星級達人的個人專頁

一向係霸王山莊既會員, 公司又在附近, 所以霸王山莊這幾年一直係我既飯堂. 今年初公司搬左去擺花街, 估唔到霸王山莊同集團既霸王風味又係威靈頓街開左, LUNCH立即去試下.室內環境同霸王山莊唔同, 呢度好似迎合中環友, 用左暗色D既裝修, 仲有音樂, 座位都舒服, 最好既係空間感幾大, 座位之間都幾開, 唔會壓迫咁.每個LUNCH SET都好似日本料理咁, 幾靚仔, 有冷盤3款, 點心, 主菜, 飯, 份量十足, 最後仲有甜品.冷盤: 燻蛋- 糖心蛋黃, 少少燻香味, 質素超高, 之前在其他上海鋪食係好貴一隻, 呢個餐好抵食冷盤: 茄子- 有D醬汁, 茄子 “林” 冷盤: 燻魚- WAITER話係用比目魚做既, 好香既煙燻味但又唔硬, GOOD!!點心: 小籠包- 今次係用左一籠一隻既方式出, 一開是熱辣辣的煙, KEEP到皮薄多汁, 保持到水準 主菜: 京醬爆雞球- 超級惹味既, 送飯一流!! 雞滑腰果脆, 熱度十足, 可能店舖細細間, 廚房出菜既控制反而更好.飯- 菜飯裡面有咸肉粒, 很有心思, 亦好有飯香甜品- 楊枝甘露- 西柚及茫果粒超多, 夠凍又好味 可能新開, 服務好殷勤, 好有禮貌, 仲有建議下太辣要留意等; LIKE!! 上菜又好快, 我一位去到食埋都係9個字左右, 而且D野食熱辣辣, 睇得出即叫即煮, 好好火喉. 總括, 我幾鐘意呢間新鋪, 不論裝修及擺設,相信是霸王山莊升級版, 最重要是食物水準保持到. 啱曬D對飲食有要求的上班族~~~~意外發現,原來呢間店有個品酒師長駐店內,且見wine list所示有多款靚酒供應,相比同區其他同級餐廳平一截,愛好放工happy hour的我,又多個聚腳點了~~~~…查看更多

在IFC睇完戲，要搵野食，一直行去Sohu都冇一間啱心水，直到行到上環既OlaOla才停下來，OlaOla有很多野食，前菜，Pizza，main course，dessert，wine全部都有好多choice，而且樣樣都用料好味道佳：Pork Belly Lollipop: (MARKS: 5/5)簡單來說是燒豬腩仔加BBQ醬；用一支支竹簽篤住，是前菜小食，但配酒極佳，因為豬腩仔皮脆肉及脂肪一層層比例適中, 是可以一口一啖, 一開始食配點酒，真的是絕配.Linguini Clams: (MARKS:4/5)全名忘記了，主要是扁意粉加蜆仔，蜆份量不少，雖然有點細隻。扁意粉是有點勒, 又不太硬, 有點像是外國的style, 帶辣味，挺開胃，做主食是不錯的choice.OlaOla Cheesecake Crunch: (MARKS: 4/5)是很豐豐的cheesecake,如有Tiramisu,一層層的mousse, cream,餅碎，非常full!Mousse and cream 打得好滑, 口感一流, 亦是OlaOla的自家出品，如果要點甜品屬必試.Sea Ocean Shiraz Sparking Wine; (MARKS: 4/5)自己不是飲酒專家，今次試呢隻Shiraz係朋友推薦。通常Shiraz味較重，男士較喜歡，但呢隻Sparkling Wine卻非常適合女士飲，有點似Champagne, 初初飲以為冇酒精添，原來都有成13%，但真的很易入口及味道大眾化.…查看更多

葵涌區一直都工廠為主, 茶餐廳就多, 很少見有正式的餐廳, 這間TOSCANA 可算是惟一. 餐廳是以咸豬手出名, 其實仲有很多精美的意粉及小食. 我第一次黎食左咸豬手, 其實亦都係我第一次食咸豬手, 沒有想到真的很大隻, 與朋友SHARE才食得完.咸豬手伴了紫蕃薯蓉及小藩茄, 加了一些醬汁伴碟. 咸豬手皮不是脆的, 但一點都不覺肥膩, 味道亦剛剛好, 肉有點乾, 但配上醬汁則PERFECT.肉質不硬, 有很微弱的咸香, 是很不錯. 餐廳很寧靜, 是沙漠中的綠洲, 服務員都很年輕而且儘責. 如果下次再經開葵涌, 仍然要食隻咸豬手!…查看更多

上星期經過尖沙咀, 見到霸王山莊另一間分店, 於是同朋友入去試下.得2個人, 我地冇叫鴨, 揀左麵, 小籠包O個D.我去過好多次奧海城商場O個間分店, 個人比較鐘意O個度既環境, 不過食物方面, 就大家都咁好食: 小籠包: 呢個同片皮鴨一樣, 係必食既, 暫時佢既皮薄多汁, 可以話冇幾多間做到.酸辣麵: 我朋友食, 佢話唔錯, 我覺得足料.黃金四季豆: 用咸蛋黃炒四季弄, 呢個我最LIKE係出面食, 因為屋企煮唔到, 試過好多次都失敗. 佢D 蛋香好夠, 而且好平均, 唔會一舊舊.拼盆: 食左海蜇同雞絲粉皮, 略少, 不過好食.桂花小湯丸: 唔係好甜, 我鐘意. 因為太甜既甜品好快會想飲水, 但呢個一D都唔會, 仲有D桂花香. 服務員方面都好快手, 我覺得佢人手唔係好夠, 不過我地叫左人等一陣就到, 都OK.!! 另外, 食飯時有個遊客同我地搭訕, 佢又係2個人, 見我地係香港人, 問我地覺得香港依家仲有冇民主自由? O下!? 真係俾佢地嚇親! …查看更多

可一不可再 見有廣告食一蚊雞, 同屋企人去試下, 真係唔試”由字河”, 一試把幾火.7時許入座, 點了小菜, 飯及雞. 到了8時, 所有野食哂但冇雞.問D伙記, 佢地話: 雞就唔駛追! 下, 冇野AR MA, 食哂LA WOR. 再等一陣, 見隔離遲過我地到及落ORDER既都有雞, 再問, 竟然回覆: 唔可以追雞!…查看更多

係我既極力推介下, admin周事安排左今年annual dinner 向我一向捧場開既霸王山莊.boss 係西人, 好少食中菜, 對於佢地精心炮製既菜色好滿意, 覺得原來中菜真係好似一幅畫咁.我地係包場既, 餐廳方面都好配合, 好早俾個場我地佈置, 放好o西抽獎d禮物, 人手亦好似增加左少少.好開心同一班同事食左餐愉快又好食既annual dinner, 最緊要係boss 大讚攪得好, 真係飲得杯落!!最難得是過程間D侍應的服務都很殷勤主動,今老闆及公司客戶等都很滿意.................!!!祝 BCNC 各同事身壯力健, 今年賺多D!!…查看更多

好耐冇食burger, 經過新都會見到mos burger 又餓餓地 就食左一個餐. 朋友揀左日本牛肉burger, 我揀左魚burger.我以前食過chicken burger, 魚係第一次, 原本諗住醫肚, 冇咩期望, 點知一食真係 "叮" 一聲, 好好食wor, d魚柳好似漢堡咁, 唔會好鬆, 魚肉味濃, 好正; 以前成日食麥記同burger king, 好少試mos, 真係一試就愛上左!!!!!! 十個like!!!!! 另外, 佢d著條都好好食, 厚食唔會硬. 我地坐向新都會露天位置食, 天氣涼, 好舒服. 平時經過呢間mos 都好匆忙, 唔會有心情坐低慢慢食野, 今之真係有意外收獲! …查看更多

:(日前再去沙咀滿江紅食飯-(其實之前食過幾次,但不論出品及服務都麻麻,因此己無去近一年了),今次再去再點番幾款我至至愛:口水雞、水煮牛肉、担担麵、雞絲粉皮…..既套餐!!!弟一道”雞絲粉皮”菜賣相已超唔掂,D辣椒啡啡黑黑,好似不知那裡弄來的,好肉酦,最終無食到!!!!弟二道"口水雞",D雞油勁多且唔入味,好失望!!!!好彩期後的出品質量還可以~~~~~結論係,我估計係我同滿江紅 "無緣”啩!!!…查看更多

尋日去霸王山莊同母親大人賀壽, 叫左一D 蟹粉菜, 兩隻大閘蟹等, 最驚喜之前受到SMS話生日有壽包送, 訂座時同佢講左, 真係有! 仲有大有細TIM! D 壽包好鬆軟, 大o個個冇食到, 不過叫老媽子拎住影張相, 感覺好正!!!!!!!…查看更多

奧海城有transformer 展, 有柯柏文巨型模型, 係fans一定要到既. 是晚發現原來奧海城已開左第3期, 行過去睇, 搵左呢間野食飯, 因為佢有好大張poster印住片皮鴨. 地方唔大, 幾新淨, 我地3個人想食片皮鴨所以另外只係叩左個湯同飯: 片皮鴨: 一出黎已聞到好香, 我叫部長被我影張相先片, 真係全場都被佢吸引! 部長現場即片, 片完仲有煙出, 真係冇諗過咁正.衣家食片皮鴨既地方唔多, 呢度係其中一個好選擇. 霸王炒飯: 飯炒得好乾身, 唔油, 有好多料 e.g 帶子, 蝦等, 好食! 酸辣湯k,此外醉雞都真係唔錯......... …查看更多

又想食上海野, 就叫埋成班同事黎上南國食lunch. 今日人不多, 我地book左枱, 即刻就有位.服務員好忙, 叫佢介紹下有咩好野都有d心不在焉, 我地最終點了: 醉雞- 好滑, 不過有d血, 份量合理香酥鴨- 好好食, 脆醬好薄, 肉不肥, 用薄餅包住蔥, 青瓜, 醬等, 好似食片皮鴨生煎包- ok蟹粉豆腐- 味濃, 正揚州三絲-ok如意卷-ok 其實都幾好食, 不過服務有d亂, 如果改善下會更好!總結來說,食品OK,但論到抵食就一般啦!!!!!…查看更多

今日同fd慶祝生日, 由於大家想去東涌outlet買野, 於是揀左呢度食buffet.食buffet 最緊要梗係新鮮啦, 佢既魚生又新鮮又肥美又厚, 仲有唔少海鮮:藍青口,翡翠螺等, 加上羊架, 意粉, 芝士 同大量甜品, 真係好豐富既一餐! 以呢個價真係好抵!另外為左紀念呢次生日飯, 希望openrice會登出黎, 因為想順便同fan fan講多次: happy birthday!!!:):)…查看更多

:):)又一城唔知咩事, 放假迫爆人, 今日睇完戲去左book好位既又一棧. 今次係第一次食佢, 好似係美心既, 相信質素ok.試左: 小籠包: 有肉汁, 好味道炒豆苗: 挺新鮮東坡肉: 好淋, 好吸引, 一定要試片皮鴨: 無咩特別龍井蝦仁: 雖然食唔到茶味, 不過蝦好爽口高力豆沙: 有d硬 環境其實幾迫, 不過人多係咁架啦. 我覺得今餐不過不失, 如果去又一城可以試下.…查看更多