珍尼與堅尼's Profile

香港日式放題店舖有唔小，最近搵左間開左幾個月嘅小店試試，網上食評有唔少係負評，我地就去睇下係咪咁差!首先我地食午市B餐，網上價錢係$368實際找數$268, 原來減左價。另外食品其實唔算好差，特別榴槤、油甘魚赤蝦刺身、海膽拖羅一口飯都幾好食，不過串燒、羊架、拖羅刺身要改善! 漏單方面我地只有一款。唯一當日冇生蠔!我睇過好多負評提出次後餐廳都有改善，如廁所位已停用、廁所附近冇異味、職員態度友善、點餐數量款式98%齊、覺得太貴價錢已減低...希望餐廳繼續改善。一分錢一分貨，以新價$268嚟講已幾好，整體上未去到差，有啲野可以再好啲，如果要食高質數刺身可以去番大集團。…Read More

今年珍尼生日去左The Market 食個自助晚餐，有榴槤有蝦蟹啱晒珍尼食有乜食呢?首先飲品有果汁同咖啡熱茶等凍海鮮 - 有蝦, 青口, 蜆, 龍蝦, 龍蝦鉗及長蟹腳即席燒煮 - 罕有藍龍蝦 同 燒阿拉斯加帝王蟹腳 其他野食- 金蠔, 鮑魚, 鵝肝, 牛肋排同咩架甜品 - 榴槤一定係主角, 其他都唔錯如果有同行者生日, 訂位時講聲, 食到差唔多會送上小蛋糕究竟有幾多野食? 食物質素係點? 大家睇我地片就知啦! …Read More

下午茶時間珍尼想食梳乎厘班戟，就來試試，餐廳逛打係PANCAKE，但依個梳乎厘班戟限量供應，我地到餐廳剛剛有出爐，就即刻ORDER一份班戟好幼滑，好輕型，打卡一流，因為主要成份係蛋白加糖，焗到好鬆好有空氣感...所以食左好似冇食感...哈哈哈! 當然個CREAM都好滑，最適合香港女仔，甜品最緊要就係唔太甜! 另外叫左杯凍咖啡味道都唔錯，唔會酸又唔太苦澀, OK~~詳細可以睇吓我地影片~~…Read More

今日去龍堡國際食自助晚餐，依間老牌自助餐，一向以低價吸食客，質數未知係點，即刻同大家去睇吓~~**凍海鮮**黃金螺 - 幾新鮮爽口，係有啲沙。紐西蘭青口 - 都爽口，但冇乜 鮮味好淡。凍海蝦 - 幾新鮮，唔係好爽口鮮味個款，亦有啲細隻。蟹腳 - 睇落有啲污糟，蟹腳都唔算幼，蟹肉唔太咸肉質唔散，都可以食得吓。**小食**螺肉轉左中華沙律 - 間間味道都一樣，冇特別。煙三文魚 - 染左紅色，唔知係咪情人節扮花瓣。生果沙律 - 味道一般。豆腐粒同海蜇比較甜。**壽司及刺身**刺身唔係師傅即場切，係預早切好一片片，攞出嚟比客人自己夾。鯛魚及希靈魚刺身 - 普普通通。三文魚 - 幾肥冇筋，魚味都幾濃， 但唔凍仲有啲暖。四款卷物基本上冇大分別，只係外層唔同，食落發現種左伏，飯冇加醋冇味道，而且質感已雪左一段時間舊飯比較實但個質地又有啲黏，唔多好食。**生蠔**生蠔 - 唔係即開，寫住係西班牙蠔，一次只攞兩隻，蠔肉唔太CREAMY，海水味勁濃勁咸。**餐湯**有4款湯，有菠菜忌廉湯、蓮藕章魚湯、茶樹菇湯、蟲草花雞湯試左蟲草花雞湯 - 個湯有啲黃油，啖湯清左啲，冇乜味。**熱食**蘿蔔花螺煲 - 都幾辣螺肉爽口辣汁好惹味。五柳甜酸魚 - 都係暖魚肉比較乾硬，甜酸汁平衡得唔錯。柚子蜜汁鴨胸 - 鴨胸有啲硬唔夠淋，味道普通。蜜桃醬烤豬串骨 - 豬串骨肉質算淋，但冇乜味， 整體上比較淡味。燒茄子 - 幾香，味道有小小甜。炸墨魚餅 - 有啲淋，外皮幾鬆脆墨魚肉有啲削。燒水牛城雞翼 - 唔係雞翼，食落似係雞胸肉切片多啲，都幾好食幾香口，只係乾左啲。甜薯唔熱, 只係小小暖, 味道普普通通, 印度烤餅 - 烤餅唔脆太淋唔多好食。咖哩牛肉 - 非常淋，唔太辣都唔錯。時菜少蚌條 - 珊瑚蚌有啲韌，但味道唔差，蘆筍幾爽口，大部份幾嫩。時蔬 - 普普通通。**特式粉麵**師傅煮左幾分鐘就完成，可以選擇湯底清湯或麻辣湯，加左蔥花及炸蒜睇落好似幾好味，依碗係凈要送唔要米粉，裡面有牛肉，有啲韌，牛味一般。土魷都幾厚身幾爽口。豆腐福袋，裡面係魚肉，幾好食。仲有好似係鱈魚膠，唔太淋仲有啲爽口。仲有半粒魚蛋，冇乜特別。同埋有菜、金菇同芽菜。個清湯幾深色，有啲似藥材湯，又似丁麵湯粉， 唔知係乜湯，味道有啲濃。**鐵板燒**鱸魚 - 肉質嫩滑，唔加醬汁更好味 。海蝦 - 生熟剛剛好，蝦肉爽口鮮味。羊架 - 好淋，羊羶味唔濃，羊肉粉紅色冇血水，好得。**烤西冷牛及羊腿**羊腿 - 好淋唔太羶，配薄荷同芥辣醬更好食。牛扒 - 都好淋，但牛味唔太濃，一般。**片皮鴨**鴨肉連皮加上青瓜蔥及醬汁摺埋佢，鴨皮小小韌，味道唔錯。只試左幾款，綠茶芝士餅都OK，蜜桃葡撻有啲乾及凍，椰撻一般。 有啲裝飾有心心應該係尋日情人節用。** 結論**整體上款式都多，食物方面冷盤類還可以，熱食類好多都唔夠熱只係暖，鐵板及即場處理食品幾唔錯，生蠔及刺身處理上有小小怕細菌問題。…Read More

今年想去食啲低價自助餐，無論午餐定晚餐，食以$350以下一位為目標。今日去食個$201嘅酒店自助午餐，就係西營盤萬怡酒店 ModeMode CAFE。入正題~~簡單介紹下**飲品**有兩部咖啡機，飲品有3樣，最後個款係清水，雜果賓治幾好飲，啤酒加$38任飲。**前菜(芝士火腿麵包)**有芝士牛油可以搽麵包，個人覺得個軟芝士好難食，仲有其他配料。**餐湯**西蘭花忌廉湯及青紅蘿蔔湯**凍海鮮**凍蝦 - 都幾新鮮唔霉係細隻啲。 烚蜆 - 蜆肉幾鮮甜，間唔中有一隻有沙。黃金螺 - 幾大隻，都幾新鮮肉好爽甜。**刺身、壽司及小食**甜蝦 - 鮮甜正常水準。鯛魚 - 新鮮爽口。北寄貝 - 味道一般，有小小沙。三文魚 - 厚切冇筋，不過魚三文魚味淡左啲吞拿魚沙律軍艦 - 比較水左啲，味道還可以。吞拿魚壽司 - 魚冇筋，魚味幾濃。鮮帶子壽司 - 幾觧甜，唔錯。蟹肉沙律軍艦 - 正正常常。芥辣八爪魚軍艦 - 一般。**沙律類**菜好爽脆，薯仔沙律一般，牛肉沙律唔錯。** 熱食 **鹵水五花腩 - 太咸同有啲肥膩。炸魚塊 - 幾香脆，魚肉唔鞋，他他醬唔太酸幾夾。印度瑪沙拉雞 - 唔太辣，配埋香酥餅食好夾。炆豬手 - 幾淋，味道唔太濃唔錯。蒸魚 - 唔似比目魚，肉質比較鞋，冇乜魚味。海南雞 - 普通，雞肉都嫩，應該要試下加個油飯。 燒牛肉眼 - 幾淋，冇乜血水，邊位置肉味幾濃，牛肉中間半生位唔夠濃味，但都幾唔錯。台灣擔仔麵 - 賣相唔錯，料都幾多，滷肉幾香濃，係咸左小小，豆卜索晒湯汁，仲有隻大蝦幾爽口，米粉分量唔多剛剛好，係有小小韌，個湯都幾清，唔錯。** 甜品**蛋糕甜品都可以。結論 午市自助餐而家做緊$201一位，以兩舊水計已經唔錯，有刺身、有凍蝦、有燒牛肉眼…Read More

日去東港城行陣, 依間食日式定食, 仲有自助沙律吧唔錯喎! 睇落幾吸引吓, 入座比左張卡位, 但係廚房出入位, 油煙味幾大, 檯面有QR CODE自己落單,叫左餐就去攞野飲,有果汁, 有茶類! 有罐裝仲有兩款甜品同自助沙律攞左小小沙律個蕃茄紫洋蔥幾好食, 配埋粟米口感好新鮮嚟左油甘魚同吞拿魚刺身, 計落要13蚊件. 油甘魚好重如脂味, 冇渣入口即溶, 吞拿魚好濃魚香味, 冇根冇渣好新鮮, 食得過我叫嘅燒牛定食到左, 安格斯小排同牛柳粒各有5件, 睇落幾新鮮, 都有小小根, 個麵豉湯幾夠味. 仲有兩個前菜漬物個網紋靚唔靚? 兩款牛都幾淋冇乜根, 牛味濃幾好食珍尼叫左最愛嘅 Sukiyaki, 都有好多野食望落個鹿兒島和牛都好靚,  油脂分報幾平均, 大約有6片. 個蔬菜盤都有唔小新鮮蔬果依個係雞湯啫哩加上甜豉油嘅壽喜燒湯仲有隻溫泉蛋同蒟蒻小食朋友要個自選五品料理, 賣相幾吸引, 味道口感係點就唔知啦, 等你來試試啦最後攞左甜品, 經過珍尼試食, 兩樣都好食, Tiramisù特別要多兩件, 必食. 埋單平均唔駛兩舊水都幾唔錯. 大家行開可以一試…Read More

今次去一間冇招牌冇宣傳, 但成日FULL BOOKING嘅中餐廳, 就喺何文田廣場隔離, 依間係房屋署職員同樂會餐廳, 午市只招待房署職員, 晚市開放比公眾可以食, 我地星期日下午5點9左右到已經好小位! 睇睇有乜食?! 雖然叫餐廳, 但係食中式酒家菜式沙拉骨 - 沙律醬唔太酸, 排骨大舊左啲, 骨亦多左啲, 排骨肉都淋, 味道唔太濃, 係有啲肉痴埋上唔到醬料.椒鹽鮮魷 -  剛炸起好夠熱, 炸漿薄夠脆身, 食落唔會成口油, 魷魚唔韌, 爽口鮮味熱辣辣嘅豆腐火腩斑腩煲 - 豆腐就最多, 不過味道唔差, 豆腐索左汁好食, 斑腩有啲削, 但都大大件, 份量都唔小, 蒜頭都好香甜, 但成個煲只有4件火腩,  而且比較細件同肥左啲.魚香茄子煲 - 上檯時仲熱辣辣, 份量都唔小, 食如香茄子煲已好小有咸魚粒, 今次係有咸魚加埋肉碎好香! 唔會好咸好濃, 味道剛剛好, 茄子好淋又唔太油炸子雞 - 雖然隻雞唔係好大隻, 但雞肉嫩滑, 本身隻雞唔太肥所以油唔多, 比位近骨嘅雞肉都夠熟, 唔會有血水,雞皮勁脆依個芝麻蝦都好食, 蝦都幾大隻, 蝦肉爽口剛剛熟唔太老, 炸漿都係薄薄一層, 好夠脆但唔會成口粉, 唯一係個沙律醬小左啲, 同個芝麻係後加, 唔係加入炸漿黏上蝦度.食飽就送上 綠豆沙及紅豆沙 糖水, 唔係好起沙! 綠豆沙臭草都唔太勁未, 味道都係唔太甜, 好食我地食左兩次先寫食評, 所以有兩款糖水.依度茶芥2位只收10蚊, 仲唔收加一, 勁抵食, 食左兩次食完冇頸渴, 佢地應該冇用味精, 晚市會收信用卡, 訂位要8位或以上, 有興趣嚟試試…Read More

一行三人去飲茶, 服務真係幾差首先伙計眼見舉晒手入單都唔理行左去, 一個好似高級小小擺緊位都要走來接單, 都唔知收個10%加一服務費服務左D乜.講番野食先.... 咸水角幾脆 - 係餡小左D, 唔錯!牛肉腸粉 - 皮好薄牛肉唔小, OK!櫻花蝦潮州粉果 - 料好足, 小小櫻花蝦幾特別口慼, OK!豉汁鳳爪 - 味道好濃, 唔算辣, 鳳爪夠淋, 正!胡椒豬肚 - 唔太辣豬肚夠淋咸菜爽, 湯辣辣地, 飲完冇口渴, 唔錯!椒鹽魷魚鬚 - 外皮好香脆, 魷魚爽口, 必食!脆皮豆腐 - 外皮勁脆, 內裡豆腐香滑, 食唔停口! 要小心豆腐好熱...竹炭流心包 - 包夠熱奶皇流心唔夠流, 不過都OK食物尚算合格, 不過服務拖得好低! 要進步需要改善服務!…Read More

今日去香港已僅存唔多嘅冬菇亭食午餐餐廳內唔算大, 裝修以泰式為主我地叫左五樣野醉貓炒河$52 - 有肉碎、香葉、豆角及辣椒, 有啲辣河粉唔夠散開, 有啲係一舊舊, 上唔到色, 味道方面夠濃味, 甜咸辣味幾平均, 豆角爽口, 肉碎咸香, 個炒可炒得好油, 底下係生菜,已經吸晒好多油.無骨豬手飯$55 係招牌菜, 上檯時仲熱辣辣, 豬皮係同豬肉分開, 明顯係加番上去, 仲有半隻蛋, 都算入味, 仲有半隻蛋, 都算入味, 仲有小小雜菜, 油比較多左啲迷你泰式鳳爪, 跟餐加16蚊 , 份量唔多, 鳳爪只有兩三件, 配料洋蔥好食夠酸夠辣, 唔食得辣唔建議叫墨魚餅3件, 跟餐加13蚊 , 墨魚餅一般, 比較薄身冇乜口感, 因為薄唔夠爽口彈牙, 餅中亦唔見有墨魚粒, 差左啲野感覺, 另外都比較油最後加左28蚊, 叫左個芒果糯米飯, 加左椰漿係糯米飯上面, 糯米飯加左班蘭汁做到綠色, 個糯米飯味道都可以, 但好唔鐘意個質感, 比較黏口同好似糯米糍.總結平民價食到泰式風味, 如果墨如餅同糯米飯可以改進就更好, 野食都幾油而家改左方式落單, 職員會比紙你寫低代號…Read More

可以對住個維多利亞港無敵大海景食自助餐，真係幾舒服，今日嚟左The Promenade 食個午市自助餐，平均$350/位又唔錯，就試試佢!先食凍海鮮, 有翡翠青口、藍青口、翡翠螺、海蝦、麵包蟹、小龍蝦及紅楚蟹腳  翡翠青口幾大隻肉厚肥美, 藍青口細啲但更鮮味小龍蝦細細隻有膏，唔關酒店事，係我唔鐘意小龍蝦個隻怪味。紅楚蟹腳幾鮮味，海水味比較重翡翠螺勁大隻，肉好爽口但有小小沙三文魚幾肥美，但有啲筋，赤貝爽甜，吞拿魚一般，唔太香筋太多，八爪魚係幾鮮但太韌，咬到口軟，鯛魚普通有啲乾紅蝦好大隻好新鮮, 肉質黏口,但要清左腸先好食現場即開生蠔，每人每次可以攞三隻，為左保持新鮮，師傅一次只開幾隻，比左兩、三個客人先再開，兩款蠔，大隻係美國蠔幾肥幾CREAMY，細隻係法國蠔瘦左啲，整體海水味太勁，食唔到好! 甘筍幾多豬展唔見，可能比人攞晒，湯幾清甜， 肉味比例上小左啲，都OK蒸點心，牛肉燒賣嘅牛肉幾淋，小龍包皮太厚，味道ok，個蒸餃同燒賣普通，整體上點心一般，不如留肚食其他野加拿大肉眼扒粉紅色肉幾淋，牛味幾濃，但有啲肥章魚燒味道可以，但個外皮比較韌，其他普通咖哩羊肉，咖哩好香羊肉小小羊羶咖哩牛腩，牛腩比較硬唔淋咖哩海鮮，似冬陰公味豬手幾淋皮幾爽鴨胸都夠淋，鴨幾香三文魚比較"鞋"同乾雞肉都有啲"鞋"豬仔骨酸酸甜甜, 肉就小啲條魚好香脆, 肉質就太鬆散甜品好多款式，有榴槤蛋糕，芝士蛋糕，芒果蛋糕，朱古力蛋糕，Tiramisu 同 芒果拿破崙唔小得，熱嘅有西米布甸、麵包布甸同豆腐花，拿破崙好鬆脆，榴槤甜品幾重榴槤味，芝士撻濃味雪糕係 MOVENPICK, 有12款選擇另外有糖水，楊支甘露好足料，唔太甜剛剛好總結食物質數尚算唔錯，係生蠔咸左啲，熱食正常水準，甜品雙對高分啲，都可以再嚟食!…Read More

突然想食日式燒肉, 網上搵到依間就來試試!最新係有兩款放題 : 尚八和牛放題- 午市優惠時段 - 成人HK$598, 小童HK$298- 晚市正價時段 - 成人HK$668, 小童HK$338尚八燒肉放題- 午市優惠時段 - 成人HK$288, 小童HK$138- 晚市正價時段 - 成人HK$318, 小童HK$158職員話小童再有半價我地試左A5和牛放題, 先來個拼盤A5和牛三角- 牛味好香濃, 油脂好重, 食完成口油A5和牛外腿同一口和牛 - 比較肥. A5和牛前肩- 牛味好濃, 油脂唔重, 冇咁油膩依啲可以再叫任食.A5和牛西冷及和牛涮涮燒只嚟一份, 冇得添食薄左啲口感差小小麻辣牛舌爽口, 味增香加麻辣惹味依個慢煮牛味到有啲怪, 唔太鍾意慢煮牛舌好夠淋, 味道咸甜好平衡好入味辛口一口牛舌好淋, 辣得好惹味, 雞腎爽但太硬菠蘿好多汁, 但唔夠甜偏酸雞肉好滑好淋, 小小柚子味海老春卷好脆好食,吉列蝦炸粉太厚,吉列蠔唔太大隻, 炸粉都厚, 蠔肉唔多但好鮮味虎蝦幾大隻好新鮮, 肉質結實, 魷魚幾爽叫左小小日本豚肉, 肉眼好大件, 肉味都幾香 雪花牛舌芯橫紋好淋,直紋有啲韌, 一口牛舌味好又係好淋薄切雪花牛舌芯比較軔豆腐好滑豆味香, 正常胡麻豆腐味道餐廳職員話因為消費每滿$500會送一客和牛牛柳, 我地有兩份, 牛柳好厚身, 外皮猛火煎封左, 入面仍然係生, 想要幾成熟自己燒,肉質好淋, 牛肉好香牛脂味, 可惜太遲送嚟,已經太膩食唔晒, 浪費左啲肉仲有沙律、蔬菜、湯同飯類都冇食到, 可能下次再試, 另外每位有一客甜品, 我地唔記得叫蝕左整體上和牛對板, 牛脂好重好香, 肉質好淋, 除左和牛, 牛舌係幾驚喜, 大部份都好香好軟滑. …Read More

之前去試個下午茶, 今次試下自助午餐, 我地食KLOOK買餐劵$3XX/位都幾抵.我試下三文魚同劍魚腩,三文魚都幾肥幾香魚油味, 劍魚腩都唔差幾香,成口油脂, 係師傅切得差小小, 軍艦壽司都可以, 係放耐左紫菜有啲淋, 到凍海鮮, 款式唔多,凍蝦有部份唔新鮮啲肉霉左, 新鮮嘅肉爽鮮味,不過比較細隻, 兩款青口都鮮甜, 個人鍾意紐西蘭個款, 群邊冇咁韌, 蟹腳太咸, 唔推介即開生蠔,愛爾蘭生蠔唔大隻, 海水味唔重蠔肉好CREAM, 每次攞3隻, 有時冇人排可以攞兩份, 我嘅指定動作,儲到一打影相.芒果拿破崙, 芒果甜餅底脆都唔錯.芒果布甸, 芒果唔酸, 布甸滑, 芝士餅, 正常水準, OK.整體上食物幾唔錯, 大部份肉都好淋, 唔知係咪迎合退休人仕食.…Read More

今日我哋去左九龍酒店二樓 The Middle Row Bar 食個下午茶, 空間唔算大, 靠窗有四個位置, 一個位置擺放左兩張圓檯及五張櫈睇睇個MENU.安排左我地坐窗邊, 之前係KLOOK買, 選擇仲夏香芒燕窩中西下午茶, 好! 開始食.我地叫左杯 Latte 同 Cappuccino, 對咖啡認識唔多, 香滑唔苦澀就OK個餐到左, 典型英式下午茶架, 一共有13款食品日式和牛包配香芒醬, 麵包細細加片番茄同生菜,免治和牛肉好厚身, 雖然煮得比較熟, 但牛味都好重, 牛脂好香.流沙奶皇煎堆仔,外形普通, 內餡味道唔錯, 但做唔到流沙效果! 燕窩蜂蜜香芒奶凍,有小小燕窩放頂, 芒果肉舖滿碗, 果肉鮮甜,份量都唔小,奶凍都好香好滑.首先係蒸籠內嘅粉紅松露素菜餃,松露味好香濃, 素餃冇肉食落唔會油膩, 餡料有啲唔夠熱.吞拿魚帶子沙律配黑魚子, 青瓜片做底好清爽, 加上撈左沙律嘅吞拿魚, 再加上鮮味帶子,最頂加入黑魚子, 濃味黑魚子都冇搶走吞拿魚油香, 超讃.沙律醬蝦多士, 多士比較乾脆, 蝦滑比較薄,可能太薄唔多有口感, 蝦味冇乜.慢煮波士頓龍蝦酥盒,個酥盒幾酥脆, 當然牛油唔小,個慢煮波士頓龍唔重龍蝦味, 普普通通.鮮芒果燕窩窩夫,燕窩都唔算小, 鮮芒果做成球形,窩夫中間夾住芒果吉士醬, 芒果味幾香.香芒熱情果凍湯,芒果味濃但味道比較酸, 用飲管吸嚟飲有啲怪.馬卡龍, 表面比較黏手, 咖啡味幾濃, 士多啤梨味略甜.自家製拿破侖千層酥, 酥皮都鬆脆, 只係一般啲.英式鬆餅,鬆餅幾大件, 牛油味香, 餅好鬆化最後係, 芒果瀑布芝士餅,個人覺得, 芒果醬比較酸, 芝士餅芝士味唔夠濃,可以張膠紙拉開, 芒果醬好似瀑布流出, 我就直接一羹羹食.總結環境幾舒服, 食物賣相幾靚打卡一流, 食物質數幾好, 職員服務非常好, 大家值得一試.…Read More

今日去旺角食韓燒放題晚餐, 位於旺角友誠商業中心5樓嘅韓燒大叔, 今晚收費$298再加一, 加$88仲有埋魚生同海鮮任食餐廳坐位都幾多亦都幾舒服, 通道夠闊自助區係入口位, 有三十多款韓式前菜隔離係咖啡機同汽水機, 仲有醬料區可以自由配,有部爆谷機但好似冇開, 仲有部軟雪糕機及甜品櫃攞左小小前菜食,個蟹仔同魷魚最好食,個泡菜麻麻, 蘿蔔好爽脆好食其他食物用QR Code 落單, 有肉類、熱食、刺身、湯類、主食及甜品, 隻帆立貝幾大隻, 都好新鮮, 韓式豬扒唔錯, 唔會好靭, 味道啱啱好, 澳洲安格斯牛板腱味道OK, 薄左啲冇乜口感 , 五花腩薄薄地可以燒得好脆,油好香唔錯, 美國安格斯下肩胛肉, 肉味普通, 韓式豬頸肉, 肉質幾爽醃料幾好味, 薄切牛脷, 牛脷好薄牛花多唔太靭浦燒鰻魚, 嚟個時係凍要燒番熱, 好香好軟滑, 海虎蝦, 都好大隻新鮮唔係霉嘅, 餐廳好細心, 海虎蝦開晒背張蝦腸掉左, 讚! 刺身到左, 三文魚油甘魚好鮮油香幾好,其他正常, 赤蝦同帶子刺身, 蝦都好新鮮帶子好甜總結係肉類唔係好突出要食, 而肉類比較細件, 冇啖啖肉口感, 反而柚子單骨雞翼、海虎蝦同刺身唔錯, 如果想韓燒自己想想試唔試.…Read More

今日我地去位於旺角東鐵站傍, 酒店接通新世紀廣場,嘅旺角帝京酒店花月庭食自助午餐,原價收費每位$388再加一, 我地係KLOOK買$630/2位已包加一, 由12:00食到4:00, 足足有4個鐘頭時間慢慢食.介紹下有乜食先.冷盤: 青口都幾鮮, 有啲肉唔細隻, 唔錯凍蝦都好新鮮, 肉質爽甜, 係細隻左啲蜆仔冇沙但比較瘦, 鮮味一般墨魚仔幾爽口, 係淡味左啲, 都OK沙律菜有四款, 可以隨自己喜好去選擇,仲有紅腰豆、粟米配四款沙律醬食跟著到即開美國生蠔,  生蠔都好新鮮, 海水味唔重, 都鮮甜, 係有小小蠔殼碎壽司卷物有三款, 同三款日式小食, 刺身有三文魚、立魚、鯖魚同魷魚,個海蜇小食咸左啲, 兩份卷物都一般, 飯比較乾,三文魚唔錯, 新鮮厚切冇根, 但件魚生唔凍,好似放係室溫咁,油脂都多, 食得多會膩, 食幾片就夠.南瓜沙律,野菌沙律,長通粉沙律,蓮藕沙律,紅菜頭沙律,口水雞三款唔同嘅芝士,另外有溫泉蛋,豆腐小食,鴨胸OK! 咸菜豬肚湯, 港式羅宋湯, 豬腳薑, 有冷烏冬同冷麵個羅宋湯真係幾港式, 同餐廳嗰啲差唔多,多菜唔見肉, 豬腳薑, 豬腳好淋, 薑比較老多渣, 蛋唔入味印度薄餅同薄脆,印度天多利雞扒一般, 雞好鞋,印度咖哩雜菜,港式咖哩雞唔太辣,雞嫩滑廚師即場切嘅係烤美國牛肉,之後再出左燒金門火腿,第三轉有燒豬肋骨同再出烤牛肉烤牛肉太熟, 肉質比較乾同鞋鹵味有幾款, 紅腸、雞蛋、付皮、五花腩都可以,鹵水鵝好入味但鞋左啲, 大腸好食好邪惡炒椰菜花, 紅酒燴牛肋條,鸚鵡魚柳伴乾蔥忌廉汁,車厘子烤鴨胸焗薯仔,蒜蓉炒菜,中式炒麵,豆豉蒸魚瑤柱竹笙扒節瓜,排骨,炒飯,炒意粉蒸糯米雞, 食一隻都飽晒啦,雞肉同牛肉燒賣,蟹肉茶碗蒸,韓式炸雞同泰式豬頸肉粉麵區有師傅即場煮麵, 生果有菠蘿、西瓜同蜜瓜甜品有迷你葡撻,麵包布甸,老婆餅, 有部窩夫機, 師傅即場做,仲有個朱古力池可以用生果或麵包點中式甜品有豆腐花, 自己加紅糖及糖水,仲有仙草(即係涼粉)可以配6種配料食,楊枝甘露,甜味啱啱好, 芒果肉細細粒都夠甜, 西柚肉就小咗啲到凍櫃嘅甜品, 有芒果布甸、奶凍、咖啡布甸、小蛋糕,水信玄餅、香橙燉蛋、杏仁布甸同抺茶布甸另外甜品實在太多… 有好多款式小蛋糕, 大家可以睇睇.總結食物質數唔差, 三百零蚊有生蠔有唔小熟食同甜品, 都值得一試, 可能暑假午餐都座左九成位置…Read More