Sophie10的個人專頁

今天和老公去西貢放空一下，經過市場街有一系列的餐廳選擇，見呢間鋪頭門面簡潔乾淨而且剛好有二人位，所以就試下啦～原先想食薄餅，因為午市關係，只可選套餐～選擇也不少呀。最後老公選擇了黑松露炸蝦雜菌意粉，好濃郁嘅忌廉芝士味，炸蝦非常鬆脆，意粉口感剛好👍🏻而我選擇了手打漢堡扒煎蛋飯，漢堡扒好juicy, 不乾，剛剛好由於人手不多，可能要等多一陣～店內環境乾淨舒服, 店員親切有禮，食物也不錯～如果想去hea下，值得嘗試！…查看更多

今日做完運動8點幾，有啲餓但又唔想食咁多野，唔想徒左做完運動減左嘅少少卡路里，諗住輕食點知落到樓下竟然有老公接放學⋯不過因爲太累，都唔想食咁飽⋯望去對面馬路有間上海野講真門面麻麻地，不過望落都乾淨，就入左去試啦⋯⋯先上熱豆花同咸豆漿豆花好滑好好味，都幾大碗，好快KO左咸豆漿就麻麻地，冇乜味之後再叫左粢飯同招牌鍋貼先講鍋貼，幾有肉味同有啲肉汁，都煎得幾香口，不過有啲油, 一般啦～反而粢飯有驚喜好好味，好多料唔係飯偏多嗰隻，油條好脆又大條，配埋炸菜啱啱好熱辣辣成餐兩個人食左六十蚊，灣仔來說也是不錯的選擇…查看更多

今日九點幾先番到馬鞍山，好多餐廳都last order 左，見呢間相對新嘅餐廳唔駛排隊就去試下啦～今次我叫左無骨豬手船河碗船河比我想象中大碗，女仕黎講份量比較多，味道還可以，不過不失。而無骨豬手有驚喜，好稔好入味，啖啖肉，不過得幾舊就少左啲，唔夠食另外老公叫左香茅雞翼煎蛋飯講真，一上枱時覺得佢咁少餸咁多飯嘅⋯不過食落，原來雞翼係單骨嘅，味道也不錯，唔知係咪太肚餓老公評價也不錯碟泰北麵豉青菜份量比想像中多，麵豉味道不錯整體黎講，表現都Ok r~ 下次會試下下午茶…查看更多

我同老公係「無飯夫婦」，呢度係我倆口子難得嘅飯堂店頭細細，家庭式經營，幾親民嘅感覺暫時黎講，佢最最最好味嘅係火灸壽司小妹每次黎都會叫火炙蟹捧，火炙三文魚。今日三文魚賣晒，店主推廌火炙左口魚邊，就試下啦. 哇十級好味，入口即溶，忍不住再叫多一客另外叫左叉燒烏冬，味道中規中矩，也不錯的，有五塊叉燒，份量剛好老公叫了雞扒便當，味道不是特別好，也不差。跟餐有沙律同麵豉湯總括而言，倆口子晚餐的話，這裡是不錯的選擇哦…查看更多

新年新開始，過了整個星期的中菜後，今天約了友人食韓式料理。對上一次食school food 係一年前，印象一般，冇乜意欲再來。一年後再試下，感覺依然一般先來左兩杯含酒精飲品，小妹叫嘅係蜜妮歌飲落有啲似蜜桃果汁沙冰⋯一啲酒味都無,仲好甜友人叫嘅係「酷蘿利」，試飲幾啖，唔甜，但似藥水味，同樣feel 唔到有酒⋯叫左一個火山梳乎蛋，比個名吸引左～不過呢個幾好味，熱辣辣，有煙肉同飛魚子，份量幾多，應該有幾隻蛋，味道也ok呢個叫花郎卷，有牛肉，玉子，椰菜，蟹柳，襯個牛蒡酸酸地，幾好不過個卷有少少乾⋯個芝士肉醬年糕幾濃味，友人很喜歡吃，但小妹覺得年糕份量偏少，太多汁，不過整體也不錯呢個紳士卷好味用蛋皮同芝士做個卷嘅外皮，趁熱食幾好呢日做梗promotion,download 個app仲要係免費送的整體黎講，保持一貫作風，平平實實，冇乜驚喜，除左免費送卷食物質素一般，還可以…查看更多

Pizza Express 一向係大家認為比較高水準的店。今日年初五開工日，新年食得太多中餐，所以今日收工諗住嘆番餐西餐。去左旺角Moko, 商場有電子取票，唔駛係門口等位，好方便一入餐廳，真係好熱鬧，有點嘈，個個都好大聲講野😅不過新年⋯ok la~個menu有亮點，竟然有專為素食者而設嘅獨立餐單，夠貼心新年當然有set menu ,但我們今天散叫⋯少少覺得中伏了⋯首先叫左個新口味小食，個名叫橙香軟芝士焗麵包，好似好得咁⋯點知黎到係一隻好細嘅碟同兩塊好硬麵包⋯上面有啲橙絲⋯其實佢又明符其實嘅，不過可能同預期有啲距離，所以有啲失望⋯第二個主菜叫左植物雞羽衣甘藍醬薄餅～係素雞個pizza餅底好脆好正，上面嘅羽衣甘藍醬配酸酸地嘅蕃茄，加上素雞同nuts! 好味另一個主菜係煙肉辣汁意粉，又係新菜色。不過味道一般⋯⋯個意粉有啲厚身同稔左啲⋯個味有啲咸，不過都👌🏻整體黎講，黎Pizza Express 都係食pizza啦～保持一貫水準～但其他有進步空間…查看更多

今日年三十早放，夜晚要去荃灣食團年飯, 知道荃灣有條食街，又有咁多小店，梗係早啲去掃街。行左一輪，最後被呢間文青裝修嘅韓式小店吸引。舖頭細細，只有幾個坐位，可能早，並不是太多人。原來店主係韓國人，用英文溝通，最後叫左個水牛城雞翼，即叫即整，等左大概5分鐘，熱辣辣，好香啲汁好濃，有少少辣味，脆卜卜，熱辣辣有6隻雞翼，都幾大隻，不過有少少雪藏味，但整體來說不錯👍…查看更多

今晚同老公行完花市搵野食，見到呢間舖面幾sharp 醒同埋有位就入左去啦～坐底睇menu, 基本上不是太多選擇，佢主打肉燥，有得自由揀配菜，跟肉燥飯或麵～配菜選擇都幾多最後揀左兩碗肉燥飯set,再加左個蚵仔煎，台灣菜嘛一碗肉燥飯㨂左黑醋豬軟骨，炸雞翼同台灣腸。一上菜，有驚喜有流心蛋同豆角跟埋，而且份量都幾多！即刻試下，個黑醋豬軟骨好稔好入味雞翼同台灣腸也不錯個肉燥肉比菇的份量多，味道都ok.但個飯就好稔，見人見智啦另外一碗揀左蛋角，台灣腸同貢丸⋯呢個就無乜特別啦至於蚵仔煎好失望⋯雖然份量好大，但無乜蚵仔，比較油，好似食梗糯米粉咁⋯真係麻麻地個set免費配紅茶～埋單$130，晚餐來說，性價比高～…查看更多

夜晚放工係沙漠食乜好？今天行過大板王將，又見有不少好評，就試下佢質素同日本大板嗰間有咩分別啦今晚叫左佢招牌鐵板蛋包飯同餃子，又幾好咼首先講下個餃子，雖然唔太熱，但皮簿多汁，份量啱啱好，同大板食嘅差唔多，都可以個鐡板蛋包飯有驚喜！份量好大，女仔黎講多左啲，男仔應該啱啱好。呢個飯無論蛋，飯，汁同主菜都有得揀小妹㨂左蔥蛋，整得幾滑。海苔飯，個飯就麻麻地，一Pat咁，又冇乜海苔。不過個蛋包住又唔係好覺嘅～漢堡扒有驚喜！肉厚多汁，真係好大塊！而且唔係急凍漢堡扒，係有肉質的冬天食鐵板真係好暖同埋呢間舖靜靜地唔多人，幾好不過要$102，唔可以成日食沙漠又多一個選擇…查看更多

馬鞍山係美食沙漠大家都知，本人喜歡甜食，之前係馬鞍山一路都搵唔到有質素嘅甜品舖，直到有網友介紹甜匠就去試下啦舖頭細細，裝修好有文青feel,打咭影相一流。不過晚飯後時間超多人，可能坐位唔多。講真，坐落真係有啲迫。不過，最緊要睇下啲野好唔好食啦～叫左兩款甜品都係即叫即做，等大概三個字度。開放式廚房，廚師竟然係三個後生仔，好surprise。見到佢地冇停過手，好認真（全程冇笑過⋯😅）講番正題先，叫左一個焦糖香蕉海鹽窩夫，一個紫薯雙芋圓薑汁糖水。個糖水薑味好重，食材份量十足，有兩三嚿紫薯，熱辣辣冬天食最啱！值得回購！（第二天小妹已忍不住再簡番呢款食至於個窩夫，有驚喜！除左即整之外，佢一啲都唔係粉漿味，外脆內軟，有啲似麥味又真係食到海鹽味個焦糖香蕉都係我意料之外，睇得出有心思！另外佢配個雪糕好滑好濃牛奶味，整個配搭好夾。甜匠仲有好多其他新穎的甜品，下次會再試埋其他支持年輕人支持小店…查看更多

很有創意的心機之作！每款點心除了賣相吸引之外，也很有內涵。味道一流，食材新鮮有一點Fusion 的感覺，感受到廚師的用心和誠意，會再回來的。期待有新的創作點心款式，誠意推薦！…查看更多