creamy_csy的個人專頁

雖然麻雀雖小，但五臟俱全誠意推介既用心製作小店衰在鋪位係一條人流好少既街但美食係需要發掘！特級牛肉漢堡- 真正既巨無霸! 兩塊漢堡份量十足，卻蘊藏住滿滿既肉汁! 唔會因為厚而造成外乾內生。配合埋流心蛋既蛋汁，一路食仲一路流口水!Juicy到爆!烤豬頸肉漢堡- 多塊豬頸肉堆疊，形成豐厚既口感! 因烘烤而迫出既油脂香味，加上菠蘿既微酸果香，完全將油膩感消除，天作之合！雜錦磨菇- 絕對係喜出望外! 本以為只係普通既炸菇，但食時卻發現係鮮冬菇同大啡菇二重奏! 冬菇香口而啡菇又鮮嫩爆汁，兩種口感，食出大廚用心!蜜糖蒜香雞翼- 非常入味既蒜香雞翼，明顯經過精心醃製。再加上秘制炸漿，雞翼既味道濃而不鹹，係用心同時間換來既成果!而且最重要既係無諗過炸物都可以咁juicy! …查看更多

收工同姊妹們去左韓閣（韓國🇰🇷）一趟做韓妹😂芝士岩漿炒飯整體係幾好食，芝士配半生熟蛋口感特別，泡菜飯酸酸甜甜好開胃，但若然芝士可以再多d更好🤣鐵板泡菜五花腩片雖則是一人份量但份量十足！絕對夠兩個人食，五花腩肥瘦適中加埋泡菜辣辣地，好好味！田園沙律拼炸雞球炸雞球好食，但d醬汁太太太多了令到d菜淋曬甜辣年糕跟粉絲呢個味道不過不失，但好普通，好快結埋一團野，好在店員都比定左d湯解番開🤣紅豆抺茶牛奶呢個奶味同抹茶味偏淡，但都多紅豆！下次叫少冰就岩🙈蜜桃冰茶夏天飲一口冰茶簡直爽爽爽！重蜜桃味，唔會太甜，好飲！…查看更多

收工去葵廣行街見到呢間野個名好特別坦白講，我連個名都仲未識讀🤦🏻‍♀️🤦🏻‍♀️同朋友一人叫左一杯野飲試下左面係招牌榴槤雲頂右面係百白果茶先講一講榴槤雲頂！上層既cream好滑好重榴槤味唔係好假個重榴槤味，飲完都唔會令你口臭！無諗過榴槤出奇地同d茶好夾，驚喜之作😍之後係百香果茶，唔好甜既人會鐘意，因為酸酸地唔會太甜，好多百香果種子係入面，不過我同朋友都覺到味道略為普通🙈🙈兩杯都係廿幾蚊，但大大杯都幾抵…查看更多

今日父親節又去食好野了！今次去左我父親大人最愛既泰國🇹🇭餐廳🍴其實呢間餐廳已經食左好多次，但第一次寫食評😂當中既蒜蓉包係我覺得全香港最好食😋😋每次黎都要必點的！！！每次黎都好多人，起碼要等一個鐘，今日仲要父親節，加上無得位，所以6:00一開門就即刻黎等位！泰式豬頸肉份量好足，配上酸汁好開胃，肉質唔會好似擦紙膠咁，反而好軟熟！泰式冬陰公湯（大）可以揀辣度我揀左微辣，全部湯好足料，勁多蝦同菇酸酸辣辣好開胃每次都必點既蒜蓉包，香脆內軟，蒜蓉搭牛油，咸咸地乜野醬汁都唔使點已經好好食！父親大人同我每次黎都一定點架…查看更多

作為新界妹既我，黎到銅鑼灣真係完全唔熟路然後朋友就介紹左呢間日本餐廳比我試下，去到咁岩撞正下午茶時段全單8折，我地即刻衝入去試試佢！入面裝修都幾靚，而且d日本茶好好飲😂😂松葉蟹膏壽司  $20鰻魚壽司 $20松葉蟹膏溝左小小蟹肉好鮮味而鰻魚都好軟棉棉，一咬就開，搭配埋d醬汁係加分位，唔需要點豉油都好夠味！呢兩個都ok好味，但略嫌d飯硬左d，有dd未熟透呢到仲有免費WiFi提供，可惜我走個刻先發現🙃🙃…查看更多

秋風起就諗起打邊爐上次係靚煲皇食過番尋味因為材料真係好新鮮，而且都幾抵食老闆服務一流又好傾，佢會主動教我地點食先係最好食所以今次聚會地點又決定黎番呢到其實我係貪佢有usb插頭叉電同埋wifi多到比我開直播都得其實仲有響玲同烏冬！不過只可以擺12張相，見上次擺左就忍痛放棄啦🙈鮮炸自家製響玲極度推薦大家試！真係新鮮腐竹炸出黎🤤🤤所以可能比其他食物耐小小先到，但岩岩炸完個下真係香到癲，吸埋個湯勁好食，每次黎都必叫！烏冬又係勁彈牙，都係自家制架！無普通烏冬既酸味，建議大家淥一陣就好食，唔好浸到淋曬，曬左個靚烏冬呀！…查看更多

呢間店開係天水圍西鐵站隔離，如果唔係朋友揸車帶我黎，真係完全唔知呢到有間糖水店夜晚10點左右已經人山人海，原來咁多人都識，係我孤陋寡聞完全無聽過整體都幾好食，絕對會再黎…查看更多

第一次發現原來香港都有咁靚既特色cafe 同閨蜜食下野影下相好歡樂咁已經渡過左成個下午！景靚美食氣氛正，的確係閨蜜聚舊既好地方，連唔係愛麗絲粉絲既我都好興奮但唔好同男朋友黎，因為佢地會好悶😂…查看更多

收工之後約左班婊子去食飯！叫婊子係因為佢地真係好難約！！！！因為旺角係中間點最就腳，而且等曬咁多人收工已經好晏！所以今次就試下呢間開到通宵既火鍋小菜店一行五人總共叫左3個小菜1個火鍋4個配料！👉🏻小炒皇      （小菜）所謂小炒皇可睇出大廚功力係真既，鹹淡適中，但又唔會覺得好油膩，碟上唔會見到一堆油👉🏻馬來胡椒蝦  （小菜）因為師傅已經去了小小蝦頭，一折就離殻，所以方便食用但都OK辣，嗜辣人士之選👉🏻博多蝦      （小菜）鬆脆蝦膠配上自家制青檸酸醬的確幾開胃，但小食就夠，食得多就覺得好飽滯，而且要趁熱食，一放涼就變得好‘淋’身👉🏻高湯雲吞雞煲（火鍋）個湯頭好甜，好濃雞味，飲完都唔會口渴，所以一飲就知唔係味精湯，D雞都好嫩滑，輕易就撕開到，無個種冰鮮雪味，加上D菜吸收曬湯既精華，好正！足料既新鮮蝦肉，而且雲吞皮好薄好滑👉🏻極上肥牛    （火鍋配料）雪花分佈均勻，而且入口即溶！但價錢有D心痛。。。👉🏻響玲鳥冬    （火鍋配料）響玲係店舖自家製架！同比出面既響玲鬆脆得多，鳥冬係手打既，所以好彈牙，而且當兩者都滲滿雞湯精華既時候真係勁好食！👉🏻野菜菜籃    （火鍋配料）不過不失啦，新鮮既蔬菜，但份量過小總數$941!其實質素絕對配得上價錢！係幾抵食！值得同大家推薦！I will be back !BTW, 仲有免費USB充電同埋Wi-Fi ，成班婊子傾到夜一夜都唔怕！而且有埋足球直播，男士們福利喔！…查看更多