paulyy2022的個人專頁

鮨山月 Dining city Set, 只在餐廳周提供。每次餐廳周。我都會揀選幾間不同嘅食肆。用一個較為優惠嘅價錢去體驗一下唔同餐廳嘅出品。曾經試過鮨山月既正餐，今次係試優惠套餐。食物是較平常full set 既冇咁豐富。 咁當然啦，我俾錢都俾少一大舊。 食物水準依舊地高，環境舒服乾淨，要讚一讚服務我哋嘅經理。能夠接受我哋一啲特別要求。前一晚先提出我同女朋友黎為佢慶祝生日，都安排到有生日蛋糕為佢慶祝。 唔該哂，會再來的…查看更多

同女朋友一周年拍拖紀念，點都要搵一間能夠有回憶嘅餐廳，朋友去過呢間，覺得環境唔錯，所以一於去試吓。餐廳環境非常之優雅，氣氛好好，餐廳仲幫我安排咗坐窗邊位，咁就特別浪漫。嚟呢度嘅人好多都係有生日或者係周年紀念，餐廳駐場嘅歌手，唱左首Nothing gonna change my love for you. 我聽到都感動😊食物方面，一貫fine dining嘅風格,味道算唔錯，只係份量再多啲就更好。最尾嘅甜品碟有幫我寫一周年快樂，同埋有張即影即有相。日頭同夜晚嚟有唔同嘅享受，建議夜晚同埋中午都去試吓。…查看更多

很久沒有跟家人一起去鯉魚門，朋友介紹去了海天宴會廳，跟家人做節食中午飯，海天宴會廳位置比較深入，途徑有很多海鮮檔及餐廳，有很多鯉魚門特產，及一些售賣各種海味的舖頭。去到坐低之後，落去樓下揀海鮮，各種海鮮的尺寸比在街市看到的都大很多，心想這餐一定很貴了。不過冇所謂啦，一家人食餐飯開開心心，而且老闆俾咗個包房我哋，可以遠眺鯉魚門海景。淨係個海景已經值得了。海鮮質素非常高，煮得亦非常好食，埋單係500多至$600一個人。 如此優質的海鮮也算超值了。 吃完飯繼續沿路行，可以去到天后廟，這地方也值得一去。繼續行可以去到礦石場。這裏有一些天然的景色，好像去了外國，不像似香港。 這次的行程家人都非常滿意。…查看更多

有幸朋友邀請去銅鑼灣嘅omakase, 呢度環境令人有一種很舒服嘅感覺，睇得出好多用心既細節位，師傅及樓面很用心及禮貌。當晚更是清酒配對之夜，有位漂亮的唎酒師😍在場講解清酒配對食物嘅要點及知識。美食靚酒及清酒配對嘅基本認識。今晚大滿足🥰-松葉蟹蝦蛄蒸蛋 4.5/5-作 冷卸 4/5蒸蛋很滑，松葉蟹賴尿蝦非常鮮甜，本身有飲開作這種酒，未飲過此款，圓潤溫和的酸味，跟食物有協同效應。不錯。-白子 4/5-作 冷缷 5/5本身不太喜歡吃白子，但這裏做得不錯，算是挑戰到能吃，也好吃。 繼續用作來配合。出奇地非常夾，兩者嘅酸度係同步的。有加成作用。-秋刀魚 4.5/5-秋刀魚酒 5/5😍現在是抽刀魚最肥美的時間，只要廚師買靚貨夠肥夠大，不會失敗。是晚的神秘嘉賓，秋刀魚酒。聽唎酒師講，此酒是餐廳從日本搶返來的限量版，香港很難搵到這支酒因為日本人都搶着飲。 此酒開宗明義叫秋刀魚酒就是專門來配合秋刀魚，兩者的火花沒有更配合的了。-八爪魚+ 子持香魚 4/5 + 4.5/5-百十郎 秋櫻 3/5八爪魚正常，子持香魚有驚喜。 酒帶花香易入口，但不是我喜歡的風格。-鰆+香箱蟹 3.5/5 + 4.5/5-律島屋 秋上 4/5相比起同類做法，用上鰹魚會好味些，香箱蟹好食但應該未到最佳時份，酒配搭得宜，絲滑順口。-白蝦+石垣貝+金目鯛 3.5/5+3.5/5+4.5/5-赤武 冷御 4/5白蝦原本有4.5，師傅落岩鹽重手了，已反映。石垣貝原本有4.5，但師傅在我行開了時已上，沒有拍打貝令牠收緊，要改善（雖然我也不該去來走去）金目鯛，好味😋酒方面開始入戲肉了, 享受到旨味及果香的優雅。-縞鰺+ 赤睦 4.5/5 5/5-寫樂 純米 4.5/5其實我開始醉了。。省略20字-赤身+ 中拖+大拖 5/5+5/5+5/5-王祿 無濾過生原酒 4.5/5鮪魚三連，要做得好非易事。赤身調味恰到好處，中拖大拖肥美無筋👍🏻-穴子+玉子+和牛三文治 5/5+5/5+4/5-鏡山 純米大吟釀 4.5/5穴子，本人之大愛，無辦法，5分😏玉子，有人話一間店有冇功力，看玉子便行，呢度玉子就正是畢到業，同行5人都讚口不絕，師傅很慷慨地再給我們每人一件。 抵讚👍🏻👍🏻-湯 4/5-沖繩黑糖栗子布甸 5/5-浜福鶴 白桃濁酒 5/5作為尾聲，這個甜品真的是無可挑剔，細問師傅，原來他們最近一直在研究甜品，南瓜、香芋都出過，必定要再來食甜品-香濃咖啡 5/5原本跟餐是沒有的，我特別要求經理送咖啡比我們，他隨即答應，這裏的咖啡真的也很專業。整體而言：這裡真的是一間很有心的日本廚師發板，食物質素，環境，服務，都是一流級水準。 會經常再來。…查看更多

跟女朋友到蘭桂坊行街，食晏醫肚，選了這間台式店，原本我很喜歡食台灣嘢，但食呢間真係一肚氣。唔講食嘢住，先講服務，原本啲老員工冇乜嘢，但係個後生仔非常趕客。嚟咗餸問佢攞兩隻碗，佢居然係掉碗掉到蹦蹦聲，當刻四目交投，佢完全唔覺得唔好意思，及後有另一台客，客人問要Menu，佢差半步行到嗰張枱，但佢唔係俾係飛，真係未見過人會飛Menu，嗰個客人都錯愕咗一下，周圍望，望到我有注視到，大家苦笑了一下，繼續食飯。1:懷舊排骨滷肉飯 2/5豬扒無味，衰過茶餐廳，幾乎見唔到滷肉2:海苔鹽酥雞2.5/5正常啦，唔難食，亦都唔算得上好食，但份量也偏小。3:奶油芋泥蛋餅4/5全日最正常，但比起以前嘅品質，差了不少4:燈籠黑糖珍珠奶茶1/5未飲過咁難飲嘅珍珠奶茶，有黑糖味有奶味，但冇茶味，品質跟外邊專賣茶嘅差好遠好遠。整體而言：茶木好食過佢N倍，服務差，食物水準未達標準。感覺太差了，影咗一張相之後唔想再影。…查看更多

跟女友在朗豪坊行街,原本4:00食完lunch, (講開lunch ,我下一則俾個負皮佢）咁晚餐真係唔知食咩好，咁就搵左間打咭神店，輕食晚餐，重視甜品位。因為要甜返個人，幫個肚報仇。第一道菜：香辣雞翼配荔枝沾醬3.5/5重點位：荔枝醬感覺很清新，配雞翼吃很夾，但份量略嫌少了一點，若果份量輕微大一點，雞翼數量多一兩件，會感覺完美些。第二道菜：西班牙風乾火腿配烤菠蘿5/5重點位： 見到風乾火腿不是配哈密瓜，故特別想試一下配菠蘿是怎樣的！ 結果是出乎意料的好吃，是全晚的亮點，非常非常好吃。第三道菜：牛油果醬芝士燒雞焗薯 4/5重點位： 好吃，焗薯及燒雞都在水準之上第四道菜：意大利芝士牛角窩夫 4.5/5重點位：今晚的主角，果然沒有令人失望。不過有一個小插曲，店員落錯了綠茶味，不是原本我們想要的Tiramisu味，店員很禮貌的幫我們換回給我們，但廚房的同事做法需要改善，廚房同事是原隻碟換窩芙，雪糕卻沒有換，所以再給回我們的時候雪糕已溶了一點點，我覺得最少換過另一隻碟，影相都會好睇啲，這點是值得要注意。整體而言：此店無論環境，食物，價錢，服務都是上等。值得回頭。…查看更多