ginnieee的個人專頁

啲雞絲食落似柴乾咁，個酸辣湯底就好似辣油溝水咁，注意翻，兩樣嘢根本溝唔埋😂嬲到食咗半碗就無食，真係唔知食咗啲咩落肚。另外舖頭衛生環境好差，個地痴粒粒出咗舖頭對鞋仲痴緊，收銀得現金同支付寶，唔講以為去咗大陸食飯，分分鐘去大陸食仲好味過佢多多聲🙂‍↔️其實無心喺香港做餐飲不如執咗佢好過👋🏻或者翻翻大陸開都支持嘅👍🏻…查看更多

招牌草莓配西瓜，味道好夾，草莓嘅酸甜同西瓜嘅清爽食落去非常消暑，但相比起其他味就會比較甜少少🤏🏻但我自己會鍾意荔枝味多啲，因為個味道清新啲，同埋冇咁甜，食落去唔會覺得膩，反而更清新。…查看更多

湯底好濃好入味，啲料俾得足，我覺得一定要試嘅係溏心蘿蔔，每次都必叫！佢係超級淋同甜，如果切得大粒啲會好啲，覺得有啲唔夠食🥹其實其他餸都好好食，尤其係吉列炸蠔，超香口，黑松露薯條都好食下次再試下其他小食…查看更多

每樣菜式嘅擺盤都好精緻，份量十足，好夠鑊氣黃金炸金磚豆腐外脆內軟，而菠蘿咕嚕肉都唔錯，酸酸甜甜，送飯一流。不過豉汁蒸排骨就有啲失望，排骨有啲韌，腸粉都唔夠滑不過勝在個汁調得好好食，期待下次再試其他菜式！…查看更多

特濃香烤芝士忌廉雜菌雞肉意粉份量算多，不過意粉就唔係好夠熱，食落去有少少失望。另外，雞肉份量有啲少，如果再多啲就好了但個汁真係幾好食，味道香濃，搭配意粉好夾，掛汁一流整體唔錯，值得一試…查看更多

雖然全部都係素食，但質素真係唔會輸俾出面啲中菜。每樣食物都幾好味，同埋自助形式可以mix and match唔同素食，其實都幾多選擇，仲有埋甜品揀！最正嘅係白飯同湯都任裝，紫菜湯仲要超級足料…查看更多

呢間意大利餐廳真係好正宗！價錢唔算貴，每個月嚟食一次都唔錯。千層麵嘅芝士好濃，仲有拉絲雖然味道有啲偏鹹，但整體口感不錯！肉眼扒就唔算太大驚喜，質素正常，冇咩特別。至於巴馬火腿沙律，配上哈密瓜嘅清甜，味道都幾好！不過，我覺得必食嘅反而係三文魚Pizza，即叫即整，薄皮食落超香、超脆口，真心值得推薦！…查看更多

個鮮蝦龍蝦湯班尼粉真係好難食，撈咗一pat冇味嘅汁，入邊仲要冇鮮蝦同龍蝦，真係唔知擺咗啲咩入口，個火腿炒滑蛋就正常操作，唯一好食嘅淨係得菠蘿包令我會再想食多次，其他不了…查看更多

蕃茄濃湯叉燒意粉整體嚟講都幾好味。蕃茄湯整體偏甜有蕃茄肉，但湯底偏稀，如果再濃啲掛汁就仲正！而叉燒方面，個人覺得肉質有少少柴，如果用肥叉就正好多🥹🥹對於下午茶嚟講，呢個價錢真係性價比高。如果你唔介意叉燒質地，呢間嘅叉燒意仍然係一個唔錯嘅選擇！…查看更多

之前趁榴槤季水尾食咗D24榴槤植物素新地，D24係正嘅！但今年轉咗植物素新地質地就唔好食完全唔夠滑～上年個燕麥奶雪糕味道仲出色，如果keep住出翻燕麥奶雪糕就好了…查看更多

扁皮鴨肉質嫩滑，搭配醬料食落去真係好滿足但如果個皮可以再脆啲就更加正啦麻辣土豆絲同麻辣皮蛋都好入味，辣味適中，食落去非常過癮。孜然大葱肉片孜然香味十足，火侯掌握得好，但就有少少鹹，價錢嚟講都算抵食。整體性價比高，呢間值得推薦！不過，環境有啲逼，等位都有啲耐，想食嘅就要早啲攞位～…查看更多

個人認為Tiger prawn ink risotto有啲鹹，但蝦嘅鮮味好突出，保留到墨魚汁嘅香氣。至於scallop salad，帶子唔係太新鮮，切得太薄令到口感爭啲，有少少失望。A5 wagyu strip loin就不過不失，肉質嫩滑，味道濃郁，值得一試！最特別嘅係佢哋有得揀花茶，選擇多到令人驚喜，搭配美食更添風味…查看更多

蕃茄湯通粉真係好濃味，酸酸甜甜，配埋粒粒午餐肉，食落去好滿足，湯底好適合搭配通粉滑蛋叉燒飯個滑蛋真係滑溜又多汁，食落去係好夾！雖然叉燒唔係半肥瘦，但肉質仍然唔錯，非常送飯，食下午茶餐仲抵，跟埋多士同滑蛋！推薦呢間做長期飯堂，認真唔錯…查看更多

伯爵奶茶味刨冰加奶凍，整體感覺唔錯。份量對於兩個人嚟講啱啱好，食到最尾真係有啲brainfreeze🥶😂。對於啲鍾意食甜嘅朋友嚟講，啲醬真係有啲少，令個奶茶味唔係好濃，如果有得加多啲煉奶就好🥹奶凍質感滑溜，搭配刨冰都幾合適，但如果啲醬可以多啲，味道會更加出色，期待佢之後出嘅味…查看更多

黑松露忌廉意粉嘅味道香濃，忌廉滑溜，黑松露嘅香氣亦唔錯，搭配意粉口感都幾好。不過對於唔太鍾意忌廉嘅人來講，可能會覺得有啲膩。至於海膽卡邦尼意粉，海膽味道鮮明，搭配培根同意粉，味道幾正，令人唔會覺得單調。不過，海膽嘅量可能可以再多啲會更好😋😋…查看更多