Stepwgn117的個人專頁

一間潛伏喺小型商場入面的高質素手搖飲品。😋😋😋舖面位置頗為隱蔽，若非我第一次經app （附近餐廳推介）見到這間飲品店，膽粗粗買嚟試下，才有幸發現新大陸.....之後才再專誠去搵佢買，我相信一般人行過都未必有機會發掘到佢。已經幫襯咗好幾次，特別推介黑糖奶蓋鮮奶茶加珍珠、芋頭芋圓鮮奶 & 芝士奶蓋芒果茶。好行貨咁講「芋頭有芋頭味、芋圓夠Q」😂😂😂眼見祇有一人（一位姐姐）工作，但出飲品速度依然滿意。👍👍👍就係因為眼見佢太隱蔽，冇乜人發現；所以先刻意幫佢喺呢度寫一次食評😜😜😜上次原本想出Post，不過唔記得影相，Openrice 要有相先俾我出......😛😛😛今次記得影返相先出🤣🤣🤣…查看更多

如題，食物質素無庸置疑絕對講得上係高品質，尤其招牌的 Pancake。但可惜，服務真的一般。首先，準備光顧時，站在服務櫃位，等待帶位入坐。當時，見到有兩位侍應生正在店內整理餐具，其餘的在招呼客人，而我們與整理餐具的侍應生是有眼神交流的，並已向她們揮手示意， 可惜他們對我們完全沒有任何表示，連揮一揮手都沒有..... 直至我們站了大概一分鐘左右，才有其中一位正在整理餐具的侍應斯斯然放下手上餐具，走過來跟我們查詢人數......之後， 點餐時，有一位待應在我身旁走過，（當時她手上並沒有任何工作），我向她表示想落單，然後她答了我一句：「等等」，之後，便一直同店外走出去， 仲係 行去店舖對面嘅電梯，搭電梯走咗......我覺得，雖然佢可能要去洗手間或去食飯，但是否可以跟其他侍應說一聲，我要點餐.....可是卻完全漠視我嘅點餐要求而離開了。尚有其他服務上的小問題，不過，我唔打算詳談。只是覺得如果食品質素這樣好的餐廳，如果能提供更好的服務，我相信會更加受歡迎。…查看更多

剛搬到附近未夠三個月，大年初六，終於與家人到呢間(因為自己仍在放農曆年假尚未啟市)，所以罕有地Lunch Hour幫襯。以往間中都有光顧銅鑼灣分店，食品和服務質素都不錯，所以今次未至於用寄予厚望的心情，但亦絕對懷住不低的期望去試；可惜，得到的卻是失望，極度失望!今次分别點咗：小籠包蟹粉小籠包生煎包醉雞(它菜牌內並非用呢個叫法，但我唔記得)上海粗炒牛展湯蝦仁旦炒飯除了生煎包、上海粗炒和醉雞，味道較為正常，(正確啲嚟講應該係話較接近銅鑼灣分店嘅水準)之外， 其餘嘅嘢簡直可以用難食去形容......小籠包，鮮美不足，餡料嘅豬肉「鞋」到不得了蟹粉小籠包，除咗腥味之外，完全冇其他嘅味道可言牛展湯，只係一碗滾水煮牛肉蝦仁蛋炒飯，可能係唔記得落調味，完全淡茂茂無味食品質素還未夠「極品」,服務之差，更可以說得上是差到「無械可擊」例子1 ： 從來冇人主動幫忙加茶， 直至主動要求侍應生加茶，有一位身型略肥的小女孩拿帳單來結帳，我們對佢講不是埋單，係要求加茶，佢用一把非常愕然的大聲回覆：「吓？加茶？」...... 若干分鐘後，就黑著面返嚟幫我哋加茶......例子二：用餐期間，冇人清理枱面，食完嘅空碟，直到埋單都係放喺枱上面，無人清理例子三： 今次真係要埋單，再遇返之前嗰位略肥的小女孩，於是就同佢講埋單，佢答我一句：「等一陣」，之後過咗十分鐘都冇人嚟埋單， 之後發現呢個小女孩原來忙於企喺一張已經埋單走咗冇客人坐， 但係又未清理 嘅枱前面，攞住個手提電話喺度玩.....於是我唯有叫另外一位白恤衫嘅男侍應幫忙，才可埋單。過去我寫過嘅食平唔多，但我全部寫嘅食評，都係因為欣賞間餐廳，想鼓勵佢而去寫。今次終於有一間餐廳，令我的起心肝，因為佢嘅差，而幫佢寫食評。…查看更多

上ㄧ次來係7年前，因為當時朋友的屋喺附近，因而誤打誤撞光顧咗呢間餐廳，當時已有無限驚喜。但卻未有衝動寫食評。後來朋友搬走咗，亦無再來過....直到7年後的今天，再度來到澳門，專程再來幫襯，依然無令我失望，特別係個燒乳豬、蒜煮蜆，簡直一流，我夠胆講，比黑沙的"F"餐廳還要好 。但有一樣要彈的係燒馬介休味道比較淡。不過整體上來說，絕對能滿足我同我居企人對享受一頓美味萄菜的要求…查看更多