其實之前冇寫開食評，但今日係敏華食午餐職員同我講覺得服務好可以幫手推介一下，特意來表揚一下。今日叫咗個蔥油雞扒飯，加個凍鮮奶，飲品冇乜特別，就係普通維記牛奶，但個蔥油雞扒飯真係不得了。雞扒煎得啱啱好，唔會太燶又唔會太硬，口感軟身，加啲飯汁真係冇得頂。但其實食都其次，主要想講服務，我一個人嚟食入座被安排二人位唔使搭枱，幫我落單嗰個好斯文，亦都好有禮貌，唔知係咪冇開冷氣，我同佢講好熱，佢就入去廚房攞咗杯冰水俾我，食嘅過程中都有問我需唔需要加水，茶餐廳有西餐服務其實都幾罕見，雖然見到有負評都係投訴服務，但我個人感受到嘅感覺其實都好好，有機會一定會再嚟👍🏻👍🏻👍🏻…查看更多
