Lia Naomi的個人專頁

下午茶係食甜品既最佳時間，因為夜晚飯後吃怕胖呀，同埋下午時段去食唔洗迫人迫位。下午茶仲有優惠添，可以加幾蚊有野飲，coffee or green tea latte or smoothie...甜品相也影得靚D咖啡酒芝士凍餅雪糕$42，味道即是TIRAMISU，中間有粗身手指餅，索了咖啡酒味道濃郁，芝士層軟硬度適中，唔會太淋，味道都幾好呀，面頭排放著粒粒棉花糖，再灑朱古力粉，增加口感幾得意，仲有D咖啡JELLY點子同埋DREYERS COOKIES N CREAM雪糕伴碟。香芒雙子塔$52，係今期既新甜品，成份甜品由好多個PARTS組成，有蛋白酥餅幾脆化，曲奇餅有好香牛油味，蛋味蛋糕，而主角是一個係芒果奶凍，幾滑有奶香味，一個係流心既芒果MOUSSE，中間有芒果肉芒果漿，芒味好濃，全部都GOOD!這裡甜品既設計幾特別，每一份都擺放得好有心思好精美!…查看更多

燒鯖魚，比較乾身少少，似食咸魚。燒南瓜，幾甜幾香，好味的。牛油果壽司卷，普通味道，可以唔叫。蒜片炒牛肉粒，味道一般，沒有再想食的衝動。海膽炒飯，炒飯夠味，撈爛哂海膽食仲正。雜錦串燒，各款也OK吧。…查看更多

食左最多人推介既榴蓮千層pancake, 層層榴蓮味cream加上絲絲榴蓮肉幾香，pancake皮好薄，味道OK。本來想叫埋另一個熱賣甜品"心花怒放"，可惜佢地話賣哂未做好!咁就求其揀左第二個又係榴蓮味既椰汁卷，入面榴蓮味淡左D，椰汁卷皮太厚又係無乜味，所以覺得麻麻地喇!…查看更多

唔覺唔覺得返旺角一間風月堂，好可惜! 一直覺得佢好好食同賣相吸引 今次主要過黎食甜品: 芒果香蕉班戟，芒果和香蕉比例中肯，兩個味都食得出，好香甜，卷埋忌廉和蛋皮，口感GOOD! 紅豆綠茶雪山，外表已靚到不得了，先切開一半，入面有綠茶雪糕，極LIKE! 個底有士多啤梨脆脆，好特別呀，面頭就係綠茶CREAM和紅豆蓉，整體全部材料係非常夾，好好味! …查看更多

好開心好朋友請我黎café Landmark食飯慶生 ，lee間餐廳多數係雜誌上見明星闊太幫襯多，估唔到今年生日我有機會致身其中。 首先點左個龍蝦沙律，嘩…..賣相靚到睇到我呆左 ，D材料全部擺得整齊精美，砌上去既芒果、士多啤梨極鮮甜又靚，龍蝦肉切左一片片，好新鮮，爽口好嫩，再加上面頭有啲芒果醬汁，仲好味呀，而裡面就係d雜果沙律，都係好美味，淨係食lee個龍蝦沙律我已經滿足左一半啦! 跟住就係lee道既超級招牌菜，龍蝦幼麵，食第二種口味既龍蝦，食完涷食熱，我好surprise好感動 ，因為真係好好味! 龍蝦份量不少，撈埋佢地獨特既白汁一起，難以形容咁正，連D幼麵都非常彈口好食，剛才個沙律已經好正，lee個仲正，好滿足!  Thank you! …查看更多

食完餐好差既金水之後，決定再週圍掃街，行下行下見到貴花甜張甜品海報，好似幾吸引喎! 一於過去坐低食甜品。佢地今期新甜品係綠茶系列，聽完佢介紹個"富士綠茶火焰雪山"好正咁，就試下啦!最底個層係綠茶蛋糕，香軟有綠茶味。跟著一球haagen dazs綠茶雪糕，包無失禮啦! 外層係紅豆加蛋白忌廉，有少少被燒烘過既，再係雪山面淋椰子酒點火，幾激! 仲有幾隻綠茶cream puff伴碟添，puff都好好味喎，入面係綠茶吉士cream, 尤其朱古力皮果個最好味! 我地切開一半兩個人share食，一叉落去幾層一起吃就係最正啦! 跟住要等20分鐘既朱古力心太軟就黎喇，本來佢地都sell綠茶心太軟，不過我地想試兩款唔同味道，所以叫朱古力味試下先。一上枱，輕輕地係下面叉一下就流d朱力漿出黎，好流心呀! 個皮就焗得有少少脆，質感有啲似曲奇，入面就係好軟既純朱古力漿，好濃朱古力味好正呀! 心太軟就係配Dreyer’s Vanilla雪糕，都好軟滑。…查看更多

都有三年無黎過食喇，我以前覺得佢啲壽司OK都幾好食架喎，點解而家變差哂架?三文魚香芒花之戀，叫做無乜野啦。極上壽司，三層:甜蝦、海膽，蟹肉，不新鮮又無味。甜蝦海膽卷，同極上壽司一樣啦，係我以為佢好食，點知原來叫錯野。火灸鰻魚、蟹棒、海膽，魚背，鰻魚同埋蟹棒就普通，海膽同魚背就幾難食。我諗最OK就係牛利同雞亦啦，食落去唔難食囉。…查看更多

我成日行街經過e間都眼甘甘架喇，今次終於走入去試下。menu只有一張墊台紙咁多，全部英文黎，好彩我都識睇少少本來我想叫個combo餐，不過我諗著叫果杯Oreo Express奶昔係無得跟餐，咁只好散叫啦。$78 Oreo Express有少少咖啡酒味，是朱古力milkshake的超甜口味，又無乜Oreo味，只係有兩粒迷你oreo$98 BLT Burger好大個，包包面烘得脆，入面又好香甜，梗係塊漢寶都好味道啦，仲有無敵配搭生菜、蕃茄、煙肉。大啖大啖咬落去burger感覺滿足。我的陪食朋友就叫左combo, 係和牛burger$188, 有薯條同drinks, 加錢轉左甜蕃薯條，又幾好味丫。…查看更多

Happy Friday約左朋友黎食西餐, 我地order左幾個一齊share食:16安士Prime Rib Steak，$248，肉大肥厚份量十足，所以個價錢都ok，入口軟淋，但肉味淡左少少。Side dish可以選擇薯條/焗薯/甜蕃薯任選二，朋友猛話之前食過甜蕃薯好好味，咁我們就揀左兩個，點知道一上台，一個分開兩個就當係兩個既?同埋點解甜蕃薯唔甜既? 朋友都話佢D甜蕃薯唔同哂喎，唔係以前果隻喇，而家個隻又乾又難食呀。1磅蟹腳，$248同樣地可以任選兩個side dish, 要左一個焗薯同一個甜蕃薯，焗薯就OK幾好，甜蕃薯就唔好再講啦!1磅蟹腳有6隻左右，我地每人都分到兩條啦，蟹腳係熱熱地唔係凍架，都幾鮮嫩丫，仲有果個好似牛油味既汁好好味呀。Chicken Wings，$68這個價錢有咁多隻非常抵啦，外皮炸得脆脆地，加上本身加左啲BBQ醬，再有隨碟附上既沙律醬，甜酸咸辣味都有, 好好味道!…查看更多

終於試到好馳名既Jenny Bakery既cookie喇，今次有朋友送比我食，好開心呀!一盒係4mix係牛油曲奇，一盒係鳳梨卷。個熊仔罐好得意呀，超鐘意! 食完可以洗乾淨佢用黎裝小物。4mix一打開已經聞到勁香牛油味，花花個兩款好鬆軟，大力掐落去就會溶碎掉，一個牛油味，一個咖啡味，兩個都好好味，一食便上癮，食到唔停得口。其餘兩款就比較普通。鳳梨卷lee盒都係Jenny Bakery皇牌，我覺得好似台灣鳳梨酥咁，外層牛油曲奇又香又鬆脆，內層鳳梨餡甜帶點酸，如果我學識整就好啦。…查看更多