MasterPeter的個人專頁

今時今日, $45可以食到咩? 係好多野都食唔到, 或者食唔飽>< 但係這間順酸辣粉可以叫到個滷水豬手飯仲,凍飲加$3 你話抵食唔抵食??? 豬手有4大件, 一睇就知滷得入味, 咬落去好淋同好重花椒八角味, 咸中帶甜, 一食便知一定係用左陳年滷水汁去滷。 係超市買既滷水汁就算點調都一定調唔到咁既味道, 所以話要食滷味一定要出街食~~~除左豬手, 碗飯仲好似台式滷肉飯咁加左D滷肉碎同菜, 令到成件事無咁膩, 好吃, 值得再吃。…查看更多

約左朋友食晏，佢係尖沙咀番工，咁就決定去厚福街啦，多野食麻：Ｄ行到最入就有一座大廈，見腳３樓有間韓國野喎，諗唔唔諗就搭LIFT上去啦！午市餐牌有好多款定食，分別唔同價錢，我同友人就點左炆牛肋骨定食AND石頭鍋飯，好快侍應就拎左Ｄ前菜比我地，有差唔多6款 -- 泡菜、青瓜、蛋卷、芽菜、菠菜、南瓜，味道就一般啦，但還是唔錯嫁。炆牛肋骨定食 -其實係牛肋骨煲, 另外跟飯同湯, 牛肋骨煲內當然有牛肋骨, 白蘿蔔同紅蘿蔔. 牛肋骨炆得唔錯，所有材料都煲得好入味, 帶甜的湯底全都滲入了食物內，其實幾中式下ＸＤ石鍋拌飯定食 --好快石頭鍋飯都熱辣辣咁送到黎我前面，常規材料都有齊，生蛋， 芽菜，紅蘿蔔絲，肉絲，紫菜絲，茹絲等等。２個飯都算ok總算滿意既一餐。 …查看更多

世貿中心新開了不少新店子，當然沒可能在短時間試光它們，在那夜試過了整天都排長龍的海南少爺之後，之後就找了另一個午市時份，來試旁邊從九州來的神屋流博多道場。是一整份套餐的來，所以也沒可能待至最後才喝味噌湯了，因為凍了更不好喝，味噌湯內只有極少的昆布及蔥花，連一粒豆腐也沒有，喝起來麵豉味不濃不太香，慶幸是至少不死鹹吧；在豚肉飯定食內的野菜沙律其實是吞拿魚生菜沙律，面再加了點蟹柳，對蟹柳沒什麼好感，沒什麼好評了，生菜卻是很爽口，蕃茄也是鮮美，但由於沙律醬撈吞拿魚的份量奇少，又沒有伴其他醬汁，所以這個沙律吃起來有點似吃草的感覺。另外兩款小食是一點漬物及一些小形的煮物，這個類似關東煮的東西，其蘿蔔很軟腍，加上數粒香香的冬菇，淡淡又帶點菇香，味道配合得宜；另外的漬物是漬蘿蔔及一點鹹魚仔，漬蘿蔔爽口夠鹹香，而鹹魚仔其實用上了如鰻魚汁的醬汁漬過，味道濃得來有甜香，魚仔不太脆但還帶點咬口，用來下珍珠米都算不錯。…查看更多

是晚朋友生日BOOK左係樂園慶生, 我有事所以遲到, 地點都很近地鐵, ISQUARE一出就到所以都幾易搵, 一入到去就見到隻好可愛既貓仔行來行去, 好像親善大使, 十分討人喜愛!!我地叫左個怪獸雪糕餐, 份量係跟人數, 有沙律小食主菜飲品同一杯怪獸雪糕, 碟碟都好巨型, 成班男仔都唔驚, 我比較喜歡佢個煙三文魚沙律, 由意大利醋和欖油拌勻, 酸酸地幾醒胃, 而且羅馬菜同車厘茄都很新鮮, 比較健康。小食幾乎都以炸為主, 每款都算香口而且美味, 最好食係流心芝士丸, 咬下去即有熱辣辣既芝士漿流出, 芝士味很濃, 正!!可惜每人得一粒!! 主菜樣樣都很大盤, 款款都好吃, 豬仔骨啖啖肉, 而且唔乾身好外面包著很多醬汁, 惹味!! 海鮮燴飯海鮮很足料, 特別係鮮魷魚很彈牙有口感, 粒粒飯都有很濃既茄汁同香草味, 酸酸甜甜很開胃。而且可以一提, 我把口一食味精就會勁口渴, 但係而度係完全食唔到味精, 值得加許!!食完灑飯, 侍應姐姐好快幫我地清灑枱面既野, 我地就開始玩三國殺(呢度有好多boardgames 可以借黎玩) 玩左一陣突然全場黑灑熄灑燈, 原來係出雪糕, 我見有幾枱都有點, 睇黎黎親好多都係慶生, 我地見其他人唱生日歌我地都跟唱, 氣氛都唔錯, 個怪獸雪糕上枱係堅嚇親, 成個頭咁大個, 我相信無咩人係可以ko到佢! 開返燈, 侍應姐姐就輪住同我地每枱影張即影即有, 原來會有一張即影即有相連卡送返俾我地, 都幾靚, 真係好有心思, 很喜歡面頭個句"be yourself n happy", 係啦, 做人就最緊要做自己同開心!! 另一位侍應哥哥就俾餐具我地, 不過我地勁耐都未食得住, 因為有一班同行既港女不停同杯雪糕玩自拍, 差d溶灑都未食得 不過我地真係過左一個歡樂既晚上, 值得再去!…查看更多

是晚朋友生日, 他想試呢間德美, 聽講好像很好吃, 即日打電話來book位都仲有位, 但上到去見門口好多人排隊等位, 心諗好彩有book位!朋友一早就到, 點了些前菜, 如牛油果沙律, 牛油果算新鮮, 但可能加左芝麻醬拌勻既關係, 牛油果很快便出水, 令到味道變淡, 德美玉子, 外表印有德美二字, 但很普通, 沒有蛋香, 無咩味道。 之後我地再點了一客壽司拼盤 和炸蝦天婦羅卷, 那份拼盤價值$3xx, 不過本人一點都不覺得值, 刺身算是新鮮, 但一點也不驚喜, 天婦羅卷是挺大的, 但一食下口便散了, 一點也不實, 失敗!! 最後因為不夠飽關係我地點了個牛肉鍋, 好彩個鍋算不錯, 牛肉新鮮配濃郁既甜鼓油湯底一絕, 而且可以吃出沒有加味精, 入面仲有日本粉絲, 粉絲偏偏的較彈牙, 不錯!!! 但最後埋單$800 一點都不覺得值, 好像食緊板長元氣的水準但收雙倍價錢, 真係唔多值, 性價比很低! 而且位與位之間都很逼, 咁既價錢真係唔會有下次!!…查看更多

黎三聖村一般都係食海鮮，因為有成條海鮮街你買海鮮然後去酒樓加工，海鮮價錢比西貢等遊客區平2，3成，所以識食有車一定識揀三聖村，而加工酒樓有平有貴，今次我地一行6人揀左間最貴的，就係想試下係咪真係煮功比幾他好！成餐飯成張枱都係海鮮，我地連飯都沒有叫，名乎其實海鮮餐，講返呢度既煮功我覺得同其他酒樓差唔多，其實海鮮只要靚同新鮮，點煮都好食，唯一係坐得舒服D，枱同枱之間空間大D，其他其實分別不大，所以下次可以不來！！今次煮得最出色我認為係果皮蒸鮑魚，第一呢度用既果皮好香，而且鮑魚洗得好乾淨，第二就係一個無得輸既豉油汁，一齊蒸完全帶出鮑魚既鮮味，第三係蒸既時間剛剛好，鮑魚食落口係超彈牙 鮮同散發出淡淡既果皮香同葸香！！ 配合刀叉食係絕對一流既享受！！另外，蒜蓉蒸扇貝又係蒸得時間剛剛好，因為今次選了特大扇貝，一來便10隻了，一次過蒸要好小心火喉，時間太長或太短扇貝都會變得不好吃，這果是剛剛好熟不乾身，肉質爽口且蒜蓉味出灑黎，配粉絲一起吃又是一絕！！其他菜式也好吃，不過加工費真的很貴…查看更多

前排黎食左個類似許留山既多芒小丸子，不過差D，今日同朋友係尖沙咀食完飯，又想再吹多陣水，所以走去食糖水，但係厚福街間間糖水鋪都超多人排，我地唯有揀間最少人既，呢間甜蜜蜜又當選，可能今次我無咩期望，所以反而有驚喜。因為最近天氣凍，主攻熱食，最後揀左個朱古力梳乎里，等左大約十五分鐘一上枱己經聞到好香奶油味同朱古力香，仲有好多朱古力粒係上面，一入口係熱乎乎，超鬆軟，好似海綿蛋糕既質感，之後感受到朱古力粒係口入溶化變成朱古力汁，感覺很溫暖，佢仲跟左個朱古力醬，我再加D落去一齊食，食完真係好心暖，為頭先係出便等15分鐘補返數，雖然咁朱古力，但因為梳乎里係蛋白打成，所以都唔算漏，一個人絕對可以KO灑！！！…查看更多

相信係香港居住既香港人，對沙嗲王呢個名都唔會好陌生架喇，當然係因為佢係連鎖店既關係，再埋另外佢既質素又不錯，所以大家都一定會試過同聽過。早幾天家姐比左數張沙嗲王coupon我，叫我去食。前幾日，同朋友係銅鑼灣行街，行到7點左右,大家都肚餓，行經銅鑼灣廣場，抬頭一看見到沙爹王的燈箱，便去了銅鑼灣沙嗲王。坦白講，我都已經很耐無係沙嗲王吃飯了，還記得之前每次來到沙嗲王開飯，總會點招牌菜白咖喱豬扒飯，因為這咖喱豬扒飯百吃不厭。今次都不例外，我就點了白咖喱豬扒飯，以長形的碟子盛載，煎得金黃的豬扒，有份量咖喱，侍應將之送到桌面個時，已經聞到佢既香味，佢既招牌白咖厘係好重同好香忌廉味，但又會食到咖喱味，真係好啱我呢D又唔食得辣又真食咖喱既人，而且白咖喱跟炸豬扒又係出奇的夾，豬扒雖然炸但肉質仲好滑好多汁，一口豬扒一口咖喱真係撈飯好幫手。我地仲叫左好多食野，蝦春卷、雞軟骨、炸軟殼蟹、薄餅等等。雞軟骨同軟殼蟹又係炸得好香口但唔油，唔會食完好想飲水，送啤酒真係一流，同我印象中既味都係一樣，都係咁好味，保持到一貫水準，唔怪得愈開愈多分店。…查看更多

上一兩個星期前，跟朋友有個聚會，之後大家都相約話要去食下泰國野，我有個朋友即刻講笑，話要即刻打去訂番幾張機票先得。坦白講，係香港真係好幸福，咩菜都可以搵到食到，當然唔少得泰國菜。跟著我地係泰簡單訂了位吃晚飯，由於我地有訂了位8點鐘左右，不過我地都早到左15分鐘到,怕遲到會無位，原來佢呢度有室外位，我地係坐室內位，不過我諗冬天坐係出面會唔會有可能凍到飛起，或者d野食會好快放涼。我地叫左好多野食，有咖喱蟹， 相當大隻，而且肉質彈牙，有咖喱味又不會太辣，怕辣既朋友都不用怕、 炸蝦餅炸得外脆鬆化入內的蝦膠打得很彈牙， 點埋泰式辣醬係一絕、炭燒豬頸肉， 呢個燒得都幾香，啖啖炭味但没有很燶的感覺，肉質爽口又唔算太肥，食多幾件都唔漏、沙嗲串燒算係大件，而且沙嗲醬好多包圍灑肉，雞肉串最驚喜，因為有雞味而且肉質很滑，以串燒黎講唔乾身仲好JUICY，值得食完再食，所以我地再ENCORE。咖喱蟹方面，呢度菜最令我開心既地方係唔洗自己剝蟹，食咖喱蟹唔駛攪到成手都係，廚師已經將蟹肉拆出來用咖喱輕炒，我地可以啖啖蟹肉咁食，加埋碟旁不同款式的餅，一齊食，都幾match。整體黎講，大家都覺得不錯，但就真係沒有係泰國食既咁辣，應該係為了形合香港人口味，可以理解。…查看更多

碰巧要到銅鑼灣上課，打算跟朋友在銅鑼灣行下街，係未行街之前大家都想醫下肚，順便坐下，過下時間一陣去睇戲，原本我地都打算搵下間cafe仔度坐下，但我地行左去加路連山道個邊，都唔近我地平時去開個間cafe，之後我地就好隨便地找一家西式食肆來吃。見到有呢間野，最後因為不用等太久而且又覺得佢地個午市套餐都算叫做抵食而入去試下，其實個時都係１點幾２點到。如果個時唔係隔離間餐廳排晒長龍，我諗我地都唔會試呢度，試落呢度ｄ野真係幾唔錯喎，我叫左個蕃茄汁海鮮意粉加埋個忌廉蘑菇湯，佢個份量不錯，蕃茄汁的醬底食得出不是罐裝，亦都唔係淨茄汁， 仲可以食到粒粒新鮮蕃茄肉同洋葸粒， 令口感更豐富。忌廉蘑菇湯令我加不少分，真心讚，第一上枱仲熱辣辣，唔係好希用粉打出來的湯，係用大量雜菇香草攪拌出來，很香草菇同香葉味，仲帶有淡淡的忌廉味，水準拍得上酒店級，食物質素不錯，服務方面都好有禮貌，至於環境，舒服而且可以傾到計。我相信我之後都應該會再黎試下另外既菜色。…查看更多

首先，自己就從未去過這種有關貓的 Cafe，真的很特別，其實係我同幾位朋友上去，係朋友帶我上去，自己又係第一次去。因為其中有朋友好鍾意貓，同一大班朋友去左阿貓地攤食下野同玩下貓。位於銅鑼灣樓上舖既阿貓地攤，地點都算係易搵。先講講，就係個環境很柔和，幾舒服，加上咁多可愛既貓。雖然入面地方唔算好大，但係上到去入面已經超多人，不過好彩我地有book位。講真，黎得呢度主要都睇下貓咪，同朋友傾傾下計，間不時都會有貓貓行近我地度，呢度既環境真係幾好幾舒服。我地都叫左好多野，例如雞中翼螺絲粉, 份量都幾多， 甜甜酸酸好開胃， 入面仲有新鮮蕃茄， 好健康，雞中翼都醃得好入味，不過煎得唔太香口，如果可以用炸會比較好。煙三文魚天使麵，三文魚份量唔係好多，不過勝在忌廉味濃加上炒得到好香口、貓貓pizza就普普通通無咩特別等等。總括黎講，野食黎講都不過不失，咁當然就未去到頂級，亦都不會同其他高級餐廳去比較。呢度既賣點當然係咁得意既貓貓。愛貓既人，絕對要上黎食下野睇下。…查看更多

朋友生日, 唔知食咩, 我之前都想試呢間野, 好像是專為別人慶生, 所以今次就選了這間, BOOK位時注明有人生日, 可以點一個甜品, 當日會幫我地寫上祝福字眼, 當然蛋糕是收錢的, 而且其實只係一人份量既蛋糕仔, 索價$90 , 食完之後我覺得沒有想像中咁好!! 有點失望!!第一係呢度選擇少, 成張MENU得兩頁, 一係叫SET, 但係位位$300 而且又無小食得主菜!真係選唔落手!第二係份量好少, 無論係小食主菜, 份量都一定唔會食得飽你, 但係價錢比出面貴, 百幾蚊個小食每人分得一口, 幾好食都無用!!!而且呢度裝修我又唔見得要收人咁貴, 我以為我去左法國餐廳!!第三, 服務都唔係好得, 唔幫人收盤, 要叫先加水, 我真係覺得呢度無咩服務, 完全令人失望!!!…查看更多

我同女朋友拍左拖4年, 今年結婚了, 呢間秋田都係我地節日常到既餐廳, 第一次係我生日, 第二次係週年紀年, 第三次係我媽咪生日, 今次是慶祝聖誕節, 因為工作關係, 我們慶祝要在BOXING DAY, 其實對於我黎講都無咩所謂, 因為我覺得開心, 日日都係節日, 而家就是這樣子, 節日只係俾個好理由再食好DD而已!我地對個MENU都好清楚因為基本上佢係無改變過, 所以我地每次基本上都係叫返同一個餐, 又係有龍蝦, 有飽魚, 有和牛既套餐, 基本上食材次次都係好新鮮, 所以唔洗落咩味料已經好鮮味同好吃, 而且看著師傅係我地面前煮食, 又是一種享受, 慢慢吃慢慢傾計, 第一次黎會俾佢放火燒龍蝦頭嚇一嚇, 不過睇多了沒有太大驚喜, 反而係我未來老婆依然看得高興, 是的, 她就是一個易滿足的人!!! 而最後炒飯會有砌公仔環節, 第一次我女朋友為我點了隻熊貓, 第二三次我地都沒點, 今次女朋友要求了砌HELLO KITTY, 跟我們一枱還有兩對, 點了唐老鴨同青蛙, 感覺好似去左動物園, 不過可能用色太多, 所以炒出來的飯味道有點怪!!哈哈 …查看更多

每年12月31日我都會同中學同學一齊倒數, 今年都唔例外, 因為度度都難BOOK位, 其中一個BOOK左呢度, 所以本來對放題都無咩期望, 但係黎到發覺食物款式又幾多, 而且質素都不俗, 值得推介!!首推係刺身, 絕對係回本必叫, 因為我地成十幾人, 所以一上就好大盤, 而且仲要係兩大盤, 講真真係超級多同算新鮮肥美, 毫不吝惜, 美中不足是沒有吞拿魚刺身, 其中有位同學很愛吞拿魚, 所以有點不開心, 不過甜蝦刺身鮮甜彈牙, 我地每人起碼吃了10隻, 單是份量已經大叫爽爽爽, 而且其他燒物都不錯, 推介燒冬菇, 乾食得黎入面仲有汁, 很好吃, 夀司都唔錯, 唔會整到大大件飯逼飽你, 火炙三文魚上面加芝士, 無得頂!!而且埋單算好抵, 每人$250, 係12月31日黎講性價比無得輸!!…查看更多

尖沙咀食完飯, 食糖水首選係黎厚福街搵食, 最近又開左幾間新野, 有食雪糕既, 但係不設堂食, 是晚黎到剛好間間都勁多人, 見呢間比較少就揀左排呢間!!!入到去見到其實都幾多款, 花多眼亂, 款款都好似幾特別, 不過最後我呢D老野都係揀返D平時食開既, 叫左個好似許留山多芒小丸子既物體, 但係入面就加左爆爆球同芒果雪糕, 心諗實無死, 仲多左幾樣野, 抵過食許留山, 點知一食落口, 個味道真係比唔上許留山, 一來唔夠佢咁凍, 而且芒果唔夠許留山咁好食, 所以連個芒果汁個底其實都無人地咁好味, 係得個小丸子同人地係一樣, 都算做煮得淋, 口感搭夠!!!總括來說, 如果要抄人地既成名作我希望佢係整得好食個原著!!!希望甜蜜蜜可以改善下!!…查看更多