haileychu1231的個人專頁

超厚蛋既三文治🥪🥪，餐蛋🍳治真係 係好普通既食物，但整得好食，都唔係容易嫁，越普通嘅嘢，越睇得出煮個人嘅心機同技術👍🏻👍🏻。餐蛋治嘅餐肉一定要厚，簿嗰啲雖然好欣賞廚師既刀功，不過真係食唔到咩味囉！午餐肉一定要夠厚，而且仲要煎到燶邊，咁先夠香，雞蛋可以嘅話一定要用日本蛋，但明白成本太高，出邊食嘅通常都會用普通雞蛋，呢一間好明顯係用兩隻或以上嘅雞蛋，先做到咁厚嘅效果，佢個雞蛋有落調味料，帶出咗雞蛋嘅蛋香，再配上半吋厚嘅午餐肉，一啖咬落去，真係好滿足呀。…查看更多

每日都要買下午茶比個仔食，今日經過kfc，就買咗兩個頭葡撻俾佢食。呢個小朋友，只食過蛋撻，之前從未食過葡撻！小朋友先食葡撻嘅蛋黃部分，用匙羹一啖一啖咁筆黎食，之後再剪碎外皮，用手一舊一舊咁攞嚟食。小朋友表示好好味呀，愛不釋手，自己一個食晒兩個葡撻啊。今晚不用食晚飯了，不過本人都覺得KFC嘅葡撻係好好食嘅，價錢亦都唔貴，成個KFC最值得食嘅就係葡撻啦。佢哋嘅質素保持住一個水準，無論個葡撻擺幾耐都好好食。…查看更多

同個仔去到中環，都唔知食咩好，小朋友又鍾意扎扎跳，坐唔定，去啲靜嘅地方就唔適合，行咗一個圈最後見到Jolibee，然之後就入咗去啦。中環嗰間Jolibee，其實分兩層㗎，上面嗰層係Takeaway order，如果堂食其實可以去下面嗰層買。由於我係第一次去食啦，我喺上邊買，攞住食物，拖埋個仔，慢慢行落一層樓梯，落下層坐。啲嘢食其實就好一般啦，熱狗太細隻啦，個包又硬得滯，意粉嗰啲係罐頭醬，杯熱朱古力唔錯，嗰啲雞擺得太耐啦 又唔盟又好多油。。…查看更多

山長水又遠，黎到南丫島，唔係唔食富記呀？去親離島，唔知點解，就自然會想食海鮮，其實海鮮真係周街都有啦，但點解要去離島食呢？答案就係，有另一番風味囉。首先去離島嘅心情好輕鬆，而且仲要同一班朋友去，我哋今次重要著韓服，真係好想食好好味嘅嘢呀！富記真係唔會令你失望，帶子蒸得剛好，配上蒜蓉豉油同粉絲，真係絕配！炸大頭蝦都好好食呀，揸到好酥脆，殼都可以食埋呀！條魚就更加唔使講，清蒸得剛剛好熟，肉好滑，豉油加上蔥花薑絲，亦好好食！會再黎…查看更多

第四波冇得堂食，唯有買外賣食啦，買啲熱食外賣，又好似食唔到原味，炸嘢就更加不用說了！壽司外賣視乎係一個不錯的選擇，呢間活一鮮，係西環有好耐歷史啦，出名街坊價錢，高級既享受。買咗兩盒壽司，晚上六點後外賣自取有九折，咁多加埋都唔使$300 ，真係唔算貴，買嘅都係好普通嘅壽司種類，但係可以令普通嘅壽司，整到好好食，咁就係佢地既本事！我特別鍾意佢哋既米，高手過招，贏在細節。唔明我講乜嘢，自己去試吓就會明白啦。…查看更多

響K11 Museum行到攰攰地，好想坐低飲杯嘢食少少野，咁啱俾個金色巨型球裝飾吸引住，唔覺唔覺就行左過黎 Giovanni Pina !我食嗰陣係下晝四點，仲有T set，百零蚊，飲杯coffee，食小小野，價錢唔算貴，我全出面Sofa ， 一路食嘢，一路睇d人行黎行去，感覺都幾得意！杯咖啡都幾好飲，Sandwich都OK, 整體唔好，環境都好舒適， sofa 都好坐呀, 一個人靜靜地，係唔錯既選擇！旺中帶靜，靜中帶旺。…查看更多

好耐無去石澳，今日要玩餐飽，食過夠，無意發現咗呢間cafe!臨走先發現呢間Cafe，雖然已經食飽，都要去食個甜品飲杯酒。大年初二，呢間Cafe非常爆場，外國人為主，氣氛非常之熱鬧，佢仲有一個露台，對正石澳個沙灘加海景，真係好舒服。我哋食飽咗先來，所以有人叫左一杯嘢飲，同埋一個小食一個甜品。嘢飲飲紅酒，價錢唔平啦，都要$60-$70一杯！薯條，係粗薯條，唔知佢炸左幾耐，攞出嚟係林嘅，甜品都係好一般，又貴又麻麻地！…查看更多

呢個世界上，你最拒絕唔到嘅角色，就係啊仔想食，媽媽我想食冬甩，死未？重唔即刻落街買咩，重要比啊仔揀，驚買唔啱佢口味我自己就好小食，因為係堅肥既，又炸又糖，食其他野好過啦！不過小朋友想食就食啦，今次買左三個，評價就係，甜，甜，同好甜...因為我真係麻麻地甜，所以真係唔係好識評價，朱古力係ok 既，不過都係甜！啊仔好鍾意食,一個人可以食一個半，食到要叫停佢，真係多多都食到，食完要緊得刷牙呀，因為真係好甜呀！…查看更多

越北越開越多，新店嘅裝修亦都好新穎，走年輕人路線，食物嘅種類亦都越來越多，開咗好多新嘅市場，餐牌亦都會轉換。今日同老公都放假，就去咗越北食下午茶，我叫左半隻燒春雞，佢叫咗一個喇沙，再加多一客最愛的蒜蓉牛油雞翼。由第一次食就愛上既蒜蓉牛油雞翼真係冇令我失望，去過其他地方食都不及越北的好食，牛油味好香，蒜蓉味亦都好香，互相互相配合得好好，雞翼係大大隻既雞翼，散叫係優惠！我哋嗰兩個下午茶餐加特飲，都係算吧啦，越做越差，不倫不類，完全唔好食，如果唔係有雞翼，真的不會再去。…查看更多

呢個海南雞飯會分三部分評論，第一，個醬，個醬真係唔係咁好食，連求其係街買一支醬都好食過佢，真心覺得無醬好過有醬！第二d雞，d雞不過不失，但如果用冰鮮雞煮，已經係唔錯，當然一定無泰國咁好食啦！最後係個飯，成個海南雞飯，最好食係個油飯，好香，唔油，軟硬適中，唔錯。$43蚊黎講，已經係好唔錯，一分價錢一分貨，咁既價錢，食飽就算！題外話，666一開張果陣，海南雞飯係$25，不過份量就好小，食兩碗都唔飽，依家咁重好啦！…查看更多

The lunch buffet price really really really low , must need to go to try !Lunch buffet have oysters, oh my god and have seafood ,sashimi a lot of sweeties, I am so surprised that have oysters but in fact oysters taste very light no salty enough but never mind !…查看更多

Station 前身係 Hot Dog , 未生BB前都成日幫襯, 係高質食物！之後執左變左做Station , 都要試下，但黎過好多次先試到，因為成日都收好早，飲品都小食既種類都唔小，今次就試左個肉燥雞翼飯，我本身以為會係台式既肉燥，但唔係，應該係中式，因為食到有淡淡八角既味道，肉燥就唔夠味，但雞翼就炸到好好食， 整體不過不失啦！$40 飯加野飲外賣，想讚既係外賣紙盒，雖然容量好細，男士可能會唔夠飽，但勝左環保，我諗成本應該比膠盒貴，但外賣不用加錢，小店要生存不易呀，努力吧！…查看更多

Oysters Bar唔一定要食蠔既，食個burger 飲杯咖啡☕️都得既！天氣好好的一天，有太陽但唔算太熱，所以揀左一間有室外既餐廳食午餐，估唔到有驚喜喎！個Burger 層次好豐富，睇相都知要用刀叉食啦，個包係黑色，食唔出係咩味，但入面既材料就超正，有炸蠔，菠蘿片，本來係配牛肉的，但本人唔食牛，所以轉左做雞扒，加埋一自制醬料，真係好好味，薯條都做得唔錯，熱辣辣外脆內軟配埋惹味辣粉，正.可encore!…查看更多

行過想食泰國野就入去食個下午茶，叫左個豬脾飯！賣相好一般，豬脾肉好似煲湯豬肉，又鞋又un又無味，配泰式辣醬好唔夾，所以都無點食個醬，d飯就正正常常，無奶茶無咖啡，飲左個百花蜜，好甜，飲左一啖就無飲了！呢個價錢也就算了吧！但覺得浪費左d食物。另外想講係d服務，服務真的唔好，d姐姐好似好趕時間咁，趕落單，趕埋單！我見有張枱想要幾杯水，啊姐放低杯同一壺水就走左去！另外一枱客，個客諗耐小小，們啊姐就直接走左去，好野，今時今日咁既服務態度！…查看更多

Oh!!睇個餐牌真係估唔到d野食會係點，咁就睇下包含嘜嘢食啦！套餐一個Main course加一杯飲品，我選擇咗飲Fresh orange juice, 估唔到黎到竟然係咁靚，都幾開心架。煙三文魚有smoked 既味，好新鮮，吉隻蛋漏啲蛋黃汁出嚟好治癒啊！顏色配搭都唔錯，不過味道就無咩味，可能係用普通雞蛋吧！再食落去就係d蔬菜，最後係吐司，我諗佢嘅原意係想啲蛋汁一層一層咁漏落去直到去到多士到，但實際效果做唔到，吐司好硬，好難咬呀！…查看更多