lllaaaiiilllaaaiii's Profile

見上網好多人講好食，所以去試下幾個月前第一次7點左右去話等2個鍾，所以放棄左第2次8點左右去，話已經冇得落單，今日賣曬今日第3次去，7點就去到喇話45分鐘就有，咁比完錢留底電話等佢打黎等左足足一個鍾。。。先有超級期待咁食雞亦正常，冇話好好食個薯仔係薯容黎，都算正常卡邦尼意粉不過不失最最最失望係個蜆肉意粉。。。食第一啖已經成口沙，第2啖仲有蜆殼碎。。。跟住成碟冇再食過以後吾會再幫襯。。。除左平。。冇任何值得要等咁耐去食既地方…Read More

叫左2個粉，一個炸豬扒同一個墨魚咀全部食左幾啖冇再食落去人生未食過咁難食既墨魚咀d粉全部一陣蒜頭味，冇麻冇辣可言真係勁勁勁難食先上黎打返個食評吾明點解呢間野可以開分店。。到底點解有咁多好評？…Read More

太想食壽司，咁元x就吾會去壽司郎又成日大排長龍。。。又吾可以book位，咁就試試d 細鋪頭，可以book位咁就吾洗點等位喇因為兩個人，又吾叫得太多野，咁就叫左個拼盤 9點壽司 有油甘魚，赤身，深海池魚，三文魚，帆立貝，碎蔥吞拿魚腩，松葉蟹肉，甜蝦，原條海鰻。。。。咁多野先2百蚊多d d ,都幾抵食，魚既質素都高因為我本人都好鍾意食卷物，就叫左個招牌既金龍卷，98蚊勁足料另外仲叫左個是日限定既流心粟米餅38蚊，好香同因為即炸所以仲好熱，正食飯又點可以吾食菜呢，所以叫左我最愛既蟹籽沙律仲要有蜜桃同蘋果絲，讚估吾到黎到超級大盤。。。真係食5，6個人都夠…Read More

一直都好中意食酸菜魚,但係香港要搵到好味又正宗嘅酸菜魚 都唔容易今日同朋友食飯,佢推介我黎呢間廚十三老壇酸菜魚，上open rice 睇，先知佢原來有四間分店就番朋友係灣仔返工，我地揀左銅鑼灣分店,分店就係希慎後面一條街，都好容易搵上到去，見到台台都有好大鍋酸菜魚，個鍋有成2塊面咁大我地兩個人,所以叫左份細既老壇酸菜魚 hkd 338, 仲加左寬粉 hkd 28 同鮮腐竹 hkd282個咩都想食既女仔，仲叫左 酥炸無臉男 hkd 88 & 不開心的木耳 hkd 58當然吾少得叫返2杯靚靚野飲黎打下卡喇，我地叫左芒果風味梳打特飲 hkd 30 同 巨峰提子風味梳打特飲 hkd 28講下食物嘅質素,酸菜魚好正宗, 有好多花椒酸菜, 魚肉超滑嫩,值得一讚酥炸無臉男 即係炸豬肉，好香脆，超正兩杯野飲味道都恰到好處,吾會過甜下次會再encore呢度…Read More

今日專登出去灣仔同朋友食飯,疫情下面難得嘅外出揀左呢間西貢街頭越南牛肉粉,環境裝修明亮,一坐低就俾兩個紙袋我地用黎擺口罩，幾貼心我地嗌左一個越式炒金邊粉 hkd 106， 大頭蝦膏炒通菜 hkd 68,冬陰功海鮮湯河粉 hkd83， 芒果軟殼蟹米紙卷hkd56， 仲叫左兩個野飲,分別喺熱情果菠蘿特飲 hkd 32 同一個椰青 hkd 38啲嘢食都好大碟, 兩個女仔都差啲食唔哂金邊粉炒得好有鑊氣,裝配左好多花生 炸蒜頭，再配埋是差喇辣椒醬。。。正呀， 芒果軟殼蟹米紙卷包得好靚,芒果仲好甜。。。呢個 一級推介兩個女仔食下傾下,咁又一晚…Read More

呢排成日聽人講牛極，今日出開深水埗就緊係要試一試啦呢度用自助既方法點野食，好似日本咁，喺部機度點餐再放紙幣或者支付寶比錢，呢個做法幾好，又方便又快又吾會出錯我地兩個女仔，點左一個最平既牛肩扒 180g hkd 80, 同一個牛柳 200g hkd 110 蚊，另外加15蚊要左一個提子氣水點完餐幾分鍾就送到黎，所有牛扒都係一成熟,跟住你自己係個石板上面整到你自己適合既熟度，呢樣幾好。。。自己想幾熟就幾熟d牛排質素都幾好，好有肉味另外呢度嘅沙律，白飯同埋牛肉湯都係免費任食既，所以男仔黎食都吾會吾夠飽沙律幾新鮮，牛肉湯好多料，有d羅宋湯既感覺，下次都會再黎試下其他牛排…Read More

天氣凍凍哋,最岩就係打邊爐朋友話渝味曉宇lunch免鍋底，所以我地就決定 lunch去試下佢我地揀左尖沙咀分店,環境超級靚望到維多利亞港,我哋一黎到，侍應就送左兩碗糖水俾我地，個雪耳糖水超級好味勁清甜我地叫左一個蕃茄湯底同埋普通麻辣湯底蕃茄湯底會有啲金菇，湯底好清甜麻辣湯底普通辣都幾辣呢度最好係所有食物都可以叫半份，所以兩個人都可以叫好多款食物試下我地叫左美國安格斯肥牛，稻田毛肚，鴨血， 手打蝦滑， 重慶炸酥肉， 午餐肉苕粉，現炸豆皮，黃金菇， 鮮竹笙，田園菜藍。。。。。所有打邊爐嘅食物都好新鮮重慶酥肉勁配個麻辣湯底，真係必須叫黎試下，超正…Read More

今日專登過嚟北角， 試下呢間小店嘅拉麵別天神， 別天神有幾間分店， 朋友住喺附近所以 就嚟試下北角呢間分店， 鋪頭喺正新光戲院隔離， 地鐵一出行一分鐘就到喇鋪面細細， 大約只係坐到十個人左右但係呢就有最日本嘅感覺， 可以用卡或者八達通喺出面部機度買咗個 嘢食， 再等位跟住將呢張飛交畀店員， 我哋兩個人首先叫咗 一個套餐加一個拉麵， 好快就先嚟咗一個 小龍蝦沙律， 同埋套餐嘅四隻餃子， 店員都好細心， 當我哋食曬啲小食就嚟兩碗拉麵小龍蝦沙律好好食，啖啖都有小龍蝦餃子煎得好香口， 食完之後即刻encore多一客六隻...haha講返最重要嘅拉麵 朋友嗰碗係有蝦嘅拉麵， 我就食最普通嘅 豚肉 拉麵拉麵嘅軟硬適中係我鍾意嘅軟硬度， 湯底係濃濃嘅豬骨味， 仲有好多配料隻蛋又超級流心，好好食不得不提係佢呢度有個芽菜， 有啲辣但係任你食好開胃下次都會嚟幫襯呢個有良心嘅小店…Read More

今日lunch同同事想食下住家飯，平時成日買飯返公司食大x樂，M記個d真係食到好悶。。。。。同事就話去食新蒸武門，係正觀塘最中心點開源道駱駝漆大廈，呢個大厦除左多野食，仲好多野買。。。。shopping好地方我地兩個叫左2個set lunch , 籠仔蟲草花蒸雞飯 (炒飯底 ) 同埋土魷蓮藕煎肉餅飯坐低叫咗嘢， 啲野五分鐘左右就送到上嚟籠仔蟲草花蒸雞飯比想像中大個好多， 雞都有成十嚿， 炒飯底係最值得加分， 一個女仔其實真係食唔曬咁大個飯另外個土魷蓮藕肉餅有四大舊， 每嚿都煎得好香好好食 ， 一直覺得煎肉餅係d 心機菜， 屋企阿媽最多會蒸肉餅一定唔會煎肉餅另外跟餐仲會有一個老火湯， 老火湯感覺好足料無味精， 對於長時間 返office冇乜湯水飲嘅我真係超級開心…Read More

今日同個好耐冇見既朋友食飯，吾想去d 限時既餐廳，咁食自助餐就最好不過喇，由6點半食到9點半，食足3個鍾呢度星期五晚同平日一樣價，加埋一先400蚊左右仲有可以免費任飲啤酒，橙汁。。。。價錢就真係抵既依家呢度嘅主題係蠔， 除咗正常嘅生蠔， 仲有焗蠔，避風塘蠔， 蠔仔粥我自己係好鍾意食生蠔嘅， 呢度嘅生蠔真係隻隻都好肥美， 好creamy同埋有少少海水味， 我食咗好多隻都好好味凍海鮮方面仲有長腳蟹，凍蝦，青口款款都好新鮮，同埋會不斷refill既， 吾會出現搶食既情況此於刺身三文魚，吞拿魚， 希靈魚， 立魚，係任你攞既， 唔似得出面有啲酒店會每次限住攞3片，呢度就好大方既， 刺身嘅品質就大概元氣嘅級數喇另外可我都好欣賞佢呢度嘅燒牛肉 同埋燒羊髀， 兩款肉都燒得啱啱好另外呢度嘅甜品，好多都做到細細嚿， 啱曬我呢啲 心大心細想試好多嘢嘅人， 馬卡龍做得非常之好味， 唔會好甜原來呢度有dreyer's嘅雪糕任食夜晚八點後仲有即整嘅班戟， 正…Read More

今日同個朋友去食生日飯，佢話想食靚既中菜，我就決定黎試下羲和雅苑，因為我自己都好想試佢既北京烤鴨好耐喇我地兩個早幾日就book定枱同留左半隻烤鴨先Book 左星期一放工8點半食飯，先係海運行一行街。。。。餓餓地咁先去食，可以食多d 野去到我哋雖然兩個人，但都畀咗張好大嘅卡位我哋我地叫左半隻烤鴨套餐包埋個八寶盒， 叫烤鴨會有個師傅即場喺你面前 切開， 侍應仲會同你講有三個唔同嘅食法， 其中我覺得點爆炸糖嘅食法好特別， 但係我個人始終最鍾意嘅係包京蔥青瓜甜醬嘅食法佢會用個特別既器皿黎保存鴨嘅熱度，個鴨真係要比100分，超好味仲叫左一個待應介紹畀我哋新出既避風塘脆皮豬手，正價hkd 428 , 依家hkd 288就可以食到， 佢同平時食開嘅德國豬手好唔同， 用避風塘呢個炒法令到隻豬手一啲都唔油膩， 估唔到係咁好食我朋友好鍾意食海鮮 ， 所以我哋仲叫咗一隻磯煮鮑魚做冷盤 同埋牛油芝士焗大蝦， 佢嘅鮑魚做到好甜 仲好有口感芝士焗大蝦 個汁做得非常好食，我同朋友仲話如果有伊麵就非常好啦食咁多肉當然唔少得叫個菜啦， 我哋叫咗一個平時根本自己唔會煮到嘅乾鍋菜花， 係一啲川菜嘅口味， 我個人就覺得非常之好味，少少辣另外仲叫咗一個動感豆腐， 動感原來就係有d 木魚係上面飛下飛下呢度嘅侍應服務真係一流 ， 會同你介紹食物嘅食法， 地方又坐得舒服 ， 食下食下唔經唔覺食咗兩個幾鐘最後我哋仲叫咗一個楊枝甘露同一個杏仁豆腐， 而家香港已經冇乜地方可以食到杏仁豆腐， 呢個真係兒時嘅回憶， 有杏仁味嘅豆腐粒再加少少生果， 佢呢度仲加咗 桂花糖， 完美嘅一餐由甜品黎結束…Read More

媽咪話想食牛扒, 而我呢又想食德國咸豬手喎.... 所以呢就揀咗黃大仙呢間oliva cafe , 去到呢個餐牌都幾多嘢食另外佢個drink menu都超多嘢飲我哋兩個叫咗兩個晚餐， 分別係德國蜜糖芥末烤咸豬手 hkd 206蚊 ， 同埋 香煎美國 下肩胛翼板 牛扒 hkd 246每個餐都會跟一個蘑菇湯 一個吞拿魚沙律 同埋一個嘢飲, 我哋另外加38蚊 轉咗一個龍蝦湯， 一個餐飲凍檸茶唔需要加錢， 另外如果係佢餐牌裏面轉其他嘢飲可以減15蚊， 所以就叫咗一個芒果香蕉奶昔首先講講佢嘅前菜， 係一個超有心機嘅吞拿魚沙律， 吞拿魚上面有啲芒果醬， 而吞拿魚本身呢就搵黑白芝麻嚟包住。。。。 呢個前菜本身就是cp值超高另外佢跟既餐湯蘑菇湯都好香好滑， 配搭嘅蒜蓉包又係超級好食，香脆香脆加38蚊要咗嘅龍蝦湯， 有兩嚿超大嘅龍蝦肉， 鍾意飲龍蝦湯嘅就唔好錯過啦另外再講埋加錢要咗嘅芒果香蕉奶昔， 呢杯嘢真係打到超滑超香而家入正題講返兩個主菜先， 牛扒我哋要咗七成熟， 呢度做出嚟真係啱啱好， 最好係佢已經幫你切咗一片片， 真係有心機另外咸豬手亦都係幫你已經起咗肉， 呢度嘅鹹豬手唔算太鹹， 外皮都係香香脆脆，超正總括嚟講我覺得呢間餐廳係真係好有心機， 每一樣餸都會見到佢嘅心機之處， 見到 隔離枱 都好多人嚟慶祝生日， 下次會約埋成班人再嚟過…Read More

而家少咗去九龍城食泰國菜， 因為發現到旺角呢間泰菜都幾抵食， 兩個人埋單都係214蚊仲已經食到好飽兩個人叫咗一個泰式香辣肉碎炒河hkd 68 , 辣辣地 好開胃一串豬肉串12蚊， 一串雞翼 15蚊 ， 串燒配嘅沙嗲汁真係無敵好味， 仲可以畀你一串一串嗌叫咗份生菜包72蚊，勁多生菜。。。 酸辣酸辣好好味另外叫咗杯青檸梳打22蚊同一杯菠蘿冰24蚊呢度只要食滿200蚊，你就可以喺四樣一蚊嘅選擇裏面揀一樣， 我哋就用一蚊叫咗個木瓜沙律， 唔好以為一蚊得好少，但其實一蚊係有一個正常分量。。。所以真係良心價食物有水準炒河既香葉配料都很豐富， 串燒唔會太乾， 配搭嘅沙嗲醬好有花生味蝦餅魚餅都炸得好脆， 大小適中加一蚊嘅木瓜沙律都唔差， 木瓜爽脆 辣度可以叫小辣適合香港人口味…Read More

同朋友去迪士尼睇五月天演唱會之前， 過咗嚟青衣城搵食因為周圍都太多人。。。 咁就去咗呢間唔使點排隊嘅高雄小王。。。。 點知原來伏左我哋叫做一碗雞扒麵， 一碗牛肉麵 ， 一個酥炸蚵仔， 一杯水果茶， 一杯洛神花茶牛肉麵嘅牛肉好碎濕濕， 未試過 食牛肉麵 啲牛肉係咁肉酸嘅， 炸雞扒面啲雞扒好乾最差最差嘅一定係呢個酥炸蚵仔。。。 啲粉仲大過粒蚵仔。。。又炸到超級無敵硬。。。。。兩個野飲住係最好喇。。。。。 生果茶有好多生果 又夠大杯， 呢黎度可能只可以飲嘢唔可以食嘢， 如果唔係你會好失望…Read More

今日專登嚟馬鞍山搵朋友食lunch， 一直都知道馬鞍山係美食嘅沙漠， 同朋友約咗喺新港城等本身都冇話好食啲乜嘢嘅， 見到呢間舖頭都幾多人排隊， 門口嘅餐牌 午餐都只係幾十蚊一個， 係商場有冷氣就排下隊啦我哋兩個人大概等咗三十分鐘 先有位， 因為間餐廳裏面其實都幾細我哋被安排係一個梳化位都唔錯我哋叫咗兩個午市套餐，hkd59蚊既 巴東牛肉飯， 份量唔多但係好惹味， 如果怕辣嘅朋友就唔啱啦我叫咗一個hkd 香煎豬扒滲滲喇沙， 個湯底好有椰汁味， 味道都唔錯份量都夠多令我哋加咗12蚊要咗個通菜,少少地但都好夠味。。。 仲有的乾蒜片係上面加3蚊要左個凍嘅馬來拉茶 同加三蚊要咗個凍嘅美祿幾十蚊食個lunch， 仲要係好味嘅 ，正…Read More