guby的個人專頁

講真, 呢個價錢（未計加一都hk$1000）我覺得質素真係算普通, 成個tea set大部分既甜品都好甜，俾你refill又如何，根本唔會有意欲refill⋯甜品架四件甜品不過不失啦，有一件咬落去已經淋曬，四件之中個人覺得黑森林算係最好食要選成個tea set最好食既我覺得係三文治同蕃茄湯⋯味道配搭得唔錯至於可以refill既甜品車，又係極度普通，個人認為杯panna cotta係OK，同芋頭蛋糕囉，叫做無咁甜生果無記錯應該係蜜瓜同哈密瓜⋯完全唔甜, 其中一款可以用無味黎形容⋯總括黎講，呢個價錢，我寧願食第二d….…查看更多

今日第一次試呢間餐廳，外賣apps見到佢有抗疫套餐都幾抵食就試下。叫左兩個套餐：一個係四川擔擔麵套餐，配兩個生煎包、4粒紅油抄手、豆漿。另一個係秘製厚切豬扒菜飯套餐，又係配兩個生煎包、另有鮑汁生菜加豆漿。呢個價錢黎講，整體食物都OK，送到黎都仲熱，生煎包配埋醋。四川擔擔麵唔辣的，好似甜甜地咁，食唔到辣既朋友都可以試試。豬扒菜飯既飯量唔算好多，但豬扒算多。生煎包都OK啦，外賣黎講都仲算熱熱地。至於紅油抄手我就覺得普普通通啦。…查看更多

未食過咁難食既酒店tea所有鹹點都無咩味，只覺得係一舊粉咁，又唔熱, 一定唔會再黎呢間嘢食tea個迷你龍蝦卷有陣怪味, 完全唔敢食落肚scone唔洗講啦 又係唔熱的，d 果醬就OK既⋯⋯呢個咩蔬菜花園，又係超hea.....總結就係難食！…查看更多

係商場經過見到，看看menu見價錢合理就買過一次外賣。今次就係叫外賣速遞，兩次既食物都唔錯，份量亦好多。首次係饞食堂超大碗滷肉飯，肉燥飯大大碗，配上滷肉同滷蛋，好味鹽酥雞配飯都好味，皮脆，味道適中！送到時都仲熱！最後係炸花枝丸，彈呀惹味，推薦，不過送黎都凍左了！…查看更多

之前已試過這裡的午餐，這次試試晚餐。晚餐款式很多，每樣也色香味俱全，驚喜的素食料理！這個芒果牛油果手卷幾好味，清清淡淡，紫菜脆卜卜，再配搭芽菜鬆脆可口。如果點set dinner加$18就有一件。這個和風照燒汁素鰻魚pizza也有驚喜，cheese份量足夠，上菜時好夠熱。推薦！千層麵都唔錯架！味道唔算好濃，又係熱辣辣好好味！這個菠菜忌廉意粉伴香烤茄子又係好好味，有黑松露味，creamy得黎唔會覺得滯。土匪雞脾都唔錯，炸得幾香，裡面係一層層既腐皮。甜品方面試了幾款，宇治綠茶千層蛋糕都不錯、榛子焦糖芝士蛋糕都值得一試！總括黎講呢間fusion素食質素好好，喜歡素食既朋友要試下…查看更多

比較少來土瓜灣，但因為記憶中這餐廳的食物質素不錯，所以相隔一年多再來光顧，但今次比較失望。店員介紹他們的聖誕節menu（係散叫的，不是set），看過文字後也覺得不錯，就毫不猶疑地點了聖誕menu的其中兩樣食物。一個係龍蝦湯，另一個係海膽海鮮意大利飯。但上菜後覺得中伏，份量少得可憐！明白這款濃湯通常也不會好大份量，但也不至於咁少吧！但味道都OK的！另一碟聖誕menu上的意大利飯，同樣是很少！味道普通。這個自家製煙豬腩肉芥末籽醬意大利粉份量就比較合理，起碼食得飽。個人覺得味道偏酸，但可以接受。…查看更多

經過路德圍，走過這店鋪門口，站在門口的店員很殷勤地派發該店的點菜紙，並叫我們試試啦。結果菜單後打算離開，但想想，見他那麼有禮貌要，又有熱誠，就試試吧！進去後也覺得挺舒服，十分懷舊的裝修，餐廳亦播放著懷舊歌曲，我隔離的食客也跟著唱歌很配合懷舊的裝修。雖然店舖貼著說仍然是試業階段，但感覺他們的運作也暢順。我們點了兩碗三餸麵，一碗是醬燒豬頸肉+瑞士雞翼+陳皮魚蛋+腩汁配油麵；另一碗是醬燒豬頸肉+秘制香醬鳳爪+薑汁豬筋丸+清湯配河粉。份量也正常，加$8可以配飲品，有豆漿，懷舊玻璃樽汽水等等⋯服務不錯，員工有熱誠有禮貌，會再光顧的！…查看更多

weekend來mills逛逛，試了這間餐廳，食物一般啦，價錢不便宜，也頗貴，但用黎影相就幾好顏色鮮豔，非常漂亮，個個都相機食先勝在無時間限制環境方面也不錯，服務也不錯。可以來一試，打打卡。…查看更多

平日的lunch去，點了紅酒牛腩飯和雞排飯，味道OK唔會太濃味，算清淡之選，白飯也算多，男仔都夠飽，另外加錢配了南瓜湯及咖啡。由於是平日，餐廳唔算多人，好舒服，唔會好逼，值得推薦的lunch好地方！另外佢d麵包個樣都好吸引…查看更多

下午一點幾左右來吃午餐，不用等位。這個價錢在觀塘應該算是貴吧！這個價錢，自然expect 好d。但店裏環境一般，可能我個位唔好，似坐係路邊，睇住好多寫字樓既人係另外個門口出出入入。至於食物方面，蝦意粉略為鹹，價錢$142，得兩隻蝦，包一杯熱honey lime....意粉份量就OK既！另外點了Hunter breakfast $128, 普普通通啦。總括來講唔會再黎，試一次就夠，呢個價錢可以去第二d坐得更好的餐廳。…查看更多

首先，兩星期前訂左台，黎到比張對住廚房門口，時不時有一陣強勁熱風噴出黎既檯我地，咁都算。你呢個價錢，可唔可以比多d心思整好d miffy個樣，好多人都係為個公仔而黎。最離譜係有一碟無眼耳口鼻既miffy都可以拿出黎上檯，問個職員，好似未訓醒咁問返我地轉頭係有咩問題。點呀⋯⋯⋯講真，食物質素預左係普普通通，估唔到連賣相都咁差。係得個流沙包係正常miffy樣。大部分miffy樣都係好求其，不如唔好做好過，簡直影衰miffy...希望之後會有改善！…查看更多