yanyan11pig的個人專頁

又到星期六，又係去太子上堂嘅日子！就係附近覓食！行過見到$168 ，任食韓燒，咁就試下啦！我地兩位，一到步，比張四人枱，所以坐得舒舒服服！當時係晚上8:45左右，$168有90分鐘任食！食物質素正常，當中牛仔骨最好味！但有一種羊扒就嫲嫲地，勁肥！任食除左燒烤類，仲有三文魚刺身，壽司！另外有韓式小食，西瓜，jelly ，以$168來講，我收貨！例必講下衞生環境，我覺得幾好！D呀姐都有禮貌！可能地方細，抽氣一般，食完有D油煙味！但其實次次食燒烤類都有D…查看更多

大尾篤游海賽，當然順便去燒烤啦！泳會一早book好晒， ＄110一位任食， 12點至五點，真係可以飽到嘔！但中午時段，天氣熱到high high ！有基本野，雞翼豬扒牛扒腸仔紅腸等等。有個長洲大魚旦，比較特別啲！食物質素，真係好一般，個豬扒叫做比較好食，係厚切！個咖喱魷魚，真係唔好試！我哋order左隻燒乳豬，另外要比錢，隻乳豬即燒即食，又真係幾好味！麥師傅幾好人，又走出黎教我地點樣燒，仲幫我地燒，又請我哋飲汽水。飲品,任食係包一罐汽水，$13一支烏龍茶，都唔係貴！可能天氣太熱，雪糕，雪條，竟然全部賣晒！…查看更多

今晚食飯晏左，又唔想話食得太多，就諗住食個酸辣米線，唔太多之餘又開胃！所以就走咗去食三哥，呢間野我第一次食，個座位都幾舒服，三哥來講都算出濶落㗎啦，可能係新裝修嘅關係，我同阿囡兩個女食，囡囡點左(麥演)米線，我就點左過橋米線。打算將啲餸share一齊食。我個米線啲餸都幾豐富，我叫左重慶麻辣，10小辣，我自己覺得個頭怪怪地，一陣煮窿野嘅味！唔知係咪重慶都係咁，因為我第一次食重慶。阿囡個麥演正常，我哋兩個都加左凍飲！可以加嘢飲都算係咁，講真，食麻辣，都一定飲嘅。散叫都要比！今晚最勁嘅體驗係，啲阿姐講廣東話都好正，全部廣東話冇譚仔話😂😂😂…查看更多

今日晏左放lunch，仲好啦可以去食下午茶。我去咗附近間KFC ,揀咗S1下午茶餐，真心抵食。S1餐，蘑菇飯，香烤蜂蜜雞翼一隻，葡撻一件，汽水！咁多嘢食加埋先至＄24。我仲要係會員有儲開分，用咗100積分換咗巴辣雞粒，只係＄24就食到個晏，真係抵到呢！講下個蘑菇飯先,今日個汁好好味，蘑菇都幾多！個飯就硬咗少少但係可以接受。葡撻正常，個蜜糖雞翼就係我嘅最愛。次次去KFC都一定叫，散叫要11蚊一隻！免費嘅巴辣雞粒都好香脆夠熱！想讚一讚呢度有一個洗手機，食完雞可以洗返乾淨隻手真係冇得彈！…查看更多

今日落堂，鬼咁肚餓，咁啱經過太子地鉄站口，又見到此店，剛好冇人排隊。就即管試下啦！Order後大約等左10分鐘，就有得食。我揀咗Pizza及sour cream and onion 兩個口味。再加一杯汽水！$34＋$10 ！份量都算多，我哋兩個人先食得晒。味道其實冇乜特別正常唔難食！佢味粉都幾多，基本上條條薯條都有味粉。但真係同麥當勞分別唔大！但真係要同大家分享下購物經驗，係我攞薯條嘅時候，我同佢講漏咗汽水冇俾我，佢竟然好大聲同我講，你揸住個薯條先啦！黑晒面口，態度極差！我係好有禮貌地同佢講我order左汽水唔該！而且佢個垃圾桶滿晒垃圾，多到一地都係。都冇清理，衛生影真麻麻！…查看更多

今日放工隨便食完返屋企，當然係拿拿聲，大家樂見！order 左老火湯小菜系列，我今晚食蝦干蒸排骨配甘筍煲瘦肉湯，$52-都係打算食個家庭小菜，但🦐干有啲苦，排骨都算啦淋，但係黐埋一嚿嚿要我用筷子先可以分開佢哋，簡直偶斷絲蓮。同埋啲餸都幾小！但個飯就好大碗，我只係食到一半覺得有啲浪費。個老火湯都可以，感覺冇味精。$52配中國茶，我就冇要杯茶怕夜晚瞓唔着，轉左飲杯水。主要係想讚一讚店內執碗阿姐，勁有禮貌，唔該前唔該後。…查看更多

行過見到開，上星期去試下，當時新開，有八折！$158 一位。試左海鮮餐，有7款廚師推介，蟹，蝦，鮑魚，貴妃蚌之類，🦐勁，好生猛！差D跳出離，個碗有蓋，都幾細心！之後自選有5款，都係大路野，推介手打墨丸，堅好食！真心彈牙！仲雞骨丸，比較特別，打完邊邊，最後用湯底煮粥，個粥最正！係個鼓油比較淡，希望佢改善！可能我重囗味D服務都算親切，幾有笑容，仲推介我食墨丸，但可能星期六，都幾忙。環境幾闊落，但未有酒賣，好在可以自己帶。下次會去試下牛鍋…查看更多