Miss E的個人專頁

呢間咁嘅安南牛肉粉差到不得了！真係唔明點解所有差嘅餐廳都可以咁多人食！呢間咁嘅越南嘢，差中之差！所有食物勁重味精，叫咗豬扒撈檬，豬扒湯粉絲，三寶撈檬，個蒸粉包啲皮厚到不爆，啲餡又唔得，食咗一舊豬扒已經勁口喝！另外竟然外賣盒加膠袋仲要收各兩蚊，咁樣即係$4仲要加一，完全冇提過膠袋都要收兩蚊囉！奉勸大家唔好去食！簡直係不知所謂嘅連鎖店，唔怪得而家個個都唔想喺度食嘢，又貴又唔好食！如果去到杏花邨商場真係寧願食麥當勞都唔好食呢間嘢！…查看更多

第三次嚟呢間位於銅鑼灣食街嘅西班牙餐廳，我自己就覺得好好食，好正宗，侍應服務態度好，值得一試！ 麵包🥖軟軟地，新鮮焗，好好食Cheese Platter 🧀 芝士夠香蛋餅入面好多洋蔥 多好香西班牙海鮮飯🥘好足料 味道好好豬腩肉同蝦都好好食意粉軟硬度適中 但比較淡味總括嚟講呢間西班牙餐廳好好食，暫時係香港食過嘅西班牙餐廳中較正中，會再幫襯！另外，但餐廳仲有露天座位，可以帶埋寵物喺出面坐👍🏻👍🏻👍🏻！…查看更多

經過呢間餐廳好多次，每次都好多人食。今日下晝終於試到喇！啲嘢食好好食，味精少，食材新鮮。我哋分別嗌咗蕃茄蛋湯面，小雞炆香菇，宮保雞丁，頭盤叫咗半隻雞同埋鍋包肉。份量都大碟，味道一流！睇到好多評論話態度好差，但我想講呢間餐廳股務質素好好，我哋本身坐第二張枱，但我哋想坐窗口位，即使啲食物嚟晒，店主都即刻幫我哋掉位，態度一流。唔知嗰啲惡意留言係唔係其他餐廳對手專登惡意攻擊？建議大家真係應該要試一試，我就一定會再返嚟食！…查看更多

今次已經係我第三次幫襯呢間以音樂為主題嘅西餐廳，餐廳位處於銅鑼灣鬧市，相當方便。呢度嘅裝修充滿格調，仲有個打碟嘅位置，間唔中會有DJ駐場。雖然今日我去嘅時間未有DJ打碟，但係就充滿Halloween嘅氣氛。***新英倫粟米周打湯🥣🌽呢碗湯非常咁濃郁，入邊仲有洋蔥粟米西芹等蔬菜，仲有一粒粒嘅煙肉。我哋額外加咗蜆肉，啲蜆肉大粒又鮮甜，好足料👍🏻成個香味都提升咗***蒜蓉炒蘑菇🍄蔬菜類就叫咗個炒蘑菇，份量好多，雖然望落好似冇咩特別，但係一口咬落去嘅時候會食到好香嘅牛油味，啲蘑菇亦都非常爽口***黑松露雞翼🍗小食就叫咗黑松露雞翼，雞翼上面嘅黑松露醬好入味，外脆內嫩，加上有少少配菜，非常唔錯***燒羊架🐑呢個羊架係我每次嚟都必定會點嘅餸菜，四件大大件嘅羊架係先經過慢煮再拎去燒，加上有啲香草，充滿燒烤嘅風味，好彩有炸洋蔥圈同埋大啡菇***芝士蕃茄意大利雲吞🍅蕃茄味道非常濃，雲吞皮亦都唔會太厚，芝士嘅份量啱啱好，所以唔會覺得太滯…查看更多

銅鑼灣嘅餐廳實在係數之不盡，今日咁啱經過希慎廣場嘅food court，咁啱想睇下有冇泰菜嘅時候就比我見到呢間Chatuchak。初初諗住快餐形式都唔好抱太大期望，點知叫咗幾樣嘢都有驚喜😉***泰式蛋漿咖喱飯🥘 $70咖哩味都好出，配上蛋漿好特別，雞扒好嫩滑，送飯一流👍🏻***泰式乾炒河🍲 $98呢個乾炒河都幾多料，炒得香口，不過我份量好似略嫌細份，男士可能會唔太夠食***炸蝦餅🍤 跟餐加$24個蝦餅好彈牙，唔會太油，炸得啱啱好***酸辣扎肉沙律🥗 $48呢個沙律辣到適中，都幾惹味…查看更多

平時成日去天后搵嘢食，今日行過銀幕街發現有海南雞飯食，二話不說即刻衝入去試。一入到餐廳乾淨企理，職員態度亦都唔錯。除咗海南雞飯都有好多其他嘢食，由於得兩個人嘅關係所以今次就嗌咗個餐試吓先。***招牌海南🐓二人餐$175呢個餐都好豐富，半隻海南雞，兩碗油飯，青菜，豬頸肉，例湯，另外加咗$30試佢個肉骨茶。個肉骨茶嘅味道好特別，好重胡椒味，亦都好多料；豬頸肉煮得啱啱好，軟硬度適中。至於個招牌雞就好嫩滑，附上一張執極都好惹味。整體來講都好唔錯，下次有機會再試其他嘢食…查看更多

首先，當日約咗兩點鐘，有個打扮中性化嘅女經理，問佢餐牌上嘅嘢黑哂口面，可能覺得阻住佢收工啦，勁唔滿意嘅面口。叫咗每個差唔多$500嘅吞拿魚腩丼同特選刺身丼。一嚟到見到個份量少得可憐😒精彩嘅事就嚟喇，特上刺身原來係帶骨刺身，真係一生中第一次！吞拿魚腩腥到一個點！真係從來冇食過咁差咁差嘅日本菜😒咁啱有個普通侍應見到，問我係咪有骨？我話係，長食長有，啱止一條，佢就幫我同師傅反映。可能知衰，黑面中性打扮經理過嚟帶番啲好丁丁嘅態度講唔好意思，但吞拿魚腩用話一定係新鮮，我唔知係幾多日前新鮮啦，腥到咁。呢間嘢真係可一不可再，收成$500一個丼，咁嘅質素，食到一肚氣！…查看更多

香港食雞煲嘅地方多不勝數，今次就去試下由來來雞煲原班人馬主理嘅「阿來雞煲」🐔餐廳地方光寬躺，枱與枱之間係用掛簾隔開，私隱度高。牆上有唔同嘅掛畫，幾有特色。***重慶辣雞煲 🌶 半隻雞份量都好多，雞件肉質鮮嫩，醬汁夠香濃，今次只係叫微辣，只係少少辣吊味，啱哂食唔到辣嘅朋友😋 食完雞煲例牌動作就係要加湯打邊爐🍲眼見都相當多選擇，全部可叫半份，可以試多啲唔同嘅食物！響鈴新鮮炸起嚟到仲係熱辣辣💥，打邊爐輕輕焯三秒已經可以食！另一食法可以沾埋個甜酸汁就咁食，香脆可口***深海龍躉片 🐟 魚質新鮮，爽口彈牙***即包鮮蝦雲吞 🥟 雲吞係自家製，内餡飽滿🦐夠哂足料***手打🦐滑及珊瑚蚌新鮮手打入口彈牙鮮味***紐西蘭羊肉片 🐑 超嫩滑羊肉，無羊羶味👍🏻***蜂巢豆腐·鮮腐竹·油麥菜 🥬 · 野生竹笙蔬菜類亦好新鮮🥢***蒜泥白肉 🐖 ：脆口不膩 入口即化 配蒜味十足嘅沾醬汁😋阿來客棧 (銅鑼灣)📍銅鑼灣渣甸街50號渣甸中心25樓☎️2577 7880…查看更多

駱克道出名多酒吧，今次行過經過見到呢間「洗衣鋪」點解會喺呢條街出現呢？原來係一間裝修特別嘅酒吧！見晚飯之前仲有時間就入去飲番兩杯。入面簡約風嘅裝修令人舒服，打卡一流！入面嘅職員亦都好友善，值得一讚👍🏻👍🏻***門口好有特色😁😁 一入到嚟就有個打卡位Pink Laundry 易入口，啱哂女仔飲 🍹店員會問客人想要偏甜定偏酸👍🏻King Ginger 🥃 薑味比較濃，味道幾特別，同樣店員都會問想薑味濃啲定係淡啲👍🏻👍🏻呢間酒吧絕對值得一試，店員態度友善，又有打卡位🤘🏻🤘🏻…查看更多

西灣河太安樓出名好多嘢食，次次經過「小老板」排哂長龍。適逢今日早放工，就諗住睇下多唔多人，結果條人龍未出現就即刻買外賣試下。小店只供外賣，食物價廉物美，全部即叫即做，當中生煎包同鍋貼都係人氣之選。今次買咗雲吞擔擔麵（$32）、生煎包（$10/3隻）、生煎鍋貼（$10/3隻）同埋紅油抄手（$25/8隻）🥢🥢***雲吞擔擔麵 🍜 入面嘅雲吞大大粒，個皮又薄又滑，菜同肉嘅比例啱啱好，配充滿花生香嘅擔擔麵簡直一流👍🏻生煎鍋貼 🥟 同生煎包兩款食物都的的骰骰，底部煎得硬身脆口，餡料豐富，湯濃肉香集合於一身。一口一粒，非常富有層次感。兩樣食物麵田充滿上海風格，非常好味😋紅油抄手🥟皮簿肉彈，內餡飽滿🍲十分推介！總括而言，呢間小店性價比非常高，下次一定會試埋其他食物🍴🥢🥡…查看更多

朋友介紹呢間位於西營盤嘅泰國菜，終於有機會一試，果然無令我失望。兩個人叫咗兩個set lunch，有湯、頭盤可選擇木瓜沙律或者魚餅，主菜叫咗豬頸肉同炒金邊粉，兩個主菜嘅份量都好大；豬頸肉煎得啱啱好，炒金邊粉非常足料，有蛋絲；冬陰功反而有啲美中不足，隻蝦有啲唔新鮮，梅梅地。呢度全部都無落味精，食完一啲都唔口渴，另外我地叫咗兩個椰青，都好甜。職員亦都態度好好，好友善！至於地點方面，亦都好近地鐵，下次一定會再幫襯💪🏻…查看更多

呢間餐廳最近商場門口嘅第一間，所以人來人往，亦好多人食，嗰日去到係滿座嘅。首先個染咗金髮嘅經理態度係好差，唔比我地叫A La Carte，話要等好耐，餐牌都廢事比，叫我地只可以揀set lunch。咁都算啦，可能人手唔夠，結果我地三個人三份餐等咗成50分鐘。我地分別叫咗兩個串燒餐，一個雜錦魚生飯餐。個幾條串燒唔止無味，仲好硬，咬唔開，又燶哂；個魚生飯好勁，用沙律醬撈啲魚生，真係傳說中嘅暗黑料理！飯，唔好講係咪日本飯，唔係不特止，仲又硬又凍…查看更多

上網見到呢間野都幾多好評，咁啱喺附近就諗住試吓啦！嘩，點知除咗一個伏字，冇其他嘢再可以形容！首先碗嘢啲料少得非常之咁可憐，兩塊迷你木耳，兩塊極硬腐皮，好硬嘅米線同幾片好細嘅魚塊！！佢聲稱係用魚熬製嘅湯，成碗嘢係冇味仲要好多味精，真係好意思要索取$60大元！嘩真係，$60唔係問題，但個人認為呢碗嘢嘅$1都唔值！真係連鎖店嘅米線都好過佢多多聲，平又平過佢，抵食又抵食過佢，真係餸都唔會再食呢碗嘢，浪費晒個胃啲空位！…查看更多

我去過呢間餐廳去過兩次，只食過一次，但以後以後以後都唔會再幫襯！第一次我想叫＂叉燒煎蛋飯＂，餐牌上張相隻蛋係太陽蛋，我就問個呀姐可唔可以轉反蛋，個呀姐好惡咁話＂張相唧！反蛋嚟啦！！！！！相係比你睇下唧！要唔要呀！＂，我都係問一句，大佬你張相係咁，我點知你張相係用嚟參考？另外一方面，即係你都唔附合商品說明條例啦！第二次去，我撳咗張飛，佢叫到我嗰陣，我朋友未到，諗住佢唔比我入住啦，點知門口呀姐見到我一個人都照叫我入去坐，咁我就一路等我朋友。等咗５分鐘左右，另一個呀姐就好惡咁話＂喂！你未人齊唔好入嚟啦！仲要等幾耐呀！出番去！出番去！＂我話＂咁你地頭先唔好比我入啦！＂然後佢就趕我出去。好啦，我又再撳飛，但係我一撳又到我，然後我就同之前鬧我個呀姐講＂未人齊呀！＂，點知３０秒前趕咗我出嚟嘅佢已經唔認得我，又再喝我叫我入去，我又再講一次＂未人齊呀！頭先係你趕我出嚟呀！！＂個呀姐即刻唔出聲。之後我嬲到走咗，一世都唔會再去呢間垃圾餐廳！…查看更多

好耐之前朋友之前已經提過呢間餐廳嘅雲吞超級超級好味，但因為地點唔太就腳，所以一直都未有機會去試下。嗰日終於去開附近，就決定一定要一試！試完之後果然名不虛傳，雲吞個皮好薄，細細粒粒但係好好味，酸辣粉都好大碗，煙韌度非常適中，我揀咗中辣湯底，自己唔算好辣，但係好夠味道！食緊嘅中途都見到好多人買外賣，我仲買咗50粒生雲吞打包番屋企！多謝老闆同老闆娘嘅用心，在四川嘅風味帶嚟香港，希望繼續多生意，等我哋繼續可以有得食咁好味嘅四川菜！…查看更多