位其實佢個場很大，但職員唔係太舊，所以執枱太慢了。海鮮區蝦有三款，有很多貝殼類花甲，沙白，蜆等蟹都有三款，但去到9.30，蟹已經清倉了。佢手機點的肉類不算好多，一款羊，一款雞，兩款牛，豬，仲有啲餃子，不過有驚喜嘅係佢哋乳鴿炸得好好食。其他就係丸類同蔬菜，同外面大同小異。嘢飲，有熱水熱茶有啤酒有啲罐裝嘅梳打汽水，仲有紅酒飲。最後是甜品，有雞蛋仔，夾餅，梳乎厘，凍糕同埋豆腐花。最正是佢有烤榴槤…查看更多

今次又俾社交平台大神點相，話灣仔新開咗間食雞嘅餐廳！其實上個禮拜同friend行過已經見條人龍打晒蛇餅，今次睇完社交平台啲相，見到啲雞肉油光閃閃，我個「蛋白質之魂」即刻燃燒起嚟——衝啊！跟足社交平台教路，我專登早殺到去（12:40咋！），點知門口已經變咗小型墟市，外賣同堂食嘅人龍好到呢。我好似玩緊食雞版《魷魚遊戲》咁衝入去攞飛，抬頭一望水牌寫「45號」，手心攤開張飛——12號？1至45號輪住叫，然之後重新再叫，即係話我前面有成40枱客！結果我行個圈返嚟，先叫到27號⋯⋯後尾連飛仔都派清光，認真誇張。好在打工仔lunch time有限時，半個鐘後前面啲人急速消失，我終於成功入侵！打開餐牌選擇唔算花多眼亂，主打豉油雞、口水雞、花雕醉雞三劍俠，配飯或淮山麵，可以加錢燉湯或糖心蛋。仲有款Shake Shake芥蘭，但凍食唔太啱我呢個熱食黨。同朋友分別點咗豉油雞淮山麵同口水雞淮山麵，實戰報告：豉油雞大獲全勝！雞肉滑溜兼入味到骨子裡，豉油香掛滿每絲雞肉；反而口水雞個麻醬落得太重手，辣味失蹤，食落有啲似「麻醬拌雞」，唔夠過癮。加$50嘅燉湯反而有驚喜！雖然味道未算濃到黏嘴唇，但勝在冇味精攻擊，湯料塞到滿滿，飲完成個胃暖笠笠，性價比合格有餘～…查看更多

星期日係上環食完午餐繼續返學，我為咗堅持自己唔瞓覺，所以又要買咖啡呢一間小店開張三個月（老闆講） ，佢哋希望唔投入太多的marketing fund,反而想靠口碑令到有多d 客人首先，佢menu 上的品種都係大路的口味,價錢好實惠。其次係係地仲有樽裝賣，氮氣咖啡同whiskey 咖啡，不過我已經order 左expresso tonic,所以就冇買whiskey coffee。佢的咖啡好香，我會因為佢哋的服務同價錢，下次再返學都會買…查看更多

今次又因為呢幾個字句我走左去試*懷舊*、*結束營業*我又走左去試。呢間餐廳不論係我係附近返工定係住港島區，都未主動去試。是日午餐三人行去食，我地叫左個四人套餐，有東江豆腐煲，有佢的招牌菜雞同鴨，仲有個豬肺湯，因為我個事是外地人，對所有菜式菜名都好好奇，後來我地仲要多左個伊麵。除左個鴨，所有野都係淡而無味，雞都唔係滑嗰種，湯最好係加鹽番煲嗰種。佢的餸唔係平價，咁的價錢，去其他地方食都得啦。所以佢而家繼續營業，我都唔會再幫襯，性價比太低。…查看更多

因為最近係上環返學，每星期日我有同學帶我地去附近搵嘢食，今次我哋就去左呢一間越南餐廳食嘢。去到附近，我地發現周邊餐廳好多都close(始終附近都係商業區，星期日冇咩人流）。但呢間餐廳係要排隊架。我哋等左大概十分鐘就被安排入座。我地每人叫咗一個主食，另外再加小食。我哋主食有牛肉湯粉，雞肉湯粉，牛肉炸春卷撈粉同埋扎肉法包。法包入面夾左好多餸，而且有d 醃蘿蔔，味道好夾又唔會好漏，食完半份已經飽左一大半。撈粉冇乜太特別，正常水準。有個小食魚餅，配埋好似蝦醬的醬汁，口感和味道都令人想一食再食。至於蒸粉卷，好清，唔似出面食死實實，佢仲有三個醬俾你dim,有兩個（一個好似花生醬咁，一個係辣版菠蘿汁）好特別。小食同法包都超有驚喜，大家值得黎一試✌️…查看更多

呢一間餐廳，之前喺IG好多宣傳，本身佢喺海港城地下望view,平時經過就好想試。今次見佢任食，專登同埋幾個朋友一齊去。佢嘅任食係仲有啲嘢要加錢，我哋今次就加錢係專門食燒長腳蟹，因為朋友仔唔食生蠔，所以就冇再加生蠔嘅錢。原來，佢哋嘅前菜就用手機落單，每一次只可以叫10樣，每次叫完要等十分鐘至可以再落單。基本上前菜係唔會再encore。煮食例如長腳蟹，斧頭扒，鮑魚，鵝肝，呢一啲全部每一次召開按人頭數量叫，食完先可以再叫。燒長腳蟹每一次上台都有陣燶味，到最後一次，人少咗可能有心機燒就好食好多。整體服務唔算太差，但食物嘅質素同自助餐比我寧願去食自助餐。不過點都好佢都已經執咗我都想留個紀念寫返一篇食評。…查看更多

2024年7月去呢度食飯，當時睇社交平台推介係非常非常之吸引。打開menu,348蚊一個人的set dinner,因為主menu 都幾貴，最後都係叫番set menu。望落去有前菜，小食同主菜以為份量好多，上枱就發現其實一d 都唔多，每人都係一件仔，腸仔片就唔太啱食，油同鹹左d，青口是ok 的，蛋餅非常之普通。西班牙炒飯是必叫的，好食的是個飯同橄欖油大蝦。西班牙乳豬烹調方法同我想像不同，味道是可以的，亦是可以一試。但整體性價比不高。…查看更多

之前社交平台,社交平台 都見到呢間餐廳介紹，有一次我同同事早早出門去，未到一點，嘩條龍排到呢🤨,結果第一次就係門口都食唔到，隔咗幾個月，我同另一個同寧係附近做嘢，今次諗住叫外賣又好，現場食都食到啦⋯⋯據我同事講，呢間開11點錶如果第一輪開門入唔到去食，基本上就要開始排隊。另外佢收三點定四點，所以，我地只好叫外賣。其實外賣都唔易打得入🤣🤣今次我地好好彩，一打就通，我就試到出名的咖哩豬扒飯。豬扒係鬆軟的，咖哩汁濃厚，微辣，兩者相配非常好食，而且豬扒份量大大份，飯小d 都好飽。如果唔係排得咁誇張，我都想現場食次🤭…查看更多

喺IG見到有人推介呢一間任食韓式燒肉，任飲任食，仲要冇限時，即刻同朋友仔約時間去試。我哋6.45去到，現場不是很多人，嘢飲都尚算多款式，會有圍裙俾你，着淺色衫都唔驚。一上枱係佢本身set 定的幾款燒肉，有職員會幫你燒第一次，佢啲牛好柴，第一次我哋以為冇及時夾上碟食喺個盤度繼續微溫，所以老咗。點知第二三次我哋燒完即刻食都一樣覺得好柴，所以烤肉好快就收手。反而佢啲小食，特別係豆腐鍋醬油蟹同埋其他唔同嘅小食，佢哋細細份你可以試唔同嘅味同埋都幾好食。佢坐得舒服，又冇限時間，如果d 肉只係偶爾來貨問題，其實可以一試。…查看更多

今日三號風球，打完拳，臨時決定跟朋友仔同埋佢活動的妹妹一齊去行下。難得三個人一齊，食完日本嘢，叮左去中環，雪糕店1/3 半山腰，是次我地叫左個朱古力雪糕同抹茶泡芙，朱古力雪糕，雪糕牛奶味重，底層的朱古力碎和燕麥片很有口感，佢仲配一包純黑Kitkat，配埋一齊食。抹茶泡芙，抹茶味濃，皮味算太脆，但整體很好食。我仲叫多咗一杯Americano，咖啡味一般般，佢有一個抹茶柚子梳打，可惜今次沒有叫到，希望下次幫襯仲會有呢一款飲品。…查看更多

昨晚同fd 去買水晶，買完水晶就去附近食飯吹水呢間小店細細間，但坐位尚算舒服由於我哋比訂左時間早左成個幾鐘，所以都係膽粗粗問下可唔可以俾我哋早啲食。6點幾到，冇咩人,就俾我哋坐低食。話就話有限時，不過人唔係好多，基本上冇趕我地走。我地叫左個488/2人餐，咁有啲dish 係要另外加錢，例如海鮮湯，海膽龍蝦意粉等。我地仲另外叫左個黑松露薯條🍟（佢一炸起熱辣辣上台好好食😋脆！香口，黑松露配個酸忌廉，正！）個海膽意粉係非常一般，個海膽唔新鮮，苦！而且得一舊仔，好孤寒囉，個豬鞍就非常出色，好嫩口，好食特別推介係個rose latte,玫瑰味出，唔太甜🤭🤭…查看更多

今次🐮帶我去食扒，佢話荃灣開間扒王之王，咁我地去食，上到去，餐廳係夠大，但係d 侍應就一般般。D 侍應好唔熟手，一時又話呢個唔曉落單，一時叫佢哋開個冷氣好熱就叫左幾次都處理唔到。我地叫左兩個貴扒（已經係menu 上最貴的牛，我地叫左5成熟，但點解五成熟會切唔開，又多筋，又唔淋😓🐮知道我鍾意食薯條，叫左份薯條我食，上枱就好似係係一碟炸完好耐，淋d 芝士上去再叮一叮🙄原本我冇諗住寫食評，所以冇影齊相，結果食完我同🐮都覺得好差🙄🙄又貴！請好好改善質素！…查看更多

朋友生日，佢係社交平台 睇到呢間，貌似好吸引，咁就去試吓我本身訂五位，點知去度，佢係一張4人卡位，然之後加多一張凳，超級窄，但唔好以為同早訂有關，佢四人都係咁安排，完全no good佢嘢飲款式夠多的，先上左個雞煲，我哋叫左個係椰子，雞夠滑到打邊爐，我地食最平嗰個，my god,reorder 的肉得四款，好似係3牛1豬，微量的熟食，其他就自己出去夾的菜同丸。原則上，我地冇再加牛，因為佢哋第一round 上枱的牛就已經唔好食，好嚡熠熠😮‍💨所以我係食菜同丸飽的…查看更多

我朋友帶我去的餐廳，呢個位置其實都唔太方便，但行下可以叫多幾樣嘢食小店真係好細，如果坐滿客會好迫，但係我又咁諗，地方細細有時多人聚會直頭包場啦，食下飲下，自high今次我地叫的嘢食都唔錯燒魚乾，有肉汁，唔會好乾，又唔會燶蟹柳沙律，正常水準黎個海膽刺身，會配埋飯同紙菜，其實我齋海膽得了仲有個燒牛舌同鱔，佢呢間燒物好有水準，用心燒，所有燒出黎的嘢食火候剛剛好下次都要再去食P.S 有d 唔好意思，其實我係年頭去食，而家至寫食評😂…查看更多