joekwanco的個人專頁

同事介紹山長水遠過來試一試，只有十幾個位的西餐小店，星期六晚上7點15分，排了半個小時隊食到第二輪， 裝修一般但有點舊，招呼合格加上沒有加一，可惜遇到「小強 」但通知店員後，都迅速處理。只需加30元沙律或湯二選一加配熱飲， 我們點了一個沙律一個湯，沙律上的雞髀菇新鮮炸起， 看似一般牛肉雜菜湯味道清香，真係前菜搶曬風頭；主菜龍蝦尾🦞有bbq烤香氣味，🥩扒味道稍淡但又燒汁跟上，亦可問服務員拿海鹽或黑椒，芥末提供的是熱狗用芥末😅有點…，伊比利豬🐷肉質帶粉紅色但有點筋比較難咬，羊架🐑有兩支骨，味道還可五成熟拿捏不錯。小驚喜位就是食物質素性價比高，份量十足味道唔差，加上主菜單配菜都好認真。…查看更多

一行四個舊朋友，想找個好環境食番個火鍋，來到『御火鍋』，星期日比起星期一至五沒這麼多人就舒服得多。除了大量卡坐，還有一些圓形梳化卡座，食得招積，坐得舒適。 調味料一絲不苟新鮮乾淨。注意：（辣椒油不是普通辣椒）《秘製肉鬆響鈴》 小食新鮮炸起配合肉鬆，有創意又惹味。重頭戲來了，令我重出江湖的湯底《 薑母鴨鍋拼寧神靜心鍋》首先雙拼鍋底不加價，當然要試多一款，店務員特別提醒，湯再滾起先飲啖湯才吃火鍋生料。 一係唔飲一飲仲勁過阿媽煲的老火湯，後來一問之下，每種湯底都經過師傅落重料十幾個小時老火煲出，我同大家講唔打邊爐，只係飲個湯都不枉此行。超正《厚切黃沙豬潤》 豬潤呈現粉紅色，除了新鮮外，過程應該大量啤水處理，極花功夫。就算淥得過久，完全不韌，非常爽口。另一重頭戲《 手切騸牯牛頸脊》，叫碟大就算兩個人都不會多，不是份量少而是吃到停不了口，如果吃和牛雖然脂肪更均勻密集入口即溶，但牛味沒這麼重， 手切本地牛，肉味濃香， 但脂肪感易不夠；騸牯牛一歲大要閹割，兩者做到平衡，聽說香港貨源亦不多，有機會食到不可不試。《 崩沙羊肉片》相比羊肉專門店可能會種類少了點，但絕對不是行貨。丸類全部手打，夠認真。可惜每款的一粒。（ 上枱用的旋轉千秋碟真的可以轉）估不到最後的《有機生菜苗》都有驚喜，非常新鮮。（切記勿碌太久）PS. 店務員和經理都非常有禮貌，還教我們電子遙距＜放天燈＞ 許願祈福， 之後會保留在所有分店內的電視機顯示，用來示愛應該不錯。食物賣相＝(滿分20) 18食物味道＝(滿分20) 18服務質素＝(滿分20) 19裝修整潔＝(滿分20) 18性價比率＝(滿分10) 7回頭指數＝(滿分10) 10總評分。（滿分100) 90分…查看更多

今天原只是落深水埗配個火牛🔥🐮，路經北河街， 竟然見到有人於臨時檔口， 介紹古早味蛋糕🥧，（通常都係賣啲抽真空袋呀！強力掛勾.....就見得多。講到食緊係過去八吓啦）企檔哥哥原來是老闆，非常健談，由他以前做汽車美容至他如何去台灣學藝拜師、一直對食物 用料要求嚴謹、口味有多元化… 總之一句到尾 正宗，只要你問他都會回答，你唔問他都想講給你知🤭，真的看得出他對這盤生意的熱誠。而且他們有出古早味班蘭，香港現在已經少有班蘭蛋糕，見到就買個回去給妹妹（她至愛）， 然後行返入舖頭問， 可惜已經全部沽清😭。《雷沙黑芝麻》真金不怕洪爐火，舖面很多不同味道的真實樣板，老闆揭開包麵給你看，說明 餡料塗得非常均勻，不怕一啖有一啖無。最後買咗兩款《 肉鬆古早味》肉鬆分兩層塗上中層碎粒，頂層粗絲，同樣非常均勻，說實話鹹味嘅蛋糕表現非常出色，但食蛋糕最緊要都是蛋糕本身口感味道，古早味蛋糕特性，就是比較濕潤軟淋， 完全做得到而且蛋非常香，之前聽他說他是用五星級酒店選用之麵粉打造蛋糕，非常有彈性，低溫焗出來時間恰到好處不會個燶底黑面。《 朱古力古早》朱古力他有兩款， 骯髒朱古力面層加上十幾款配料如oreo、朱古力碎、彩虹碎條...說實話，年紀開始大，太甜的甜品吃不了，但這個朱古力味古早蛋糕是屬於少甜哪一類型。（食多咗都唔會膩）～～～～～～～～～～～～～～～～～～～～～～～食物賣相＝(滿分20) 18食物味道＝(滿分20) 17服務質素＝(滿分20) 19裝修整潔＝(滿分20) 15性價比率＝(滿分10) 6回頭指數＝(滿分10) 7總評分 ＝(滿分100) 82分…查看更多

『掛魚蛋賣腩肉』開業半世紀，安利魚蛋粉雖然打正旗號，賣魚蛋粉，但是最出名最好味反而是清湯坑腩切片加 豉油撈麵。東大街有兩間安利都係家族分家而成， 各有各做，我通常就去老店安利魚蛋粉，下次有機會試埋安利大排檔。《魚蛋牛炕切腩撈麵》魚蛋不是爽口彈牙，但都有魚味，牛坑腩的而且確比較出色，大細適中，牛味濃郁，撈麵豉油均勻香濃，不過可能味精略重，有點口渴。《魚片牛炕切腩撈粗麵》 魚片比魚蛋相對出色。PS. 都係咁講可能而家食得好嘢多，已經冇十幾廿年前感覺咁好味，但係耐冇食都係會走返轉。因為太多人等位，可以攞飛仔，可以行下街轉頭再返嚟，唔使一味排隊死等，最初佢同我講大約半個鐘頭，我準時半個鐘返嚟，啱啱過咗兩張，佢話下張即刻畀返我，老店禮貌都算唔錯。～～～～～～～～～～～～～～～～～～～～～食物賣相＝(滿分20) 15食物味道＝(滿分20) 16服務質素＝(滿分20) 16裝修整潔＝(滿分20) 18性價比率＝(滿分10) 6回頭指數＝(滿分10) 8總評分 ＝(滿分100) 79分…查看更多

位於筲箕灣港鐵站B1出口旁，一出右轉即到，一間不起眼的小店， 一個聽起仿似低調的名稱，暗藏玄機讚自己『 低調的高手在東大街』懷舊美食格仔餅， 當然要食原味， 才夠懷舊。眾多明星幫襯果然不是浪得虛名格仔餅即叫即做即食當然是必備，外脆且香內軟帶蛋香味，重要就是牛油和花生醬份量絕不孤寒而且搽得非常均勻。PS. 個人來說最怕一些，牛油過硬就算塗上熱辣辣 的格仔餅也未能溶化，而且範圍搽得不均令你吃上去一啖砂糖、一啖牛油、一啖花生醬、失去完全混和一體完美結合的格仔餅～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 19服務質素＝(滿分20) 16裝修整潔＝(滿分20) 14性價比率＝(滿分10) 7回頭指數＝(滿分10) 10總評分 ＝(滿分100) 82分…查看更多

世界各地都有分店，摘星無數人氣名店。可遠觀而不可食用， 放正中間非常搶眼。接近五星級酒店價錢。不同視覺享受的咖啡畫三層架下午茶， 硬件跟酒店還有一點點距離，服務員態度親切友善。甜品上都有印上自家logo的朱古力配襯，雖然比較hard sell, 看你是否粉絲。整體味道平穩冇乜驚喜，亦冇驚嚇。不要抱太大期望，出來感覺還可。～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 14服務質素＝(滿分20) 18裝修整潔＝(滿分20) 18性價比率＝(滿分10) 6回頭指數＝(滿分10) 6總評分 ＝(滿分100) 78分…查看更多

平時不多吃早餐，新一年的第一天，慣例吃個All Day Breakfast🍽️， (不過呢個慣今年先係第二年🤭)位於黃竹坑地鐵站對面，門口可停車(不過會抄牌，嗰日我就差啲瀨嘢！好在服務員提我，謝謝她！慳番$320) 舖內有多面特色牆，設計師有花心思，樓底頗高，空間感大，牆身貼了仿木板的牆紙像真度十分高。《All Day Breakfast》$148可選［煙三文魚或漢堡扒］見到都開心，排到滿滿一大碟，價錢雖然不算平，味道合格，但冇驚喜🙂亦冇驚嚇😨《蟹肉黑松露炒蛋配多士》$108炒蛋加了黑松露和蟹肉，味道不算太突出，相比之下All Day的蛋炒得比較滑及較抵食。《柚子檸檬蜜糖》$36 買回來沖出來😬，柚子味淡，幸好，沒有叫少甜亦不覺太甜，在寒冷冬天，如果可以先暖好隻杯，熱飲就沒有這麼快凍，可惜不是星級酒店，在這欠奉，但上枱時還可以。《朱古力咖啡》$42兩杯飲品都是廚師推介，感覺給廚師騙了😭 賣相不漂亮❌朱古力味不濃❌咖啡味亦不香❌1月1號在工商區，還堅持早上有開門營業，照顧到消費者需要。要讚👍🏼內在環境燈光坐得舒適， 裝修風格有花心思， 落地玻璃外望街景，硬件配置不錯👏🏼當日在附近兜了個圈，這間算人比較多，但食物質素真是一般，在工廠區🏭內這價錢就覺得偏貴了。👎🏼～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 12服務質素＝(滿分20) 18( 提我抄牌有加分) 裝修整潔＝(滿分20) 18性價比率＝(滿分10) 4回頭指數＝(滿分10) 4總評分 ＝(滿分100) 72分…查看更多

不知是否因為咖哩，只有條秘方在手，就可以複製出來。九龍有「雙龍咖哩」左右孖舖鬥爭歷年至今，香港有「新舊國際」 舊老細新舖，屹立至今可算分出勝負，『人不爭一時爭千秋』老牌食店加老牌服務員介紹，巴基斯坦黃咖哩，自己選了《牛脷》配《薄餅》國際這款巴基斯坦黃咖哩，沒有勁多洋蔥蒜粒，反而有點像港式咖哩樣貌，但汁量充足，牛脷份量豐富。吃起上來充滿丁香和荳蔻的咖哩味，香而不算濃，阿姐建議叫中辣，因為少辣係完全唔辣，大辣就會好辣，最初吃起上來覺得中辣是唔辣，同「九龍的雙龍」相比就會覺得小辣都不如，吃起原來有回甘，辣味慢慢開始出來，（但係下次我都係會試下大辣）咖哩不配飯都不會覺得太鹹。牛脷夠巨型分量不少。厚切不一，有些非常厚，牛脷有點兒過熟，爽口就欠奉，但真的非常腍，沒牙都食到。薄餅唔油，但係亦都唔香口，味道我個人覺得一般般。下次吃白飯會好些。～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 15服務質素＝(滿分20) 12裝修整潔＝(滿分20) 13性價比率＝(滿分10) 7回頭指數＝(滿分10) 7總評分 ＝(滿分100) 70分…查看更多

疫情下去大佛行吓山，食吓齋。疫情作用，兩個人可以叫兩款唔同的一人餐，擺到成枱面都係餸。（收銀姐姐話平時係唔可以咁叫）一口氣可以上曬所有菜，好似煮定咁， 上枱碟仔細細裝得滿滿。春卷滿滿蘿蔔絲👍🏼珍寶冬菇爽口滑溜👍🏼傳統齋舖小菜， 冇驚喜亦冇詐型。～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 14服務質素＝(滿分20) 12裝修整潔＝(滿分20) 14性價比率＝(滿分10) 7回頭指數＝(滿分10) 7總評分 ＝(滿分100) 70分…查看更多

之前有個同事住元朗，可惜太長龍未能一試。今天碰巧又要過來元朗，時間尚早，人龍未現就排一排隊，會一會馳名沙嗲牛麵。始創1986，數一數都有三十四年歷史。《 沙嗲牛麵》上枱時，沙嗲味雖不算特別香，食落味道平衡得很好，濃淡度非常合適， 獻頭太重會一pat pat，又唔好太稀溝落湯麵度就散曬，做得掛身之餘亦不太杰⭐⭐而且沙嗲仲會凍。牛肉唔係死落生粉醃嗰隻，有牛肉味有咬口， 雖不算太爽，但這個價錢亦已非常出色⭐⭐。（唔通比A5你咩🤭） 個蟹黃麵就略嫌冧，可能我個人喜歡食比較爽身的麵質。《煎豬扒》味道亦不錯，剪開令豬扒，除了食客易吃一點，另外亦易熟一點，但肉質唔算太juicy，大細適中，只收12蚊 《炸雞翼》唔覺有上粉炸，味道同樣合格以上唔錯，但肉質都是偏熟哪一款。見隔離左右都有叫《脆豬》就試一下，奶油花生醬 絕不孤寒， 充滿整個包面。外皮超脆，內餡麵包鬆軟度像空氣一樣。PS. 在加單時聽到旁邊枱的食客，亦有補叫一份 「牛奶油多」心想到底是什麼？ 到底係什麼是牛奶油？？ 後來姐姐送嘢上枱見到，原來係「一樽牛奶，加一份油多。」…😅（ 好笑就俾面笑兩聲啦🤣🤣）離開時1點未到，已經有十幾人喺度排緊隊😬『 橫街窄巷無阻隔，人氣食店早點到，否則真係排到老。』～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 18服務質素＝(滿分20) 15裝修整潔＝(滿分20) 15性價比率＝(滿分10) 8回頭指數＝(滿分10) 8總評分 ＝(滿分100) 80分…查看更多

疫情第四波又爆發，堂食明天減至兩位，今晚四個同事最後衝刺，竟然揀咗食齋😬由素食名廚Ken Kowng主理(如果唔知佢係邊個，去個廁所，途經有好多佢嘅訪問新聞報章雜誌…貼喺牆身， 我都係去完廁所返嚟，喺啲同事面前扮曬嘢😜) ，悠-蔬食系列之一「雅悠-蔬食」，位於尖沙嘴勁旺之金馬倫道，可惜是上樓舖， 正所謂『捐窿捐罅搵，好嘢唔怕等』何況疫情冇太多人唔洗等。全店裝修清新簡潔，淡紫色配搭白色，十足少女風。一行四人叫了兩個六道菜的set dinner加三個中泰小菜， 中西日泰合璧，只欠肉食🤭❌🐮❌🐷❌🐔❌🦆❌🐟❌🐑前菜-《紫薯紅菜頭藜麥波波》（右）沙律菜墊底，紫薯蓉配上紅菜頭紅色，耀眼奪目，內裏還有些青蘋果碎薄片，吃起來非常清新， 上面加上苜蓿芽達至不同口感。👌🏼👌🏼👌🏼👌🏼前菜-《鹵水花菇毛豆百頁豆腐伴琥珀合桃》（左）個老年咁長嘅菜名已經講曬個前菜有啲乜嘢食 總算落足心機配搭均衡，不過個鹵水花菇就略嫌細且過火，咬起上來有點兒實。湯-《 白松露椰菜花雪燕忌廉濃湯》 （餐牌好細心定明有牛奶標誌）這麼多貴價食材，喝起來的而且確比一般忌廉湯濃且滑，但不太覺有雪燕，不過雪燕本身就冇乜味，整體質數可以媲美一些高級西餐廳忌廉湯 ，但如果再熱些會更好。😋😋😋😋另一款湯-《 姬松茸椰子黃耳竹笙雪蓮子燉湯》兩個湯我都有試過，個人就十分之喜歡這個燉湯，清甜足料。⭐⭐⭐⭐⭐手卷- 《蘆筍素香鬆苜蓿芽手捲》(左) 《香芒牛油果苜蓿芽手捲》(右) 我沒試到素肉鬆那一個，但另外一個吃上來會有啲驚喜，為日本手捲帶來另一番感覺，原來手捲不一定要有飯，(服務員上枱是還很細心, 提醒我們早點食, 因為紫菜會淋) ✅✅✅✅《 悠蔬食小食拼盤》 泰式如餅、泰式哈餅、酥炸素生蠔、素魷魚圈和腐皮炸雞槌。 十足泰式風味，哈餅和如餅，真係懷疑有沒有加了蝦肉和魚肉落去。🤭🤭《腐皮炸雞槌》『用埋雪條棍做雞骨，賣相雖然唔係好似，吃落又幾得意』《素馬拉盞炒通菜》佢個馬拉盞，仲要好味過真的馬拉盞醬， 通菜爽口惹味。雖然表面上只叫了一碟蔬菜，但其實全晚全部都係蔬菜，大家都搶住食唔停。👍🏼👍🏼👍🏼👍🏼👍🏼《 和風照燒汁素鰻魚手作薄餅》Set Dinner主菜-《 台式脆腸天貝猴菇燜淮山栗子煲 配珍珠糙米飯》 又一經典神菜完全食唔出是素， 栗子入味軟硬適中。😋😋😋😋😋尤其是塊假五花腩， 除了口感做唔到，顏色形態味道已經非常相近。Set Dinner主菜-《 沙爹金菇秀牛肉粉絲煲配羽衣甘藍菜飯》 粉絲煙韌入味沙爹味香惹味，加上我至愛東南亞肥仔芽菜，素牛肉又係難分難解，滿分之作，唯一要彈，上枱時煲仔並沒有大排檔的啫啫滾起感覺。👏🏼👏🏼👏🏼👏🏼👏🏼openrice相片有限量，最後決定放甜品沒放飲品，其實飲品都唔錯。甜品- 《班蘭椰汁千層糕 》 （右） 《宇治抹茶乳酪蛋糕》（左）當你以為佢個主菜和小菜炒得好出色，甜品只係行貨嘢，你又大錯特錯，食完之後，同行有個甜品控都話唔洗再去食甜品。😗😙😚😘PS. 以前素食大多是因為信仰問題，現在除了環保，對於個人健康亦非常重要，但平時食開大魚大肉嘅朋友， 如果食素只係食番以前啲齋麵筋，有時真係好難頂。如果你以為食素，會唔會好快肚餓，其實係唔會，（唔知係唔係驚唔飽，所以叫多咗餸，食完走嗰陣時，個個真係飽到嘔 😅）最重要如果有更多用心製作素食嘅餐廳廚師👨🏽‍🍳，就會吸引更多肉食者，嘗試喺一個禮拜搵一餐幫自己清清腸胃，又可幫地球🌏出一分力。不防帶一下屋企老人家試下新派齋舖。～～～～～～～～～～～～～～～～～～～～～～～食物賣相＝(滿分20) 18食物味道＝(滿分20) 18服務質素＝(滿分20) 16裝修整潔＝(滿分20) 17性價比率＝(滿分10) 7回頭指數＝(滿分10) 9總評分 ＝(滿分100) 85分…查看更多

『三個死黨去試三小漁』，兄弟生日飯，其中一位兄弟特意推介，要到觀塘吃好東西，果然好介紹🤭 工廠區落戶，大排檔價錢，私房菜質素。門口有隻巨型招財加菲貓歡迎你。店內裝修雖不是金碧輝煌哪一種，但裝潢寬敞企理，再帶點性格。訂了位，安排坐位前於中庭Bar枱等，還有《自家製薏米水》招待， 男士可去濕女士燒水腫，味道清甜得來不會太膩，後來問問經理， 原來定期都會換不同的特飲，全部自家煲制。《川味脆牛腩》 上枱已經聞到辣椒香味，牛腩被薄薄的粉漿包圍，外香脆惹味，內牛腩非常冧，牛肉味亦夠濃，但個人來說牛腩用碎腩太瘦，我喜歡肥一點或用牛展可能效果會更佳。《十年陳皮魚蓉羹》 「十年人事就幾翻身，原來十年陳皮可以煲魚蓉羹」， 獻頭控制剛好，十年陳皮香味 直情畫龍點睛，既不會蓋過魚蓉羹的香味並可掩蓋魚腥， 這個出品簡直係［酒店級數］。《脆皮風沙雞》外皮脆肉質嫩， 師傅斬雞並把正胸肉起出切出羽毛花紋，炸香風沙蒜蓉伴碟旁並跟酸甜燒雞醬， 一些你在家裏就算懂怎麼煮，都不會煮的餸菜。(花太多油太多功夫）《冰鎮鮮菠蘿咕嚕肉》 外冰內火、酸甜平均、 咕嚕肉炸得香脆、鮮菠蘿多汁、矛盾的飲食體驗，加上有如藝術品一樣嘅視覺衝擊， 另外一提冰鎮底加了梳架，不會因冰融化的水影響咕嚕肉的味道。［必吃之選］《啫啫爽肉白菜花》 啫啫煲夠熱夠乾身，豬頸肉爽口😋😋😋《邪惡豬油撈飯》 調教過的豉油加豬油，其實就咁送白飯已經很好味，但膽固醇高嘅朋友，就唔好食太多了🤭本來三兄弟share一個， 最後都唔夠要叫多碗。《口水西瓜》 朋友係常客， 疑似老細嘅經理請試食，上碟時用青瓜挑上龍頭龍尾，視覺已經令你震撼，吃落去口水汁非常好味，但又不失西瓜裏面清甜嘅汁，估唔到咁夾。《桃膠燉菊花豆腐》 一個甜品就證明了廚房師傅嘅刀工厲害之處，把豆腐切成幼絲，只要稍有差池豆腐就報銷。👍🏼👍🏼PS. 好食的中式小菜，是要形、式、香、味俱全， 已很久沒有一些菜館，可以給你感受到他們對食物的誠意，並非一些只用上好奢華食材，很誇張之配搭或煮法，令到你覺得好高貴，反而是…『簡單的事用心做』～～～～～～～～～～～～～～～～～～～～～～～食物賣相＝(滿分20) 19食物味道＝(滿分20) 18服務質素＝(滿分20) 18裝修整潔＝(滿分20) 16性價比率＝(滿分10) 7回頭指數＝(滿分10) 9總評分 ＝(滿分100) 87分…查看更多

開完會，食完飯。突然甜品引發作，附近逛逛，其實成條厚福街，就得一間甜品店，之前經過，經常都見大排長龍，今日既然有時間就陪佢等一等。類近嘅爆珠芒果甜品，真係成行成市間間有，但係佢呢個《爆爆珠芒果戀曲》，芒果汁底真係做得非常唔錯， 唔會死甜嗰隻，有新鮮芒果香味，各類爆珠亦都均勻，如果要彈可能價錢偏高小小，分量就偏細小小。《焗冰火芝士木糠布甸》這個不是回頭吃的程度，直情要介紹朋友過來食的Level， 冰火冷熱感覺特別不在話下， 芝士味冇搶出，但又有存在感，食時最好將每一層都混在一起，多層嘅口感加冷熱程度，可唔可以講話，有如來回地獄又折返人間。『外觀美。內涵足』， 雖然等時間內一啲，絕對值得您等待。當你以為佢因為市場冇競爭，所以有人排隊，試完就知係錯，可能佢真係太有水準，嚇怕行家都唔敢喺度開舖同佢一較高下。～～～～～～～～～～～～～～～～～～～～～～～食物賣相＝(滿分20) 18食物味道＝(滿分20) 19服務質素＝(滿分20) 15裝修整潔＝(滿分20) 15性價比率＝(滿分10) 6回頭指數＝(滿分10) 10總評分 ＝(滿分100) 83分…查看更多

滿有日式風格的入口，店舖位於地庫，裝修佈置掛飾，十足十日本居酒屋一樣，像時光隧道帶我哋一班當日本係鄉下的香港人，現時又飛不到去的朋友可以來幻想一下。一睇餐單令你最震撼，就係98蚊任飲多款酒精類飲品，包括多款雞尾酒、啤酒、紅酒和白酒。 呢個價錢遇到酒鬼，真係蝕都蝕死🤭🤭下次叫埋班朋友，來劈吓都唔錯。今天早來吃，沒太多人，問問店長推介了多款人氣串燒。上菜速度唔慢，即開生蠔就唔係間間串燒店有， 係即開生蠔唔係燒蠔，都只不過係$9/1只， 南非蠔算新鮮，不過就比較細隻，但係諗返個價錢都係9蚊，就覺得超值。（ 下次有機會再試下貴啲嗰啲）有個同事曾經話過，食串燒唔食茄子，就唔知間串燒店師傅的技術又多少斤両。《燒茄子》上面的配料非常多，茄子肉不會太爛，亦不會太硬，火喉控制得剛好，個人都幾喜歡蒜蓉粒，這裡份量唔少，不過喜歡吃好辣的朋友，可能要預先同店員講，因本身上碟茄子是唔辣的，枱面只有七味粉，應該對於食得辣嘅朋友唔夠喉。店長推介 《鹽燒鯇魚腩》 要用兩張相嚟介紹，就知真係好嘢冇介紹錯， 鯇魚腩外皮脆且香，用叉切開時，直頭聽到和感受到脆卜卜的聲音感覺，內層肉汁夠juicy， 如果只食肉可能有點點魚腥香味，再加配上的醬油恰到好處。 波堤半碟的沙律 亦非常新鮮飛魚子份量亦不少。鯖魚就食得多，鯇魚腩真係好少見。 火雞腎爽口入味、牛舌和燒日本和牛粒都很有水準。 鹽燒雞翼外香脆，日本風味十足，其他串燒大部份都合格以上，雞軟骨就比較細粒。原隻《燒虎皮尖椒》，上碟前已幫剪開，新鮮《燒菠蘿》。又一比較少有的《燒海螺片》《炸一口午餐肉》 同樣香脆，送酒必點。PS. 雖然店舖裝修非常日式，但係用咗好多日本沒有獨特嘅食材和燒法，配合香港人嘅口味，有創意。店員非常細心，地庫接收訊號不太好，介紹可以用店內wi-fi和密碼。～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 16服務質素＝(滿分20) 18裝修整潔＝(滿分20) 18性價比率＝(滿分10) 7回頭指數＝(滿分10) 8總評分 ＝(滿分100) 83分…查看更多

Omakase👨🏽‍🍳廚師發辦-不再是高級日本菜或西餐專利。今天熟客約吃飯，終於有緣到萬豪金殿，一試名廚Jayson的利害， 雖然40不到，但入行已達20年。這個年紀就能夠成為⭐⭐⭐⭐⭐五星級大酒店中菜總廚，絕不輕易👍🏼絕不簡單👏🏼之前在電視機見到訪問，已經好想過來，今次終於可以一試手藝。《叉燒》肥瘦適宜-肥而不膩且帶點爽口，叉燒醬香口，份量剛好吊你胃口。《 墨魚仔》 功夫菜，內有乾坤。《 田雞腿》 這道菜令我同事原來從未吃過田雞，都覺得原來田雞咁好味🤭，巨型田雞腿可媲美迷你雞翼鎚，外皮炸得香脆，粉不厚惹味😋《瀨尿蝦》 巨型瀨尿蝦早上來貨，師父要先拖熟，因為瀨尿蝦比較養，然後用海帶凍水保持蝦身（像日本鮮魚處理方法一樣）上碟前再將兩邊煎熟加熱，並將避風塘秘製料炒好，黏上蝦身上面，用刀叉品嘗每一件都可以均勻吃到避風塘與蝦肉的交集感，並不似平常你吃到的。這個季節蝦心還有少許膏不錯！《花膠魚湯》 靚花膠，湯滑且濃而不腥。《酸菜魚》 想點呀！食過呢味酸菜魚以後點食傳統嘅酸菜魚。 法國菜上枱式，純正酸菜魚香味，鷹鎗魚口感軟實配合天衣無縫，湯底下酸菜爽口大小適宜。《和牛》 未知什麼級數，略嫌唔夠油脂感，但肉味不錯上枱美觀。《釀冬瓜》 又一手工菜，豆苗墊底，上有冬瓜寶盒內藏乾坤。《甜品》每道菜續道續道上，廳面和廚房時間配合剛好，所以每道菜上碟時都新鮮熱辣。《蓮子露》又係份量剛好，不會浪費食物，又剛好吊你胃口，但不用擔心吃不飽。PS. 飯後大廚Jayson還親自到枱前， 與我們交談查詢我們剛才對食物的意見，我當然沒放過機會，大問一輪製作過程😜～～～～～～～～～～～～～～～～～～～～～～～食物賣相＝(滿分20) 20食物味道＝(滿分20) 19服務質素＝(滿分20) 18裝修整潔＝(滿分20) 18性價比率＝(滿分10) 5回頭指數＝(滿分10) 8總評分 ＝(滿分100) 88分…查看更多