魚蛋妹妹's Profile

今日同男友仔上左西九8樓搵野食 成層都係食店, 最後見到 舞茶道 d 便當好吸引 就叫黎試試男友叫左咖哩雞便當, 我就叫公主雞翼便當 買便當配野飲 送10蚊野飲 多過10蚊就補$ 就叫左個芒果沙冰 同 青蘋果沙冰 另外再叫多個小食 鹽酥雞粒大概$18成個便當都有 菜有飯有肉 而且飯上面仲有青瓜雜菜 小妹覺得都幾健康先講男友個咖哩雞 d咖哩就冇咩咖哩味 有少少甜 , 但係d雞塊真係好好食 外脆內軟 正阿而我個公主雞翼 d雞翼熱辣辣 個皮脆卜卜 可能冇汁送飯既關係 d雞翼有少少偏咸 用黎送飯就岩岩好 , 仲有薯條 佢落左少少味粉 食落去好好食 小食 - 鹽酥雞粒 小妹覺得 同出面專賣雞排雞粒果d 差唔多 不過呢d味粉冇咁重 而且好脆同熱辣辣 好好食野飲方面 芒果 同青蘋果 沙冰 飲落都好似冇乜果味, 不過飲落去好香, 我諗應該d香味係d 乳酪之類果d味 雖然冇乜果味 但都幾好飲 甜度岩岩好 而且好大杯 , 飲左好耐先飲得晒 整體 一人食份量岩岩好 唔會過份飽 而且價錢合理 d雞都好好食 值得再試 …Read More

前排發現銀座開左呢間餐廳 不過幾次諗住去食晚餐都見到外面好多人排隊 ! 所以都冇排到今日見有空閒就再黎 因為有時間 所以排隊等都冇所謂 終於可以試下呢間野黎到已經2點幾 但依然都係好多人黎食 見到佢食意大利野 間餐廳外表又幾光鮮諗住價錢都唔會太便宜點知入到去坐低睇餐牌見到d價錢就好似發現新大陸咁 因為覺得好平!坐入去環境好舒適 , 唔會覺得迫我地3人叫左 湯,$9周打魚湯 + $8蒜容包周打魚湯好cream , 蒜容包原本以為係d普通法國麵包 斜切 , 點知原來大大舊 蒜容又多個包又脆!前菜小食,雞球 - 佢配d沙津醬食好好食 而且好香好脆 不過個人認為d雞肥左少少田螺 - 佢上面有好多蒜容鋪住 整體都ok蜆 - 冇咩特別 都幾新鮮 ,而且好平 同埋見到好多人叫 pizza, 一人批size左右唔知咩水牛芝士批? 唔記得左個名 d芝士好多 個批邊又好食 外面皮脆裡面軟菠蘿煙肉批(?) , d菠蘿唔乾好食 配埋d肉 + 批真係一流 個人超喜歡食菠蘿 哈哈 不過 為獨是 佢d料會偏埋一邊 切開4份會唔平均最後叫左 焦糖布丁$18 食左真係又驚又喜 因為真係好好食 d布丁咬落去好似幕絲咁 不過個布丁偏甜 唔太喜歡吃太甜的人可能唔太喜歡=)仲有+12蚊可以任自添飲品有黑咖啡 , 牛奶咖啡, 巧克力, 柯華田? , 百事, 芬達 還有其他等等 自選 任飲我地3個人食到好飽 都係2百幾蚊到 真係抵食, 而且質素又唔差 下次黎再試下佢既意粉, 焗飯同鐵板先 走果陣入面依然都差唔多滿座 真係值得推介…Read More

小妹超喜歡吃甜品 其中一樣就係可麗餅, 好意食佢個皮, 配埋內裡的料一齊咬真係一流!食完呢間真係想再繼續叫多幾個食!!睇佢個meun見到有好多唔同款式 最後都係揀左自己至愛既草莓小妹買左 草莓牛奶雪糕+cheesecake,本身唔係其望太高 因為以前食過第2間入面係好少料呢個價錢5x蚊到 對比其他可麗餅鋪價錢都係差唔多,等左一陣有得食啦!! 賣相已經好靚 , 一食佢個牛奶雪糕, 好有驚喜 有好香既牛奶味! 而且牛奶雪糕份量好多 食到低都仲係有雪糕!!cheesecake就普普通, 個皮都幾好食, 最緊要仲有好多草莓醬 配落牛奶雪糕真係一流 同男友買左一個兩份食 男友仔都覺得佢個牛奶雪糕既味道好香好濃一個人食都應該幾飽 同男友仔兩份食岩岩好如果想淨係試佢個牛奶雪糕 佢仲有淨牛奶雪糕買 價錢都係2x蚊到 好食 …Read More

有日同男友仔加朋友黎到天耀搵野食 最後決定黎椰林閣据下扒見佢d價錢都唔係貴 平均70蚊到就一個餐 升級+30蚊 仲可以加一個小食, 餐湯升級加酥皮 同轉杯特色飲品咁我地3個人每人都升級 加多3個小食 先講店員服務態度幾好 好有禮貌 落單完全唔趕 又問得好仔細不過d菜就亂咁上 上左正餐 先上湯 跟住先麵包 搞到張台都唔夠放, 為有張d餐具盤 移去張椅度,先講個酥皮湯, 個酥皮完全係淋啤啤 而且同好咸.. 好似食麵粉咁 小妹係飲白湯, 個湯就無乜料... 不過朋友揀紅湯 佢話有好多料之後就据扒, 小妹係食 鐵板雞+豬扒再加黑淑腸配薯菜 不過因為個餐最早到 飲完個湯到食果陣d汁已經比個鐵板整到乾晒大至上都ok 所有小妹都覺得有少少偏咸, 食完2片扒同薯條已經好飽, 小食已經食唔落 所以無試到 比唔到評分不過值得一讚係個飲品, 個青平果波蘿soda小妹覺得好好飲!!總括而言 食物就普普通通, 不過咁既價錢有得据下扒都算ok, 同埋真係食到好飽 仲有好多食剩! 都幾抵食!…Read More

雖然我同男友仔都仲算年輕 但係有時都鍾意去茶樓食下點心 去親都係黎呢間每次黎都必叫蝦餃, 因為小妹實在太鍾意食蝦餃!! 呢間d蝦餃大大粒又好食第2會叫小籠包 因為男友仔鍾意食, 佢d小籠包都好多汁 而且唔會穿再第3就係會叫 佢既 招牌 灌湯餃, 裡面料多又夠包! 每次都叫成7,8樣 落樓每人都只係100蚊左右! 物超所值又夠包 環境又夠舒服 …Read More

個人都好喜歡食甜品, 係openrice見到好多good評論係呢間度當然拉埋男友仔一齊去試4,5點黎到 間野得2個客人坐係鋪入面, 男友仔點左芒果綿花冰, 我就點左 草莓窩夫!男友個芒果綿花冰好快上, 有好多料阿! 又有mango雪糕 好濃mango味好好食 男友仔試過好多間甜品店既綿花冰都話呢間好食不過個草莓窩夫就等左好耐, 男友仔食完個綿花冰再等左陣都未黎!!終於黎啦, 等咁耐都係值得的 因為實再太好味啦 聽講佢d草莓醬係自家制? 係d醬入面會找到好多草莓肉 喜鍾意, 個人十分喜歡吃草莓xdd食完都幾飽 不過下次都會想再去食見到佢個menu 話有個9層塔 1人45分鍾內食完免錢 唔知有冇人挑戰過呢 想睇下佢真實個樣…Read More

記得幾年之前成日黎雪國食lunch, 因為覺得佢個壽司定食好好食前幾日同男友仔行街街再次走去雪國食lunch, 冇左個壽司定食, 咁為有點我愛食的 炸豬扒定食而男友就點左滑蛋豬扒飯, 等左10分鍾到就黎啦, 一食個豬扒 個炸面同個肉係分開, 汁又少 完全唔好食而男友果個滑蛋豬扒飯望落去都乾憎憎 雖然係幾大碗不過好在d野飲都ok 叫左奶茶同凍檸茶 佢會再奶同糖水都分開上 可以以個人喜好加落去我諗下次都唔會再去…Read More

係人都知九龍城好多野食 個人完完全全好鍾意呢間日本野一來店員服務態度超好 識講笑 有禮貌二來呢間日本野d野食真係好好食雖然價錢個人覺得係中上, 因為每次去親都係返工lunch時間, 所以就未試過呢間既燒烤不過黎過兩次都係食佢個壽司定食(?) 唔記得全名價錢7x蚊到, 有麵c湯, 好滑既烏冬, 蛋, 壽司又新鮮, 仲有1粒紅豆既甜品 全部都好好食亦有同事食過 炸豬扒飯 個炸皮唔會同個豬扒分開 值得推介…Read More

男友仔同我都好鍾意飲冬瓜茶! 香港唔多台式飲品店有冬瓜茶,所以次次黎親旺角必定去貢茶買冬瓜茶飲雖然次次去親間野都好多人等既時間比較長 , 不過貢茶既冬瓜茶 甜度岩岩好 價錢又唔貴 又好飲值得再試!…Read More

同男友行完街街離隔晚飯時間又很遠 諗住買d野食返屋企就聞到大雞大好香! 所以就走左去買見到有幾款選擇又未食過 見到岩岩有人買大bb雞 所以又跟住買個大bb雞試 仲有多買左個粟米腸,買完等左陣好快拎得, 即刻忍唔住試左舊, 初頭以為bb雞有骨 點知原來啖啖肉 同埋好鍾意佢落左d粉落去果d味好香 份雞又大份,價錢又ok2個人做個小食岩岩好 下次經過會再去試!! 不過個粟米腸就同普通腸差唔多 都係d雞值得去試…Read More

個人同男友都好鍾意飲冬瓜茶, 前幾日聽男友講話呢間野都有冬瓜茶賣所以經過就去買返屋企咁買野飲就順便買埋小食, 間野仲有雞蛋仔 ,格仔餅, 燒賣 魚蛋, 墨魚丸, 茶葉蛋, 粟米,一叫就大概叫左10樣到 , 店員服務態度幾好 ,不過可惜係拎完我自己唔記得點單 ,差唔多返到屋企先發現漏左單咁算啦都係自己有既失誤 唔記得點數 諗住佢地可靠不過d小食都唔係好掂.. d雞蛋仔同格仔餅 淋啤啤 白雪雪.. 但又唔係未熟同埋杯冬瓜茶好淡 好似飲水咁 …Read More