Fuji_foodie的個人專頁

去到都等咗兩台，一路等一路睇餐牌，望住人哋啲甜品好似好吸引咁樣！小店主打似乎係布丁同Apple crumble，因為Apple crumble要等20分鐘所以今次唯有放棄唔食住點知。。。就出哂事《芋圓椰汁紫米露》紫米味好淡🥹芋圓係完全無芋圓味，得啲粉味。同埋個紫米露，西米仲多過紫米。。。好失望其實除咗傳統糖水，全部甜品都起碼要$50，同行嘅朋友都同意布甸係好食嘅，不過味道真係好普通，尤其是其他配料。所以如果唔係咁啱去開，淨係搵到呢間甜品，唔會有下次。…查看更多

《是日MVP - 烤乳鴿》新鮮熱辣上枱，好入味！一咬落去好juicy😋我自己啪兩隻都假得！《驚喜之選 - 燉白合》本身諗住食白合咁奇怪，但屋企人唔嗌都嗌咗啦，就試試佢啦🤣點知！有！驚！喜！口感係好似食炆芋頭咁，味道都有少少似。餐廳係用杞子、大蒜去燉啲白合，所以隱約食到蒜嘅甜味，比想像中易接受同好食😋《蠔餅》有大大小小嘅蠔仔，飽滿新鮮嘅！個粉漿都出色！脆口又夠熱《炸鱸魚》份量算多，但偏乾《咕嚕肉》Nothing special，酒樓好食啲《鹵水拼盤》好似切頭切尾，賣剩咁《鹵水鵝腸》幾爽口，唔算太入味《香蔥油拌麵》無味🤣可以唔洗叫。其實除咗頭3樣，其他都可以唔叫😹…查看更多

初嚐灣仔西班牙菜，setting超打卡able～。Set Dinner $700@2，$358@1。我哋一行三人叫咗3個set ，兩男一女食，份量太多haha，下次可以嗌少一個set再散叫。。Starter《吞拿魚他他》一入口食到紫洋蔥嘅微辣同檸檬嘅酸味，加上牛油果順滑口感再配少少沙律菜，放喺麵包上面，成件事好fresh好開胃！《西班牙肉丸》一客有6粒，入口係鬆軟嘅質地，仲有好香嘅牛肉味！個汁都有啲肉碎，但相對上蕃茄味唔算濃。《腸仔蛋配碎薯》唔記得叫咩名🤣底層係一啲炸咗嘅薯仔碎，再有一隻太陽蛋鋪面，最頂配細細粒嘅紅色腸仔。個人感覺三個裏面呢個略為遜色少少。Main《香草燒春雞》伴碟有烤大蒜，仲有兩種醬汁（類似蜜糖芥辣、另一款係辣嘅香草油）。《煙燻胡椒焗多寶魚》原條多寶魚，食落有胡椒香、微辣！Main dish相對其他稍為失色:(。Side《黑松露薯蓉》薯蓉有黑松露味，上面有啲原片黑松露～黑松露味唔會話太過搶，個balance做得啱啱好！《香草芫荽焗薯》差啲俾佢個中文名呃左，所謂芫荽其實係Paisley。用料係細粒焗薯開半，好食嘅！《香蔥牛油飯》係一個黃色嘅飯，但係冇咩味？。Dessert 《西班牙脆條》外脆內軟，唔會死甜。適量嘅肉桂味再配焦糖醬或者朱古力醬～出色《卡達拉娜》本身預期好似壽司郎嗰啲咁，點知一嚟係個原碟會點火🤣口感係超軟身嘅焦糖燉蛋，隱約食到冧酒味～係必食item！《巴斯克芝士蛋糕》OpenRice訂座（18:30前入座）即送配咗啲紅莓醬俾你點，本身件蛋糕唔係好濃芝士味，如果要俾錢嘅話，應該叫佢哋招牌嘅三吋芝士蛋糕。總結而言，呢個價位、呢個地段、呢個view and service，係可以try同encore嘅！…查看更多

雖則主打豆腐花，不過就好多人推介話必試佢哋嘅粢飯✨就同fd一齊試試佢！😼。兩個人嗌咗兩個豆腐花加一個粢飯。🤓。《狂人粢飯 $32》無想像中咁大個，但就好足料，每一啖都好多餡，有肉鬆、榨菜、油炸鬼，幾好食。《芋泥豆花 $32》面同底都鋪滿芋泥，唔會太甜，豆花再配埋椰奶，幾清新！。《堅果芋泥豆花 $38》純粹芋泥豆花上面加咗堅果😹堅果幾香口，味道同上。。係好食同算係抵食嘅，可以encore!!!!✨✨✨…查看更多

大約7:10攞飛都仲要等100個位，入得座嚟都8:30。除咗固定Menu上面嘅餐點，本身特登嚟試新出嘅甜品——焦糖蛋糕，但係唔知係咪因為最近有人話佢冇指出有敏嘅成份，所以冇得食🥲。咁就唯有試吓新出嘅鵝肝軍艦、紅酒鵝肝配蘋果壽司同埋番薯天婦羅。鵝肝軍艦 $17一疊兩件，就係紅酒鵝肝壽司切頭切尾整成嘅軍艦，份量都幾多，味道當然唔差，性價比都幾高！紅酒鵝肝配蘋果壽司 $27蘋果幾清潔配埋紅酒鵝肝本身嗰種甜同埋鵝油味，好fresh，係會令人想encore嘅～番薯天婦羅$18一碟有四件番薯，即叫即炸，做到皮薄如果番薯係香甜軟身嘅！…查看更多

Mama生日專誠帶鍾意食麵包嘅佢去食Bakehouse嘅All in menu🥰一行4人可以試多啲唔同嘅嘢！《Starter》鯷魚芝士沙律鯷魚醃製過，酸味好重嘅，整碎撈埋啲菜個味就啱啱balance啦哈密瓜酸香草唔記得咗上面嗰啲係咩🤣不過無味嘅。除咗香草都有啲汁調味，食完無咩深刻印象。。。白桃水牛芝士+香辣蜜糖配酸種麵包是日MVP🥹個蜜糖巨出色，食落完全唔覺好辣，好香蜜糖味《Side dishes》蒜香薯條配蒜香蛋黃醬炸魷魚配香辣蛋黃醬呢兩樣都係新鮮熱辣，配埋個醬就冇得輸啦😹香辣蕃茄醬肉丸肉丸係由豬肉同牛肉整成，上面有啲芝士碎。好食嘅，但唔係好突出。《Main》炸芝士煙肉豬扒炸粉同豬扒之間夾住芝士同煙肉，食落都多汁嘅！比起其他未算好驚艷，合格～黑松露芝士忌廉煙肉通粉上面鋪滿好多黑松露片，好香黑松露味，不過略嫌芝士同忌廉味唔係好濃。一般般啦！白汁煙腩煮青口青口都算新鮮同埋幾多隻，但係個靈魂精髓喺個汁度！用嚟點麵包一流✨😝招牌香辣燒春雞肉質都幾嫩同腍，入味嘅，連唔鍾意食雞嘅媽咪都覺得OK😬《Dessert》岩鹽焦糖粟米軟雪糕✨😆鹹鹹甜甜咁，好濃粟米味。好啱我口味，不過如果唔like食鹹味甜品嘅人就可能未必鍾意啦！PS. 有兩杯冧酒提子酥冧酒味好濃郁，有冧酒獨有嘅杏仁味，酥皮梗係冇得輸啦！話晒bakehouse出品～散叫一定食唔到！first time All in 體驗唔錯😌下次可以再嚟！不過想食要趁早🤣事關都多人幫襯，我去嗰日係星期六，由6點等到7:45先入得座…查看更多

每次必叫德國豬手✨✨✨✨✨豬手皮超級脆，肉唔會話太過乾身。配菜有薯蓉、兩款唔同嘅酸菜，薯蓉好香牛油味，酸菜配埋個豬手食個油膩感即刻大大減低🤤龍蝦意大利飯個味好食過魚扒意大利飯，魚扒意大利飯個底似白汁，但係唔係好夠味。呢間都算區內數一數二嘅西餐廳，值得讚係佢哋嘅服務態度，當日去到要等位，我哋一行四人有一位係老人家👵🏼侍應姐姐好好俾張凳老人家坐，超級細心！…查看更多

無得online booking但去到都無咩人等位。呢度主打fusion 點心，啲款都真係幾特別，但係識唔識欣賞呢？就真係見仁見智啦🤣🤣🤣🤣價錢唔算平，四個人叫咗六樣嘢連茶錢都要350埋單。但係講緊係，大家都未係食得好飽🙂‍↔️個人認為try過一次就夠啦，都係去返傳統茶樓飲茶算🤓…查看更多

香港嘅食肆真係少咗好多生意🥲呢間舖頭幫襯咗好多年，以前每次都好多人排隊。諗住一段時間冇嚟食，特登提早book定位，點知嗰日七點入座剩係得我哋一台客🥹三個人總共食咗$730 ，飽到上心口。每款串燒都可以揀唔同嘅辣度，或者純粹加孜然粉都得。個人比較推介，每次必嗌嘅items🤍1. 燒原條茄子2. 燒豬頸肉厚身得來，食落好Juicy🤤3.蒜香燒生蠔4.麻辣焗金菇包btw食完嗰晚真係生人勿近🤣因為每樣同蒜有關嘅嘢都落足好多蒜蓉，個口真係臭到爆🙂‍↔️飲品方便推介熱情果啤酒$38 真係醉咗都唔知咩事，勁易入口；另外老闆推介嘅啤酒$58，原來有成1L🤣…查看更多

《Poke Go》久仰大名！終於有機會去試！Build your own bowl $108起主食6選1- Salmon- Tuna- octopus - Chicken beast - Duck beast- mushrooms 再揀3款topping同1款sauce ✨特別推介 wasabi yogurt / spicy mayonnaise🥵Bowl 可以揀壽司飯or糙米飯or沙律菜底，佢嘅足料程度係生菜底都已經覺得飽到上心口🫣當晚我一行三人6:30到坐到9:30 ，都係得小貓兩三隻🥺希望可以捱得住啦…查看更多

$49連餐湯餐飲，正常茶餐廳lunchtime價位。之前經過都見多人幫襯嘅。每日menu都唔同，我就叫咗個干燒伊麵。一上台大份到令人難以置信🤣🤣🤣味道就偏淡、少少油。因為太多，我食咗3分1已經搞不掂放低咗。老闆好體貼，主動問我係咪唔啱食，證明佢哋對品質都有要求。熱奶茶啲淡奶略為太重手，蓋過咗啲茶味。…查看更多

同friend farewell 特登揀咗間睇落坐得舒服嘅餐廳，我哋3個人叫咗個二人set再加多個黑松露意大利飯。二人set包前菜、餐湯、意粉、主食同甜品。前菜我哋揀咗蜜糖牛油炸雞翼，上枱夠哂熱，係略嫌無咩味同油膩咗啲。餐湯係蘑菇湯，都好濃同幾香cream味。意粉係蕃茄香腸貓耳朵，甜甜酸酸幾開胃，不過啲腸仔就一般貨色，但比起黑松露意大利飯就略勝一籌。主食紐西蘭肉眼係幾香肉味，不過食得出係雪得有啲耐，如果原價散叫$228食就性價比麻麻啦。甜品揀咗疏乎厘pancake(伯爵茶味），茶味係夠嘅，同埋伴碟嘅麻糬都幾襯。埋單$700幾近$800，有冇下次就真係睇緣份啦…查看更多

同friend聚會一講到食韓國嘢（炸雞/炒年糕）就好鍾意去呢度✨✨✨三個人總共食咗$816，叫咗兩樣嘢食兩款嘢飲。米酒呢？就必叫嘅。今次試吓士多啤梨味，一入口其實有少少藥水味，不過飲吓飲吓都OK。你個friend就叫咗杯熱情果，唔會太甜，酸酸地都唔錯。炸雞我哋就揀咗兩隻味（蜜糖蒜香同甜辣），夠味得嚟仲脆身嘅，係整得大嚿咗啲。配菜有薯條、薯角、薯格🤣上面有啲調味粉，超惹味。個忌廉海鮮炒年糕好足料！海鮮有蝦、魷魚同蜆，除咗年糕之外，仲有魚糕同炒菜。側邊仲有芝士、泡菜、紫菜飯同腸仔。包你一定食到嘔🤣🤣🤣🤣…查看更多

呢間餐廳主打叫咗煮食之後有90分鐘嘅薯條放題，薯條一啲都冇揸流攤！封門柳 $190 五成熟肉味香濃，好多肉汁！切落去係爆曬出嚟😌肉眼 $190 五成熟肉同脂肪嘅比例啱啱好✨唔會太膩薯條encore咗兩輪🤩每次都係即叫即整，熱辣辣、脆卜卜～食完好滿足！餐飲方面只送熱飲，其他都要加$10，不過就免收加一服務費。…查看更多

由正宗韓國人老闆坐鎮，入到去一落完單就會送一set八款小食！有泡菜、薯仔、芽菜、菠菜、豆角、海帶、豆干同蘿蔔絲。個人認為薯仔、菠菜同泡菜係比較好食嘅。呢度啲泡菜辣得嚟偏甜，令人食唔停！我哋兩個人嗌咗兩個餸，飽到飛起！辣炒魷魚份量十足，食夠都食唔完咁。魷魚有泡菜嘅甜味配埋好多炒雜菜，成件事好balance。泡菜豆腐煲，送一個白飯。兩個女仔share食啱啱好！同樣都係好足料，個湯係典型白飯小偷。餐廳無提供drink menu，要買嘢飲就要去對面佢哋自家嘅韓式市場，價錢正常餐廳價！有個加分位係老闆好熱情，成個場個vibe好chill，老闆會一齊乾杯，又會教你正宗燒啤點整！…查看更多