francojoan1219's Profile

其實我見食評好似好多都評價呢間餐廳係負評，我覺得都要幫佢哋平反吓，我其實之前都食過佢哋沙田分店，質素唔差，今次嚟元朗呢間分店已經兩次，覺得完全唔差，服務員好有禮貌，食物質素可以，係坐位方面就比較窄。我今次嗌咗部隊鍋套餐，其他散叫，套餐仲有沙律炸雞同埋包飲品，炸雞係熱辣辣，外脆入面勁多汁！個芝士泡菜飯勁濃味，加埋拉絲好正！！個部隊鍋其實都幾豐富，啲材料多到就嚟瀉出嚟！另外散叫咗啲肉同醬油蟹，醬油蟹多膏勁甜！抵食！雞翼就反而有啲失望，好乾同好咸。…Read More

不止一次嚟gaddis食法國餐，原因係餐廳環境夠靚，侍應生由上至下都服侍周到。今次慶祝生日，預先通知咗餐廳，一坐低就講聲生日快樂，好親切。今個月同上個月餐廳有少少唔同咗，今個月呢款最啱我哋口味。依舊首先會上咗個一口包先，牛油味勁香，食唔停口，前菜今次有生蠔，配搭清新，又感受到蠔嘅鮮味！主菜今次揀咗鴨肝批，超讚！！無得彈！！鴨肝勁Juicy ，外面焗嗰層批面好香好脆！！甜品都係同之前一樣，超級好味，朱古力梳乎厘完全可以俘虜哂鐘意甜品嘅人！！…Read More

食物質素中等，性價比一般，但服務非常好，呢個都值得讚嘅！套餐有68折，都可以接受，如果正價就要諗諗先。飲品反而有驚喜，幾好飲。個沙律菜係可以refill ，食得出都幾新鮮。…Read More

突然想食好味嘅日本烏冬，所以搵咗呢間試下，估唔到又有驚喜，平靚正！尖沙咀地區，真係性價比高！！我哋4個人，一坐底就嗌啲基本嘢啦！刺身壽司熟食！刺身盤又幾得意，職員介紹埋順序食法，邊款食先邊款最後食。我哋其中一款芝士蛋卷，好味都震！！真係必試！！串燒有驚喜，雞頸肉係職員推介，我哋試完encore 多串，真係勁香脆惹味！另外有款大蔥雞肉，又係好味到痴線！！我哋食完又encore ！！魚湯烏冬係我哋去食呢間鋪嘅重點，真係好味都癲！！魚湯濃到不得了，又白又濃，啲烏冬係幼身款，啱哂配魚湯嚟食！！…Read More

性價比高，分量質素完勝💯！一向都鐘意試不同燒肉，今次發現沙田有新開燒肉，梗係要試試啦！打電話訂位後，有人會WhatsApp confirm 留位，再俾埋啲餐牌您睇，俾留位訂金後，就會再WhatsApp confirm 。我哋今次三個人，揀咗$598個餐，有刺身、海鮮盤同燒肉，另外加咗$30甜品飲品放題，起初我哋諗住係同平時啲燒肉放題差不多，點知原來係成架船擺上嚟！！打卡贏哂👍👍👍🥩啲肉真係超高質，入口即溶，首盤分量仲要係打孖上，唔係同平時啲放題咁樣，3個就3片，4個就4片，呢度已經完勝其他放題，起碼唔係慳住俾客人！仲要有個即場用日本米煮嘅飯，可以食住燒肉再食啖日本米！刺身就正常，帶子厚肉鮮甜！🦪🦐海鮮盤就會等我哋食完啲肉就送上，職員講係每日新鮮揀貨，呢個真係堅，因為啲蜆一熟就標啲水出嚟彈到我哋，係新鮮先會有足夠水份，呢個要讚！！再講，海鮮分量又係超多，質素又係超高，食得出鮮甜！😋🍰🍦🍩甜品都幾多選擇，驚喜係有我最愛嘅朱古力蛋糕，但佢唔係普通朱古力蛋糕，係特濃朱古力蛋糕，真係極之好味！！水果都有幾款，可惜太飽，食唔哂。所有職員又笑面迎人，又有禮貌，執碟又快，唔會食到成枱都係嘢。…Read More

見呢間新開張，價錢又唔貴，即管試下，打去訂位，其實自己訂得好急，隔一日就去食，好彩仲有位，不過要8點交枱，其實無咩問題，所以即刻就訂咗6點到。去到我哋係第一批客人，過咗一陣就開始多人，舖頭唔大，坐位唔多，但唔迫嘅，坐低就俾份餐牌我哋睇，我哋因為之前食咗下午茶，所以揀咗8件同12件嗰set ,廚師會問咗我哋有咩唔鐘意食，再為我哋整食物，全程都係食完先再整，唔會食物追住嚟，味道同新鮮程度都讚，一定會再嚟幫襯…Read More

呢度海景已經無敵，無論啲嘢好唔好食，都抵哂不過一定要提早打去訂位，因為海景位置好搶手，同埋如果唔係訂6點時段，多數俾唔到枱，因為8點時段通常只有門口附近位置，如果帶酒去，佢哋都會問您要唔要冰桶晚市嚟過幾次，水準不變，服務員唔錯，曾經聽到隔離枱差唔多食完哂碟餸，投訴入面碟餸啲味道，佢哋都保持笑容幫佢哋取消，但大前提係嗰碟餸佢哋已經差唔多食哂呢間酒樓好處係，佢哋唔會趕您走，唔會不斷響您隔離望下您食完碟餸未，因為我真係好討厭嗰啲不停望住我幾時食完就收走隻碟嗰啲！每次去到都會必點佢哋嘅芝麻卷，微甜，好好食…Read More

不止一次響呢間嗌外賣，因為真係超級抵食，份量又夠大，一盒飯係滿到差啲蓋都蓋唔住，之前嗌有折，呢幾次無折扣，但一樣抵食佢哋啲拼盤百零蚊，大大份，平時泰國餐廳啲拼盤都無禁大份，不過我個人喜好，最愛佢哋嘅沙嗲，啲牛肉雞肉完全唔鞋，肉質好滑🍍菠蘿炒飯真係食得出有菠蘿肉加埋落去，唔係只得炒飯底咁！另外我哋每次都會必嗌佢哋嘅濕炒河粉，好好食，個汁整得剛剛好，唔會杰攤攤咁，🍡甜品拼盤又係必嗌，椰汁千層糕好好食，軟軟哋，un un 哋，仲要可以選擇大份細份，唔怕食唔哂…Read More

尖沙咀嘅酒店high tea基本上都食過哂,但唔知點解禁耐都未嚟過呢間high tea,可能係地點唔算太近火車站地鐵站之類掛，不過唔緊要，剛好有朋友生日，即管打去試試，打去訂位原本係waiting list，隔咗一陣就回覆番有位去到有窗口位坐，可以睇埋街景，不過其實都唔算太靚嘅街景，只係望到出面啲人行嚟行去咁嘢食嚟到，我哋嗌咗個high tea set同埋西班牙炸魚薯角，啲炸魚熱辣辣，雖然炸燶咗少少，但都好好味High tea set攞嚟之前，佢哋會放個懸垂架響枱隔離，再擺三碟食物上去，都係一般款式咁，有咸有甜，鬆餅之類，最攪笑係居然有一碟係生果，因為high tea set包括埋生果又真係好少見服務幾好，個個好有禮貌，唔駛叫埋嚟都識加水執嘢…Read More

其實之前想嚟試，因為鐘意佢成間舖頭都紅卜卜咁，不過時間就唔到，剛好星期六有時間，終於可以試到入到餐廳，服務員好有禮貌帶位，叫嘢食時都好有禮貌，我哋入座時間其實未夠鐘嗌high tea set，不過佢哋好細心解釋high tea set要準時3點先出得，不過我哋因為嗌咗其他嘢食，所以佢哋會等我哋食完先再上high tea set松露芝士焗通粉，細細碟，但好好味，小朋友可以自己食哂high tea set比我想像中細舊，但其實我反而鐘意每款細細舊，因為平時嗰啲係大舊少少，通常食唔哂，但呢間餐廳係超迷你款，每舊大細就等於大人手指兩節左右，真係超迷你，但其實夠飽的，因為佢哋Tea set入面係有正常size嘅鬆餅，所以真係好抵食…Read More

入去坐底，就咁擺低幾杯水，頭也不回就走開，攞起餐牌睇完嗌嘢食，無笑容無表情落單，當然我唔係需要大笑大叫咁對住客人咁嘅款，但我覺得呢度唔係大排檔茶餐廳，係咪應該檢討吓員工嘅態度呢？經理要有呢個責任囉！嗌完嘢食，我兩個小朋友同我對坐，嘢食全部響我小朋友頭頂過，完全唔出聲，呢啲服務態度同送餐方式係咪要重新學過呢？食物其實無咩問題，都係大家平時去食壽司啲款式同味道，不過啲刺身未溶得夠雪，減啲分，生蠔就要讚吓，幾鮮甜，烏冬都好滑。不過唔會再嚟圓方呢間幫襯…Read More

想試呢間餐廳好耐，但疫情關係，又停咗晚市禁耐，所以一直無嚟，到有番晚市，即刻嚟試下！經理超級好人，因為停咗晚市好耐，而且有晚餐劵響度，所以訂位一直hold住，經理好貼心提醒幾時可以再訂位，超讚地方其實唔算大，但因為餐廳屬於高層，可以望到哂外面景觀，真的不錯如果生日或紀念日，真係呢度首選，價錢其實算平，幾百蚊一位，唔算貴！晚餐有（湯+多士+前菜+頭盤+主菜+甜品+飲品）真係好豐富，講真出面幾舊水邊有禁多嘢食！佢哋上菜係等您食完先再上，唔會一次過嚟哂！因為最怕係一次過嚟哂，跟住又食唔切，啲嘢食就會凍哂！味道就正常啦！西餐質素！牛扒都好大塊，夠林！欣賞佢連羊都可以整到無咩膻味…Read More

試業期間去食，因為知道有超多人排隊，所以朝早未夠10點已經排，排咗個半鐘，終於第一批客人入座，壽司平靚正，性價比高，食物嚟得好快，不過佢有時間限制，1小時要交枱，但都夠時間嘅…Read More

staycation三日兩夜，兩朝都嚟食buffet ，款式真係好多，中西式咩都有，果汁都好多選擇，仲要每日都有一款好特別嘅健康特飲，唔係間間酒店有，今次兩日早餐都必定攞幾轉嘅嘢食，就係鮮蝦雲吞，真係大大粒，夠爽口夠鮮甜，連個麵底都好好食！西式基本上您講得出都有，反而今次我鐘意佢哋連bagel都有，有時有啲酒店提供嘅bagel係比較乾同硬，佢哋君悅又唔會喎，少少硬，但其實好易咬，因為bagel就係要呢種口感服務員好好記性，第一晚落去訂外賣，第二朝認得我哋，即刻問我哋尋晚啲外賣好唔好食，夠唔夠熱，到第二朝又認得我哋，今次連我哋貴姓都記得，真係要讚呢間真心唔錯，食物固然有番禁上下水準啦！雖然街客要三百幾四百一個，但講真，買服務買佢哋嘅用心態度，都值番哂…Read More

終於試到呢間餐廳，味道正常，一般西餐廳水準，前菜主菜都幾好，我揀咗三道菜嘅set lunch，前菜嘅煎帶子夠彈牙無腥味，主菜嘅三文治有驚喜喎，個包唔係普通麵包，係類似丹麥麵包嗰款嘅酥軟口感，不過夾響入面嘅羽衣甘藍就勁多油，因為舊雞肉太油，啲菜好似浸住咗啲油咁，但舊雞肉其實好好食嘅，唔鞋口。佢哋地方比較細，數埋10張枱都無，但服務真係唔錯，上至經理下至服務員，個個好有禮貌，坐低就會問您要唔要飲品先或者水，就算凍水暖水熱水，佢哋都記得，我自己係要熱水，佢哋每次都會加番熱水俾我。最後雖然好飽食唔哂，但都加咗88蚊食埋個甜品，我揀咗個卜卜甜品，入面有啲酸酸哋嘅乳酪，再夾埋啲好似檸檬泡沫咁，幾開胃消滯…Read More