Blanche333的個人專頁

食完睇番啲食評先發現好多人話佢做生意唔老實，估唔到真係中伏。我哋去飲早市，叫咗斑蘭生煎豬肉餃，嚟咗斑蘭生煎包，我哋冇叫佢換，照食，到埋單嗰時諗住叫佢張單轉番做斑蘭生煎包，因為生煎包係比煎餃平一蚊，我仲特登影埋相俾佢睇當時係嚟咗包，點知個女部張死口話係餃嚟，唔肯轉番張單，真係當我哋傻，仲話我哋冇斑蘭生煎包，到我喺個餐牌指個斑蘭生煎包俾佢睇，佢又話個包係白色，唔係咁，真係指鹿為馬到一個點。我見只係差一蚊就唔同佢糾纏，不過顯示出佢哋做生意好唔老實，冇生煎餃咪同我哋講囉，唔使咁核突嘅。雖然食物同個景係幾好，不過做生意唔老實即刻扣晒分，唔會再有下次。…查看更多

一直聽聞Potato Corner啲薯條好正，但我其實仲想試佢嘅薯寶（Tater tots），shake shake薯寶喺香港冇乜邊度食到，所以好想試。今日終於嚟到試，果然係即叫即炸，食落夠晒熱辣辣，脆卜卜。食落就好似迷你薯餅，不過就脆過老麥嗰啲我揀咗Jumbo同Sour cream and onion味，唔會太濃味，食落味道恰到好處。整體真係冇令人失望，份量就算係Jumbo都唔少，幾抵食，值得推介！下次試埋佢哈哈笑薯餅（Smiley）先…查看更多

首先，間野餐牌得好少選擇，我地有叫生菜沙律，馬介休球，燒葡國腸，鴨肉飯。個馬介休球食落十足純薯仔泥球，完全食唔到有馬介休，有被欺騙之感覺。生菜沙律完全冇沙律醬，淡而無味，而且只有一個份量選擇，非常大盤，唔理你食唔食得晒，就收得好貴！燒葡國腸亦唔抵食，一條就要90蚊。唯一可取就係鴨肉飯，尚算好食同足料。總結嚟講，唔想推介佢 。…查看更多