cwcw0104's Profile

疫情期間無得去旅行，突然好懷念台灣夜市嘅味道。同朋友嚟到西九龍美食廣場兜個圈，見到門口熱辣辣嘅雞卷好吸引，二話不說一人一個拌面買上去朋友屋企開餐。個雞卷好香，熱辣辣，返去食咗先知出面嗰層好似係雞皮包住，邪惡到極致但係好食拌面有四個醬汁，貪心嘅我哋梗係一人叫一個返去share，試勻晒唔同味道。本身想另加豆腐，但店員提醒本身每盒已經配有豆腐，所以轉加魚蛋，又幾好，配菜都好食。我地叫左糯米雞卷，普通雞卷，台灣腸同肉燥。拌面份量唔錯，面啱啱吸晒啲汁。唔同醬都各有特式，可以一試。…Read More

同好多人一樣，都係聽到食物加左CBD慕名以嚟。食嘅時候我同友人都覺得CBD呢個concept好新鮮，不斷一路食一路試下有無咩特別的味道或者感覺，但係除左食物本身嘅味道，係完全食唔岀有其他特別/奇怪味道。奉勸大家可以專心享受美食一到達就送上一壼薄荷水整杯too good to be true飲啖先。因為野食同飲品都加左CBD，但係食成餐飯我自己唔會有咩特別的感覺，只係食完番到屋企訓著左。可能個人放鬆左，唔知係咪呢？都係個句，啲野食整得好有心，可以唔洗太記掛CBD，應該同時好好享受美食。帶子蟹肉牛油果他他 - 令人好滿足的他他，啖啖蟹肉，毫不吝嗇，最正係佢底下類似薑蔥油的汁，好香，撈埋一齊食好夾墨西哥餅配雞肉 - 好豐富的味道日式芥末忌廉香煎廣島蠔闊條麵 - 廣島蠔煎到有啲咸香，wasabi 恰到好處，攞盤都好有心思跟住係黑松露牛油雜菇炒薏米 - 啲薏米好有咬口整體食物質素唔錯，值得一試…Read More

嗰日無啦啦好想食burger同pizza, 就諗起有幾個朋友都介紹過有間叫皇后餐廳好食。我見近近地地鐵站就一枝箭去食。一見到個menu就畀佢吸引到。店員好好服務咁咁介紹我試佢個二人餐，抵過散嗌burger同千島pizza，仲有個焗青口小食連野飲。焗青口下面仲有薯蓉，即叫即整，上台熱辣辣，老實講，質素唔差，可以一戰。不過我下次可能會試埋其他食物，見到仲有啲all day breakfast 同，意粉，仲有生蠔！款式都幾多，另外，我聽到隔咗枱叫左杯特飲，好似幾過癮，下次先再試！…Read More

聽朋友介唔韓國街有間食炸雞唔錯，星期六行開街順便一試，點知俾個炒飯搶晒鏡叫左個辣既，好似有泡菜同雞肉(冇記錯嘅話)，然後oppa即席係我地面前加蛋漿、芝士，再用火槍燒。個拉絲真係不得了，食落唔會好膩。蛋加泡菜加芝士點會唔好食。係真係幾辣，啱哂中意食辣既我！跟住嗌左個蜜糖牛油炸雞，原來仲配埋薯條。個人比較中意有骨雞，所以嗌左連骨，佢都有個無骨版。食炸雞最緊要係食皮，佢啲雞好多脆皮，極邪惡但好滿足！仲有滿滿蜜糖同牛油香味。我哋淨係嗌左半份，兩個人好夠食。跟住再加多個煎餅，鍾意去呢度細細塊，可以食多幾隻味，啱晒貪心嘅我…Read More

都聽聞過呢間餐廳嘅食物水準令人流連忘返，果然到現場都大排長龍，人氣爆燈！所以我哋都嚟呢間餐廳一試究竟~今次就嗌左午市套餐連嘢飲，一個竟然都只係62蚊！比起其他台灣食店簡直係物超所值(≧▽≦)1）魯肉飯+一口鹽酥雞+炸澎湖花枝丸+古早冬瓜茶2）台灣牛肉湯麵+台灣士林香腸+酥炸甜不辣+冬瓜檸檬台灣味道鹽酥雞同魯肉飯絕對係不二之選。炸物都整得金黃酥脆，大小適中，嫩滑多汁。而清新嘅冬瓜茶簡直係為炸物帶來一絲絲嘅減膩之用。而牛肉湯麵嘅面簡直係令人驚喜，超有口感，並唔係選用普通面黎製作。 我哋當然仲嗌左吐司黎做呢個午餐嘅總結，果然芋泥吐司名不虛傳，其實一入到餐廳已經聞到濃厚嘅芋頭味道，令人胃口大開。我哋嗌左肉鬆芋泥吐司，甜咸嘅交雜簡直一個字正！作為而家冇得去旅行嘅時候都不妨一試，重新返到台灣嘅懷抱(˶‾᷄ ⁻̫ ‾᷅˵)…Read More

周末中午好想食韓國野，但又驚炸雞太熱氣。朋友提議嚟韓屋，聽講啲湯幾好飲，就試一試先。掙扎左一輪叫人蔘雞定牛膝骨湯。最後，見牛膝骨比較特別，於是叫左佢。一上枱，用石鍋上，熱辣辣，啲蒸氣搞到張相都曚左。湯入面除左牛膝骨仲有洋蔥等配料。啖啖骨膠原，已經煲到好冧，湯仲有胡椒味，食到個人暖哂，所以嗌番枝野飲先檸檬梳打飲啖熱湯加冰凍梳打，跟餐醃蘿蔔，夠入味然後食埋個芝士豬肉拌飯 當然要撈埋辣醬個芝士拉絲食物味道唔錯，食完唔會口喝，相信係真材實料。店員服務態度好好，有食客離開會馬上清理同消毒枱面…Read More

聽朋友介紹呢間韓國野唔錯，終於可以試一試佢，果然無介紹錯。間餐廳係正銅鑼灣地鐵站岀口對面，好容易就搵到。餐廳裝修得幾別緻，放住kpop，仲有個projector 播緊MV，好似去左韓國咁嗌左杯西柚碳酸水一路飲一路睇食咩。杯野飲好清新，完全唔洗擔心會唔會好甜或者怕係個啲糖水味，飲完一啖即刻心心眼😍嗌左半份韓式甜辣醬無骨炸雞，雞炸得好脆但係啲肉仲好嫩滑，完全唔乾，好勁甜辣醬味道啱啱好，其實都唔會辣，甜味都教得唔錯，食唔停口。Menu有好多野食，有煎餅，豬手，麵等等。食左炸雞，就想揀樣有湯既，所以揀左五花肉泡菜湯麵。個湯好濃郁，一路食入面有好多泡菜同其他配菜。個面好滑好in un，唔係普通即食麵。整題唔錯，可以encore試下其他野食，望落都好吸引，而且份量足，同朋友share就啱晒。題外話，好似有oppa廚師係入面，唔通碟雞係oppa炸俾我既…Read More

除左中菜同日本菜，泰菜都係我食得最多既菜式，尤其鍾意酸酸辣辣既味道所以，我要開餐啦！首先整個柚子軟殼蟹沙律，夠晒開胃軟殼蟹新鮮熱辣炸起，唔錯。嗌左個咖哩牛肉南瓜盅！一上枱我地即刻嘩嘩聲，好大個南瓜裝住滿滿既咖哩南瓜好綿好甜，撈埋咖哩汁好正。本身以為牛肉無咩特別，又唔係牛腩，點知食落驚為天人！勁重牛肉香，好似打邊爐買好高級嗰啲滿佈雪花既牛肉，好驚喜諗左一陣嗌薄餅定蒜蓉包好，最後叫左薄餅，用嚟配咖哩。泰菜食炒金邊粉是常識吧。味道調得適中，唔會過甜過酸。邊食邊飲青檸梳打真係幾爽。見到人地嗌沙冰都幾吸引。泰滿足的一晚…Read More

而家岀街食飯都好頭痛，特別weekend啲日子，成日都個半鐘要交枱，食個飯都趕頭趕命都幾大壓力。所以今次同好姊妹搵cafe 食飯談心，撞岩呢到既岀品有幾好，可以encore個裝修有種好溫馨既感覺有電視睇有board game玩睇完menu好似套餐扺啲，包埋野飲同小食嗌左個雞軟骨食住揀，一上枱咁大兜嚇親我地，超扺食蟹餅新鮮炸起，好邪惡個廚房唔係好大，啲野都係即叫即整，但係都幾快上到枱，扺讚黑松露菇意大利飯，黑松露總係令人難以抗拒，飯既質地都唔錯，唔會太硬同太軟千島pizza批邊焗得好香，食得岀既用心金蘋果，鮮蘋果汁，夠清新仲有呢杯奇異果冰，係無添加既味道好好味，最緊要係果隻冰涼既感覺另外，職員服務態度好好，整體都好滿意…Read More

係大埔踩完單車流完一身汗，夜晚決定好好慰勞自己補充能量餐廳都幾好feel，食飯飲野傾計都無問題星期日既夜晚都幾多人，好在book左位。見到咁多酒，即刻整番兩杯野飲嘆下先drink list好多選擇，心大心細既情況下叫左一杯mocktail一杯cocktail。杯mocktail有新鮮芒果肉，好清新。杯cocktail係國皇新衣頭盤叫左鵝肝多士，一食落去，一個字正！旁邊仲有好似係黑醋醬。Main叫左個Angus beef burger，medium自己切開望下先塊扒煎得岩岩好好有肉汁，一啲都唔乾，薯條都係熱辣辣炸起最後再嚟多個豬手，個皮卜卜脆到唔係講笑。入面啲肉仲好滑，送啤酒一流。不過一早叫左野飲就下次再試啦…Read More

呢間餃掂好方便就腳，適合灣仔返工人士去食lunch,中環人都可以坐叮叮👍🏻正👍🏻食嘢方面，我試左煎餃同湯餃，不同口味，食得出食材好新鮮同係靚嘢要讚嘅係佢d煎餃煎到十分香口，又多肉汁，賣相十分吸引呢到有好多特別款式嘅餃，好似呢隻芝士餃，煎到香口，熱食d芝士溶哂，正到飛起，仲要價錢合理，分分鐘食完一碟都夠飽不過我推薦呢都係多d人一齊去食，叫多幾碟share試唔同嘅味😄😄小食都正，我今次試左個雞翼，下次試埋其他👍🏻👍🏻…Read More

今晚收工比較夜，經過尖沙咀，係正The One對面開左間新泰菜，裝修好似是是正正。一入門店員就sa wa de cup 好好招呼！然後就送上兩杯暖水。一路睇menu店員仔細介紹舖頭招牌菜，係睇緊menu既時候，一飲杯水，係好好飲既暖水。細問之下，原來水加左斑蘭葉，唔怪得咁香。牛船河湯金邊粉，湯底好濃郁，唔係得個咸味個隻。配料都幾多下，有肉有丸仲有炸豬皮豬脾飯煮得夠冧，配上個酸辣汁十分送飯。泰菜又點少得泰式小食呢！再加泰式鳳爪同炸春卷。鳳爪好入味，中意食辣既唔可以錯過春卷係即炸，上台仲熱辣辣脆卜卜。雖然已經食到好飽，但係見到隔離枱食椰汁西米糕又幾過癮，於是忍唔住嗌。個椰漿下次留肚食多件先得一人嗌左杯玫瑰奶茶同椰汁冰，好放肆不過食左先算啦玫瑰奶茶有陣清香，唔會太甜。好啱用嚟打卡！不同我最愛都係椰汁冰，對椰汁食品無任何抵抗力。…Read More

星期日係尖沙咀行完街街，男朋友知道我中意食日本野話要帶我嚟一喜。餐廳原來係寶勒巷，位置好方便。裝修好靚，好似真係去左日本食飯咁。仲有得番下牌仔叫野食。我地坐低就嗌住兩杯野飲先，慢慢睇menu。杯荔枝梳打酸酸甜甜，另外杯仲有蘋果肉粒，爽。第一道清清地叫個野菜沙律先，有我最中意既胡麻醬，上面既豆腐配住下面既沙律菜一齊食，感覺好fresh！跟住重點嚟啦！係 松 刺身拼盤分別有甜蝦、北奇貝、帶子、劍魚腩、吞拿魚、三文魚、八爪魚同油甘魚，每樣四件唔洗爭，仲要係厚切，真係不得了。刺身食得岀好新鮮，其中劍魚腩既油香同帶子既鮮甜真係無得頂。食完刺身，我地再嗌個清酒煮蜆同燒帶子。一路食再飲埋個湯，暖番個胃就剛剛好。…Read More

朋友話星期日要chill下，就帶左我嚟呢間樓上cafe，重捨番以前同成班同學一齊係cafe玩既感覺。一行入嚟，見到有一枱兩個家庭帶著個bb聚會，好溫馨。我地就走左去梳化位。叫左個黑松露all day breakfast 同 海膽忌廉汁意粉。係等緊食物既時間，就玩下board game 先啦！個all day breakfast 有腸、黑松露炒蛋、黑松露多士、沙律菜、煙肉同火腿，一次過滿足晒我地咁多個願望！多士烤得脆卜卜，黑松露真係好香，仲好足料。個意粉新鮮熱辣，見到有唔少海膽同海鮮。係用心預備食物既cafe。飲品就試左flat white同士多啤梨yogurt，食到果肉唔會太甜，正。除左野食好味，整體服務態度都好好，令人感覺好舒服。這是個美好的星期日！…Read More

旺角行完街，就要醫肚啦。經過見到呢間係新之城入面既洛煮意食意粉好似唔錯咁，就一於試一試佢。打開menu，有意粉，有小食，有三文治，仲有好多野飲。我地一行二人都俾佢既意粉別引到，於是就叫左menu上面推介既龍蝦寬條面同黑松露天使面。意粉唔洗等太耐，第一啖食入口有種驚喜既感覺。龍蝦個調味夠，又唔會太濃，忌廉黑松露都好香，係食得岀既用心，個汁整得既香同有誠意，面煮得岩岩好，唔會太硬又唔會太稔。綠茶珍珠奶茶，底有珍珠，飲落茶味清香但一d都唔係香精味，同時冇蓋過奶茶味，值得一試，檸檬茶d檸檬新鮮，唔錯。甜品Kayla Special 係fruit + yogurt +朱古力雪糕，酸酸地唔錯。…Read More