少欣子的個人專頁

今日出嚟做嘢，見有時間可以食嘢（再唔食可能第一餐就變晚餐）經過The One，諗起講咗好耐想試呢間，今日決定落去食。去到要等位係意料中事，好彩好快就入座。男侍應細心提醒今日啲嘢食要等耐啲，我諗星期六等耐啲都正常…喺要趕時間去下個工作點嘅情況下，於是喺餐牌點了公司三文治，應該耐極有個譜，好彩一陣就到了…放好幾個推介餐牌襯好位置諗住等埋杯豆乳奶茶可以影相打吓卡，好味嘅可以同朋友推介，擺好晒位，等到杯茶送嚟，點知個女侍應問放好杯奶茶，問都唔問就鬧落嚟話餐牌唔可以攞嚟墊，就收晒所有擺好嘅餐牌走。我連回應都未講就走咗去…嘢食再好食，有啲咁嘅女侍應…真係好趕客。因為今日趕時間，本想下次嚟試想試好耐嘅主打甜品，但今日經歷呢次……查看更多

一間餐廳可以喺一個網頁成為2024嘅同區美食推介第2間介紹，一上嚟睇就3百幾篇食評，有時一星期可以有數篇，令到我更有信心去試。我同朋友都係問到想食咩都隨心，但今次令我寫食評，係佢哋嘅梳乎厘班戟。餐廳位置比我想像中易搵，入到去啲位都好舒服…朋友有嘢唔食，所以揀咗寬麵。之後叫佢嗰牛肉口味嘅漢堡睇佢細細個，但好足料，漢堡非常有口感，Yummy 。有漢堡點可以冇薯條，揀咗三重芝士味，上枱熱辣辣，正呀。甜品一定要留肚食，今次試咗一款拖肥醫梳乎厘班戟，食第一啖已經好想繼續食，平時好怕飽膩嘅梳乎厘班戟，今年試過3間有同類甜品嘅餐廳，呢間嘅我會再試哦。…查看更多

放半日，最好嘅活動就係見舊同事嘅小朋友。我哋喺同事時，暑假一齊放工去美食博覽，自從有小朋友喺我哋身邊，放暑假就係搵小朋友啱去嘅地方，今年揀咗呢度。朋友住香港區好容易嚟到；相反我出地鐵站後就迷路，簡介寫行5分鐘，我行咗15分鐘。行到門口見可愛嘅佈置，遠望會開心叫「終於搵到啦」。平日人不多，連埋我哋有3枱，最鍾意平日去呢啲地方唔多人，唔嘈，傾計都傾得輕鬆多…出去叫嘢食，戒凍飲多時嘅我都破戒一次，睇相點了杯特飲（橙紅色，非常有夏日感覺，好靚，仲有粒玫瑰花冰）因為朋友食全日早餐，我再點了帶子意粉（因為去到見到囡囡已經KO大部分全日早餐，所以唔想朋友冇咩食到，意粉嚟到就俾咗佢食先）係我可以接受嘅味道，不過不失。最後重頭戲甜品，小朋友早已諗好一定要食Bear Bear甜品，所以最後點了兩款…3個人食，當然食得最開心係小朋友，最點了士多啤梨芭菲同bear bear芝士甜品（抱歉唔記得名）因為影相影咗一段時間，驚好易會溶或變咗軟手唔好食，但bear bear 喺我哋影完相一輪再食，口感似食雪糕。是日最開心嘅係小朋友，其他客人走晒，佢主動話要去小房子影相，佢應該心郁郁由入餐廳嗰刻心入已經屬意要入去打卡。難忘嘅初嘗，有機會會約其他香港區朋友再嚟。…查看更多

中學老師移民在即，因為疫情轉眼3，4年冇見，唔係老師提起，我都唔記得過咗咁耐了…於是離開我哋相熟嘅區域，出遠啲「搵食」!前一晚先決定餐廳，立即喺呢度網上訂位非常方便，因為工作關係，先由老師以我嘅訂座資料入座，我隨後趕上。以為我出去嗰個時間冇咁多人，點知我去到從門口望入去差唔多坐滿，老師坐低已影餐牌俾我揀，我哋同感一定要加菜，之後一人一個餐，加個蝦餅。老師點豬頸肉飯配冬陰功湯，我點了雞扒飯配椰子雞湯（非常懷念嘅味道，我已經好耐冇煲呢個湯，再次飲覺得非常好味），佢哋煲得好濃，非常合我好味，老師對冬蔭功湯亦大讚不錯。兩個餐同兩個小食（菜同蝦餅）都非常好食，相信好快會再來食的。…查看更多

難得放半日離開熟悉嘅環境出走一下，見到社交平台介紹，所以出走一試，地鐵出咗冇耐就搵到，門口充滿住打卡要點。餐廳之前曾經係MV拍攝場景之一，加上生日應援，令到食物成為次要。不過既然嚟到，午餐下午茶一齊食，因為天氣太熱，破戒飲了凍雪梨花茶（唔記得名，只記得要少甜少冰），同埋桂花蜜雞翼（唔記得全名）。因為影相或就下其他客人影相，當飲嘢時，已經唔咁凍（證明影咗好一段時間），雞翼炸得冇想像中咁乾，不過隻隻都好大隻，$68可能比一些同類餐廳嚟講可能貴，桂花蜜令雞翼食起嚟冇咁熱氣，但見賣相係值得一試。飲品方面，當日太悶熱，飲完杯嘢成個人舒服晒，呢一餐的確食完好放鬆，有放假嘅感覺。…查看更多

自11年前離職都冇喺呢度食，呢間餐廳當年唔係呢個位，今日約朋友過嚟呢邊攞嘢，見返呢間，同朋友講完揀呢間嘅原因，朋友話係我回憶嘅味道。不過今日嚟到最唔慣因為係悶熱嘅天氣喺店裡面覺得唔夠涼（可能冷氣壞了吧）…等到朋友嚟可以點餐時，朋友話可以食一人餐，起初我都猶豫，戒飯多時嘅我已經好耐冇食咁多飯（最後好努力食咗半碗）…如果食晒啲飯，我應該忙足一日全日唔駛食嘢。不得不提，個湯真係好足料👍🏻滿足嘅一餐😊…查看更多

早前睇過Maggie 嘅社交平台 post知道開分店已經好期待，早前知道開始試業已經心郁想試…最後竟然可以喺試業最後一日，因為突如其來嘅假期，所以約到出嚟洗牙，落車見仲可以有時間食個快飯，所以嚟到分店…可能平日人流關係，今日唔多人，相比上次總站嘅星期五下畫，同今日星期二下晝，今日喺分店坐得輕鬆啲…感覺上座位應該多過總店（好似）試總店後非常掛住佢哋嘅復刻奶茶同牛燥飯…但係轉頭睇牙嘅關係，試清啲先。佢哋有QR Code 俾客人自行點餐，非常方便。好多嘢都想食同再試，但最後由於時間關係，簡單點了餃子同茶就夠…由於試業期間（今日最後一日試業）仲有台灣腸送。期待…正式開業，我可以好快有時間再嚟試其他嘢…2021年頭試總店；年尾試分店…尚長商號繼續做好，加油。…查看更多

喺西環出世嘅我，今日同素食舊同事嚟試食素食版High Tea ，今次係有地鐵以嚟第2次返西環試素食餐廳（點解細個嗰陣冇咁多好味嘅素食呢？）因為老地方，對我嚟講非常易搵，今日遺一美中不足係廚子病倒，唔夠人手，坐咗好耐先有嘢食…不過每個人都會病，無人想嘅…呢個下午茶比我想像中好食，起初舊同事驚唔夠飽，但食到最後我係食唔晒，我最欣賞係兩款蛋糕，食完令我有衝動想去學整素嘅芝士蛋糕同素朱古力蛋糕。雖然一直都冇食過真正嘅High Tea，但係呢個素High Tea，我都很喜歡。…查看更多

聞以食為天，連假第一日，當然以「食」為先，朋友即興話想試梳乎厘Pancake，所以就嚟了。假期第一日都擔心好多人，幸好比我哋想像中快等到位…好耐冇試假期等半個鐘位就可以入到餐廳了。正餐都未食，所以決定鹹甜點各一，意粉好好味，食埋個Pancake ，剛剛好，一般都係甜品配咖啡，但係最近愛上伯爵茶，所以今次揀咗配伯爵茶，配甜品一樣係好夾。好味嘅食物，慰勞連月嘅忙碌。呢一餐非常值得。期待下次嚟試朱古力味梳乎厘Pancake ……查看更多

是次是5月壽星生日飯，我們一行九人到泰豐樓因為難得我們九個人一齊出來(次我們九人一起用餐已經係一年半前了)所以我們提早了訂枱，服務員也很細心事前致電提醒，而家好少中式食肆會咁做雖然我們傾多過食，但係真係呢一刻我仍回味當晚嘅美食這裡的白切粉皮好好食，係一個好好的開胃菜。我最愛是這裡的北京片皮鴨，剛巧我們整枱人食片皮鴨也喜歡沾甜醬，所以我們食到唔夠醬..仲有一樣是我們點都估唔到，我們一直追加的前菜的泡菜食完兩碟再攞兩碟^^而家大家多數會去酒樓作大伙兒的聚會落腳地，但係偶爾嚟呢啲有點京式風味的食肆感覺也很不錯！…查看更多

一餐約遲咗一個月的生日飯因為我同一位識咗十七年生日只差兩天嘅朋友 一齊慶祝生日感謝朋友介紹，我第一次來到這裡，知道要等位，同埋限時用餐(90分鐘)心想食完可以行街也可以吧 所以就嚟呢度叫咗三樣嘢 海鮮湯粉絲、牛仔骨(是他們每次必食)我選了雞肉炒年糕點完餐上了前菜，比我想像中辣一點海鮮湯粉絲，剩餘的湯係泡飯不錯的選擇牛仔骨係我喜歡嘅食物，但係這次好像乾了點雞肉炒年糕，唔辣，竟然帶一點甜味，幾特別，我覺得不錯^^感謝你們這次生日飯，我想我會再來 …查看更多

剛新婚同學搬到大圍 ,樓下的美食香味一而再再而三吸引我哋去食,煲仔飯,我個人喜愛蒸魚個款,好鮮味,個飯好正...同學鍾意田雞滑雞飯,足料又惹味...不得不提當然係雞煲,之前冬天試過堂食,辣得好夠味,今次因為我哋傾功課,要麻煩同學老公幫我哋外賣一個,回家煮飯加餸,外賣可比堂食差,返到屋企邊煮邊食令我哋一餐好滿足打氣晚餐...…查看更多

2010-08-11@早日打電話去旺角店訂位，尋日下午都打嚟同我落實BOOKING~去到竟然話俾唔到枱我哋要我哋過尖沙咀店。仲可以有的士錢攞返同埋當晚$20現金劵送番。去到由地下服務員請示後，上去即時俾枱我哋喇(雖然走到其他區，但感覺到佢哋都係有誠意做生意的)，見到門口好多花牌睇嚟真係剛剛新幾日吧! 除咗日式嘢俾大家揀，仲有好多泰越特色美食^^ 款式令人滿意單都未落，就先送每人一客泰式雞絲翅；日式方面，尋晚刺身叫咗兩次，材料新鮮；整得啱啱好，口感一流；燒物方面，雞翼燒得太乾身，唔算好食；蒜片牛粒，蒜片多過牛肉粒，好難先搵到一粒牛...泰式方面，泰式蝦餅係一個唔錯選擇；牛肉串燒剛剛好，唔會過火；可是，冬陰功炒大蜆比我想像中冇咁好味..唔係好得~甜品一定要讚，木糠布甸，好味到友人打孖食；桂花糕係我至愛糕點之一，好味；芝士餅（焗餅），好味如果唔係已經飽我一定會有叫～總算呢次誤打誤撞都唔係白行的! …查看更多

2010-08-09@ 响附近返工已經3年,因為呢卧消費貴,一般都係帶飯多。今日冇帶飯,結果就走出去「搵食」地方唔逼、大大隻字「,碟碟$8」；可是只限50分鐘用膳時間(對我哋打工仔嚟講ok喇，50分鐘夠晒,分分鐘有多添^^款式都算多，無論刺身定壽司都係碟碟$8 = 壽司,除「花之戀」之外，每碟都係兩件起；刺身除咗「甜蝦」多是三件」...一分錢一分貨! oki喇...此外，$8一碟,或許大家都以為比較無選擇,較隨意，但呢度款式一點也不馬虎，用料新鮮：好似三文魚，北寄貝刺身都可以係唔錯嘅選擇；軍艦壽司材料都好豐富，好多款式；如果你係食新鮮帶子壽司同海膽壽司朋友，更超值喇，可以用一個咁經濟價錢（$8兩件) 食到呢兩款平日較高價的壽司,一定物超所值!…查看更多

呢一晚同三個中學同學聚舊，4人連飲品每人都唔駛$170 。可能有人會話...呢個價錢食放題仲抵，但放題應該冇呢度咁嘅質素...所以呢一次，初嚐Monster Sushi 感覺不錯～應該有下次。之前訂咗枱話只係可以坐個半鐘，但後來我哋竟然可以唔駛比人趕之餘仲坐多咗個半鐘。好彩走得快，因為我哋一走,門口就開始陸續有人等位了...呢一晚叫咗好多壽司同小食，之後就聽到付侍應推介＄49兩杯冇酒精飲品。所以呢一餐真係好滿足^^三文魚壽司：新鮮、好味；帆立貝壽司：夠大隻，口感十足；赤貝壽司，北寄貝壽司：新鮮，爽口；海膽壽司：好足料；蟹子沙律：青瓜先去皮，所以整個沙律口感變得更滑口；玉子燒：都係一個不錯選擇；有一款新推介的什菌薄餅：好味～…查看更多