girlman's Profile

同朋友係第一次食呢度，之前我地食個D放題係三佰幾，今次揾呢度食下二佰幾，原來都OK播，至少我地想食的都有，算係咁 ，重有係多野飲揀，反而食酒店自助餐無咩嘢飲揀!刺身我唔食，但朋友話剌身好正，都係厚切，口感好又新鮮。我地主打食壽司多，好多款都好食，最特別有波子壽司，細細粒一口一啖咁，黑松露油甘魚我波子壽司我最讚!呢間壽司功夫也很好，好似火炙池魚王，柚子胡椒䲞魚，汁煮冬菇鮑片，蒜香帆立貝呀，D食材配撘唔錯，好好味。手卷我覺得呢間D海膽幾正，食得過。料理類，呢度有XO醬牛柏頁和炒蜆惹味。重有係鮑汁花膠，D膠係普通貨，但扣到好腍勁好味，叫完又叫。D蒜片牛都好食架!自助區D食物都啱我胃口，有日式章魚丸，味道唔錯，咖喱魚蛋，好似重有關東煮，苦瓜煮魚同埋沙律Bar，都啱食的，自助區唔係話好大，叫有啦。串燒當晚出品好正，燒菠籮，鰻魚，雞翼，雞軟骨好正!甜品樣樣有D，那晚有焦糠燉蛋，好滑又好味，另外食埋牛奶公司雪條，紅豆和橙味，已經好鬼飽，食唔落了。…Read More

今次來到屯門諗食咩好，行下行下就來到這商場，見這間餐廳價錢都吾貴都有不少人來吃就決定這間吃飯，今日得我一個不用等位就可以入去，最後選擇了一個飯和一個小食，等大約十分鐘食物就來到。小食炸雞軟骨來到見到都有少少深色，加了檸檬汁食，沒想到咁咸又濃味，仲帶點燶的感覺，完全食吾到雞軟骨口感吾好食，食了一半就有沒有再食了。主食黑豚肉生姜燒石鍋飯來不太熱，醬汁和飯混一起後都不太咸，但都可接受，但豚肉有不少骨和豬肉味好淡有點失望。裝潢不錯少少迫但食品質素就只可講吾太差但可以有其他餐廳選擇。…Read More

見好耐冇食過而且又有新野就想試一試，去到荃灣因為比較夜就吾多人，我地最後想坐得舒服點就坐係出外，二人坐四人位的確不錯，今次我地最後當然食咸蛋黃醬芝心批精選二人餐，每人最後$210價錢還可以，而且仲每人可拿走二件外賣回家添。 好快湯南瓜黎麥湯就來到，但南瓜味好少但味道都不錯，覺得似普通忌簾湯而已。巴馬火腿凱撒沙律的面包粒好脆又多正!~菜都夠新鮮而醬不太多不錯，巴馬火腿不太咸但都可接受。蜆肉焗薯蓉，味道偏淡但幸好口感吾會好泣身仲保持到少許薯蓉口感。等左大約十五分鐘薄餅就來到，因為冇晒蟹最後選擇了這個，普通批蝦薄餅，芝士味都重而且材料都不少幾好味，但咸蛋黃在那? 問待應都話要睇清楚，沒想到只得那麼少，有失望。而黑椒海蜆炒意粉太多黑椒碎但黑椒味不夠而且完全沒有油所以口感偏乾身我地再叫左二杯檸檬茶坐下傾下計，因為差不多關門，大約十點左右就要離開了。…Read More

今日去到觀塘分公司工作完後，同事話不如在樓下找間餐廳食，我地2人都十分喜歡吃辣，見到有間食辣的餐廳都吾太多人不用排就去試一試。見到這裡的乳鴿$38不貴就叫咗幾隻來吃，但這裡的乳鴿肉好少而且有點凍，有失望到。之後我地再叫小食辣的麻辣牛肚十分好食，夠辣又夠惹味同香，牛肚好入味切得夠幼細，青瓜都夠辣好開胃，但陳醋鳳爪的陳醋不夠酸但幸好鳳瓜好淋身同入味。我地想吃的水煮魚終於來到，今次叫了桂花魚，魚二斤幾比心目中少咗一點，而且我地叫的中辣係失望，辣度仲少過小食的辣。魚質只叫一般不太出色和滑，配菜不少都夠入味，以這價錢還可接受。食咗咁多辣當然想食返少少吾辣的菜，我地就選擇了蒜茸豆苗，豆苗都炒得幾香口，蒜味都夠而且份量都夠我地幾個人食，不錯。…Read More

朋友喜歡吃餃子，所以難得佢今日過來找我食午餐，就建議話不如食間新餃子店，去到等了一會就可以入去食，這裡用電話下單都幾方便，等了大約十五分鐘就可以食，這裡有自家制的辣菜甫，辣度不叫十分多，但蝦米味好重又香，配餃子都不錯。 香芹芫荽豬肉餃配自家制鮮雞湯，餃子都幾大隻又薄皮，入面都幾足料而且芫荽味都幾重，岩晒我地，但湯底偏淡，只有輕輕的味道有失望。而我叫的醉雞台灣面，醉雞味道不錯但是雞吾夠滑身有點鞋，面質偏淋身但份量堅足，而湯底蕃茄薯仔魚湯也是偏淡，但好過雞湯。我地叫了一杯豆漿，是貨裝所以味道一定吾會差。我地到有幾款小食，喜歡吃辣的我最後選擇麻辣木耳，味道十分好而十耳都夠爽但太油，辣度都幾好。…Read More

這間都好多朋友約出來吃飯時選擇的餐廳，今次就和屋企人一起來吃飯，等了十五分鐘去樓上坐，坐的位置偏窄，但還可接受，今次我們一行五人吃了五個餸都食不完，價錢都吾貴，整體食物質素都不錯保持到。今次第一次吃的黃金蝦有點失望，咸蛋唔夠多而蝦新鮮程度一般，但幸好夠熱夠新鮮煮出來，如果再惹味送飯一流。這個啫啫雞偏咸咗少少，但雞件食落覺得好嫩滑而香，配菜不少。蔥魚頭煲，好味道!~蔥炒得香又夠多，薑份量剛好，魚頭炸得十分好味又多肉。每次必叫的小炒王今次當然都叫啦，依然十分好味夠惹味而且材料新鮮，岩晒送啤酒。最後九肚魚就普通水準，吾夠熱。…Read More

同朋友放工後去左銅鑼灣行下街，因為第二日我地兩個都放假，於是就BOOK左食放題，可以輕鬆一下，而且又可以自己鍾意食咩就食咩我地BOOK左晚上時期，估唔到都幾多人! 有啲野食就可以自己電子落單(好似壽司、刺身、串燒等)，而有啲就可以自己出去拎。我地等野食嘅同時就出去拎下野食同飲品，出到去就見到有好多熟食、炸物同甜品，我仲見到“我的最愛-片皮鴨”，排隊一個個拎，係你面前即切，拎上手仲係熱辣辣，好少食放題會有片皮鴨食，好有驚喜。我番到埋位無幾耐就有野食了，可以開動了~先上嘅就係壽司，每件大小適中，岩哂我地可以一啖食哂，飯細細舊，唔洗擔心食左咁多壽司就會覺得好飽!黑松露油甘魚壽司好好味，黑松露味好香，同油甘魚好夾醬燒芝士帝皇蟹棒壽司都好好味，啖啖肉，好嫩啲蟹肉鵝肝帶子壽司，值得一試刺身中，我地叫左幾多就黎左幾多，唔會扣單，件件都大大件又厚身，仲有蟹腳可以食添，刺身幾新鮮，唔會有雪味黎到食放題又點可以唔食串燒同炸物，恰到好處。十分推介燒牛舌同芝麻雞翼，黎到就熱辣辣，忍唔住食多幾件。食到飽飽，最後仲有MOVENPICK雪糕，終於明白女士食甜品係用第二個胃嘅道理，兩個人都食左咁多野，非常滿足，呵呵~…Read More

從來都愛嚐中菜，辛苦搵來自在吃，今次朋友提議到此高級京菜吃飯，一於奉陪。景緻實在幽美，面向維港美麗夜景，夫復何求! 頭盤是北京烤鴨，伴以八寶盒，還人專人服侍片鴨，我吃的鴨胸肉，皮很脆，肉很香，妙在可選擇創新食法，爆炸糖，籃莓醬，我選了藍莓醬，出奇地比甜麵醬好吃，提鮮亦更開胃，很欣賞底部的加熱裝置，保持了烤鴨的溫度，口感更好。張氏獅子頭，很香的半肥瘦大肉丸，汁醬帶甜潤，吃是鬆軟肉味誘人，醒目地配上小量白飯，索汁妙極。磯煮鮑魚也盡見功夫，汁醬慢炆數小時，才可以吃到入吃鮮嫩，稍為彈牙的口感。百年醬肉還是第一次吃魬，很好豆腐托底吸收了五花肉的醬汁，很好吃，醬肉．醬汁入味，但不太肥膩，香軟腍。燒汁芥末牛肉粒，很是惹味的小炒，蝦干冰菜，很腍，有特別的香味，很喜歡這種菜味，那黑松露蝦仁煎蛋，蛋很嫩，蝦仁夠大亦新鮮，重點是黑松露的份量恰如其份，太多會太搶，很欣賞廚師手兿。食評有人評服務差，真心話不是，服務挺好，又細心。…Read More

花枝蝦排花枝蝦排係今餐最值得推介既一道小食，蝦排外層炸成金黃色，上菜既時候望落已經好吸引，一食果然無令人失望，蝦排炸既程度恰如其分，外層偏酥脆，唔會有油耗味；而內裡既蝦肉混入花枝後，變得軟滑彈牙，口感更為豐富。總體而言味道和口感都不錯，值得一試。炸紅槽肉呢道小食以前從未聽過，所以點黎當試下新野。外型上黎落幾似炸左既叉燒，但食落同叉燒又有啲出入，外層經油炸後比較脆身，而肉既口感比想像中軟身易咬，唔會好乾好嚡。而呢道小食最特別既地方係佢既肉係烹調既過程中加入左紅槽同米酒，所以食落有頗濃郁既酒香味，至於鍾唔鍾意就真係見仁見智。大雞扒滷肉飯滷肉飯相信係食台灣野必點既食物之一，而且呢間叫得古早味就更加想試下佢既滷肉飯有咩獨特之處。而滷肉就係連皮連肥肉，偏油膩少少，如果本身一啲肥肉都唔食既可以點其他飯或者面試下；滷汁味道唔錯，唔會太咸，拌飯食唔錯算加分。…Read More

今日有朋友帶我黎到旺角食吉壽，印象中都未食過，今次第一次去食即管就試試佢！由於我同朋友book左位，不過都夜晚8 9點，都幾多人下架，所以建議大家去book位阿👅去到book左位，所以唔洗等位一到左即刻就有得坐lu，一打開剔剔紙，多款到呢..我都唔執輸，話明放題梗係係咁叫嘢食！我叫左火焰三文魚壽司、雞軟骨十串、葡撻、燒菠蘿、燒牛舌、甜蝦壽司、海膽手卷、榴槤炸彈佢既火焰三文魚唔會好熟，有d焦焦地味好好食，而且都幾淋，口感一流好多油汁！甜蝦都新鮮，而且唔會因爲任食將d飯整到勁大舊！海膽手卷海膽新鮮，唔會有腥臭味，而且唔多飯🥰🥰雞軟骨唔會好似出面個d乾爭爭，有肉汁好有咬口😛😛葡撻都唔錯架仲熱熱地添 做甜品一流，細細粒容易食😂燒菠蘿甜！多水分！重點佢係熱！十級推介燒牛舌 超有咬口 重牛味 熱 多油 加黑椒！一流！十個like👍🏻👍🏻榴槤炸彈皮薄餡多！重榴槤蓉🤤榴槤迷要試下！會愛上的放題其實有好多，不過！我會選擇吉壽 點解？價錢ok 服務態度好唔會多人個陣黑面仲好禮貌 上菜速度快 好少漏單❤可一可再！…Read More

今日午膳離群獨個兒，只想享受獨處的了歡愉。走到尖沙咀火間土，我點了定食，望暑滂沱大雨的海景，內心有一種說不出來寧靜。賣相七彩繽紛，頓時食慾大增，烏冬口感極滑，醬油湯底伴隨蔥花，單吃也相當美味。小鰻魚飯，鰻魚切成小塊，沾了甜甜的鰻魚醬汁，醬汁恰如其份，伴著粒粒分明的珍珠飯，吃時嚐到鰻魚的魚鮮和油香，那是最辛福的丼飯。小吃有炸蠔，是廣島蠔吧，咬下香脆中爆出蠔汁，真美味。作結的沙律甚有誠意，沙律菜，粟米，青瓜還有紅腸，清新又健康。…Read More

素來愛吃烤肉，無論日式，蒙古式，我都嚐過，在香港有不少高水準烤肉店，最近是第一次到來嚐這間韓式烤肉店的烤肉，加一後盛惠八佰多元，吃過後，你會對烤肉失去狂想，質素比想像中差。通風設針好，門面野十分討好，一貫連鎖集團風格，我點了傳統韓燒烤生米酒盛婆，滿以為傳統野最穩陣，誰知一喝生米酒的味道，似火酒，酒味有少許嗆喉，又不如別人說有餘甜口感，總之好怪，不是我那茶! 我叫了杯藍天使梳打好飲好多! 豬腩肉是厚切的，燒過很豐膄，但肉味淡，很淡，是雪了太久吧，豬腩很差，我失去了吃豬腩肉衝動。牛前胸肉燒後有㸃韌，不如想像中好吃，霜降牛小排，肥肉過多，牛味不差，但多瘦少肥會更好吃，實在好油好滯。其他如甚麼爐邊蛋，其實無胃口再吃，因D肉只有肥，好油，你也沒胃口吃爐邊蛋了! 服務不周到，成檯都是碟，沒店員主動收，無人主動教燒烤腩肉，重收加一，檢討下服務吧。…Read More

外灘十號的名字讓人想起美麗的上海外灘夜景，甫進內，懸吊的水晶燈，極高的樓底，裝修高貴氣派，論環境，一絕。那晚工作至很晩，知道附近有間高級京滬菜，和同事來拜會。店員招呼周到，倍覺窩心。最期待的水煮牛肉來了，滿是辣椒干，血紅湯汁真的是非常麻辣，但那湯似乎油份較重，是麻辣，但香味稍遜，湯嫌鮮味不足，被重麻辣嗆著味蕾，牛肉味道可以，但仍不夠嫩滑，算不上是最好的黃牛肉，水煮菜式合格，但不是我吃過最好的。火焰菠籮咕嚕肉，很好原個菠籮上，加上用火焰燒過，令咕嚕肉蓋上菠籮香氣，咕嚕肉肉夠鬆腍，甜酸的醋汁做得很好，但失敗之處是咕嚕肉炸得不夠脆，而甜酸汁太多，使肉被太多醬汁蓋過而過腍，口感太打折扣了。全晚最好吃是帶子蝦多士，可不是京滬菜來?! 但多士炸得香脆，加上彈牙蝦膠和鮮味帶子，佐以清香怡人龍井，真美妙。論京菜合格吧，論小吃相當好。…Read More

我住咗天水圍十幾年，由起初呢度缺乏好野食到而宜家好多有質素的食肆入嚟開店，其實天水圍街坊食嘢好有要求㗎，而且都好肯花錢食好野。好似呢派呢間千葉鳥，我同屋企人和朋友就成日嚟食。間店裝修好正，最正有D日式大卡位，那日叫同friend叫咗個特選大大粒魚生飯，有拖羅，三文魚籽，馬糞海膽同雜錦魚生，呢個魚生飯最啱愛食魚生嘅我，D魚生好生鮮，特別係超鮮馬糞海膽，鮮到無倫，D拖罷魚味超正，另外D三文魚籽又脆又鮮美，其他魚生也新鮮，大大碗白幾蚊，又多魚生，抵食又必食。另外呢度D壽司，手握的，D食材好新鮮，同十蚊三件無得揮! 嗰日叫蟹柳，青芥辣蟹籽，帶子壽司，都好好食，特別是青芥辣蟹籽，好嗆鼻，但又辣又鮮爆籽呀，好食好過癮。重有燒野都好食，那晚叫的鹽燒多春魚，香口又鮮，D多春魚比出面D大條，魚味濃D帶油份。呢間食到變左食堂啦。…Read More

老友住大角咀附近，呢D係舊區，好多鋪頭仔做死嘅，有日想聚下，咪嚟呢度食下囉。叫咗D香口野，因我地好小食，咸蛋脆米金沙骨和XO醬花枝炒黑豚肉，不過當晚多人，D餸等得好耐左少少，無計。論食物份量，細碟D，唔似大排檔咁大碟，但係碟咸蛋脆米金沙骨好正，外面咸蛋黃有咸香，個粉漿唔厚但係好爽脆，有蒜粒粒香，D肉醃得好入味，一字骨有咬口，好juicy! 另外碟XO醬花枝黑豚，我覺得花枝太韌，XO醬味道太搶，黑豚肉OK，肉味可以，西芹也爽口，但味精重手，普通啦，價錢?唔算抵。…Read More