luvsaira的個人專頁

長沙灣多咗好多新小店，走文青路線雖然舖頭細細，但裝潢特別、別樹一格Lunch time嚟甜記永遠都要排隊除咗因為座位小，最主要都係因為餃子好味😋餃子可以揀湯或者煎，8隻$40，10隻$44湯底可以揀雞湯或者蕃茄餃子味道超級多！朋友試咗椰菜花豬肉同洋蔥牛肉洋蔥一啲都無草青味同牛肉嘅味道夾埋一齊好fresh自己就揀咗粟米芝士雞肉同芫荽豬肉味芫荽味略嫌唔夠濃，好似普通菜餃咁粟米芝士雞肉超驚喜🤩粟米好甜但係有少少芝士嘅奶香氣連啲雞肉都好嫩，真係想食多幾舊！每張枱上面都有醋同辣菜蒲去點綴餃子🥟辣菜蒲真係好辣🤣啲味一直係口腔唔散不過好香，同餃子係絕配呀…查看更多

已經唔係第一次嚟但總會俾佢嘅佈置吸引坐喺餐廳，真係有去左泰國嘅感覺可惜六月天氣已經好熱坐係戶外，真係大汗踏細汗有唔少昆蟲😩講返啲食物今次人數較多，試多咗幾樣嘢珍寶大拼盤：有蝦餅、魚餅、串燒同蔬菜餅，蔬菜餅特別驚艷，由芋頭南瓜粟米一齊炸，香甜脆，其他炸物都有一定水準，不過就偏貴，一碟都要$268馬拉盞通菜：普普通通，而且馬拉盞唔夠香味菠蘿炒飯：炒得唔夠乾身，不過伴碟有一節菠蘿🍍感覺好清新金邊粉：好味😋撈埋花生、青檸檬汁，夏天食好爽冬陰功湯：偏酸唔夠辣，但用了十足，而且仲有幾隻大蝦其實仲叫咗半隻海南雞，不過冇影到🤪註：1. 如果揸車嚟嘅可以再試，不過留意揸車嚟要收$30泊車費；2. 飲品都偏貴，菠蘿冰$58、椰青$483. 另外以前lunch唔接受booking ，打電話黎問果陣，接線生態度仲有啲惡🥺…查看更多

同朋友慶祝生日🎂只得午市，但又想坐得舒舒服服於是嚟咗K11 musea 第一次嚟呢間餐廳，但見到網上有好多好評結果都冇令到我失望🤗半自助午餐，每人有一個main course唔加主菜，淨係要沙律吧都可以🥗沙律吧包括幾款凍海鮮🦞巴馬火腿+芝士仲有即切春雞同牛扒而且有幾款小蛋糕🍰真係好好選擇！主菜揀左兩款，pizza+肉眼Pizza鋪滿芝士，皮邊鬆脆，一啲都唔膩🥳肉眼好juicy，而且好重牛味朋友都好開心😃…查看更多

買宵夜，滿心歡喜食串燒🍢Menu好多野揀，連酸辣粉都有淨係睇Menu都已經覺得好肚餓但好可惜呢間餐廳唔係依落單次序去整野食燒茄子🍆同撈粉，足足等左50分鐘追問幾時得，仲被不禮貌回應🤬一副唔優做嘅樣😵‍💫撈粉偏咸，茄子皮燒到燶哂好似無人睇火，每啖都係燶味🤮唯一讚既係呢到種類好多，連辣度都分得好仔細，分左香辣、麻辣、椒鹽唔辣既亦都有其實一間餐廳食物係最重要但如此服務+態度，真係令人三思先會再想幫襯😮‍💨…查看更多

家中長輩生日，襯措施實施前慶祝🪅6人餐$1580，原本以為啲野會細細碟，仲散叫左個年糕，點知後悔了⋯每碟都好足料，就連頭盤既5小碟都好有看頭其中最好味既係椒麻雞，豬皮凍亦好特別🥳至於主菜，蔥爆羊肉好友鑊氣片皮鴨亦脆卜卜，啲肉又唔會好鞋整體都唔錯，但個湯令我地有啲失望，因為係津白豆腐湯，即係同另一道菜上湯津白無分別😞下次都係試下壁合湯P.s. 因為生日，買左蛋糕去切，需要收附加費$50，比好多餐廳平🎂…查看更多

因為遲左book，平安夜晚好多地方都無位但呢到比我地攝到個位，大滿足！餐廳有個唔起眼既入口，但一入門口就好似去左另一個環境咁密密麻麻既menu寫滿牆身，中間仲有電視播放日本電視台節目仿佛去左啲日本小店咁🗾聖誕節無加價，價錢合理，而且種類好多，刺身串燒天婦羅🍤麵食同鍋物都有，仲有自家制梅酒🥃即刻叫番杯試試，口味偏甜，會令人唔覺唔覺就似哂😂食身方面都中規中矩，試左壽喜鍋、串燒，冷烏冬、天婦羅其中串燒白鰻好白好好味，燒到脆口但入面仲好滑！唯一有樣意見就係店內通風麻麻，有陣油煙味…查看更多

KKday有discount $278一個tea set 仲包左兩杯飲品🍹環境寬敞，而且裝修都有啲心思店員話會自動serve tea set 可惜係佢地啲單有啲混亂 後過我地坐低既都有野食而我地入座後等左30分鐘先有🥲講番正題，tea set一共有10款咸甜點比較出色既有抹茶英式鬆餅🥞、黑芝麻凍蝦配抹茶酸忌廉其他既食物都不過不失，但其中泡芺令人好失望🙍‍♂️泡芺勁軟身，中間既啫喱淡而無味，食左一半就放棄了⋯另外叫多左個粟米脆片🌽好好味，上菜前有翻焗過，辣肉醬亦唔會太咸🥳…查看更多

同長輩出旺角，想食小菜，本身想去其他酒樓，但呢到唔洗等位，所以就坐低左好可惜呢個決定係錯既🥲啲餸黎到完全唔熱，又無鑊氣，叫左乳鴿，食落成口油⋯最過份係叫左條蒸魚，18:40落單，到19:35追單，竟然話未蒸，仲話因為太多單，所以未蒸到我地果條一條魚落單後55分鐘都未落鑊，仲要當時酒樓只有一半坐左人⋯p.s. 我哋附近有一檯員工同屋企人幫襯，成晚啲夥計都行埋去傾偈，嘈不特止，佢哋嗰檯欠野，啲夥計會好落力追⋯…查看更多

越來越多人食omakase，食完就當去咗次日本旅行🧳試過好多唔同區唔同餐廳既omakase，呢到既實在令我覺得回味無窮！已經唔係第一次嚟晴空，但見佢出咗新嘅set Menu，仲要係廚師發板，真係心郁郁想試😻套餐包括沙律、湯、蒸蛋、刺身五款、壽司六貫、手卷加甜品，仲有生蠔早前菜，多嘢食都會好飽好飽！沙律、湯同蒸蛋都係一般日本餐廳會搵到嘅嘢，但個蒸蛋好出色，仲有蟹肉喺面，餐廳真係好揼本👏🏻刺身有五款，每款都好先好甜，唔會話切到好薄，咬落去都相當有口感。最驚喜係壽司，由淡味食到濃味，由厚厚肉帶子，再到蟹膏蝦，仲有金箔🐟同海膽，滿足到形容唔到（啲海膽多到，差啲忍唔住叫師傅唔洗比咁多我😂）以手卷作結尾，雖然係細手卷，但啲料都好足，一啲都唔馬虎🍣甜品有好出名嘅蛋卷加蜜瓜，蛋捲啲cream好香好滑，值得一讚！最後最後，要特別讚嘅係生蠔同奶凍，生蠔唔會好鹹，入口好Rich🦪奶凍聽餐廳啲人講係米芝蓮徒弟所做，綠色好特別，奶味亦都夠濃…查看更多

趁風暴來臨前，嚟呢度食過優哉游哉嘅lunch🤠呢度裝修後環境真係好好👍🏻好舒服，望出去係一片綠油油嘅湖景，真係會令人心情都好啲。Set lunch只有幾款，揀咗佢哋嘅signature burger🍔（$188）burger好大個，有煙肉、安格斯牛肉、生菜、蕃茄配沙律醬，麵包仲有焗過，但煙肉太鹹，而且牛肉有啲根，唔可以稱得上為signature，反而佢半碟嘅薯仔🥔焗到香香脆脆，有啲驚喜最後加$30要咗個flat white，可惜上檯個拉花已經冇咗，而且杯嘢一啲都唔熱，完全唔個格😾…查看更多

打完風決定出去行吓，周圍人頭湧湧，未夠6:30已經要排隊食飯，呢間餐廳都要，不過人少啲，所以決定等一陣🤪坐低睇Menu先發現原來價錢唔係特別平，不過冇所謂啦間唔中一餐🥰叫咗一個炸魷魚圈、慢煮豬腩肉配芝士通心粉，同一杯oero奶昔🥤唔知係咪間餐廳多人，等咗20分鐘先有奶昔，等咗30分鐘先有芝士通心粉，前菜嘅炸魷魚圈同主菜嘅慢煮豬腩肉分別都等咗45分鐘，周圍嘅枱都開始有啲投訴🥸講返啲食物，通心粉我以為會好膩，但又唔會，仲有啲咸味同蒜味，唔錯慢煮豬腩肉都好好食！皮脆卜卜，啲肉又唔會老咬唔到，唯獨失色嘅係啲配菜好硬，南瓜雖然一齊慢煮，但完全咬唔到⋯⋯最後係酥炸魷魚圈好鬆脆，配埋個芥末沙律醬好好味😋…查看更多

同屋企人去花墟，佢地話要食「紅寶石」仲話以前呢間餐廳好出名，專食港式扒餐而我就聽都未聽過，抱住10萬個問號去試。餐廳有兩層，卡位就只有下層先有入座卡位後開始睇menu 發現好多選擇，真係你講得出既combination都有，最後叫左幾個扒餐同焗飯🥘落完單，waitress好快就送上暖粒粒既餐包牛油夾係中間慢慢溶化配埋好鮮茄味既羅宋湯，已經覺得間餐廳好正扒餐黎到，份量大到嚇親羊扒併比目魚一塊魚柳x五塊羊扒比目魚香嫩，羊扒帶有油脂配上蒜香🧄完全唔會覺得膩再黎焗飯，豬扒好鬆化茄汁同蘑菇舖滿面，如果冬天食食完一定唔會覺得凍最後仲有甜品送添，飽哂！多謝屋企人介紹呢間餐廳比我（收費比想像中貴，可能始終係旺區）…查看更多

一早research左去呢到食pancake 果然無失望 🤓士多啤梨漿🍓林滿面Pancake鬆軟，入口即溶而且唔膩，成多幾啖都仲好清新唯一美中不足就係啲士多啤梨太酸😩除左pancake 仲order左海鮮龍蝦汁龍粉意粉🍝好香蝦味 醬汁唔「潔」意粉仲包括左兩隻蝦 兩隻青口 同細帶子粒粒加埋杯橙汁，完美😍…查看更多

經過韓國街，發現一間新嘅日本料理「晴空」呢個名字係韓國街有點突出係咪同「晴空塔」有關既呢？就試一試🥣Lunch menu有好多選擇刺身同Omalase🍣亦都有好多熟食由於今日同小朋友同行，最後決定叫西京燒好多日本餐廳都有西京燒有啲會用比目魚，呢到就用左銀雪魚銀雪魚入口油香，魚肉嫩滑，魚皮燒到脆卜卜，醬汁亦帶甜，非常好送飯Lunch menu仲包括左沙律🥗麵豉湯埋單百幾蚊，係尖沙咀區算係非常合理P.s. 原來餐廳只係開咗幾日，老闆仲好客氣咁送咗灸燒toro😋非常有誠意嘅餐廳！值得encore …查看更多