mochiamiba的個人專頁

之前開幕一直想黎，今日終於約齊班老朋友一齊試，叫左個墨西哥辣肉醬意粉，真心正，上面厚厚一層芝士。同平時喺茶餐廳又或者大嘟樂食到嘅完全唔同，名捌月嘅肉醬一點一滴都係真材實料，新鮮嘅蕃茄加上秘製嘅辣肉碎，填滿咗每一條長通粉嘅空心。長通粉煮製時間控制得好完美，唔會太軟，硬度適中，入焗爐後亦唔會太乾。越簡單嘅嘢越難整得好食，肯喺肉醬，通粉等等細節上面花心思，就係呢一個一main dish令我一試難忘嘅原因。…查看更多

住左麗城半年，依家先留意到有間咁高質嘅cafe，餐廳係保齡球場上層，座位寬敞舒適，環境令人放鬆。本來冇諗住打食評，所以冇乜點影相，但見咁有水準嘅cafe因地理位置而被忽視覺得好可惜。食完感覺: 價錢大眾化，非常之好食，而且老闆娘完全冇同你慳料，食得好滿足，老闆娘服務態度都好好，CP極高！點左雙重芝士蕃茄牛肉薯條 同芝士牛肉Burger。睇圖可以見到，雙重芝士真係好重手，每條薯條都有長長嘅拉線，而且非常大碟，真係芝士控幸福嘅極致另外芝士牛肉burger都唔執輸，50蚊都唔洗，塊牛非常厚，熱熱地半熔芝士配搭下真係完美，下次再黎會試下流心芝士Ps仲有個肉醬千層唔記得影…查看更多