food.ologist's Profile

同朋友約左係附近飲咖啡，點知我哋好失策，竟然唔知道原來嗰間舖頭只有外賣同埋冇嘢食，求其入隔離坐低食啲嘢。入到去發覺價錢唔平，不過對啲嘢食期望都高。朋友要咗個小炒，正正常常都算大碟，不過佢話啲嘢偏lum而且都比較濃味，好在我哋兩個都OK食濃味嘢。不過我就完全中伏，叫咗個有推介嘅黑沙嗲牛肉炒蛋，成$50我真係好有期望。第一啖食落口已經鹹到想吐出來！啲黑沙嗲究竟用咩做？我食咗幾啖，法國啲炒蛋係冇味，但啲黑沙嗲唔知落咗幾多鹽，我仲要無叫飲品，咬咗兩啖比錢去隔離7-Eleven買咗一大支嘢飲⋯⋯…Read More

Recently they changed their bakery menu and you would get different pastries or dessert at different times of the day. This time I got there when they had their creme brûlée cheesecakes out. I mean who can resist it?However to my disappointment the cheesecake was a bit too moist and not dense and cheesy enough as expected. It wasn’t bad, like I still finished the whole thing but I really wouldn’t recommend or order it again.…Read More

一直都好鍾意食韓國食物，最近去荃灣食飯第一次食呢間，原來係連鎖店，但食物出品真係得！一入到去店員已經會拎泡菜、蛋同芝士粟米過黎。爐邊一邊係放粟米芝士，另一邊則係先放泡菜再加蛋漿，好吸引！連同其他前菜無限添加，真係就嘎咁都飽。呢家有promotion叫滿$500就可以以$1加購限定菜式，好抵！醬油蟹一隻包一碗蟹膏飯，就咁食已經好正。醬油蟹新鮮鮮甜，有保證！另外叫了兩個肉，牛五花性價比高，抵食。牛肋骨近骨位置多筋，但調味用肉質一流！最抵係$1加個海鮮pancake，食唔曬第二日煎返佢仲脆仲好味！…Read More

早一兩個星期見到美心西餅出左呢個蛋糕已經好想食，咁啱要慶生，當然就要買呢個蛋糕啦！❤️❤️呢個美心Mochi芒滋蛋糕有好幾層，面頭係菲律賓芒果，都夠曬大粒，又夠甜，擺係d燒糯米糍旁邊真係好吸引🤤🤤。到入面先係重頭戲，除左超軟熟的海綿蛋糕之外，仲有好多芒果軟心醬同埋超顏韌既糯米糍，好好味呀！❤️咁大個蛋糕都係$238，好似仲可以有折，真心超抵食，推介呀😄😄😄黎緊仲有生日慶祝，又可以買黎share食，好正！…Read More

跑步經過觀塘見到呢間新開既coffee shop好似幾chill，沖完個涼專登再兩個人過黎飲杯咖啡。客人唔多但可能一杯好既咖啡都係要等。Flat white（$38）拉花都幾可愛的，咖啡味道濃郁不會過酸，不錯。Dirty（$40）其實係將espresso倒入凍奶，唔會攪勻。呢度既dirty亦都做得唔錯，層次分明。店員有幫客人量體溫，店內都有提供搓手液。然而唯一覺得有不足既地方係洗手間比較少清潔，雖然人流不多但地上有較多水跡同紙巾，廁所好似好新但都有異味，始終會有d擔心。…Read More

Always love having a drink or a meal on Civic Square as the ambiance is generally pretty good. I visited Joia a long time ago for food but it didn’t leave much impression.On my return this time, I just ordered a Negroni for a quick drink in the afternoon. The outdoor seats are all full but the indoor ones are equally nice with some pretty sofa seats in pastel and soft colors. The negroni was the quality I was expecting and the price is acceptable for the overall experience. Not the warmest service but didn’t bother me.…Read More

*OpenRice的地標是錯的，請直接用地圖Map search*After a long hot hike, all we wanted was a refreshing drink! You can have quite a few choices - 涼粉冰、紅豆冰、涼粉紅豆冰、奶茶紅豆冰、奶茶涼粉冰，and finally even奶茶涼粉紅豆冰🤣🤣I got milk tea and red bean, and I think I could’ve asked for less sweet but I forgot to! There were plenty of red bean but just a bit sweet for myself. I would recommend getting the hot milk tea熱奶茶 for the original taste!But our absolute favourite was the 蛋白腐乳西多士, delicious! Never thought a savoury french toast can be that good! Super crispy on the outside too!Really friendly and polite service, we will be back!…Read More

一直都知道黃埔開左間雪糕鋪Sweet Craft，今日終於經過試下。原來有粉雪冰、軟雪糕、鮮奶茶、冰沙奶同氣冰茶。鋪面發覺行日系風，顏色、環境都幾舒服。今次先試試個抹茶軟雪糕，$34都好大杯，外型又好特別，唔錯。食落去第一啖覺得佢偏甜，但慢慢又食到d抹茶味，撈埋下面d脆米又幾好味wo！d軟雪糕都唔算融得好快（可能因為室內食），口感都幾實淨，不過抹茶味可以再濃d！見其他評語好似粉雪冰正d，可以下次試下！…Read More

經過呢間發覺原來佢哋都幾多唔同嘢食，有甜有鹹。唔算好餓就買杯黑糖抹茶牛奶珍珠Black sugar matcha latte with tapioca試下。d座位唔算好多但係都坐得ok，仲要有叉電位，好方便！甜度一早已經調較左，唯一係可以落少d黑糖，但都ok wo，唔會太甜，抹茶味都濃郁既。珍珠外面少少偏腍，但咬落去都係煙韌，但就係日本茶飲店既感覺，同台灣嗰d唔同。下次我諗我會試下普通抹茶，抹茶味濃，應該都真係好飲！…Read More

千兩其實真係幾好食，不過有時叫下叫下都幾貴。今次經過見到有推廣-特選刺身拼盤 Supreme Assorted Sashimi Platter有半價優惠，$590-》$295！有8種sashimi，連拖羅、牡丹蝦嗰d都有，全部新鮮，四個人share就啱啱好！兩個人share都基本上叫一兩件壽司就夠！有個新的唐揚螢光魷魚都幾得意，第一次食炸螢光魷魚，不過可以選擇我都係要普通嗰d！另外炙燒左口魚裙邊壽司一定係每次必點，真係做得好好味！…Read More

之前係銅鑼灣其他coffee shop飲到一肚氣，決定今次對自己好d，過黎利園飲杯咖啡食件cake。蛋糕種類都算多，不過唔係好特別。最特別strawberry lemon mousse cake好靚但我地無試。蛋糕唔會太甜，擺盤靚。人手唔係好夠，店員基本上無停過做嘢，都無辦法。咖啡等左比較耐但係質素唔錯，酸度適中，如果再熱d會更好！見到佢d set menu not bad，下次可以試，始終環境比較好，又比較安全有保證！…Read More

Noc seems to be a big hit these days as I always see a queue in different branches. I got their loaded potato waffle which is on the salty/flavourful side but it’s neutralised by the avocado and the sunny-side up. Love the weekday where you get a drink with $25 extra. Coffee is pretty good too!…Read More

黎到hysan呢邊行下，經過見到呢間茶里chali裝修都幾ok，好舒服咁，就買杯嘢坐下。疫情關係買完杯嘢飲如果係堂食都有幫客人量體溫。收銀姐姐都幾好禮貌，呢樣唔錯！奶蓋味道唔錯，茶味都幾出。無調節甜度但都可以接受，唔會好似飲緊糖水咁。如果想送禮俾人我諗佢d茶包禮盒都唔錯！環境取勝，飲品唔錯，overall pretty good and we will be back to try some of their other drinks!overall pretty good!…Read More

聽朋友講先知道原來阿元來了開左間車輪餅，專登由觀塘行過來，諗住買一舊拎返屋企食。不過見到佢係即刻整，拎上手熱辣辣咁，都係忍唔住企埋一二面食埋先走。原來除左車輪餅都有d其他小食，都係$12-3蚊，雞蛋餅就貴d！花生麻糬餅都好足料，但味道就無咩特別、有d似食緊格仔餅咁，就係多左d麻糬，不過細細舊好快食曬，好似食格仔餅仲抵。可能其他口味會更好。不過值得一讚就真係唔算太甜，呢樣唔錯！再有機會都可以試試其他嘢！…Read More

下午茶時間見呢間越南粉都幾多人下，入黎試試。一人一個餐，生牛肉河粉個湯香濃d，香茅雞中翼河粉個湯就清d，兩邊都唔錯，不過我就覺得濃d正d。香茅雞翼有三隻都算係咁，炸得幾香脆惹味，三隻之後仲想encore，不過散叫都要$48 4隻，唔抵。下午茶餐送熱飲，凍飲加$3，不過真係好難飲！我要左少冰少甜都仲係好似糖水咁！同左佢地講，我懷疑佢幫我加返d水，變左稀左既糖水！就算再有機會再黎都肯定唔會叫凍飲，熱飲走甜可能會好d！…Read More