ellerycheung的個人專頁

Leela榮獲米芝蓮推薦及香港20最佳餐廳🌟環境舒適寬敞，適合同三五知己享受食物同傾偈😌坐低就送上印度脆片配薄荷醬，淡淡香料味好開胃🤤脆筒塞滿鴨肉絲酸酸辣辣好惹味！混合炸薯籃內饀料鷹嘴豆、石榴及酸甜醬，清新開胃必點！油香酥皮包裹住印度香料飯，加入原條牛筒牛骨髓同軟腍牛面頰肉，即席處理，夠晒儀式感。而且份量十足，夠晒2-3人分享！😋土窯烤爐羊架炭烤味十足，肉質超粉嫩充滿肉汁~朱古力甜品作結，但食唔到咩辣椒味🌶️…查看更多

呢間太子人氣拉麵經常排長龍，夜晚6:15開鋪時間去到居然可以直接入座😌 全店唔賣小食，只專注拉麵質量~🍜今次試左雞白湯以外兩款清湯底：醬油嘅鹹香混合鮮甜雞湯，茶色湯底上面見到一層好靚嘅雞油，但入口無油膩感，更帶有回甘甜韻💯另一款雞鹽味湯底飲落較柔和淡身，層次比醬油湯稍為單一，但勝在清新不膩，飲晒成碗湯底都唔會口渴👌🏻配料有慢煮雞胸肉同半熟叉燒，雖然偏薄但肉質處理得非常嫩滑軟腍，肉汁飽滿！仲有鋪面嘅新鮮香蔥同流心效果可以更好啲嘅味玉🥚 麵底係嘅幼直中太麵，帶淡淡麥香同粒感🌾 但質感偏腍唔夠爽口。整體CP值高，相信好快會再去試佢嘅招牌雞白湯✨…查看更多

• 特製背脂煮干拉麵• 特製背脂煮干沾麵特盛• 口福餃子 HKD28• 南蠻炸雞 HKD28天氣轉凍就好想食碗熱辣辣嘅拉麵，係旺角鬧市中搵到間來自東京嘅過江龍，專門食背脂煮干嘅拉麵小店🍜「背脂煮干」湯底係由豬背脂同沙丁魚乾熬出的「煮干」加上大量豚骨同日本醬油調製而成，非常濃郁。湯頭覆蓋住濃厚嘅豬背脂油，可以保住拉麵溫度，食到最後仲係熱🔥 碗邊雖然油脂超多，但入口唔會太油膩。另外麵底係用左燕三条系嘅手製粗身麵，入口煙韌有口感，掛湯一流。個人比較鍾意沾麵，湯底會更有濃滑脂香同甘香魚鮮味🐟除左拉麵，仲點左兩款小食，質素都有驚喜，推介口福餃子，$28有6隻。餡料豐富，焦香外皮咬落去足滿肉汁！🥟…查看更多

• 柚子海鮮沙律 HKD75• 泰式青咖喱牛腩飯 HKD69• 冬陰功湯 HKD40• 泰國魚餅串燒 HKD25• 魷魚鬚串燒 HKD25• 雞皮串燒 HKD25• 豬頸肉串燒 HKD25去蘭桂坊經過必食嘅泰式串燒店除咗即叫即烤串燒，其他泰國菜式都好地道。喺銅鑼灣想食泰國菜，呢度係性價比高嘅選擇😚柚子海鮮沙律係清新之選，滿滿碌柚肉加上爽口魷魚，大蝦同酸辣醬汁好開胃🦐 牛腩飯嘅青咖喱調味滿分，唔會太辣，甜甜地有椰香味，牛腩吸晒青咖喱汁送飯一流！杯裝嘅冬陰功湯落足香料，辣多少少就更啱我口味啦👌🏻 最期待嘅串燒有好多選擇，心大心細咁揀咗魚餅，魷魚鬚，雞皮同豬頸肉，全部都現烤到恰到好處，魚餅真材實料，食落口感真實唔會太過’彈牙‘，魷魚鬚燒到微焦好鮮味，彈牙質感加埋芫荽酸辣醬一試難忘🦑 一啖串燒一啖Singha生啤勁爽🍻…查看更多

喺隔籬街同狗狗睇完醫生，知道係可以帶寵物所以行過嚟試吓！有狗狗只可以坐戶外，只有三張枱😌食物選擇以cafe嚟講都唔少，主要有農夫包同埋烏冬，可以配唔同嘅食物，見到甜品都有幾多款式。嗌咗吉列豬扒配碎蛋沙律農夫包同飛魚子胡麻醬冷烏冬配炸雞，價錢都尚算合理。嘢食好快上枱，吉列豬扒都冇炸到好乾，不過炸醬底下咬落去有啲薄，如果可以更厚身會更Juicy，好在配埋蛋沙律令口感豐富啲。冷烏冬撈埋飛魚子同胡麻醬基本上唔會唔好食，烏冬煮得煙靭同埋份量都幾足，雞粒就炸到好Juicy，比多兩粒會開心啲😛飲品方面餐廳只有whole milk選擇，skimmed/oat/soy milk全都無，配合唔到有唔同需要嘅顧客。。。希望可以改善下🥹…查看更多

第一次到新商場Airside，位置方便可以由啟德地鐵站直達，揸車嘅話都有好多停車位。專登帶住狗狗去玩嘅我好開心商場pet-friendly規劃做得唔錯，GF、2F同6F都有俾狗狗落地玩嘅露天平台，如果係商場室內位置就要抱起返入袋/車，商場都會貼心地有手推車租借服務，主人shopping都可以輕鬆啲😉雖然仲有唔少鋪頭仲裝修緊，但食肆已經好多選擇！閒日嘅下午茶時段黎到呢間cafe，裝修行露營風，餐具、器皿同傢俬都採用户外品牌，仲有真係著到嘅小營燈，務求令我地有置身營地嘅感覺。坐住露營凳食野幾有feel，搞到我都想去真嘅露營！野食就揀左兩個all day set - Mountain set (HKD88) ，我地揀左牛肉車打芝士洋蔥蕃茄 baguette加Dirty。另外嘅Picnic set (HKD168)就有紅菜頭鮮橙沙律、松露忌廉湯，同埋幾特別嘅冬甩意粉，鍾意紅醬嘅我就揀左意大利蕃茄醬🍅 但係野食質素就普通水準啦，首先係個baguette係凍嘅？corned beef都可以理解的問塊芝士真係就係就咁疊上去，雖然係露營風但始於都係間餐廳，我覺得都係烘下啲料熱住咁serve會好啲，未溶嘅芝士真係無咁正。。。另外一個餐嘅冬甩意粉賣相係有驚喜嘅，味道都係普通啦，我都係唔習慣個質感，食返普通意粉算啦🤭 至於飲品，沙律同埋湯就唔錯嘅，但係成餐嚟講CP值唔高，食物質素有待提升！Staff服務唔錯，買單嗰陣仲話送cupcake俾我哋食🧁…查看更多

新開嘅茶星人係灣仔會展附近返工人嘅福音！附近一帶咖啡店唔少，但珍珠奶茶真係要行出去灣仔先有，所以呢度開左之後中午時間都好多人買勁受歡迎😌 今次係Openrice落左單行落去就啱啱好攞得！之前係第二間茶星人試過同款野飲但係個陣覺得唔知係茶底定係珍珠有都浸怪味，搞到我有一段時間都無飲茶星人😂 因為我都真係幾鍾意碳燒味，今次俾多次機會，好彩今次係好飲嘅！叫左微糖但奶茶依然幾甜，下次可以揀無糖🥹 鍾意佢奶茶微微嘅碳燒味，珍珠嘅煙韌度煮得啱啱好，下次可以試埋佢出名嘅水果茶😌…查看更多