redoublejoy的個人專頁

本人都幾鍾意食台灣野，見將軍澳中心開左呢間台式餐廳，點都要去試一試佢好唔好味，去到鋪頭都多人排隊、多人用餐，座位偏狹窄。🔅蔥烤豬頸肉拌麵豬頸肉都真係幾大份足料，唯獨是覺得偏重味，拌麵正正常常，不過不失，下次會試豬軟骨。🔅蜆肉麵線個人都幾鍾意食台灣麵線，佢呢度個麵線味道都幾好味，但溫度唔係幾夠熱，扣左好多分。🔅那個招牌濃厚奶茶見係招牌，緊係要試試佢，點知大失所望，成杯野飲好水好淡，可能太少奶，難飲。…查看更多

1968 Bistro位於尚德廣場TKO Spot一樓，座位闊落，主打平價西餐、小食同埋西式甜品。🔅蕃茄汁蝦仁意粉蕃茄汁唔會好似出面其他鋪頭整嗰啲咁甜，佢仲帶有蕃茄嘅酸味，入口開胃，意粉彈牙，再配上幾隻大蝦仁，上面仲鋪左少少芝士碎，真係幾出色。🔅凍檸茶特別要講講呢度杯檸茶，佢糖水係另外上，唔洗喺落單嗰時講少甜或走甜。我就鍾意唔落糖水試佢個茶底，同茶餐廳有啲分別，似係用西式嘅伯爵茶底，唔會好澀，檸檬酸好夾。…查看更多

餃子爺爺是觀塘遠近馳名的一間餃子店，平時行過都必定大排長龍，除左賣煎餃蒸餃之外，仲有一啲麵食同特色小食。難得今日晏晝見無乜人排隊，於是買左個下午茶返屋企試下味。🔅京醬雞絲拌拉麵麵嘅份量好足，味到小辣，加上青瓜絲、甘筍絲、雞絲，對於鍾意拌麵嘅朋友係唔錯嘅選擇。🔅特色小食（秋葵、豬耳、海哲）不過不失，份量都正常，食落麻麻辣辣的確係幾開胃🔅白菜豬肉餃子餃子幾大隻，都多肉汁，不過唔係話好特別，正常水準。…查看更多

潮薈軒位於觀塘巧明街，主打潮州菜，因為屋企人榮休之喜，因此在潮薈軒預訂了兩席飯宴。但聽聞潮薈軒平時亦主打飲茶點心，下次可以再來一試。🔅冰鎮南非鮮鮑鮑魚好大隻，鮮甜軟糯，配上芥末鼓油，作為頭盤，非常美味。🔅滷水鵝肝大拼盤鵝肝唔會熟過頭，拼盤十分足料🔅上湯龍蝦伊麵龍蝦應該不太新鮮，質素一般，較欠佳的一道菜🔅XO醬翡翠海中寶不過不失，帶子口感十足🔅紅燒蟹肉海皇翅直頭食到一絲絲蟹肉，唔會話好鹹🔅清蒸沙巴大龍躉條魚好大條好新鮮，斤兩十足🔅栗子大芥菜煲栗子鮮甜，芥菜甘香，好過食鮑汁生菜🔅荔枝茶薰雞雞肉滑溜，滲透茶香，比較重味🔅傳統返沙芋可能不是芋頭當造季節，芋頭不夠粉…查看更多

上星期有屋企人生日，所以在滿福庭訂了一圍晚飯慶祝，整體感覺很好，環境衛生舒適，食物質素中上，服務態度十分滿意。🔅乳豬全隻食落唔會偏肥或偏瘦，十分香口🔅雙蚌炒時蔬珊瑚蚌新鮮爽口，但炒時蔬略嫌有少少多油🔅炸蝦球酥脆可口，結實彈牙🔅瑤柱髮菜生菜瑤柱好大粒，髮菜生菜好食🔅清蒸老虎斑條魚唔會太熟，蒸得啱啱好🔅炸子雞香脆唔油膩，外脆內肉嫩🔅鵝掌鮑魚鮑魚同鵝掌都好大隻，鮑汁香濃🔅壽包入面有蛋黃，蓮蓉唔會太甜…查看更多

今日有些事情到堅尼地城處理，突然想吃漢堡包，碰巧俾我遇到了Slow House，適逢下午茶時間，點了一個手打牛肉雙層芝士漢堡，漢堡包皮十分之鬆軟，鬆軟得來帶點酥脆，牛肉漢堡多汁而且很有口感，最出色反而係入面條酸瓜，酸甜得來很開胃口，令到食成個漢堡唔會覺得好油膩。…查看更多

將軍澳隱世日本美食，位置極隱蔽，相信係街坊先知佢嘅位置，唔係住附近應該都唔知。主打日式拉麵、油麵、沾麵、定食。環境舒適闊落，坐窗邊十分開揚，可望到將軍澳運動場。試左個唐揚炸雞拼魷魚定食，芝麻汁豆腐作為前菜十分不錯，配上麵豉湯很有日本的味道。炸雞塊略嫌大嚿咗少少，如果可以造成一口size會更好，炸魷魚圈香脆煙靭，會加埋椰菜絲食落味道更好。下次再嚟會試吓佢啲麵，因為佢地每張枱面有晒指示牌教導點樣去食佢哋嘅油麵同沾麵，都幾吸引。…查看更多