nam1019的個人專頁

呢間啲雞胸真係好啱GYM友去食，因為有勁多雞胸嘅味度選擇，包括蒜蓉味、薑蓉味、香草蕃茄蓉味、泰式椰子雞等，仲有免治雞胸漢堡扒，可以勁方便整burger!我自己最鍾意薑蓉味，薑蔥味好香，所以食落好似食緊白切雞咁，勁好送飯！而且佢嘅雞胸都係唔添加防腐劑和醃肉粉，亦冇使用無激素、無抗生素，所以食得健康！佢嘅即食慢煮雞胸都滿滿蛋白質，都係用慢煮方式，令雞肉嫩滑Juicy！所以食落一啲都唔乾柴，亦唔會難入口！勁方便去食…查看更多

呢間日系Cafe餐廳主打日式疏乎厘Pancake! 仲有唔同類型嘅熟食！💪🏻 提拉米蘇布朗尼疏乎厘班戟 ($148)Cafe嘅疏乎厘Pancake整得好鬆軟，空氣口感滿滿，食落好Fluffy😚 而且pancake嘅蛋味香濃，係質素唔錯嘅疏乎厘pancake! 配搭埋Tiramisu醬滿滿甜味同咖啡香，食完好幸福😋 佢嘅Brownie都好香朱古力味，令口感同味道多一份層次！💪🏻 明太子蟹肉意粉 ($158)明太子蟹肉意粉醬汁滿滿，醬汁都好creamy，好掛汁。明太子醬都有微微辣，撈埋蟹肉一齊食幾豐富。💪🏻 燒紐西蘭肉眼配雜菜（$268）燒肉眼就揀咗5成熟，食落有牛味。味道：7/10性價比：5.5/10 食住瘦指數：💪🏻/5 …查看更多

💪🏻 迷你和牛漢堡串 （$35 1件，$58 2件）迷你和牛漢堡有唔同嘅醬汁同配料選擇，可以揀和牛漢堡扒/M7和牛肉片，亦可以配搭秘製美式醬汁、港式沙嗲醬同柚子味噌醬！佢嘅和牛漢堡扒食落牛味香，而且都幾Juicy🤤 而M7和牛片牛味都香，食嘅時候就難啲一啖撕開。比較驚喜嘅醬汁係沙嗲醬同柚子醬，沙嗲醬花生香味濃郁，較多甜味，而柚子醬食落幾清新，所以呢2款醬都好夾個漢堡😋 而餐廳嘅麵包麵係向知名bakery拎貨，所以好鬆軟！💪🏻 醬爆撈麵 ($38 1餸，$48 2餸)撈麵可以自選配料，可以自選M7和牛片、和牛丸等配料，亦可以自選醬汁！我揀左沙嗲醬撈和牛麵，沙嗲醬嘅香辣，而且花生醬味幾濃郁，食落甜甜辣辣😋💪🏻 鐵板串串和牛牛丸串好同樣juicy💦牛味都好香！經典和牛串嘅牛香咪都突出😋! 豬頸肉都好爽口！味道：8/10性價比：7/10 食住瘦指數：💪🏻/5 …查看更多

呢間茶記絕對成為GYM友飯堂，足足250g嘅手撕雞！💪🏻 增肌減脂手撕雞蒟蒻麵 ($55)手撕雞撕得夠幼細，雞肉都夠水份唔會乾柴，好易入口！即使清湯，雞肉都有咸香。蒟蒻麵彈牙爽口，勁低卡💪🏻 不過真心好搶手，我去到個時已經賣晒250g嘅手撕雞，食唔到其他味🥲💪🏻 花膠雞阿媽足料雞湯米線 ($72)雞湯好濃郁，雞件較多雞油香，肉質食落都滑身😋 花膠大大舊，食落較爽口，就冇好膠嘅口感。💪🏻 滑蛋粒粒蟹肉飯 ($72)蟹肉蛋飯可以話係我係餐廳食過最多蟹肉，價錢又係最平嘅蟹肉飯🤣 蟹肉鋪滿成個飯，而且大大粒，唔會碎晒，加埋豉油撈飯好滿足🤤💪🏻 芝心蝦多士配酸辣米線 ($58)芝士蝦多士即叫即炸，一切開啲芝士就好流心💦 多士鋪咗一層蝦膠。酸辣米線食落有驚喜，還原到平時雲南米線嘅酸辣口味，食落開胃。味道：8/10性價比：9/10 食住瘦指數：💪🏻💪🏻💪🏻💪🏻💪🏻/5 （Gym Friendly)…查看更多

呢間Cafe Menu主食全部都係低脂、高蛋白質嘅食材，有別於平啲Cafe嘅炸、焗、加工肉主食，好GYM Friendly💪🏻！💪🏻 自選貝果：慢煮雞胸、煙三文魚、炒蛋 ($46+$28+$30+$16)佢嘅雞胸都係用無激素雞胸慢煮，所以雞胸食落好軟滑，一啲都啲乾柴😋 而且雞味香，好濃蛋白質嘅味道（雞蛋嘅味？🤣） 而且Bagel係可以自選配料，Bagel搽上士多啤梨醬同creamy cheese，配埋咸香嘅煙三文魚、滑炒蛋、雞胸，食落味道好多層次🤤 士多啤梨醬甜甜地好清新！💪🏻 慢煮雞胸青醬意粉 ($94)青醬意粉好濃松子同羅勒嘅香草味道，同平時食開嘅青醬有啲唔同！意粉都煮得煙韌，雞胸足足130g🐔💪🏻 Tiramisu，Apple Crumble ($42, $65)Tiramisu好creamy😋 咖啡味同酒味都好突出，但竟然係冇用到咖啡酒塊整，而係用酒桶處理法嘅咖法豆，令到tiramisu有酒香但冇酒精😆 而Apple Crumble有雪糕、曲奇脆脆同蘋果肉，口感好豐富😋 而且係冇加到肉桂粉，同平時嘅蘋果金寶好大分別！💪🏻 Long Black，Espresso Tonic ($42, $50)Cafe嘅咖啡都係由老闆主自炒咖啡豆，仲有分Fruity同Nutty嘅咖啡，配合唔同人啲口味，好有誠意！味道：9/10性價比：7/10 食住瘦指數：💪🏻💪🏻💪🏻💪🏻💪🏻/5 （Gym Friendly)…查看更多

呢間餐廳嘅景觀同座位都好舒服😚樓層夠高仲可以望住日落🌅💪🏻 神石燒：慢煮和牛舌芯、澳洲M5和牛西冷 （$188、$168）餐廳嘅神石燒都係以和牛為主，神石燒火力剛好，唔會煮到過火！牛舌芯厚切，口感豐富，肉質夠淋！和牛西冷牛味濃，沾少少鹽同黑胡椒已經帶出牛香味😋 而套餐亦會有一碗飯同味噌湯，飯有醬汁及飯素調味，味噌湯亦加入蘭王蛋花！💪🏻 達摩天丼($198）達摩天丼用上原隻龍蝦去做天婦羅，極豪華😍 龍蝦肉質厚實！而且丼飯亦加入灸燒帆立貝同吞拿魚蓉，食個丼飯都勁豐富😚💪🏻 櫻花虎蝦天婦羅（$88）虎蝦勁大隻，嫌好少可見到咁大隻又厚肉嘅原隻虎蝦🤣，而且外層沾上櫻花蝦一齊炸，成隻蝦充滿櫻花蝦乾香味，令味道更多層次！💪🏻 芝士海苔巨根玉子燒 （$108）玉子同樣勁巨大，比一隻手掌更長！食完好滿足!💪🏻 焦糖燉蛋、伯爵茶布丁($38)焦糖燉蛋同布丁都整得creamy! 飯後甜點做一個完滿嘅總結。 餐廳由五星級酒店前總廚主理，食完可以抽達摩公仔/牌仔帶走記念。另外，餐廳亦設有紙條比客人掛門口許願。而且成間舖都充滿達摩，係達摩神台同牆外街景打卡一流！味道：8/10性價比：6/10 食住瘦指數：💪🏻/5 …查看更多

💪🏻 拖羅、海膽刺物、壽司拖羅有齊大、中、細拖羅，怕大拖太油都可以有得揀！大拖羅油香十足，肉質軟滑，入口即溶🤤 海膽大大舊，可以原塊夾起唔會散，味道鮮甜😋💪🏻 刺物、壽司刺身、壽司有超過2-30款選擇，有齊三文魚腩、鮑魚、蟹腳、赤蝦、帶子等！火灸壽司燒得好香，表面灸燒到濃香，逼晒魚油嘅香味出黎💦 另外，放題亦會有創作壽司，例如：香芒軟殼蟹卷🦀💪🏻 串燒、炸物日式串燒同炸物都有差唔多20幾款選擇，例如：燒牛舌、炸蠔、燒豬腩肉。當中大推佢嘅燒鰻魚，鰻魚大大塊，而且鰻魚肉燒得勁淋勁綿，同樣入口即溶🤤 鰻魚汁都燒得入味！💪🏻 熟食、鍋物熟食同鍋物主要都係日式麵食及鍋物，例如壽喜燒牛肉鍋！味道：7.5/10性價比：7/10 食住瘦指數：💪🏻💪🏻💪🏻/5 …查看更多

呢間親民小店除左一般嘅粉麵類食物，原來仲推出咗和牛同夢王蛋系列！💪🏻 A5和牛 鮑汁冬菇花膠鍋 ($168)整個set會有A5鹿兒島和牛、鮑汁濃湯鍋（有花膠、花菇、娃娃菜）、夢王蛋同關廟麵。A5和牛油花滿滿，食落肉質軟淋，微微牛香。同時亦有生夢王蛋，可以模仿壽喜燒食法😂 而花膠煮耐啲之後就煮得好軟綿😋 亦都好入鮑汁味！花菇同樣索滿鮑汁濃湯。另外，亦再加點咗雲吞、水餃同厚切炸餐肉😛（各$10）💪🏻 夢王和牛飯($68)和牛丼飯同樣好肥美，配上溫泉夢王蛋好夾！不過和牛燒得再香啲，調味都可以再用咸香醬油會同和牛更配合！💪🏻 脆炸鮮奶卷+炸墨魚餅 ($42)💪🏻涼茶：清心火、金銀菊花薏米 （跟餐$10）涼茶都係自家製！而且係唔苦嘅下火涼茶，好易入口😆味道：7/10性價比：7/10 食住瘦指數：💪🏻/5 …查看更多

呢間Froyo店人氣非常強，即使夜晚22:00仍然人龍不斷🤣 當中嘅乳酪係用較健康嘅低脂希臘乳酪製成，減少邪惡感！亦有免費嘅寵物版雪糕😛💪🏻 醉冧RUM ($50)低脂乳酪加埋提子冧酒+焦糖杏仁太妃糖，冧酒同Froyo嘅配夾幾特別！低脂乳酪好濃厚，乳酸奶香幾出。RUM酒勁濃，提子都浸滿酒香，而配埋Froyo又啱啱好中和咗RUM酒嘅烈😛💪🏻 咖啡控 ($58)低脂乳酪配埋咖啡奶凍+冷粹咖啡醬+蓮花焦糖餅+咖啡蛋白霜糖。咖啡+Froyo又係一個意外幾夾嘅組合，濃香嘅咖啡配埋Froyo甜味😋 而且亦有好多配件。脆軟皆有，口感豐富！建議將配料mix埋再食，口感同味道更好！💪🏻 香芒乳酪窩夫 ($40)餐廳仲有市面少見嘅Froyo窩夫！窩夫係用牛角包，有牛油香亦有酥酥口感！加埋芒果醬同Froyo，冷熱口感！味道：9/10性價比：8/10 食住瘦指數：💪🏻/5 …查看更多

💪🏻 皇牌芝士/辣芝士炸雞餐 ($50)佢嘅所有炸雞都好大份，份量十足！芝士炸雞鋪滿芝士粉😍，食落好芝士味。而且雞皮炸得好香脆，食落脆卜卜聲😚！辣味芝士炸雞除非芝士味，仲多咗辣味 ，令味道更多層次！💪🏻 甜辣炸雞 ($39/3件)甜辣炸雞係好經典嘅韓式甜辣醬味，大愛😍 雞炸沾滿韓式辣醬，但仍然保持到外皮脆身！而且雞肉夠滑多肉汁🤤💪🏻 蒜香醬油炸雞 ($39/3件)蒜香炸雞有微微蒜香味，醬油味食落甜甜地，感覺似唔辣版嘅韓式甜辣雞🤣💪🏻 卡邦尼飯、安東雞飯卡邦尼飯食落有少少白汁雞皇飯，幾creamy，但味道有少少淡。而安東雞飯就相反味道有少少似蘑菇飯🤣味道：8.5/10性價比：10/10 食住瘦指數：💪🏻/5 …查看更多

呢間台式茶飲店經常大排長龍都唔係冇道理，因為佢嘅茶底都真係幾特別😝 茶底甘香，濃濃茶味！💪🏻 櫻花雪芙芒果 ($39)呢個特飲係混合咗青檸原汁、特濃牛乳 、芒果果露 同櫻花果子，4種搭配飲落有青檸酸味嘅開胃清新感，同時亦有芒果嘅香甜，配埋牛奶嘅濃厚口感，好好飲😋 另外櫻花果子都大大粒好Q彈，成杯特飲嘅味道好有層次！💪🏻 玉露青茶鮮奶+仙草凍 （$35）玉露青茶茶味甘香，飲落好清香，加埋鮮奶變成奶綠，口感濃厚😚！仙草凍都好滑捋捋！味道：9/10性價比：6.5/10食住瘦指數：💪🏻💪🏻💪🏻💪🏻💪🏻/5 (走奶走甜Gym Friendly)…查看更多

呢間台式火鍋可以一人一鍋，可以自己揀想食嘅湯底！唔洗再就朋友口味😂 今次食咗佢Lv3嘅澳洲200日穀飼牛+日本北海道四元豚套餐 ($329 90 mins)，都有齊各款豬、牛、雞肉，亦有大量海鮮類！💪🏻 燻鰹魚湯、紅燒火牛湯燻鰹魚湯底比起平時嘅鰹魚湯更濃郁，多了一份煙燻嘅咸香味道！配料即使唔掂醬汁都夠味！燒牛火牛湯底有微微香辣，牛肉湯算香，而且2鍋湯底都好多配料！💪🏻 澳洲200日穀飼牛、澳洲黑安格斯封門柳、澳洲純和牛、日本北海道四元豚200日穀飼牛脂肪比例較多，油香較重，而且肉質都較淋！而純和牛相對脂肪含量少一啲，肉質會乾少少，但牛香較重😋 而且亦可以任食封門柳😍 封門柳牛香再重一啲，肉質都淋😛而北海道四元豚都有豬香。💪🏻 海鮮海鮮款式都好多，亦有比較少見嘅海鮮配料！例如：大頭蝦、瀨尿蝦、帶子等，亦有花枝滑同蝦滑！花枝同蝦滑都彈牙，帶子亦唔多見，可以食多啲😂！💪🏻 台式小食、炸物、台式滷味呢間餐廳最大特色係有大量台式小食，仲有台式滷味，一次過滿足晒想食台式野嘅慾望！例如有：青麻椒辣魚皮、台灣鴨血、煉奶炸油條、台灣腸、地瓜球、鹽酥雞、鹽酥菇菌、荔枝蝦球、滷肉飯、滷水金錢肚、金錢腱等，每份都細細份，一人份量啱啱好！炸物類亦都炸得香口脆身！💪🏻 台式飲料台式飲品嘅款式都好多，亦有芝士奶蓋類，當中純綠妍茶味好香，有回甘。💪🏻 火鍋配料餐廳都有齊基本打邊爐配料，如：各款丸類、辛師傅餃子、響鈴、蔬菜類等。味道：7.5/10性價比：7/10 食住瘦指數：💪🏻💪🏻💪🏻💪🏻💪🏻/5 (Gym friendly)…查看更多

IG: Eattobefit.hk好耐都冇食過一間相對高質嘅燒味飯😍 而且呢間燒味店非常gym friendly💪🏻，因為可以免費揀雞胸位，唔洗怕比啲雞背位（冇肉又肥）😂💪🏻 白切雞胸瘦叉 + 燶邊蛋 燒魂飯 ($58 + $8)切雞可以揀雞胸位，所以舊舊都啖啖肉😋 而且雞胸雞都算滑身，亦有微微雞味！而叉燒雖然係瘦叉，但唔會老柴，燒得夠淋😚 亦有焦香叉燒味，幾惹味！最值得一提係佢嘅燶邊湖北蛋，蛋黃香十足，而且蛋白勁有焦香，撈埋蛋黃送飯大正🤤💪🏻 幸運三重彩 - 叉燒、燻蹄、腩仔 ($70)即係燒味三併😂 叉燒半肥瘦嘅梅頭肉，所以食落好淋，燒烤油香十足！而腩仔好出色😋 內層脂肪同肉質夠鬆化，而外皮亦整得好酥脆！完全唔靭嘅燒肉外皮！大推👍🏻 燻蹄亦都夠肥美。另外，除左飯，亦可以自選配濃湯米粉、瀨粉。味道：9/10性價比：7/10 食住瘦指數：💪🏻💪🏻💪🏻💪🏻💪🏻/5 （Gym Friendly)…查看更多

呢間餐廳環境都幾舒服，田園小清新風格嘅裝修！💪🏻 篤篤炒卜卜蜆 ($128)呢個篤篤炒卜卜蜆幾有泰式風味，魚露香，食落幾惹味！而且蜆嘅數量都算充足，亦唔會有空殼蜆，啖啖肉！💪🏻 荔枝菠蘿紅咖喱大蝦+油酥手抓薄餅 ($128+$52)荔枝菠蘿紅咖喱算係偏辣，大蝦係連尾蝦，而且亦都用咗特別嘅配料，例如：茄子、荔枝、菠蘿、秋葵（唔係用平時嘅薯仔同甜椒），水果甜甜地食落咖喱都幾夾！而個手抓餅有3大件，食落香酥，油香出，用黎點咖喱勁正😋💪🏻 炭燒豬肉串燒沙嗲 ($76)豬肉串燒嘅沙嗲汁有花生香，甜甜地。💪🏻 鮮熱情果梳打+泰象青檸梳打 ($42+$36）熱情果有晒成個熱情果係杯中，好足料！青梳梳打亦夠晒爽！味道：7.5/10性價比：6/10 食住瘦指數：💪🏻/5 …查看更多

呢間日式燒肉主打露風格燒肉，餐具、坐位都係用上露營主題嘅櫈及碗筷🏕️ 而且特別一讚燒肉嘅網唔會太痴底，所以燒肉都燒得好完整，燒肉嘅網紋好靚😍💪🏻 岩手縣玄米牛 （$138）玄米牛脂肪分佈好均勻，好肥美🤤 而且切得厚度係啱啱好，食落肉質好淋，而且亦都有牛香味😋 唔只係得油香！另外，我揀左蘋果味噌醃，食落有微微蘋果香，甜甜地，幾開胃！個人好推介呢款牛，性價比唔錯！而脂肪比較多，所以都要咬耐少少。💪🏻 燒肉拼盤 ($398)拼盤有齊牛肋肉、牛舌、牛胸腹、豚肉燒、豚五花、雞腿肉，豬牛雞都有齊！牛肋肉同牛胸腹食落有微微牛香，肉質都淋😚 豚肉油香十足！每樣食材大概有3-4塊，好滿足！💪🏻 阿波酢橘雞腿肉 （$78）我揀左柚子胡椒醃，柚子味好香甜，而且雞肉肉質都滑，切嘅大細亦都啱啱好，唔會好難燒！💪🏻 松葉蟹肉蟹膏拌飯、玉子海苔飯 （$88，$28）蟹肉蟹膏拌飯係會燒一燒之後在撈勻，蟹膏燒完之後即刻升左一個層次，蟹味勁香濃🤤 就咁撈飯食都已經好好食！💪🏻 蒜香牛油煙肉蘆筍 （$58）蒜蓉加牛油真係絕配，好香！味道：9/10性價比：7.5/10 食住瘦指數：💪🏻/5 …查看更多