doubleU.wen的個人專頁

一間特色cafe，入嚟打卡，影下相，食dinner is very oK，打開Menu已經唔係平時既Menu design，上面啲菜式都比咗啲唔同既名落去，有啲真係見到，都唔知點算好，趕人走唔好叫，定係點😂，所以都係避開咗啲真係好普通，又無期望無失望既菜式。因為我哋唔係太肚餓，所以都只係叫咗個pizza，同小食; 因為我哋去果日餐廳未領酒牌，所以無得叫酒。而杯咖啡，個咖啡底有啲豆腐花，咖啡面有豆腐雪糕，都ok，有啲特別，唔難飲既！…查看更多

去西九睇樹，大大棵聖誕樹，沿途都有好多好多人，諗信搵間餐廳食，都唔容易，最後揀咗呢間意大利餐廳食pizza，生啤可以揀大杯細杯，少少地叫咗2杯細既，而2杯細既，同一杯大既價錢係一樣，所以唔夠再加都唔遲。因為我中意食無肉既pizza ，所以叫咗 Quattro Formaggi Pizza，好香芝士味，Pizza底係薄既，所以燒出黎好脆，不過要趁熱食，如果唔係個底會開始硬。都係因為人多，餐廳又揀咗用吧枱，坐就唔係咁好坐了。…查看更多

食物真係選擇不多，價格一般，留意唔好超時7:30，唔會有人提你，過咗7:30，價錢會貴少少，不過，基本上平民韓燒就係咁上下，餐具乾淨程度有待改善，但自助吧夠寛闊，整體都係舒服，唔會有壓迫感。熟食都有啲選擇，任飲任食有提供啤酒，都算係咁。。啲肉類都係正常發揮，唔係特別好食，但又不過不失，都乎合價格比例。海鮮有蝦，有尤魚，都可以啦。甜品有泡芙，啫喱等等。如果住附近，都係一個選擇，但要吸納外來客就未必得了。…查看更多

任飲任食高質打邊爐，6點開始就可以入去，慢慢飲下野，等下朋友到，唔使急急腳去食，食到10點幾先走，絶對休閑既一個晚餐，而餐廳外有個露台，唔怕高可以出去感受下，當日天氣剛好不錯，影下相，帶杯酒出去企下，傾下計，再入返去坐，繼續食又得！個餐一開始就會有啲靚啲既肥牛，響鈴，咸蛋魚皮，仲有既款特別既打邊爐料理，2個人食，非常足夠，另外好多款式老係用手機📱落單，好方便，唔需要叫人黎收紙，環境乾淨，係啲餐具有少少唔理想。…查看更多

黎赤柱食西餐先有feel，呢間outdoor望住個海，天氣又唔熱，可以放空一下。叫咗2個set，飲品轉咗啤酒同cocktail，可惜無得揀，係指定。啤酒係青島，cocktail就唔知道了，飲落有少少海鹽同薑味，甜甜地，都ok~前菜唔係平時食開既芝士波，比較特別，配紅莓醬，唔係香港人口味，不過都幾好食。另一個就尤魚圈，正常發揮，好食。主菜係蜆肉意粉🍝，同baby back ribs，2個都好好味，細食都唔知食唔食得晒。最後，上埋個芒果味甜品，有點酸，又有點甜，有啲椰汁味，加加埋埋都幾重味。整體氣氛幾好，平日無乜人，唔嘈…查看更多

好耐冇食過中菜，所以隨便揀一間食，見呢間都幾靚，就入去試吓啦。朋友叫咗個黑蒜湯，味道濃郁，雖然黑色，但絕對唔係苦茶，鍾意飲湯嘅，可以叫返一碗試。另外叫咗個鮮菠蘿咕嚕肉，鮮菠蘿好甜，點埋啲咕嚕肉汁，食落好開胃，而咕嚕肉更加出色，咬落去又脆又林，鍾意食咕嚕肉嘅，一定要點呢一個餸，再加碗白飯，絕配！仲叫咗藥膳木桶雞，呢個雞就有啲鞋口，唔夠，但藥材味足夠，唔算整得太好，可能因為咕嚕肉太出色了！我哋仲一人叫咗一個蟹粉小籠包，記得食嘅時候放個碗喺下面，因為絕對會爆曬啲汁出嚟，所以最後都係將佢拆解左放落個碗食。蟹油好多，好香，食過返尋味。…查看更多

⁉️先講個爐：我真係唔識咩係炭燒爐，聞唔到炭味，亦見唔到啲炭。🧐講講配菜：一細兜芝士粟米，一份芽菜，一份椰菜，一份茄汁蛋卷，一份泡菜，另有一大甖泡菜；當我哋想refill 芝士粟米，蛋卷，係無既❌🌝，淨係得芽菜成功refill。呢個體驗，真係得來不易，其他韓燒未見過。🌛😋講講主食：唔想諗食乜，可以叫2人餐，乜都有，頭盤帶子季節和牛卷，上面有魚子，口感豐富新鮮賣相高級；菜新鮮，無燶葉；牛夠香，牛脂平均；豬厚度適中，燒到7-8乘熟，建議剪開一條條燒至全熟；雞肉嫩口，燒耐少少唔怕。🦐講講海鮮：紅竹蝦，一隻對半切，一人一半咁溫馨，Anyway新鮮好食。😂笑話甜品：嗱！係提拉米蘇，個甜品本身係無問題既。首先係，我地未食晒，就黎搵我哋問last order，我明嫁啦，一號風球🌬️催還枱嘛；之後無耐就比張單你💵埋單；okok，未上齊野就埋單😌；好啦！叫人上埋個甜品，比返張枱你哋喇！；🫣之後見到呢一幕甜品齊齊派🤭隔離枱都未食到三份一就上甜品，高級餐廳黎講，都幾求其🫢🫢🫢。原來係-富臨集團出品…查看更多

晏晝唔怕食多啲，叫個200g牛餐，配菜任食，沙律任食，嘢飲任飲，包你吃飽飽出門口，當然要留意last order時間，唔大食就叫150g就夠數，因為配菜用QR code落，last order前點定食幾多就ok, 我入去之前無睇清楚定食個餐有咩，所以有啲野食叫多咗，不過因為我食到好多野，都無浪費，入去前問過有無溫泉蛋叫，職員話無，但原來個溫泉蛋係連飯一齊叫，早知就叫佢個餐唔好上白飯，加10蚊要個有蛋既就唔浪費左佢大半碗。。。上菜速度快，記得叫任食果啲之前，等個餐上咗先，唔夠食先加都未遲。。係我心急咗啲，咩都想食🤪。。最後仲點咗幾粒泡芙，甜一下，過咗少少鐘都唔會催趕，感覺環境舒服，唔算大間，夜晚應該要等位了。…查看更多

想食蠔，又唔想去酒店自助餐，所以揀咗一間專食蠔既。店員都好有心介紹，所以叫咗個有唔同國家試既蠔，另外都有$10一隻蠔。我哋仲叫咗個軟殼蟹意粉，煮得唔錯呀！又彈牙，又香口，煮得比想像中好。10月又有任飲優惠，吸引下次再嚟試，聽店員講每次$10蠔都係唔同地方。所以每次都會有驚喜，鍾意食蠔，真係要黎試下！貴價蠔，當然會有一定質素，有重海水，亦會有肉滿滿既質素，而且10蚊蠔都比酒店好，如果鍾意食蠔，真心可以幫襯下，包你有驚喜！…查看更多

食放題呢間真係首選，有清酒白酒啤酒汽水乜都有，仲有凍蝦，青口，酸辣鳳爪，真係太多太多，一個日式放題，可以做到好似自助餐咁，真係好厲害。加上佢主打日式放題，所以要刺身好新鮮，最鍾意就係食有頭甜蝦，羊假都好淋好香口。串燒嘅款式都好多，上食物上得快，基本上都唔使點等，所以唔使一次過點好多，佢哋嘅職員請枱面上嘅食物都好快，所以永遠張枱都可以擺到野食，絕對係食咁多間放題最好嘅一間。然之後佢嘅甜品都唔少，有名牌雪糕。唔食雪糕，都有生果可以食。…查看更多

冇胃口嘅時候，食酸菜魚係最好，今次行過呢條街，見到呢間感覺好似唔錯，加上指定日子又有折，雖然係指定食物先有折，不過唔緊要啦，最緊要係好好食呀！叫咗小辣比起其他餐廳食嘅酸菜魚冇咁辣，所以好辣嘅人應該要叫中辣，個酸菜魚裏面有啲薯粉，有好多菇，啲魚都唔少，所以$188加上有折，真係好抵食！另外仲叫咗個肥腸，瘦既肥腸，出到嚟係脆嘅，好好食，又唔會覺得好肥。環境又舒服，服務唔錯。有機會會再嚟試其他嘢，想試吓水煮魚係咪一樣咁出色。…查看更多

呢間食焗雞呀一流呀，但係個人蔘雞湯呢，就真係一啲都唔出色，飲落去似例湯？雞湯？冇蔘味嘅湯，除非你擺支蔘落個口咬啦。所以呢個真係唔建議叫。但佢嗰個雙重芝士定三重芝士焗雞呢，就非常非常咁好食喇！如果知道呢個咁好食就一早嗌兩份雞啦！下次想試埋佢個炸雞，佢呢個焗雞呢就唔會話好熱氣嘅，中間仲有個提子包開咗窿放啲芝士落去，好足夠俾你點晒成盤雞㗎啦，最後連個包都食得，不過個人就唔係咁鍾意食提子姐，個包甜甜地㗎，甜餐包嚟㗎，好味！環境都坐得好舒服，唔會好擠迫。…查看更多

晚市揀咗SRF餐任食90分鐘放題，我覺得好抵食呀，每一份牛嘅質素都keep到，我個人鍾意SRF牛，我朋友就係鍾意另一款平啲嗰隻啦，所以其實下次可以揀最平嗰餐都好滿足㗎啦，平嗰個餐都係198一位，我呢個餐兩個人加埋都係54X埋單，性價比高啊，菜都幾多款揀，有油麥菜，生菜，羽衣甘藍等，嘢飲任飲都唔錯，有罐裝茶，汽水，紙包飲品，有自己唧嘅軟雪糕，仲有幾款壽司，太多選擇啦，一定會再嚟啦都未試晒🤤仲有啊，呢個餐有水魷。滿足！…查看更多

Lunch食咗間唔錯既韓燒，兩個人叫咗 $308既Set，包兩碗白飯，配菜同蛋都同其他韓燒餐廳一樣任添，唯獨係冇菜跟，如果要就要加錢啦！呢間韓燒啲肉醃得好好，就咁食都唔會太鹹，店員都好主動幫你添配菜同蛋，服務唔錯，加上我比較晏先去，坐耐啲都ok，餐具同環境都幾乾淨，個爐燒到污糟晒店員又會幫你主動換，唔知道夜市會唔會都係咁好呢，下次會再嚟試吓。跟餐個韓牛好好食，夠林，又夠牛味，食肉無菜包，自然就食多咗飯，如果飯都可以任加就好了，最多咪食多你半碗😂。…查看更多

呢間之前都想試，今日趁着係平日，又係下午茶時間，冇乜人等位所以就入去食啦！鳳梨蝦芝士燴飯:一上枱啲芝士就卜卜卜卜咁樣，趁佢熱就即刻同佢啲飯撈埋一齊，食落去都有調味辣，其實都可以稱之為唔辣嘅，份量都唔少㗎，成個飯有鳳梨既甜，加上芝士嘅香味，好好食，不過啲蝦就比其他味搶晒嚕！火辣秘製炸雞：叫咗六件炸雞，好好食，就算話係火辣都唔係話真係好辣，果醬甜甜地，啲雞炸到啱啱好，有啲係雞胸肉，有隻雞翼，有隻雞鎚，估計係半隻雞啦！炸粉都唔係話好厚，整體來講，我覺得必須要點炸雞，下次可以試吓其他味。最後叫咗兩杯嘢飲，嘢飲既present都幾靚丫，好飲既！一杯係柚子汽水，令一杯係荔枝味低酒精嘅酒。…查看更多