willisc's Profile

好耐冇嚟過九龍城，最吸引我嘅當然係泰國菜，所以就嚟咗小曼谷。本身冇預約到，去到門口已經有很多人等位，所以我跟女朋友兩個人要等了45分鐘才有位。我們總共點了三款食物分別係海南雞飯，蝦醬炒椰菜苗，蒜蓉牛油燒大蜆！先講吓個海南雞飯，雞肉全去骨，有雞味，飯有油香👍🏻，不過至於個人覺得最好味係炒椰菜苗，蝦醬味相當濃香，椰菜苗爽口，亦不會苦很好吃。最後係蒜蓉牛油大蜆，蒜蓉牛油平均佈滿每一隻，蜆肉很大隻亦鮮甜，讚！…Read More

放工等女友做完treatment，當然就要去醫肚，本身諗住求其食，打開去搜尋附近有啲咩好嘢食，第一版就見到好時沙嗲有好多正評，價錢又合理，所以去試吓。去到環境感覺都幾懷舊， 好有90年代快餐廳格局，開頭仲以為係先坐低再去收銀處買飛，點知原來都會有店員為你點菜，比個格局fake咗😅再評價下食物，味道超出我嘅預期，先講下個海南雞飯，雞肉相當嫩滑，雞皮同雞肉之間有透明啫喱，而且另附上三款醬汁，我特別喜愛佢自家製蔥油，配上雞肉一絕！再講下個油飯，飯濕度適中，不會很油，而且口感不錯有咬口，我女朋友不是米飯控都想叫多一碗！至於例湯就普通咁多星洲炒蘿蔔糕，相當野味，不會很辣，份量很多，而且吃完亦不會很滯，配上炒蛋說同蝦仁一起炒配搭很好。最後薑汁芥蘭比想像中少油，薑味都出，很好！整體來講性價比很高！下次會再返嚟試下沙爹！…Read More

疫情底下好耐都冇打邊爐，心血來潮又想過下口癮，女朋友咁啱又好想食，咁就直接walkin牛陣。去到我哋叫咗一個鴛鴦湯底，分別係壽喜燒同豬骨濃湯，壽喜燒湯底個味道OK, 牛肉方面，價錢188嗰個嚴選牛，味道就不過不失，其餘配料種類都算多，個人喜歡吃的蔬菜類都應有盡有，反而自助形式有提供白飯同咖喱牛肉汁個人認為有驚喜。…Read More

間餐廳非常細，座位數量只有大約10多個，加上戶外座位四個左右。所以每次嚟呢間餐廳，尤其是假日，都預咗要排隊。上次同朋友兩個嚟，分別點了牛肉Bagel, 三文魚egg bendict, 甜品，同埋兩杯飲品。甜品非常特別，係一個蛋形狀的分子料理，有芒果同朱古力嘅成份，打卡一流。Bagel 亦非常好食，但略嫌牛肉太韌咬不開。下次會試埋其他Bagel款式. 整體來說，食物質素不錯，服務亦ok. 只係餐廳空間比較細，枱與枱之間比較接近，如果想同朋友促膝詳談或者未必適合。…Read More

放工女朋友來接收工，感覺很幸福，咁當然接下來的晚餐就去食女朋友喜歡的台灣野！這間在大角咀的台灣食店我是第一次來的，去到店外已有很多人等候，不過還好等候時間不長，大約15分鐘左右就有枱了，入到去地方空間不算很大，但佈置就很具特色，感覺係花了點心思去營造台灣的感覺，好了接下來討論食物，我們各自點了一個主食，飲品及兩款小食，先討論我的雞腿便當，男人當然很喜歡吃肉，但對我來說變動另外有青瓜及草菇感覺很好，不是一面倒吃肉，雞腿方面也很入味，咸香適中，唯獨是滷肉味道有點淡，配合白飯感覺還是差了一點點。至於女朋友的擔仔麵的麵質算彈牙，但配料就有點少，小食方面芋泥蛋餅味道不錯，如真的去要比意見感覺芋泥份量可以再多啲!最後飲品方面，個人感覺比食物更出色，檸檬愛玉甜酸度適中，女朋友的奶綠不會一面倒只飲奶味，每啖都飲到抹茶味的清新，值得一讚！下次有機會的話會回來試吓他們的牛肉麵👍🏻…Read More

直接講食物質素：牛肉麵：牛展相當淋，蘿蔔清甜，麵亦彈牙，係份量有點小，但重點想講下個湯底，應該用上不少牛骨製作，明顯很有牛味，但湯卻很清澈，不會很油膩，很少見到台式牛肉麵有這樣的湯底，值得一讚！滷肉飯：份量適中，肉跟飯比例很好，味道食下下滷香很出，但又不會過咸，而肉亦帶合比例的肥肉伴飯相當不錯👍🏻最後奶茶本人不身對黑糖珍珠一般，女朋友卻很喜歡，所以亦偷偷試左幾啖，感覺都不錯，珍珠煙銀但不會過甜，如珍奶控不要錯過！👍🏻…Read More

夜晚收工有啲肚餓，路過見到一間川味拉麵又未食過，就入去試吓。講返個拉麵先個麵質唔錯，有少少烏冬口感，唔會好淋，有彈性，個炸醬我叫唔辣但係都有少少辣，味道都幾濃的，肉碎份量唔少，另我點左三份配料，分別豬軟骨木耳同豬大腸，豬軟骨即軟骨位置有點硬，但係味道幾好，木耳爽脆，豬大腸個人認為最入味最出色，連埋罐裝檸檬茶買單$59價錢合理，會再幫襯試吓其他👍🏻…Read More

平日2:30開始先有呢個優惠下午茶。可以任揀小食3款，加一個主食，仲有埋飲品。我揀左台灣小香腸，蒜蓉青瓜，台式鹽酥雞，仲有一個肉燥面。嘢飲方面，連珍珠奶茶都揀。食物分量唔算多，質素亦ok, 呢個價錢，可以有咁多選擇，無投訴啦！…Read More

今日放假，作為一個廿四孝男朋友梗係接女朋友放工啦。因為距離我食早餐時間唔係太耐，所以我都唔係好肚餓，唯有輕食，所以就揀咗公司附近又好似幾出名嘅喇沙店食個Tea。好！講返食物質素先，喇沙湯底濃郁，米粉同芽菜比例恰到好處，本身我叫海南雞喇沙，特別想試吓個海南雞翼好唔好食，唔錯喎，都叫有雞味，我女朋友見到都想食一啖，價錢都合理，連埋杯凍檸檬薏米人均消費大約$50，會再幫襯👍🏻…Read More

家住附近，見到呢間餐廳嘅好評都有幾多，就去試一試佢既晚飯。餐廳唔算大，大約有20多個位置，都坐得幾迫下，成間餐廳都係女客人佔大多數。至於食物方面，上菜都算快，但對一個男人來講感覺份量不太夠，我點了一個吉列豬扒定食，豬扒都鬆脆，前菜沙律都OK，女朋友就點了一個鰻魚定食，鰻魚味道也可以，人均消費大約$70左右，不過不失。…Read More

同女朋友睇戲前佢話去新城市醫肚，可能係父親節嘅關係，很多食店都大排長龍，為了節省時間，就決定揀一間茶餐廳用膳，見到門口的招牌主打鐵板餐及車仔麵，賣相都好似很有特色，本身不打算食車仔麵，因為很想据下扒，但無奈門口店員說除咗車仔麵其他食物等候需時半小時以上，問我們可不可以，為了趕及睇戲時間唯有無奈接受。我跟女朋友各點了一個車仔麵，本身我女朋友想點女神麵，點知已售罄，咁我哋就改為一個男神麵及永年大碗麵，點菜方式就好方便，先用手機掃描QR code再用自己手機點餐，而且食物上枱時間都算快，這點值得一讚！食物方面味道其實不錯的，如果喜歡吃車仔麵的客人來說基本上配料應有盡有，我個人幾喜歡吃牛筋及豬大腸，牛筋相當林，豬大腸都很入味，蘿蔔都很清甜，我本身不太吃辣的所以點了BB辣，對我來說似小辣多啲，吃完有點一身汗，整體來說合格的。唯獨美中不足之處，真的很想據扒但係需時太耐，唯有下次吧。…Read More

已經係第二次黎呢間食，女朋友上次食過好中意，今次再黎翻啅。一心想黎試黑口黑面，但我地下午兩點幾嚟到，門口店員已告知全部麵賣淨2款，分別係海帶菇菇同埋茄牛蛋面。本來好失望，但係一心過嚟食，唯有照樣接受。除左叫左以上2款面，我地仲叫左話梅蕃茄仔，玫瑰露酒雞翼，同埋兩杯自家製飲品。2款面雖然唔係當初我哋想食嘅款式，但湯底都非常好食，果然係酒店出身嘅非常有水準。另外小食方面，話梅蕃茄仔酸酸地非常開胃，十分推薦。我諗我哋下次會再嚟試埋其他面嘅款式…Read More

同女朋友睇完戲口淡淡，路過大圍對呢間小店冇乜印象，應該新開的，就喺門口望下有啲咩食，睇咗陣有個後生仔出嚟好熱情咁介紹佢哋嘅招牌甜品金箔楊枝甘露，見佢好努力咁不斷介紹，咁就唯有外賣一杯幫襯下。說實話，店員很努力介紹他們的楊枝甘露嘅賣點係有金箔，但係眾所周知金箔其實冇味道只係畫龍點睛，所以介紹技巧有待改善😅，但味道卻相當有驚喜，比我想像中嘅芒果味更加濃郁，而且還有附帶芒果肉，西柚肉亦都唔少，甜度亦很適中，滿意的！這就是我對這間舖頭第一個印象，相信自己會再嚟幫襯…Read More

為了慶祝女朋友學車一次成功，就食一間比較好的日本嘢慶祝一下，星期六預算都比較多人，但係去到都即時有位，算幸運。我們正正坐在吧枱前面，可以看到師傅切魚生的工藝，感覺也不錯。點菜方面就合共點了四款菜式，包括特級壽司拼盤，豚肉湯烏冬，一口吉列豚肉，清酒煮蜆，讓我先評價一下壽司，用料也相當新鮮，特別海膽很鮮甜，鰻魚壽司也相當出色，至於一口吉列豚肉我個人就最喜歡，肉質鬆軟，亦都有肉汁配上檸檬汁再加他的秘製沙律醬相當美味，至於清酒煮蜆及豚肉湯烏冬就不過不失，價錢人均$350 ，性價比來說有點貴，但沒辦法吧，始終都是慶祝女朋友學車一次成功，自己還是沒有牌，扁扁咀。😖…Read More

度小月係台灣來港既過江龍，我一向好中意台灣呢個地方同食物。其實早已聽聞呢間餐廳既劣評，但今日經開銅鑼灣，決定俾次機會佢，始終自己試過先最確實。我平日3點幾來到，其實人流唔多，餐廳仲有多吉枱，但就係唔肯放人入去。心諗點解呢？再等左十幾分鐘都係，望一望，reception 連落單連傳菜執枱同收銀，你估下有幾多人？係2個人！ what the.....!? 原來根本係無人手做野，所以員工都唔想放人入餐廳。服務慢都算，始終飲食業人手緊張，都明嘅。但食物質素就真係非常惡劣，係絕對可以用黎惡劣形容。一間台灣嚟香港開嘅餐廳，整嘅台灣菜竟然垃圾如此，真係執咗佢吧啦！影衰緊台灣菜。我叫左一個招牌大滷肉飯，加一杯茶。有幾垃圾？如下圖。d 肉燥分量少得可憐又難食！盛惠$62蚊！0 誠意垃圾作品。奉勸大家，千祈唔好幫襯，好難食！管理層見到嘅話，麻煩真係檢討一下…Read More